രജിസ്ട്രേഷന്‍ വകുപ്പ് ഈ മാസം 23ന് നടത്തുന്ന ആധാരമെഴുത്ത് ലൈസന്‍സിനു ള്ള പരീക്ഷയ്ക്കായി സബ് രജിസ്ട്രാര്‍ ഓഫീസുകളില്‍ നിന്നും ലഭിച്ച ഹാള്‍ ടിക്കറ്റുകളില്‍ എറണാകുളം ജില്ലയില്‍ രജിസ്റ്റര്‍ നമ്പര്‍ 3341 മുതല്‍ 3627 വരെയുള്ള അപേക്ഷകരുടെ പരീക്ഷാ സെന്‍റര്‍ ഗവ.ഗേള്‍സ് എച്ച്.എസ് തൃപ്പൂണിത്തുറ എന്നത് ഗവണ്‍മെന്‍റ് ഗേള്‍സ് ഹയ ര്‍ സെക്കന്‍ഡറി സ്കൂള്‍ തൃപ്പൂണിത്തുറ എന്ന് തിരുത്തിവായിക്കണമെന്ന് രജിസ്ട്രേഷന്‍      ഡെപ്യൂട്ടി ഇന്‍സ്പെക്ടര്‍ ജനറല്‍ അറിയിച്ചു.                                (പിഎന്‍പി 3341/17)

ശബരിമല തീര്‍ത്ഥാടനകാലത്ത് പമ്പയില്‍ അധികമായി വരുന്ന കെ.എസ്.ആര്‍.ടി.സി ബസുകള്‍ പാര്‍ക്ക് ചെയ്യാന്‍ താത്കാലിക സംവിധാനം ഒരുക്കുന്നതിന് നടപടി സ്വീകരിക്കാന്‍ വനം വകുപ്പ് മന്ത്രി കെ.രാജു നിര്‍ദേശം നല്‍കി.  പമ്പയില്‍ നിന്നുളള കെ.എസ്.ആര്‍.ടി.സിയുടെ ദീര്‍ഘദൂര ബസുകള്‍ക്ക് പാര്‍ക്കിംഗ് ആവശ്യത്തിനായി പുതിയ സംവിധാനം ഉപയോഗിക്കാനാവും.

 സംസ്ഥാന അസംഘടിത തൊഴിലാളി സാമൂഹ്യ സുരക്ഷാ ബോര്‍ഡില്‍ അംഗങ്ങളായ തൊഴിലാളികളുടെ മക്കള്‍ക്ക് 2017-2018 സാമ്പത്തിക വര്‍ഷത്തെ വിദ്യാഭ്യാസാനുകൂല്യത്തിനുള്ള അപേക്ഷ സമര്‍പ്പിക്കുന്നതിനുള്ള സമയം 31 വരെ നീട്ടി. എസ് എസ് എല്‍ സി പാസ്സായതിന് ശേഷം കേരള സര്‍ക്കാരിന്റെ അംഗീകാരമുള്ള സ്ഥാപനങ്ങളില്‍ റഗുലര്‍കോഴ്‌സിന് ഉപരിപഠനം നടത്തുന്ന കുട്ടികളുടെ രക്ഷിതാക്കള്‍ നിര്‍ദ്ദിഷ്ട അപേക്ഷാ ഫാറത്തില്‍ 31 ന് മുമ്പായോ അല്ലെങ്കില്‍ പുതിയ കോഴ്‌സില്‍ ചേര്‍ന്ന് 45 ദിവസത്തിനകമോ ബോര്‍ഡിന്റെ കണ്ണൂര്‍ ജില്ലാ എക്‌സിക്യൂട്ടീവ് ഓഫീസര്‍ മുമ്പാകെ അപേക്ഷ സമര്‍പ്പിക്കണം.

