കാക്കനാട്: ഓഖി ചുഴലിക്കാറ്റിനെ തുടര്‍ന്ന് ദുരന്തബാധിത മേഖലയായി മാറിയ വൈപ്പിന്‍, ചെല്ലാനം മേഖലയിലെ മത്സ്യത്തൊഴിലാളി കുടുംബങ്ങള്‍ക്കുള്ള ധനസഹായം 2000 രൂപ വീതം ഫിഷറീസ് വകുപ്പ് കൈമാറി. 8540 കുടുംബങ്ങള്‍ക്കാണ് ജില്ലയില്‍ ധനസഹായം വിതരണം ചെയ്യുന്നത്.

അടിയന്തിര ധനസഹായമായി ജില്ലയ്ക്ക് (1,70,80,000) ഒരു കോടി എഴുപത് ലക്ഷത്തി എണ്‍പതിനായിരം രൂപയാണ് അനുവദിച്ചത്. 
ദുരന്ത നിവാരണ അതോറിറ്റി കൈമാറിയ തുക 
ഫിഷറീസ് വകുപ്പ് തൊഴിലാളികളുടെ ബാങ്ക് അക്കൗണ്ടിലേക്ക് കൈമാറുകയായിരുന്നു. 

22-ാമത് രാജ്യാന്തര ചലച്ചിത്രമേളയോടനുബന്ധിച്ച് മാധ്യമ പുരസ്‌കാരങ്ങള്‍ക്ക് അപേക്ഷ ക്ഷണിച്ചു. ചലച്ചിത്രോത്സവം റിപ്പോര്‍ട്ട് ചെയ്ത പത്ര, ദ്യശ്യ, ശ്രവ്യ, ഓണ്‍ലൈന്‍ മാധ്യമങ്ങള്‍ റിപ്പോര്‍ട്ടുകളുടെ പകര്‍പ്പുസഹിതം ഡിസംബര്‍ 14 ന് രാത്രി 9 മണിക്ക് മുന്‍പ് ടാഗോര്‍ തിയേറ്ററിലെ മീഡിയാ സെല്ലില്‍ അപേക്ഷ സമര്‍പ്പിക്കണം. വ്യക്തിഗത ഓണ്‍ലൈന്‍ മാധ്യമങ്ങളേയും ഓണ്‍ലൈന്‍ മീഡിയ പുരസ്‌കാരത്തിന് പരിഗണിക്കും.

തൊഴിലന്വേഷകരുടെയും,രക്ഷിതാക്കളുടെയും അപേക്ഷ പരിഗണിച്ചു ന്യൂനപക്ഷക്ഷേമ വകുപ്പിന്റെ കീഴിലുള്ള മൈനോറിറ്റി കോച്ചിംഗ് സെന്ററുകളുടെ എണ്ണം വര്‍ദ്ധിപ്പിക്കുമെന്ന്  തദ്ദേശ സ്വയംഭരണ-ന്യൂനപക്ഷക്ഷേമ, ഹജ്ജ്, വഖഫ്  മന്ത്രി ഡോ.കെ.ടി.ജലീല്‍ പറഞ്ഞു.   തൈക്കാട് ഗവണ്‍മെന്റ് ഗസ്റ്റ് ഹൗസില്‍  നടന്ന മൈനോറിറ്റി കോച്ചിംഗ് സെന്ററുകളുടെ പ്രിന്‍സിപ്പള്‍മാരുടെ യോഗം ഉദ്ഘാടനം ചെയ്യുകയായിരുന്നു.  

ഓഖി ദുരന്തത്തെത്തുടര്‍ന്ന് കടലില്‍ കാണാതായ മത്‌സ്യത്തൊഴിലാളികളുടെ കുടുംബങ്ങള്‍ക്ക് ആശ്വാസവുമായി ഫിഷറീസ് മന്ത്രി ജെ. മെഴ്‌സിക്കുട്ടിയമ്മ എത്തി. കരുംകുളം, പുതിയതുറ, പള്ളം, പൂവാര്‍ മേഖലകളില്‍ നിന്ന് കാണാതായവരുടെ കുടുംബങ്ങളെയാണ് മന്ത്രി സന്ദര്‍ശിച്ചത്. 

കരുംകുളം സ്വദേശികളായ രതീഷ്, രാജു, സിറിള്‍ മിറാന്റ, ജേക്കബ് മുത്തുപിള്ള, ജോസഫ്, ബല്‍റ്റസ്, സെബാസ്റ്റിയന്‍ മാര്‍ക്കോസ് എന്നിവരുടെ വീടുകളിലെത്തി മന്ത്രി വിവരങ്ങള്‍ ആരാഞ്ഞു. 

