കേരളത്തില്‍ പ്രവര്‍ത്തിക്കുന്ന സി.ബി.എസ്.ഇ., ഐ.സി.എസ്.സി, നവോദയ, കേന്ദ്രീയ വിദ്യാലയങ്ങള്‍ തുടങ്ങിയ സ്ഥാപനങ്ങളില്‍ നിന്നുള്ള കായിക താരങ്ങളെ പങ്കെടുപ്പിച്ച്  കേരള സ്റ്റേറ്റ് സ്‌പോര്‍ട്‌സ് കൗണ്‍സില്‍ സ്‌പോര്‍ട്‌സ് മീറ്റ് നടത്തും.  കേന്ദ്രീയ സിലബസില്‍ പ്രവര്‍ത്തിക്കുന്ന എല്ലാ സ്‌കൂളുകളിലും പ്രാധാന്യമുള്ള കായിക ഇനങ്ങളില്‍ മാത്രം മത്സരം നടത്താനാണ് തീരുമാനം.  ആദ്യ സംരംഭം എന്ന നിലയില്‍ ഇപ്പോള്‍ അത്‌ലറ്റിക്‌സില്‍ മാത്രം മത്സരങ്ങള്‍ സംഘടിപ്പിക്കും. അടുത്ത തവണ വിപുലമായി കായിക ഇനങ്ങളുടെ എണ്ണം വര്‍ദ്ധിപ്പിച്ച് മത്സരങ്ങള്‍ നടത്തും.

സംസ്ഥാന തണ്ണീര്‍ത്തട അതോറിറ്റിയിലേക്ക് കരാറടിസ്ഥാനത്തില്‍ ഒരു വര്‍ഷത്തേക്ക് പ്രോജക്ട് സയന്റിസ്റ്റിനെയും ഒരു ഡാറ്റാ എന്‍ട്രി ഓപ്പറേറ്ററെയും നിയമിക്കുന്നു.  യോഗ്യരായ ഉദ്യോഗാര്‍ത്ഥികള്‍ യോഗ്യത തെളിയിക്കുന്ന രേഖകള്‍ സഹിതം സംസ്ഥാന തണ്ണീര്‍ത്തട അതോറിറ്റി ചീഫ് എക്‌സിക്യൂട്ടീവ് ഓഫീസറുടെ കാര്യാലയത്തില്‍  (പരിസ്ഥിതി, കാലാവസ്ഥാ വ്യതിയാന ഡയറക്ടറേറ്റ്, പള്ളിമുക്ക്, പേട്ട, തിരുവനന്തപുരം) ഡിസംബര്‍ 27 രാവിലെ 11 ന്  നടക്കുന്ന അഭിമുഖത്തില്‍ പങ്കെടുക്കണം. കൂടുതല്‍ വിവരങ്ങള്‍ക്ക് www.envt.kerala.gov.in 

പി.എന്‍.എക്‌സ്.5353/17

സര്‍വ്വേ ആന്റ് ലാന്റ് റെക്കോര്‍ഡ്‌സ് വകുപ്പില്‍ സര്‍വ്വേയര്‍ ഗ്രേഡ് രണ്ട് (കാറ്റഗറി നമ്പര്‍ 415/15) തസ്തികയുടെ നവംബര്‍ ഏഴിന് പ്രസിദ്ധീകരിച്ച സാധ്യതാ പട്ടികയിലുള്‍പ്പെട്ട മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളിലെ ഉദ്യോഗാര്‍ത്ഥികളുടെ ഒറ്റത്തവണ വെരിഫിക്കേഷന്‍ കേരള പബ്ലിക് സര്‍വ്വീസ് കമ്മീഷന്‍ കോഴിക്കോട് മേഖലാ ഓഫീസില്‍ ഡിസംബര്‍ 15 മുതല്‍ 2018 ജനുവരി മൂന്ന് വരെ രാവിലെ 10 മുതല്‍ നടത്തും.