മുഖ്യമന്ത്രിയുടെ ഓഖി ദുരിതാശ്വാസ നിധിയിലേക്ക് ഭിന്നശേഷിക്കാരനായ രാജു സംഭാവനയായി നല്‍കിയത് അയ്യായിരം രൂപ. പാളയം ലെനിന്‍ നഗര്‍ നിവാസിയായ രാജു മ്യൂസിയം വളപ്പില്‍ പെട്ടിക്കട നടത്തുകയാണ്. അയ്യായിരം രൂപയുടെ ചെക്ക്  അദ്ദേഹം കഴിഞ്ഞ ദിവസം മുഖ്യമന്ത്രിയുടെ ഓഫീസിലെത്തിയാണ് കൈമാറിയത്.

 ഓഖി ചുഴലിക്കാറ്റ് മൂലം ദുരിതമനുഭവിക്കുന്ന മത്സ്യത്തൊഴിലാളികളുടെ കുടുംബങ്ങള്‍ക്കുള്ള ഡിസംബര്‍ മാസത്തെ ഭക്ഷ്യധാന്യ വിഹിതം സൗജന്യമായി ലഭിക്കുമെന്ന് ജില്ലാ സപ്ലൈ ഓഫീസര്‍ അറിയിച്ചു.
പി എന്‍ സി/4719/2017
 

ഹരിതകേരളം മിഷന്‍ ഒന്നാം വാര്‍ഷികത്തോടനുബന്ധിച്ച് സംഘടിപ്പിച്ച സംസ്ഥാനതല ഫോട്ടോഗ്രാഫി മത്സരത്തില്‍ പൊതുവിഭാഗത്തില്‍ എറണാകുളം സ്വദേശി ടി.ജെ. വര്‍ഗീസിനും  വിദ്യാര്‍ത്ഥികളുടെ വിഭാഗത്തില്‍ കൊല്ലം, ആയൂര്‍ സ്വദേശി    ഗോകുല്‍ എസിനും ഒന്നാം സ്ഥാനം ലഭിച്ചു. പൊതുവിഭാഗത്തില്‍ ഒന്നാം സമ്മാനമായി 10,000 രൂപയും വിദ്യാര്‍ത്ഥി വിഭാഗത്തില്‍ 7,500 രൂപയും ക്യാഷ് അവാര്‍ഡായി ലഭിക്കും. പൊതു വിഭാഗത്തില്‍  രണ്ടാം സ്ഥാനം  ഇഹ്ഷാന്‍ ജാവിദ് എന്‍. (മലപ്പുറം), മൂന്നാം സ്ഥാനം  ദീപേഷ് പുതിയപുരയിലും (കാസര്‍കോഡ്)  കരസ്ഥമാക്കി. ഇവര്‍ക്ക് യഥാക്രമം 7,500,  5,000 രൂപ വീതം ക്യാഷ് അവാര്‍ഡ് ലഭിക്കും.

 കണ്ണൂര്‍ ജോയിന്റ് ആര്‍.ടി.ഒയുടെ നേതൃത്വത്തില്‍ നടത്തിയ വാഹനപരിശോധനയില്‍, രൂപമാറ്റം വരുത്തിയ 30 ഇരുചക്രവാഹനങ്ങളുടെ ലൈസന്‍സ് സസ്‌പെന്‍ഡ് ചെയ്യാന്‍ നോട്ടീസ് നല്‍കി. മൊബൈല്‍ ഫോണില്‍ സംസാരിച്ച് വാഹനമോടിച്ച 10 ഡ്രൈവര്‍മാര്‍ക്കെതിരെ കേസെടുത്ത് തുടര്‍നടപടികള്‍ക്കായി റിപ്പോര്‍ട്ട് നല്‍കി. മൊബൈല്‍ ഫോണില്‍ സംസാരിച്ചു കൊണ്ട് വാഹനമോടിച്ച ഡ്രൈവര്‍മാരുടെ ലൈസന്‍സ് ആറ് മാസം മുതല്‍ ഒരു വര്‍ഷം വരെ സസ്‌പെന്‍ഡ് ചെയ്യും.

