കോഴിക്കോട് ഗവ. എഞ്ചിനീയറിങ്ങ് കോളേജില്‍ ടെക്യുപ് പ്രൊജക്ടിന്റെ നടത്തിപ്പിനായുളള ക്ലാര്‍ക്ക് കം ജൂനിയര്‍ അക്കൗണ്ടന്റിന്റെ  താല്‍ക്കാലിക ഒഴിവിലേക്കായി   സ്റ്റാഫിനെ നിയമിക്കുന്നതിനായി ഡിസംബര്‍ 12 ന്  രാവിലെ 10 മണിക്ക് ഇന്റര്‍വ്യൂ നടത്തും. യോഗ്യത : ബി.കോം വിത് കംമ്പ്യൂട്ടര്‍ ആപ്‌ളിക്കേഷന്‍/ബി.കോമും ഡി.സി.എ അല്ലെങ്കില്‍ തത്തുല്യമായതും. എക്‌സ്‌ടെണലി എയിഡഡ് പ്രൊജക്ടുകളില്‍ പ്രവൃത്തി പരിചയം അഭികാമ്യം.  താല്‍പര്യമുളളവര്‍ യോഗ്യതയും, പ്രവര്‍ത്തിപരിചയവും തെളിയിക്കുന്ന ശരിപകര്‍പ്പ് രേഖകളുമായി ഡിസംബര്‍ 12 ന് ഹാജരാവണം. ഫോണ്‍ : 0495-2383220.
 

നിര്‍ഭാഗ്യകരമായ സാഹചര്യത്തില്‍ എച്ച്.ഐ.വി ബാധിച്ചവരോട് കാരുണ്യം കാണിക്കുന്നില്ലെങ്കില്‍ നാം മനുഷ്യരല്ലെന്നും എച്ച്.ഐ.വി ബാധിതരെ ഒറ്റപ്പെടുത്തുന്നത് കൂട്ടായി ചെറുക്കണമെന്നും ജില്ലാ പഞ്ചായത്ത് പ്രസിഡന്റ് കെ.വി സുമേഷ് പറഞ്ഞു. ആരോഗ്യ കുടുംബക്ഷേമ വകുപ്പിന്റെ നേതൃത്വത്തിലുള്ള ലോക എയ്ഡ്‌സ് ദിനാചരണത്തിന്റെ ജില്ലാതല ഉദ്ഘാടനം ജില്ലാ പഞ്ചായത്ത് ഹാളില്‍ നിര്‍വഹിച്ച് സംസാരിക്കുകയായിരുന്നു അദ്ദേഹം. എച്ച്.ഐ.വി ബാധിതരെ ഒറ്റപ്പെടുത്തുന്നത് പരിഷ്‌കൃത സമൂഹത്തിന് ചേരുന്നതല്ല. രോഗികള്‍ സമൂഹത്തിന്റെ കൂടി ഉത്തരവാദിത്തമാണ്. അവരെ ഭ്രഷ്ട് കല്‍പിച്ച് മാറ്റി നിര്‍ത്തുന്നതിനോട് ഒരു കാരണവശാലും യോജിക്കാനാവില്ല.

സ്റ്റേറ്റ് ഇന്‍സ്റ്റിറ്യൂട്ട് ഓഫ് ഹോസ്പിറ്റാലിറ്റി മാനേജ്‌മെന്റില്‍ കമ്മ്യൂണിക്കേഷന്‍ ഇംഗ്ലീഷ് വിഷയത്തില്‍ ഗസ്റ്റ് അധ്യാപകരെ നിയമിക്കുന്നു. ഇംഗ്ലീഷ് ഭാഷയില്‍ ബിരുദാനന്തര ബിരുദവും പ്രവൃത്തിപരിചയവുമാണ് യോഗ്യത . താല്‍പര്യമുളളവര്‍ വിദ്യാഭ്യാസം, പ്രവൃത്തി പരിചയം എന്നിവയുടെ അസ്സല്‍ രേഖകളും പകര്‍പ്പും സഹിതം കോഴിക്കോട് വരക്കല്‍ ബീച്ച് റോഡിലെ സ്റ്റേറ്റ് ഇന്‍സ്റ്റിറ്യൂട്ട് ഓഫ് ഹോസ്പിറ്റാലിറ്റി മാനേജ്‌മെന്റ് ഓഫീസില്‍ പ്രിന്‍സിപ്പാള്‍ മുമ്പാകെ ഡിസംബര്‍ നാലിന് കാലത്ത് 10 മണിക്ക് ഹാജരാവണം.    
 

അഴിയൂര്‍ ഗ്രാമപഞ്ചായത്തിലെ 2017/18 വര്‍ഷത്തില്‍ അടവാക്കാന്‍ ബാക്കിയുള്ള വസ്തു നികുതി കുടിശ്ശികയുടെ പലിശയും പിഴ പലിശയും ഒഴിവാക്കികൊണ്ട് അടക്കുവാന്‍ ഉത്തരവായി. നികുതിദായകര്‍ ഈ അവസരം പ്രയോജനപ്പെടുത്തി മറ്റ് നിയമ നടപടിക്രമങ്ങളില്‍ നിന്ന് ഒഴിവായി നികുതി അടവാക്കേണ്ടതാണെന്ന് സെക്രട്ടറി അറിയിച്ചു.
 

കോഴിക്കോട് ജില്ലയില്‍ വിദ്യാഭ്യാസ വകുപ്പില്‍ ഹൈസ്‌ക്കൂള്‍ അസിസ്റ്റന്റ്  സോഷ്യല്‍ സ്റ്റഡീസ് - കാറ്റഗറി നമ്പര്‍ 660/12 തസ്തികയുടെ നവംബര്‍ 14ന്  പ്രാബല്യത്തില്‍ വന്ന ചുരുക്കപ്പട്ടിക പ്രസിദ്ധീകരിച്ചു. പട്ടിക പരിശോധനയ്ക്കായി ജില്ലാ ഇന്‍ഫര്‍മേഷന്‍ സെന്ററില്‍ ലഭ്യമാണ്.
 

ലോക ഭിന്നശേഷി ദിനാചരണത്തിന്റെ ജില്ലാതല പരിപാടികള്‍ ഡിസംബര്‍ 3ന് രാവിലെ 8.30ന് വെള്ളിമാട്കുന്ന് ഡവ.ചില്‍ഡ്രന്‍സ് ഹോം ഫോര്‍ ഗേള്‍സില്‍ നടക്കും. സബ് ജഡ്ജ് എം.പി. ജയരാജ് പതാക ഉയര്‍ത്തും. 
സാമൂഹ്യനീതി വകുപ്പിന്റെ ആഭിമുഖ്യത്തില്‍ നടക്കുന്ന സമാപന സമ്മേളനം വൈകുന്നേരം 4.30ന് ജില്ലാ പഞ്ചായത്ത് പ്രസിഡന്റ് ബാബു പറശ്ശേരി ഉദ്ഘാടനം ചെയ്യും. 
ഭിന്നശേഷിക്കാരായ കുട്ടികളുടെയും വ്യക്തികളുടേയും കലാപരിപാടികളും അരങ്ങേറും. രാവിലെ 9 മണി മുതല്‍ മുന്‍കൂട്ടി അപേക്ഷിച്ച അംഗപരിമിതരായവര്‍ക്കുള്ള തത്സമയ മെഡിക്കല്‍ ബോര്‍ഡും സര്‍ട്ടിഫിക്കറ്റ് വിതരണവും നടത്തും.