മഞ്ചേരി 66 കെ.വി സബ് സ്റ്റേഷനു പരിധിയിലുള്ള വട്ടമരം, മഹാഗണി, പൂമരം, കശുമാവ് മരങ്ങള്‍ മുറിച്ചു മാറ്റുന്നതിന് ക്വട്ടേഷന്‍ ക്ഷണിച്ചു.  ക്വട്ടേഷന്‍ ഡിസംബര്‍ 20ന് വൈകീട്ട് 3.30നകം എക്‌സിക്യൂട്ടീവ് എഞ്ചിനീയറുടെ കാര്യാലയം, ട്രാന്‍സ്മിഷന്‍ ഡിവിഷന്‍, മുണ്ടുപറമ്പ്, മലപ്പുറം വിലാസത്തില്‍ ലഭിക്കണം.  ഫോണ്‍ 0483 2734915.

കേന്ദ്ര - സംസ്ഥാന സര്‍ക്കാരുകള്‍ എല്‍.ഐ.സി മുഖേന നടപ്പാക്കുന്ന ആം ആദ്മി ബീമാ യോജന ആനുകൂല്യങ്ങള്‍ ലഭിക്കുന്നതിന് ഗുണഭോക്താക്കള്‍ ബാങ്ക് അക്കൗണ്ട്, ആധാര്‍ വിവരങ്ങള്‍ എന്നിവ ംംം.രവശമസ.ീൃഴ സൈറ്റ് മുഖേന ബന്ധിപ്പിക്കണം.  അക്ഷയ, കുടുംബശ്രീ ഉന്നതി, ജനസേവന കേന്ദ്രങ്ങള്‍ മുഖേന അഞ്ച് രൂപ ഫീസ് നല്‍കി സേവനം ഉപയോഗപ്പെടുത്താം.  അവാസന തിയ്യതി ഡിസംബര്‍ 31
ആബി പദ്ധതിയിലെ 18 മുതല്‍ 59 വയസ്സ് വരെയുള്ളവര്‍ക്ക് അപകട മരണത്തിനു നാലു ലക്ഷം രൂപയും സ്വാഭാവിക മരണത്തിനും പൂര്‍ണ അംഗവൈകല്യത്തിന് രണ്ടു ലക്ഷം രൂപയും ഭാഗികമായ അംഗവൈകല്യത്തിന് ഒരു ലക്ഷം രൂപയും ലഭിക്കും.  

കുട്ടികളുടെ  അവകാശങ്ങള്‍ സംരക്ഷിക്കുക, അവര്‍ നേരിടുന്ന വിവിധ ചുഷണങ്ങളെ കുറിച്ച് പൊതുജനങ്ങളെയും രക്ഷിതാക്കളെയും ബോധവല്‍കരിക്കുക എന്ന ലക്ഷ്യത്തോടെയാണ് കുട്ടി സിനിമാവണ്ടി ഇന്നും നാളെയും (ഡിസംബര്‍ 14 ,15 ) ജില്ലയില്‍ പ്രചാരണം നടത്തും. ആദ്യ ദിവസം നിലമ്പൂര്‍ മേഖലയിലെ  വിവിധ ഗ്രാമ പ്രദേശങ്ങളിലും രണ്ടാം ദിവസം ജില്ലയുടെ തീരദേശ മേഖലയായ പരപ്പങ്ങാടി, താനൂര്‍, തിരൂര്‍ എന്നിവിടങ്ങളിലുമാണ് പ്രദര്‍ശനം നടത്തുക.      

    മുട്ടിക്കുളങ്ങറ - കമ്പ - കിണാവല്ലൂര്‍ റോഡില്‍ പുനരുദ്ധാരണ പ്രവൃത്തികള്‍ നടക്കുന്നതിനാല്‍  ഇതു വഴിയുളള വലിയ വാഹനങ്ങള്‍ക്ക് ഇന്ന് (ഡിസംബര്‍ 14) മുതല്‍ 20 വരെ താത്ക്കാലിക നിയന്ത്രണം ഏര്‍പ്പെടുത്തിയതായി എക്സിക്യുട്ടീവ് എഞ്ചിനീയര്‍ അറിയിച്ചു
 