സംസ്ഥാന കേരളോത്സവത്തിന്റെ കായികമേളയില്‍ തിരുവനന്തപുരം ജില്ല  ഓവറോള്‍ ചാമ്പ്യന്‍ഷിപ്പ് നേടി. 55 ഇനങ്ങളിലായി നാലായിരത്തോളം പ്രതിഭകള്‍ മാറ്റുരച്ച കായികമേളയില്‍ 193 പോയിന്റോടെയാണ് ആതിഥേയര്‍ ഓവറോള്‍ ചാമ്പ്യന്‍മാരായത്. 151 പോയിന്റോടെ കണ്ണൂര്‍ ജില്ല രണ്ടാം സ്ഥാനവും 145 പോയിന്റോടെ പാലക്കാട് ജില്ല മൂന്നാം സ്ഥാനവും കരസ്ഥമാക്കി. മൂന്നു ദിവസങ്ങളിലായി യൂണിവേഴ്‌സിറ്റി സ്റ്റേഡിയം, ചന്ദ്രശേഖരന്‍ നായര്‍ സ്റ്റേഡിയം, ജിമ്മിജോര്‍ജ് ഇന്‍ഡോര്‍ സ്റ്റേഡിയം, നീന്തല്‍ക്കുളം, സെന്‍ട്രല്‍ സ്റ്റേഡിയം, വൈ.എം.സി.എ എന്നിവിടങ്ങളിലാണ് മത്സരങ്ങള്‍ നടന്നത്.

വിവിധ ദേവസ്വങ്ങളില്‍ ശാന്തി തസ്തികയിലെ നിയമനത്തിന് ശാന്തി ജോലിയിലുള്ള പ്രവൃത്തിപരിചയം തെളിയിക്കുന്ന സര്‍ട്ടിഫിക്കറ്റുകള്‍ നല്‍കാന്‍ യോഗ്യതയുള്ള ക്ഷേത്രപൂജകളും താന്ത്രികവിദ്യയും അഭ്യസിപ്പിക്കുന്ന സ്ഥാപനങ്ങളുടെ പട്ടിക കേരള ദേവസ്വം റിക്രൂട്ട്‌മെന്റ് ബോര്‍ഡ് സംസ്ഥാനാടിസ്ഥാനത്തില്‍ വിപുലീകരിക്കുന്നു.  ഇതില്‍ ഉള്‍പ്പെടാന്‍ ആഗ്രഹിക്കുന്ന സ്ഥാപനങ്ങള്‍ തങ്ങളുടെ രജിസ്‌ട്രേഷന്‍ നമ്പര്‍, കോഴ്‌സുകള്‍, പാഠ്യപദ്ധതി, പഠനരീതി തുടങ്ങിയ വിശദവിവരങ്ങളും തെളിയിക്കുന്നതിനുള്ള രേഖകളുണ്ടെങ്കില്‍ അതിന്റെ ശരിപകര്‍പ്പും സഹിതം സെക്രട്ടറി, കേരള ദേവസ്വം റിക്രൂട്ട്‌മെന്റ് ബോര്‍ഡ്, ആയുര്‍വേദ കേളേജ് ജംഗ്ഷന്‍, എം.ജി.

കോഴിക്കോട് ഗവണ്‍മെന്റ് ചില്‍ഡ്രന്‍സ് ഹോം ഫോര്‍ ഗേള്‍സിലെ മുന്‍കാല താമസക്കാരെ പങ്കെടുപ്പിച്ച് കുട്ടികളുടെ ഒത്തുചേരലിനും അനുഭവം പങ്കുവെക്കലിനുമായി പൂര്‍വവിദ്യാര്‍ത്ഥി സംഗമം നടത്തുന്നു. സംഗമത്തില്‍ പങ്കെടുക്കുന്നതിന് എല്ലാ മുന്‍കാല താമസക്കാരും ഡിസംബര്‍ 28 ന് രാവിലെ 9.30 ന് കോഴിക്കോട് ഗവണ്‍മെന്റ് ചില്‍ഡ്രന്‍സ് ഹോം ഫോര്‍ ഗേള്‍സില്‍ എത്തിച്ചേരണം.