പട്ടികജാതി വികസന വകുപ്പിന്റെ നിയന്ത്രണത്തില്‍ തിരുവനന്തപുരം മണ്ണന്തലയില്‍ പ്രവര്‍ത്തിക്കുന്ന ഗവ: പ്രീ-എക്‌സാമിനേഷന്‍ ട്രെയിനിംഗ് സെന്ററില്‍ സെക്രട്ടേറിയറ്റ്, പി.എസ്.സി, അഡ്വക്കേറ്റ് ജനറല്‍ ഓഫീസ്, ലോക്കല്‍ ഫണ്ട്, വിജിലന്‍സ് ട്രൈബ്യൂണല്‍, സ്‌പെഷ്യല്‍ ജഡ്ജ് ആന്‍ഡ് എന്‍ക്വയറി കമ്മീഷണര്‍ ഓഫീസ് എന്നിവിടങ്ങളിലെ അസിസ്റ്റന്റ്/ഓഡിറ്റര്‍ തസ്തികകളിലേക്ക് നടത്തുന്ന ബിരുദതല മത്സര പരീക്ഷകള്‍ക്കുവേണ്ടി ആറു മാസം ദൈര്‍ഘ്യമുള്ള സൗജന്യ പരിശീലനത്തിന് ബിരുദം അടിസ്ഥാന യോഗ്യതയുള്ള തിരുവനന്തപുരം, കൊല്ലം, പത്തനംതിട്ട ജില്ലകളിലെ ഉദ്യോഗാര്‍ത്ഥികളില്‍ നിന്നും അപേക്ഷ ക്ഷണിച്ചു.

ജില്ലാ പദ്ധതിയുടെ കരട് പൂര്‍ത്തീകരണത്തിന്റെ ഭാഗമായി ഉപസമിതികള്‍ ഡിസംബര്‍ 21ന് രാവിലെ 10 മുതല്‍ ജില്ലാ ആസൂത്രണ സമിതി മിനി കോണ്‍ഫറന്‍സ് ഹാളില്‍ റിപ്പോര്‍ട്ട് അവതരിപ്പിക്കും. ജില്ലാ ആസൂത്രണ സമിതി അധ്യക്ഷനായ ജില്ലാ പഞ്ചായത്ത് പ്രസിഡന്റ്, ജില്ലാ കളക്ടര്‍  പങ്കെടുക്കും. യോഗത്തില്‍ ഉപസമിതി ചെയര്‍പേഴ്‌സന്‍മാര്‍, വൈസ് ചെയര്‍പേഴ്‌സന്‍മാര്‍, കണ്‍വീനര്‍മാര്‍ എന്നിവര്‍ നിര്‍ബന്ധമായി പങ്കെടുക്കണമെന്ന് ജില്ലാ കളക്ടര്‍ അറിയിച്ചു. 

ഇന്ത്യന്‍ വ്യോമ സേനയില്‍ വിവിധ സാങ്കേതിക വിഭാഗങ്ങളിലേക്ക് അപേക്ഷിക്കാന്‍ അവിവാഹിതരായ പുരുഷന്‍മാര്‍ക്ക് അവസരം. വ്യോമ സേനയിലെ എക്‌സ്, വൈ വിഭാഗങ്ങളിലെ 15ലേറെ തസ്തികകളിലേക്കാണ് അപേക്ഷ ക്ഷണിച്ചിരിക്കുന്നത്. 1998 ജനുവരി 13നും 2002 ജനുവരി രണ്ടിനുമിടയില്‍ ജനിച്ചവര്‍ക്ക് അപേക്ഷിക്കാം. മാത്‌സ്, ഫിസിക്‌സ് എന്നീ വിഷയങ്ങളില്‍ പ്ലസ്ടു/തത്തുല്യ യോഗ്യത അല്ലെങ്കില്‍ മൂന്ന് വര്‍ഷത്തെ എഞ്ചിനീയറിംഗ് ഡിപ്ലോമയാണ് യോഗ്യത. കോഴ്‌സിന് 50 ശതമാനം മാര്‍ക്കും ഇംഗ്ലീഷിന് പ്രത്യേകമായി 50 ശതമാനം മാര്‍ക്കും ഉണ്ടായിരിക്കണം.