    മലമ്പുഴ പ്രാദേശിക കാര്‍ഷിക സങ്കേതിക പരിശീലന കേന്ദ്രത്തില്‍ ഡിസംബര്‍ 18,19,20 തീയതികളില്‍ കര്‍ഷകര്‍ക്ക് പരിശീലനം നല്‍കും 'വിവിധയിനം പഴ വര്‍ഗ്ഗങ്ങളുടെ നൂതന കൃഷി രീതികള്‍' വിഷയത്തില്‍ കൊല്ലങ്കോട്, ചിറ്റൂര്‍ ബ്ലോക്കുകളിലെ 30 കര്‍ഷകര്‍ക്ക് പരിശീലനം നല്‍കും.  താത്പര്യമുള്ളവര്‍ അതത് കൃഷി അസി. ഡയറക്റ്ററുടെ ഓഫീസില്‍ രജിസ്റ്റര്‍ ചെയ്യണമെന്ന് കൃഷി ഡെപ്യൂട്ടി ഡയറക്റ്റര്‍ അറിയിച്ചു. ഫോണ്‍: 0491-2815912 

കേരളസംസ്ഥാന യുവജനക്ഷേമ ബോര്‍ഡിന്‍റെ ആഭിമുഖ്യത്തില്‍ നടക്കുന്ന സംസ്ഥാനതല കേരളോത്സവത്തിലെ കലാമത്സരങ്ങളില്‍ പങ്കെടുക്കാന്‍ അര്‍ഹത നേടിയ മത്സരാര്‍ഥികള്‍ക്കുള്ള പ്രവേശന പാസ്സ് വിതരണം ഇന്ന് (ഡിസംബര്‍ 14)  തുടങ്ങുമെന്ന് ജില്ലാ യൂത്ത് പ്രോഗ്രാം ഓഫീസര്‍ അറിയിച്ചു. പ്രവേശനപാസ്സ്  ജില്ലാ പഞ്ചായത്ത് ഓഫീസില്‍ പ്രവര്‍ത്തിക്കുന്ന ജില്ല യുവജനകേന്ദ്രത്തില്‍ നിന്നാണ് കൈപ്പറ്റേണ്ടത്. ഡിസംബര്‍ 21,22,23,24 തിയതികളില്‍ പാലക്കാടാണ് മത്സരങ്ങള്‍ നടക്കുക. വിശദവിവരങ്ങള്‍ക്ക് ഫോണ്‍: 0491 - 2505190.

    മലബാര്‍ ദേവസ്വം ബോര്‍ഡ് പാലക്കാട് ഡിവിഷനു കീഴിലുളള ക്ഷേത്രങ്ങളില്‍ മാനെജ്മെന്‍റ് ഫണ്ടില്‍ നിന്നും ശമ്പള ഗ്രാന്‍റിന് അര്‍ഹതയളളവര്‍ അപേക്ഷ നല്‍കണം. അപേക്ഷ  രേഖകള്‍ സഹിതം  ഡിസംബര്‍ 15 നകം  നല്‍കണമെന്ന് ദേവസ്വം ബോര്‍ഡ് അസി. .കമ്മീഷണര്‍ അറിയിച്ചു.
 

    നെഹ്റു  യുവകേന്ദ്ര നടത്തുന്ന  ജില്ലാ തല കായികമേള  ഡിസംബര്‍ 16, 17  തിയതികളില്‍ മലമ്പുഴ നവോദയ സ്കൂള്‍ മൈതാനത്ത് നടക്കും. ക്ലസ്റ്റര്‍തല മല്‍സര   വിജയികളാണ്  കായിക മേളയില്‍ പങ്കെടുക്കുക. 16 ന് വോളിബാള്‍,  ബാഡ്മിന്‍റണ്‍,     അത്ലറ്റിക്സ് മത്സരങ്ങളും 17 ന് ഫുട്ബോള്‍ മത്സരവുമാണ് നടക്കുക. മല്‍സരങ്ങളില്‍ പങ്കെടുക്കുന്നവര്‍ രാവിലെ എട്ടിന് എത്തണമെന്ന്  ജില്ലാ  യൂത്ത് കോഡിനേറ്റര്‍ അറിയിച്ചു.