പി.എന്‍.എക്‌സ്.5349/17

ഇതര സംസ്ഥാന തൊഴിലാളികള്‍ക്കുവേണ്ടി സംസ്ഥാന സാക്ഷരതാ മിഷന്‍ നടപ്പാക്കുന്ന സാക്ഷരതാ പരിപാടി (ചങ്ങാതി) രാജ്യത്തിനുതന്നെ മാതൃകയാണെന്ന് തൊഴില്‍ വകുപ്പ് മന്ത്രി ടി.പി. രാമകൃഷ്ണന്‍ പറഞ്ഞു. ഇതു സംബന്ധിച്ച തദ്ദേശ സ്വയം ഭരണ സ്ഥാപനങ്ങളുടെ പ്രതിനിധികളുടെ യോഗം ഉദ്ഘാടനം ചെയ്യുകയായിരുന്നു അദ്ദേഹം. 

    സാക്ഷരതയില്‍ കേരളം ഒന്നാമതാണ്. പ്രാദേശിക സര്‍ക്കാരുകളുടെ നേതൃത്വത്തില്‍ എല്ലാ വിഭാഗം ജനങ്ങളെയും സഹകരിപ്പിച്ചാണ് സംസ്ഥാനം ഈ നേട്ടം കൈവരിച്ചത്. സാക്ഷരതാ പ്രസ്ഥാനം കൈവരിച്ച വിജയത്തിന്റെ അനുഭവത്തിലാണ് ഇപ്പോള്‍ ഇതര സംസ്ഥാന തൊഴിലാളികളെ മലയാളം പഠിപ്പിക്കാന്‍ സാക്ഷരതാമിഷന്‍ ഒരുങ്ങുന്നത്. 

ഫെബ്രുവരി മൂന്നിന് നടത്തുന്ന എല്‍.എസ്.എസ്/യു.എസ്.എസ്. പരീക്ഷയുടെ വിജ്ഞാപനം www.keralapareekshabhavan.in പരീക്ഷാഭവന്‍ വെബ്‌സൈറ്റില്‍ പ്രസിദ്ധീകരിച്ചു.

പി.എന്‍.എക്‌സ്.5347/17

റീജിയണല്‍ ക്യാന്‍സര്‍ സെന്റര്‍ തിരുവനന്തപുരം വിവിധ അപ്രന്റീസ് ട്രെയിനിംഗ് പ്രോഗ്രാമുകളിലേക്ക് അപേക്ഷകള്‍ ക്ഷണിച്ചു. അവസാന തീയതി ഡിസംബര്‍ 22 വൈകിട്ട് നാലുമണി. അപേക്ഷാ ഫോറത്തിന് www.rcctvm.org വെബ്‌സൈറ്റ് സന്ദര്‍ശിക്കുക.

പി.എന്‍.എക്‌സ്.5346/17

 എം.ബി.എ പ്രവേശന പരീക്ഷ (2018-19) ഫെബ്രുവരി നാലിന് നടത്തും. പരീക്ഷക്കുള്ള അപേക്ഷ ഓണ്‍ലൈനായി സ്വീകരിച്ചുവരികയാണ്. ഇതിനായുള്ള അപേക്ഷകള്‍ ഇതുവരെയും സമര്‍പ്പിക്കാത്തവര്‍ ജനുവരി 19 നു മുമ്പ് ഓണ്‍ലൈനായി സമര്‍പ്പിക്കണം.

കേരള യൂണിവേഴ്‌സിറ്റിയുടെ ആഭിമുഖ്യത്തിലും മേല്‍നോട്ട സമിതിയുടെ നിയന്ത്രണത്തിലും നടത്തുന്ന കെമാറ്റ് കേരള പ്രവേശന പരീക്ഷക്ക് kmatkerala.in എന്ന വെബ്‌സൈറ്റ് വഴി ഓണ്‍ലൈനായി അപേക്ഷിക്കാം.  സ്വീകരിക്കുന്ന അവസാന തീയതി 2018 ജനുവരി 19. കൂടുതല്‍ വിവരങ്ങള്‍ക്കുവേണ്ടി പ്രവേശന മേല്‍നോട്ട സമിതിയുടെ ഹെഡ് ഓഫീസിലെ 0471-2335133, 8547255133 എന്നീ നമ്പരുകളില്‍ ബന്ധപ്പെടണം.