ക്രിസ്തുമസ്സ്-പുതുവത്സരാഘോഷങ്ങളോടനുബന്ധിച്ച് കേരള ഖാദി ഗ്രാമ വ്യവസായ ബോര്‍ഡ് ഡിസംബര്‍ 18 മുതല്‍ 30 വരെയുള്ള പ്രവൃത്തി ദിവസങ്ങളില്‍ ഖാദി തുണിത്തരങ്ങള്‍ക്ക് 10 ശതമാനം അധിക റിബേറ്റ് അനുവദിച്ചു. ഇക്കാലയളവില്‍ ഖാദി കോട്ടണ്‍-സില്‍ക്ക്-സ്പണ്‍ സില്‍ക്ക് തുണി ഉല്‍പ്പന്നങ്ങള്‍ക്കും ഖാദി-സില്‍ക്ക് റെഡിമെയ്ഡ് വസ്ത്രങ്ങള്‍ക്കും 30 ശതമാനം റിബേറ്റ് ലഭിക്കും. ഖാദിഗ്രാമ വ്യവസായ ബോര്‍ഡിന്റെ കീഴിലുള്ള വില്പന കേന്ദ്രങ്ങളിലും, ഖാദി ബോര്‍ഡിന്റെയോ കേന്ദ്ര ഖാദി കമ്മീഷന്റെയോ അംഗീകാരത്തോടെ പ്രവര്‍ത്തിക്കുന്ന വില്പന കേന്ദ്രങ്ങളിലും ആനുകൂല്യം ലഭിക്കും.

പി.എന്‍.എക്‌സ്.5343/17

പാലക്കാട് ഗവണ്‍മെന്റ് മെഡിക്കല്‍ കോളേജില്‍ ഒഴിവുള്ള അധ്യാപക തസ്തികകളിലേയ്ക്ക് കരാര്‍ വ്യവസ്ഥയില്‍ നിയമനത്തിന് നിശ്ചിത യോഗ്യതയുള്ളവരില്‍ നിന്നും അപേക്ഷകള്‍ ക്ഷണിച്ചു. പ്രൊഫസര്‍ (4) അസോസിയേറ്റ് പ്രൊഫസര്‍ (4), അസിസ്റ്റന്റ് പ്രൊഫസര്‍ (4), സീനിയര്‍ റസിഡന്റ് (9), ട്യൂട്ടര്‍ (3) എന്നീ ഒഴിവുകള്‍ ഉണ്ട്. വിശദ വിവരങ്ങള്‍ ഓഫീസില്‍ അറിയാം.  താത്പര്യമുള്ളവര്‍ അസ്സല്‍ സര്‍ട്ടിഫിക്കറ്റ് സഹിതം ഡിസംബര്‍ 20 ന് രാവിലെ 10 മണിക്ക് പ്രിന്‍സിപ്പല്‍ മുമ്പാകെ കൂടിക്കാഴ്ചയ്ക്ക് ഹാജരാകണം. ഫോണ്‍ : 0491-2000644. വിലാസം : പ്രിന്‍സിപ്പല്‍, എന്‍.എച്ച്-544 ഈസ്റ്റ് യാക്കര, പാലക്കാട് - 678013.

ഊര്‍ജസംരക്ഷണത്തിന് എല്ലാ നൂതന മാര്‍ഗങ്ങളും ഉപയോഗിക്കുമെന്ന് വൈദ്യുതിമന്ത്രി എം.എം. മണി പറഞ്ഞു. സംസ്ഥാന ഊര്‍ജ സംരക്ഷണ അവാര്‍ഡുകള്‍ ശ്രീകാര്യം എനര്‍ജി മാനേജ്‌മെന്റ് സെന്ററില്‍ വിതരണം ചെയ്തു സംസാരിക്കുകയായിരുന്നു മന്ത്രി.

ഊര്‍ജോത്പാദനത്തില്‍ വിവിധ മാര്‍ഗങ്ങള്‍ ഉപയോഗിക്കുന്നെങ്കിലും ജല വൈദ്യുത പദ്ധതികള്‍ക്ക് പരിമിതിയുണ്ട്. സോളാര്‍ സാധ്യതകള്‍ പ്രയോജനപ്പെടുത്തി ബാണാസുരസാഗര്‍ ഡാമില്‍ പുതിയ പദ്ധതി തുടങ്ങിയിട്ടുണ്ട്. ഉള്ള സ്ഥലം ഉപയോഗപ്പെടുത്തി പരമാവധി ഉത്പാദനമാണ് ലക്ഷ്യം. പവര്‍ക്കട്ട് ഇല്ലാതെ കൊണ്ടുപോകുന്നുണ്ടെങ്കിലും കേരളത്തില്‍ വൈദ്യുതോല്‍പാദനം ആവശ്യമുള്ളതിലും വളരെ കുറവാണ്.

