ഗെയില്‍ പദ്ധതി പൂര്‍ത്തിയാവുന്നതോടെ ജില്ലയില്‍ ലഭിക്കുന്നത് ലാഭകരവും സുരക്ഷിതവുമായ പാചക വാതകമായിരിക്കുമെന്ന് ഒന്നര വര്‍ഷമായി പദ്ധതിയില്‍ നിന്നുള്ള പാചക വാതകം വിട്ടാവശ്യത്തിന് ഉപയോഗിക്കുന്ന ഗുണഭോക്താക്കള്‍ സാക്ഷ്യപ്പെടുത്തുന്നു. കലക്‌ട്രേറ്റില്‍ നടന്ന ഗെയില്‍ പദ്ധതിക്ക് സ്ഥലം വിട്ടു നല്‍കിയവരുടെ ചെക്ക് വിതരണ യോഗത്തിലാണ് ഇത് സംബന്ധിച്ച ഗുണഭോക്താക്കള്‍ തങ്ങളുടെ അനുഭവങ്ങള്‍ പങ്ക് വച്ചത്. രണ്ട് മാസത്തിന് ഒരു സാധാരണ കുടുംബത്തിന് പരമാവധി 300 രൂപയില്‍ താഴെ മാത്രമെ ചെലവ് വരികയുള്ളു. പാചകവാതകത്തിനായി പരക്കം പാഞ്ഞ് നടക്കേണ്ട ആവശ്യവുമില്ല.  

പാലാ അമലോത്ഭവ ജൂബിലി ചാപ്പലിലെ (സെന്റ് തോമസ് കത്തീഡ്രല്‍ പള്ളി) തിരുനാളിനോട് അനുബന്ധിച്ച് ഡിസംബര്‍ ഏഴ്, എട്ട് ദിവസങ്ങളില്‍  പാലാ അമലോത്ഭവ ജൂബിലി ചാപ്പലിന്റെ മൂന്ന് കിലോ മീറ്റര്‍ ചുറ്റളവിലുളള പ്രദേശം ഉത്സവമേഖലയായി പ്രഖ്യാപിച്ചു. 

ചെങ്ങന്നൂര്‍-ചിങ്ങവനം പാത ഇരട്ടിപ്പിക്കലിന്റെ ഭാഗമായി കാലായിപ്പടി-പുളിമൂട് റെയില്‍വേ ഓവര്‍ബ്രിഡ്ജ് വഴിയുളള ഗതാഗതം എട്ടാം തീയതി മുതല്‍ നിരോധിക്കും. ഇതുവഴിയുളള ഗതാഗതം ചിങ്ങവനം- പരുത്തുംപാറ ജംഗ്ഷന്‍ വഴിയും മന്ദിരം-പുളിമൂട് റോഡ് വഴിയും തുരുത്തി -മലകുന്നം റോഡ് വഴിയും തിരിച്ചു വിടും. 

                2012 മാര്‍ച്ച് 31 വരെ മോട്ടോര്‍ വാഹന നികുതി കുടിശ്ശികയുള്ള വാഹനങ്ങള്‍ക്കായി സര്‍ക്കാര്‍ പ്രഖ്യാപിച്ചിട്ടുള്ള ഒറ്റത്തവണ തീര്‍പ്പാക്കല്‍ പദ്ധതിയുടെ കാലാവധി ഡിസംബര്‍ 31 ന് അവസാനിക്കും.  നികുതി കുടിശ്ശികയുള്ളവര്‍ 31ന് മുമ്പ് ആര്‍.ടി.ഓഫീസുമായി ബന്ധപ്പെടണം.