മഞ്ചേരി ജില്ലാ കായിക സമുച്ചയത്തിന്റെ  നിര്‍മ്മാണം എത്രയും വേഗം പൂര്‍ത്തീകരിക്കുന്നതിന്  പദ്ധതി നടത്തിപ്പുമായി ബന്ധപ്പെട്ട രൂപീകരിച്ച സ്റ്റേറ്റ് ഹൈ പവര്‍ കമ്മിറ്റി ജനുവരി മൂന്നിന് തിരുവന്തപരത്ത് ചേരുമെന്ന് ജില്ലാ കലക്ടര്‍ അറിയിച്ചു. മന്ത്രിമാരായ ഡോ.കെ.ടി.ജലീല്‍, എ.സി.മൊയ്ദീന്‍ ജില്ലാ കലക്ടര്‍ അമിത് മീണ തുടങ്ങിയവര്‍ പങ്കെടുക്കും.കലക്ടറേറ്റില്‍ ജില്ലാ കലക്ടര്‍ അമിത് മീണയുടെ അധ്യക്ഷതയില്‍ ചേര്‍ന്ന സ്‌പോട്‌സ് കൗണ്‍സില്‍ എക്‌സിക്യൂട്ടിവ് യോഗത്തിലാണ് ഇതു സംബന്ധിച്ച തീരുമാനങ്ങള്‍ അറിയിച്ചത്.

ജില്ലാ പഞ്ചായത്ത് സ്ഥാപനമായ എം.ഐ.ഇ.ഡി മലപ്പുറത്ത് നടത്തുന്ന ഒരു മാസത്തെ ബ്യൂട്ടീഷന്‍ കോഴ്‌സ് ഡിസംബര്‍ 26ന് തുടങ്ങും. പങ്കെടുക്കുവാന്‍ താല്‍പര്യമുള്ളവര്‍ 26ന് രാവിലെ 10ന് ജില്ലാ പഞ്ചായത്ത് ഭവനില്‍ എത്തണം.  ഫോണ്‍ 0483 2730464.

ജില്ലാ ആസൂത്രണ സമിതി യോഗം ഡിസംബര്‍ 27ന് രാവിലെ 11.30ന് ജില്ലാ പഞ്ചായത്ത് സമ്മേളന ഹാളില്‍ ചേരും.

തെരുവില്‍ അലയുന്ന കുട്ടികളെയും ബാലവേല, ബാല ഭിക്ഷാടനം എന്നിവയില്‍ ഏര്‍പ്പെട്ടിരിക്കുന്ന കുട്ടികളെയും കണ്ടെത്തുന്നതിനും പുനഃരധിവസിപ്പിക്കുന്നതിനുമായി സംസ്ഥാന സര്‍ക്കാര്‍ - വനിതാ ശിശു വികസന വകുപ്പ് സംസ്ഥാനത്തുടനീളം വിപുലമായ ക്യാംപെയിന്‍ സംഘടിപ്പിക്കുന്നു. ബാലനീതി നിയമം 2015 പ്രകാരം പ്രത്യേക പരിചരണവും സംരക്ഷണവും ആവശ്യമുള്ള കുട്ടികളെ കണ്ടെത്തുകയും  സംരക്ഷിക്കുകയും പുനരധിവസിപ്പിക്കുകയും ചെയ്യുക എന്നതാണ് ക്യാംപെയിന്റെ ലക്ഷ്യം. ഡിസംബര്‍ 15 മുതല്‍ ഡിസംബര്‍ 27 വരെയുള്ള കാലയളവിലാണ് ക്യാംപെയിന്‍ സംഘടിപ്പിക്കുന്നത്.