കഴിഞ്ഞ ഒരു വര്‍ഷക്കാലം ഹരിതകേരളം മിഷന്‍ നടത്തിയ വിജയമാതൃകകളുടെ പ്രദര്‍ശനം ഹരിതം 2017 മാനവീയം വീഥിയില്‍ ആരംഭിച്ചു. പ്രദര്‍ശനത്തിന്റെ ഔപചാരിക ഉദ്ഘാടനം ഐ.ബി. സതീഷ് എംഎല്‍എ നിര്‍വഹിച്ചു.  ഹരിതകേരളം മിഷന്‍ എക്‌സിക്യുട്ടീവ് വൈസ്‌ചെയര്‍പേഴ്‌സണ്‍ ഡോ.ടി.എന്‍. സീമ അധ്യക്ഷത വഹിച്ചു. ചലച്ചിത്ര, നാടക പ്രവര്‍ത്തക സജിത മഠത്തില്‍ മുഖ്യാതിഥിയായിരുന്നു.

സപ്ലൈകോ മുഖേന ഈവര്‍ഷത്തെ നെല്ല് സംഭരണ നടപടികള്‍ ആരംഭിച്ചു. രജിസ്ട്രേഷനുള്ള അവസാന തീയതി ഈമാസം 25 ആണ്. എല്ലാ നെല്‍കര്‍ഷകരും ംംം.ൗുുഹ്യെരീ.ശി എന്ന വെബ്സൈറ്റില്‍ വിശദാംശങ്ങള്‍ രജിസ്റ്റര്‍ ചെയ്യണം. ഒരു കര്‍ഷകന് പരമാവധി രണ്ട് ഹെക്ടറും പാടശേഖരങ്ങള്‍ക്ക് 25 ഏക്കര്‍ വരെയും രജിസ്റ്റര്‍ ചെയ്യാം. നിര്‍ദിഷ്ട ഗുണമേډ ഉറപ്പുവരുത്തി സംഭരിക്കുന്ന നെല്ലിന്‍റെ വില സ്റ്റേറ്റ് ബാങ്ക് ഓഫ് ഇന്ത്യ, ഫെഡറല്‍ബാങ്ക്, കാനറ ബാങ്ക്, ബാങ്ക് ഓഫ് ഇന്ത്യ, വിജയബാങ്ക് എന്നീ സ്ഥാപനങ്ങള്‍ മുഖേന കര്‍ഷകര്‍ക്ക് ലഭ്യമാക്കും.                                     (പിഎന്‍പി 3391/17)
 

    ഭിന്നശേഷിയുള്ളവരുടെ സര്‍ഗവാസനകള്‍ പരിപോഷിപ്പിക്കാന്‍ കഴിയണമെന്ന് ജില്ലാ കളക്ടര്‍ ആര്‍. ഗിരിജ പറഞ്ഞു. ഭിന്നശേഷിക്കാര്‍ക്കായി കുടുംബശ്രീയുടെ ആഭിമുഖ്യത്തില്‍ നടത്തിയ ഉണര്‍വ് 2017 ബഡ്സ് കലാമേളയുടെ ഉദ്ഘാടനം പത്തനംതിട്ടയില്‍ നിര്‍വഹിച്ച് പ്രസംഗിക്കുകയായിരുന്നു കളക്ടര്‍.  അമ്മമാര്‍ക്കും കുടുംബങ്ങള്‍ക്കും കുടുംബശ്രീ നല്‍കുന്ന വലിയ ആശ്വാസമാണ് ബഡ്സ് സ്കൂളുകള്‍. പ്രത്യേക പരിഗണ അര്‍ഹിക്കുന്ന ഭിന്നശേഷിക്കാരായ കുട്ടികളിലെ കലാവാസനകള്‍ കണ്ടെത്തി അവരെ സമൂഹത്തിന്‍റെ മുഖ്യധാരയില്‍ എത്തിക്കുന്നതിന് കുടുംബശ്രീ ബഡ്സ് സ്കൂളുകളുടെ പ്രവര്‍ത്തനം ഏറെ സഹായിക്കുന്നുണ്ടെന്നും കളക്ടര്‍ പറഞ്ഞു. 

 സുരക്ഷിതവും സൗഹൃദപരവുമായ സമൂഹം സൃഷ്ടിക്കുന്നതിനായി  പ്രദേശിക ഇടപെടല്‍ സാധ്യമാക്കുക എന്ന ലക്ഷ്യത്തോടെ കുടുംബശ്രീ അരക്ഷിത പഞ്ചായത്തുകളെ കണ്ടെത്തുന്നതിന് പഠനം നടത്തുന്നു. തദ്ദേശ ഭരണ സ്ഥാപനങ്ങളുടേയും കുടുംബശ്രീയുടേയും സംയുക്ത ആഭിമുഖ്യത്തിലാണ് പഠനം നടത്തുന്നത്.  അയല്‍സഭകളിലൂടെയും അയല്‍ക്കൂട്ടങ്ങളിലൂടെയുമാണ് പ്രാഥിക വിവരശേഖരണം നടത്തുന്നത്. തൊഴില്‍, ആരോഗ്യം, വിദ്യാഭ്യാസം, സ്ത്രീകളുടേയും കുട്ടികളുടേയും  പ്രശ്നങ്ങള്‍  എന്നിവയെപ്പറ്റി വിശദമായ പഠനം നടത്തി തുടര്‍ പ്രവര്‍ത്തനങ്ങള്‍ ആവിഷ്കരിക്കും.