കേന്ദ്രീയ സിലബസ് അടിസ്ഥാനമാക്കിയുളള കേരളത്തിലെ സി.ബി.എസ്.സി, ഐ.സിഎസ്.സി,  നവോദയ, കേന്ദ്രീയ വിദ്യാലയങ്ങളിലെ കായിക താരങ്ങള്‍ക്കായി സംസ്ഥാന സ്‌പോര്‍ട്‌സ് കൗണ്‍സില്‍ സ്‌പോര്‍ട്‌സ് മീറ്റ് സംഘടിപ്പിക്കും.  അണ്ടര്‍ 14നും, അണ്ടര്‍ 17നും (ആണ്‍കുട്ടികള്‍ക്കും, പെണ്‍കുട്ടികള്‍ക്കും) രണ്ടു വിഭാഗമായി അത്‌ലറ്റിക്‌സ് മത്സരം നടത്തും.  സംസ്ഥാന മത്സരങ്ങള്‍ ജനുവരി 30, 31 തീയതികളില്‍ തിരുവനന്തപുരത്ത് നടത്താനാണ് തീരുമാനം.  ജനുവരി 20ന് മുമ്പായി ജില്ലാതല മത്സരങ്ങള്‍ നടക്കും.  ജില്ലയില്‍ നിന്ന് ഒന്നും, രണ്ടും സ്ഥാനങ്ങള്‍ നേടുന്നവര്‍ക്ക് സംസ്ഥാന മത്സരത്തില്‍ പങ്കെടുക്കാം.

 പി.എന്‍.എക്‌സ്.5299/17

എട്ട് ജില്ലകളിലെ 15 തദ്ദേശ സ്വയംഭരണ വാര്‍ഡുകളില്‍ വോട്ടര്‍ പട്ടികയിലെ ഉള്‍ക്കുറിപ്പുകള്‍ തിരുത്തുന്നതിനും പേര് ഉള്‍പ്പെടുത്തുന്നതിനും ഇന്ന്  (ഡിസംബര്‍ 13) കൂടെ അവസരമുണ്ടാവുമെന്ന്  സംസ്ഥാന തെരഞ്ഞെടുപ്പു കമ്മീഷന്‍ അറിയിച്ചു.  തിരുവനന്തപുരം, കൊല്ലം, കോട്ടയം, ഇടുക്കി, പാലക്കാട്, മലപ്പുറം ജില്ലകളിലെ 12 ഗ്രാമപഞ്ചായത്ത് വാര്‍ഡുകളിലും എറണാകുളം ഏലൂര്‍ നഗരസഭയിലെ പാറയ്ക്കല്‍ വാര്‍ഡിലും പൊന്നാനി നഗരസഭയിലെ അഴീക്കല്‍ വാര്‍ഡിലും കാസര്‍ഗോഡ് കാറഡുക്ക ബ്ലോക്ക് പഞ്ചായത്തിലെ ബേഡകം വാര്‍ഡിലുമുള്ള വോട്ടര്‍ പട്ടികയിലാണ് പേരുചേര്‍ക്കാവുന്നത്. 

    മാതൃ-ശിശു സംരക്ഷണം, കുടുംബ ക്ഷേമ-ഗര്‍ഭ നിയന്ത്രണ പ്രവര്‍ത്തനങ്ങള്‍, കൗമാര ആരോഗ്യം, മാനസികാരോഗ്യം, ആര്‍ത്തവ ശുചിത്വം തുടങ്ങിയ വിഷയങ്ങളുമായി ബന്ധപ്പെട്ട് ജനങ്ങള്‍ക്കിടയില്‍ അവബോധം സൃഷ്ടിക്കുന്നതിന് വിവിധ കലാരൂപങ്ങള്‍ അവതരിപ്പിക്കുന്നതിന് വ്യക്തികള്‍ക്കും സംഘടനകള്‍ക്കും അപേക്ഷിക്കാം. 

സംസ്ഥാന വിദ്യാഭ്യാസ ഗവേഷണ പരിശീലന കേന്ദ്രത്തില്‍ (എസ്.സി.ഇ.ആര്‍.ടി., കേരള) ആര്‍ട്ട് എഡ്യൂക്കേഷന്‍ , കെമിസ്ട്രി, ഹിസ്റ്ററി വിഷയങ്ങളില്‍ അസിസ്റ്റന്റ് പ്രൊഫസര്‍/റിസര്‍ച്ച് ഓഫീസര്‍ തസ്തികകളിലേയ്ക്ക് ഡെപ്യൂട്ടേഷന്‍ വ്യവസ്ഥയില്‍ നിയമിക്കുന്നതിന് സര്‍ക്കാര്‍ സ്‌കൂളുകള്‍, സര്‍ക്കാര്‍ അദ്ധ്യാപക പരിശീലന കേന്ദ്രങ്ങള്‍, സര്‍ക്കാര്‍ കോളേജുകള്‍, സര്‍ക്കാര്‍ ട്രെയിനിംഗ് കോളേജുകള്‍, യൂണിവേഴ്‌സിറ്റികള്‍ എന്നിവിടങ്ങളിലെ അദ്ധ്യാപകരില്‍ നിന്നും നിശ്ചിത മാതൃകയില്‍ അപേക്ഷ ക്ഷണിച്ചു.  അപേക്ഷകള്‍ വകുപ്പ് മേലധികാരികളുടെ എന്‍.ഒ.സി.