രജിസ്‌ട്രേഷന്‍ വകുപ്പ് ഡിസംബര്‍ 23ന് നടത്തുന്ന ആധാരമെഴുത്ത് ലൈസന്‍സിനുള്ള പരീക്ഷയ്ക്കായി എറണാകുളം ജില്ലയിലുള്ള 3341 മുതല്‍ 3627 വരെ രജിസ്റ്റര്‍ നമ്പരുകളുള്ള അപേക്ഷകരുടെ പരീക്ഷാ കേന്ദ്രം ഗവ. ഗേള്‍സ് എച്ച്.എസ് തൃപ്പുൂണിത്തുറ എന്നതിനു പകരം ഗവ. ഗേള്‍സ് ഹയര്‍ സെക്കന്‍ഡറി സ്‌കൂള്‍ തൃപ്പൂണിത്തുറ എന്ന് തിരുത്തി വായിക്കണം.

    ജില്ലാ പഞ്ചായത്തിന്റെ സാധാരണ യോഗം ഡിസംബര്‍ 26ന് രാവിലെ 10.30ന് ജില്ലാ പഞ്ചായത്ത് ഓഫീസില്‍ ചേരും.

പാണക്കാട് വില്ലേജ് പരിധിയിലെ ആധാരം കംപ്യൂട്ടറൈസ് ചെയ്യുന്നതിന് ഭൂവുടമകള്‍ നിശ്ചിത മാതൃകയിലുള്ള അപേക്ഷ, ആധാരം, നികുതി രസീതിന്റെ പകര്‍പ്പ് എന്നിവ പാണക്കാട് വില്ലേജ് ഓഫീസില്‍ ഹാജരാക്കണം. ഡിസംബര്‍ 25നകം ആധാരം ഹാജരാക്കാ ത്തവര്‍ക്ക് കൈവശ സര്‍ട്ടിഫിക്കറ്റ്, നികുതി രസീത്, ഭൂമി സംബന്ധിച്ച മറ്റ് സര്‍ട്ടിഫിക്കറ്റുകള്‍ നല്‍കുകയില്ലെന്ന് വില്ലേജ് ഓഫീസര്‍ അറിയിച്ചു.

മത്സ്യത്തൊഴിലാളി സമ്പാദ്യ ആശ്വാസ പദ്ധതിയുടെ ഡിസംബര്‍ മാസ ഗുണഭോക്തൃ വിഹിത സമാഹരണം ഡിസംബര്‍ 26 മുതല്‍ 30 വരെ നടക്കും.  ഉള്‍നാടന്‍ ഡിസംബര്‍ 26 നും കടല്‍  (പാലപ്പെട്ടി, പുതുപൊന്നാനി, മീന്‍തെരുവ്, പറവണ്ണ, എളാരന്‍-ഒസ്സാന്‍കടപ്പുറം,  കോര്‍മന്‍ കടപ്പുറം, പരപ്പനങ്ങാടി അരയന്‍കടപ്പുറം) ഡിസംബര്‍ 27, 28 തിയ്യതികളിലും മറ്റ് മത്സ്യഗ്രാമങ്ങളിലേത് 29, 30  തിയ്യതികളിലും സ്വീകരിക്കും. ആധാര്‍ നമ്പര്‍ നല്‍കിയിട്ടില്ലാത്തവര്‍ ആധാറിന്റെ പകര്‍പ്പ് കൊണ്ടുവരണം. ഡിസംബര്‍ മാസത്തെ വിഹിതമായ 250 രൂപയാണ് അടക്കേണ്ടത്

    ഏറനാട് താലൂക്ക്, ഊര്‍ങ്ങാട്ടിരി വില്ലേജ്, ബ്ലോക്ക് 22 റീ.സ 313/5ല്‍പ്പെട്ട 0.0120 ഹെക്ടര്‍ സ്ഥലം ലോണ്‍ കുടിശ്ശിക ഈടാക്കുന്നതിനായി ജനുവരി നാലിന് രാവിലെ 11ന് ഊര്‍ങ്ങാട്ടിരി വില്ലേജ് ഓഫീസ് പരിസരത്ത് പുനര്‍ലേലം ചെയ്യും.

ആലപ്പുഴ: ജില്ലാ പഞ്ചായത്ത് എൽ.എസ്.ജി.ഡി. ഡിവിഷൻ നടത്തുന്ന വിവിധ പദ്ധതിയിൽപ്പെട്ട പ്രവർത്തികൾക്ക് രജിസ്റ്റേർഡ് കരാറുകാരിൽ നിന്നും ഇ-ടെൻഡർ ക്ഷണിച്ചു. വിശദവിവരം www.etenders.kerala.gov.in, www.lsg.kerala.gov.in എന്നീ വെബ്സൈറ്റുകളിൽ ലഭിക്കും.

 (പി.എൻ.എ.3076/17)(പി.എൻ.എ.3079/17)

(പി.എൻ.എ.3083/17)

പുതുവത്സര- ക്രിസ്തുമസ് ആഘോഷങ്ങളുടെ ഭാഗമായി മിഠായിത്തെരുവില്‍ ഡിസംബര്‍ 24 മുതല്‍ ജനുവരി 2 വരെ രാവിലെ 10 മണി മുതല്‍ രാത്രി 10 മണി വരെ വാഹന നിരോധനം ഏര്‍പ്പെടുത്തുമെന്ന് ജില്ലാ കലക്ടര്‍ യു.വി. ജോസ് അറിയിച്ചു. കലക്ടറുടെ ചേമ്പറില്‍ ചേര്‍ന്ന റോഡ് സുരക്ഷാ അവലോകന യോഗത്തിലാണ് തീരുമാനം. 
റോഡ് അപകടങ്ങള്‍ നിയന്ത്രിക്കുന്നതിനായി റോഡ് സുരക്ഷാ പരിശോധന സ്‌ക്വാഡുകള്‍ ഊര്‍ജിതമാക്കാനും തെരുവ് വിളക്കുകള്‍ അറ്റകുറ്റപ്പണി നടത്തി കാര്യക്ഷമമാക്കാനും കോര്‍പ്പറേഷന്‍ സെക്രട്ടറിയ്ക്ക് നിര്‍ദ്ദേശം നല്‍കാന്‍ യോഗത്തില്‍ തീരുമാനിച്ചു.
 

എം.കെ. രാഘവന്‍ എം.പിയുടെ പ്രാദേശിക വികസന ഫണ്ടില്‍ ഉള്‍പ്പെടുത്തി ഭിന്നശേഷിയുള്ളവര്‍ക്ക് സൈഡ് വീല്‍ ഘടിപ്പിച്ച സ്‌കൂട്ടര്‍ നല്‍കുന്ന പദ്ധതിപ്രകാരം ഏഴുപേര്‍ക്ക്  ജില്ലാ കളക്ടര്‍ യു.വി. ജോസ് സ്‌കൂട്ടര്‍ വിതരണം ചെയ്തു. കലക്ടറേറ്റിന് മുന്നില്‍ നടന്ന ചടങ്ങില്‍ ജില്ലാ പ്ലാനിംഗ് ഓഫീസര്‍ എം.എ. ഷീല പങ്കെടുത്തു. പദ്ധതിയിലുള്‍പ്പെടുത്തി ആകെ 21 സ്‌കൂട്ടറുകളാണ് വിതരണം ചെയ്യുന്നത്.