കേന്ദ്ര നഗര ദാരിദ്ര്യലഘൂകരണ പദ്ധതിയുടെ ഭാഗമായി കുടുംബശ്രീയുടെ മേല്‍നോട്ടത്തില്‍ ജന്‍ ശിക്ഷന്‍ സന്‍സ്ഥാന്‍ ജില്ലയില്‍ നടപ്പിലാക്കുന്ന സൗജന്യ ആയുര്‍വേദ സ്പാ തെറാപ്പി കോഴ്‌സിന്  അപേക്ഷ ക്ഷണിച്ചു.  നഗരസഭാ പരിധികളില്‍ വാര്‍ഷിക വരുമാനം 50,000 രൂപയില്‍ കവിയാത്ത 18നും 35നും ഇടയില്‍ പ്രായമുള്ളവര്‍ക്ക്  അപേക്ഷിക്കാം. താമസം, ഭക്ഷണം, പഠനോപകരണങ്ങള്‍ എന്നിവ സൗജന്യമായിരിക്കും. പാലക്കാട് ജില്ലയിലെ ആയുര്‍പാലന ഹോസ്പ്പിറ്റലിലാണ് കോഴ്‌സ് നടത്തുന്നത്. അപേക്ഷ ഫോം നഗരസഭാ ഓഫീസുകളിലും ജെ.എസ്.എസ് നിലമ്പൂര്‍ ഹെഡ്ഓഫീസിലും ലഭിക്കും. ഫോണ്‍ 04931-221979, 8304935854, 9746938700.

    ക്ഷീര വികസന വകുപ്പില്‍ പട്ടികജാതി വികസന പദ്ധതിയായ എസ്.സി.എ.ടു എസ്.സി.പി 2017-18 പദ്ധതി പ്രകാരം പട്ടികജാതിക്കാരായ ക്ഷീരകര്‍ഷകര്‍ക്കായി ആവശ്യാധിഷ്ഠിത ധനസഹായ പദ്ധതി നടപ്പിലാക്കുന്നതിനായി അനുമതി ലഭിച്ചിട്ടുണ്ട്.  താല്‍പര്യമുള്ളവര്‍ ബന്ധപ്പെട്ട ബ്ലോക്കുകളിലെ ക്ഷീരവികസന യൂണിറ്റുകളില്‍ ഡിസംബര്‍ 30നകം അപേക്ഷ നല്‍കണം.  വിവരങ്ങള്‍ക്ക് ബ്ലോക്ക് തല ക്ഷീരവികസന യൂണിറ്റ് ഓഫീസുകളുമായി ബന്ധപ്പെടണം.  ഫോണ്‍ 0483 2734944.

    രജിസ്‌ട്രേഷന്‍ വകുപ്പ് ഡിസംബര്‍ 23ന് നടത്തുന്ന ആധാരമെഴുത്ത് ലൈസന്‍സിനുള്ള പരീക്ഷയ്ക്കായി എറണാകുളം ജില്ലയിലുള്ള 3341 മുതല്‍ 3627 വരെ രജിസ്റ്റര്‍ നമ്പരുകളുള്ള അപേക്ഷകരുടെ പരീക്ഷാ കേന്ദ്രം ഗവ. ഗേള്‍സ് എച്ച്.എസ് തൃപ്പുൂണിത്തുറ എന്നതിനു പകരം ഗവ. ഗേള്‍സ് ഹയര്‍ സെക്കന്‍ഡറി സ്‌കൂള്‍ തൃപ്പൂണിത്തുറ എന്ന് തിരുത്തി വായിക്കണം.

    ജില്ലാ പഞ്ചായത്തിന്റെ സാധാരണ യോഗം ഡിസംബര്‍ 26ന് രാവിലെ 10.30ന് ജില്ലാ പഞ്ചായത്ത് ഓഫീസില്‍ ചേരും.

പാണക്കാട് വില്ലേജ് പരിധിയിലെ ആധാരം കംപ്യൂട്ടറൈസ് ചെയ്യുന്നതിന് ഭൂവുടമകള്‍ നിശ്ചിത മാതൃകയിലുള്ള അപേക്ഷ, ആധാരം, നികുതി രസീതിന്റെ പകര്‍പ്പ് എന്നിവ പാണക്കാട് വില്ലേജ് ഓഫീസില്‍ ഹാജരാക്കണം. ഡിസംബര്‍ 25നകം ആധാരം ഹാജരാക്കാ ത്തവര്‍ക്ക് കൈവശ സര്‍ട്ടിഫിക്കറ്റ്, നികുതി രസീത്, ഭൂമി സംബന്ധിച്ച മറ്റ് സര്‍ട്ടിഫിക്കറ്റുകള്‍ നല്‍കുകയില്ലെന്ന് വില്ലേജ് ഓഫീസര്‍ അറിയിച്ചു.