ഡിസംബര്‍ 11 ന് കണ്ണര്‍ ടൗണ്‍ കോപറേറ്റീവ് ബാങ്ക് ഹാളിലും ഡിസംബര്‍ 12, 13 തിയ്യതികളില്‍ തലശ്ശേരി ഗവ. റസ്റ്റ് ഹൗസ് സമ്മേളന ഹാളിലും ഡിസംബര്‍ 14, 15 തിയ്യതികള്‍ കോഴിക്കോട് കലക്‌ട്രേറ്റ് സമ്മേളന ഹാളിലും കേരള ലോകായുക്ത ക്യാമ്പ് സിറ്റിങ് നടത്തും.

ജില്ലാ പഞ്ചായത്ത് മലപ്പുറം ജില്ലാ ഹോമിയോ ആശുപത്രിയില്‍ ഡിസംബര്‍ ഏഴിന് രാവിലെ 10ന് ആയുഷ്മാന്‍ ഭവ ജീവിത ശൈലീ രോഗങ്ങളും ഹോമിയോപ്പതി ചികിത്സയും വിഷയത്തില്‍ ബോധവല്‍ക്കരണ സെമിനാര്‍ നടത്തുന്നു.

മങ്കട ഗവ. കോളേജില്‍ മാഗസിന്‍ അച്ചടിച്ച് വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു.  ക്വട്ടേഷന്‍ പ്രിന്‍സിപ്പല്‍, ഗവ. കോളേജ് മങ്കട, കൊളത്തൂര്‍, മലപ്പുറം 679338 വിലാസത്തില്‍ ഡിസംബര്‍ 14ന് ഉച്ചക്ക് രണ്ടിനകം ലഭിക്കണം.  ഫോണ്‍ 04933 202135.

കേരള മോട്ടോര്‍ തൊഴിലാളി ക്ഷേമനിധിയില്‍ അംഗങ്ങളായ തൊഴിലാളികളുടെ മക്കള്‍ക്ക് 2017-18 അധ്യായന വര്‍ഷത്തേക്കുള്ള വിദ്യാഭ്യാസ സ്‌കോളര്‍ഷിപ്പുകള്‍ക്ക് അപേക്ഷ ക്ഷണിച്ചു.  എട്ടാം ക്ലാസ് മുതല്‍ പ്രൊഫഷണല്‍ കോഴ്‌സ് വരെ പഠിക്കുന്ന കുട്ടികള്‍ക്കാണ് സ്‌കോള്‍ഷിപ്പ് നല്‍കുക.  പ്ലസ് വണ്‍ മുതലുള്ള കോഴ്‌സുകള്‍ക്ക് അപേക്ഷ നല്‍കുന്നവര്‍ കോഴ്‌സിന്റെ യോഗ്യതാ പരീക്ഷയില്‍ 55 ശതമാനം മാര്‍ക്ക് നേടിയിരിക്കണം.  അപേക്ഷാ ഫോമുകള്‍ ബോര്‍ഡിന്റെ ജില്ലാ ഓഫീസില്‍ നിന്നും ംംം.സാംേംളയ.ീൃഴ ലും ലഭിക്കും.  അപേക്ഷ ഡിസംബര്‍ 31നകം ജില്ലാ ഓഫീസില്‍ ലഭിക്കണം.

ദേശീയ കുടുംബ സഹായ പദ്ധതി വഴി ധനസഹായം ലഭിക്കുന്നതിന് അപേക്ഷ നല്‍കുന്നതിനുള്ള കലായളവ് ജില്ലയില്‍ അഞ്ച് വര്‍ഷമായി നിശ്ചയിച്ച് ഉത്തരവായിട്ടുണ്ട്.  2018 ജനുവരി മുതല്‍ അപേക്ഷ സമര്‍പ്പിക്കുന്നവര്‍ മരണം നടന്ന തിയ്യതി മുതല്‍ അഞ്ച് വര്‍ഷത്തിനുള്ളില്‍ അപേക്ഷ നല്‍കണമെന്ന് ജില്ലാ കലക്ടര്‍ അറിയിച്ചു.

മലപ്പുറം ഗവ. ഗേള്‍സ് ഹയര്‍ സെക്കന്‍ഡറി സ്‌കൂളില്‍ ഹയര്‍ സെക്കന്‍ഡറി വിഭാഗത്തില്‍ ലീവ് വേക്കന്‍സിയില്‍ ഒഴിവുള്ള എച്ച്.എസ്.എസ്.ടി എക്കണോമിക്‌സ് തസ്തികയിലേക്ക് അപേക്ഷ ക്ഷണിച്ചു.  താല്‍പര്യമുള്ളവര്‍ ഡിസംബര്‍ ആറിന് രാവിലെ ഒമ്പതിന് കൂടിക്കാഴ്ചക്ക് അസ്സല്‍ സര്‍ട്ടിഫിക്കറ്റുകള്‍ സഹിതം സ്‌കൂളില്‍ എത്തണം.

        ജില്ലാ വിദ്യാഭ്യാസ ഉപഡയറക്ടറുടെ കാര്യാലയത്തില്‍ ആര്‍.എം.എസ്.എ പ്രോജക്ടിന് കരാര്‍ വ്യവസ്ഥയില്‍  ഐ.ഇ.ഡി.എസ്  റിസോഴ്‌സ് അധ്യാപകരുടെ ഒഴിവിലേക്ക് നിയമനം നടത്തുന്നു. താത്പര്യമുള്ളവര്‍ അസ്സല്‍ സര്‍ട്ടിഫിക്കറ്റുകളുമായി ഡിസംബര്‍ 12ന് രാവിലെ 10 ന് മലപ്പുറം ആര്‍.എം.എസ്.എ ജില്ലാ ഓഫീസില്‍ എത്തണം. നേരത്തെ അപേക്ഷിച്ചവരും കൂടിക്കാഴ്ചയ്ക്ക് എത്തണം. യോഗ്യത: ബിരുദവും സ്‌പെഷ്യല്‍ എജ്യൂക്കേഷനില്‍ ബി.എഡും അല്ലെങ്കില്‍ ബിരുദവും ജനറല്‍ ബി.എഡും സ്‌പെഷ്യല്‍ എജ്യൂക്കേഷനില്‍ രണ്ട് വര്‍ഷത്തെ ഡിപ്ലോമയും. ശമ്പളം പ്രതിമാസം 28,815 രൂപ.  

ജില്ലയില്‍ എം. ആര്‍ ക്യാമ്പയിന്‍ ലക്ഷ്യം നേടാന്‍ യൂത്ത് ക്ലബുകളും സന്നദ്ധ സംഘടനകളും ഉണര്‍ന്ന്  പ്രവര്‍ത്തിക്കണമെന്ന് ജില്ലാ കളക്ടര്‍ അമിത് മീണ പറഞ്ഞു. എന്‍ വൈകെയില്‍ അഫിലിയേറ്റ് ചെയ്ത ക്ലബ് പ്രവര്‍ത്തകര്‍ക്കുള്ള ബോധ വത്ക്കരണ സെമിനാര്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജില്ലയില്‍ 66 ശതമാനം കുട്ടികള്‍ക്ക് വാക്‌സിനേഷന്‍ നല്‍കുയിട്ടുണ്ട്. ഡിസംബര്‍ 15നകം ബാക്കി കുട്ടികള്‍ക്ക്  കൂടി വാക്‌സിനേഷന്‍ നടത്താന്‍ എല്ലാവരും പരിശ്രമിക്കണം .