ലോണ്‍ കുടിശ്ശിക ഈടാക്കുന്നതിനായി ഏറനാട് താലൂക്ക് വെറ്റിലപ്പാറ വില്ലേജ് സര്‍വ്വെ നമ്പര്‍ 6/1ല്‍പ്പെട്ട 01.0825 ഏക്കര്‍ സ്ഥലം ഡിസംബര്‍ 20ന് രാവിലെ 11ന് വെറ്റിലപ്പാറ വില്ലേജ് ഓഫീസില്‍ ലേലം ചെയ്യും.

    സര്‍വ്വേ ആന്‍ഡ് ലാന്റ് റെക്കോര്‍ഡ്‌സ് വകുപ്പില്‍ സര്‍വ്വേയര്‍ ഗ്രേഡ് 11 (കാറ്റഗറി 415/15) തസ്തികയുടെ സാധ്യതാ പട്ടികയിലുള്‍പ്പെട്ട ജില്ലയിലുള്ള ഉദ്യോഗാര്‍ഥികളുടെ ഒറ്റത്തവണ വെരിഫിക്കേഷന്‍ പി.എസ്.സിയുടെ കോഴിക്കോട് മേഖലാ ഓഫീസില്‍ ഡിസംബര്‍ 15 മുതല്‍ 2018 ജനുവരി മൂന്ന് വരെയുള്ള തിയ്യതികളില്‍ നടത്തും.  ഫോണ്‍ 0495 2371500.

         വണ്ടൂര്‍ പെയിന്‍ ആന്‍ഡ് പാലിയേറ്റീവ് കാന്‍സര്‍ കെയര്‍ സെന്റര്‍ 'ചേതന' സര്‍ക്കാര്‍ ഹോമിയോ ആശുപത്രിയിലേക്ക്  ലാബ് ടെക്‌നീഷ്യന്‍, സെക്യൂരിറ്റി, ക്ലീനര്‍ ഒഴിവുകളിലേക്ക് ദിവസ വേതനാടിസ്ഥാനത്തില്‍ നിയമിക്കുന്നതിന് അപേക്ഷ ക്ഷണിച്ചു.  യോഗ്യത, പേര്, വയസ്, ജാതി, മതം, മേല്‍വിലാസം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ അസ്സലും പകര്‍പ്പും സഹിതം ഡിസംബര്‍ 18ന് കൂടിക്കാഴ്ചയ്ക്ക് എത്തണം. ഫോണ്‍  04931 249600.

                മീനങ്ങാടി ഗവ.പോളിടെക്‌നിക്കില്‍ ജനുവരിയില്‍ ആരംഭിക്കുന്ന റഫ്രിജിറേഷന്‍ ആന്‍ഡ് എയര്‍ കണ്ടീഷന്‍ കോഴ്‌സുകളുടെ ഒന്നാം ബാച്ചിലേക്ക് അപേക്ഷ ക്ഷണിച്ചു.  അപേക്ഷകര്‍ എസ്.എസ്.എല്‍.സി. യോഗ്യതയുള്ളവരായിരിക്കണം.  ഫോണ്‍ 9847699720, 04936 248100.

                മുട്ടില്‍ ഗ്രാമപഞ്ചായത്തിന്റെ വാര്‍ഷിക പദ്ധതിയില്‍ ഉള്‍പ്പെടുത്തി സ്‌കൂള്‍ കുട്ടികള്‍ക്കും എസ്.ടി. വിദ്യാര്‍ത്ഥികള്‍ക്കും ഫുട്‌ബോള്‍ കോച്ചിംഗ് പരിശീലകരെ നിയമിക്കുന്നു.  ഓള്‍ ഇന്ത്യ ഫുട്‌ബോള്‍ ഫെഡറേഷന്‍ അംഗീകാരമുള്ള യോഗ്യരായവര്‍ ഡിസംബര്‍ 16നകം പഞ്ചായത്ത് ഓഫീസില്‍ ഹാജരാകണം.

                നെന്‍മേനി ഗ്രാമ പഞ്ചായത്തില്‍ നിന്നും വിധവാ പെന്‍ഷന്‍ കൈപ്പറ്റുന്ന   ഗുണഭോക്താക്കള്‍ പുനര്‍ വിവാഹം ചെയ്തിട്ടില്ലെന്ന  സാക്ഷ്യപത്രം ഡിസംബര്‍ മാസം 30നകം പഞ്ചായത്ത് ഓഫീസില്‍ സമര്‍പ്പിക്കണം.  ബാങ്ക് വഴി പെന്‍ഷന്‍ ലഭിക്കുന്ന എല്ലാ ഗുണഭോക്താക്കളും അക്ഷയകേന്ദ്രങ്ങള്‍ മുഖേന  ഡിസംബര്‍ 31നകം മസ്റ്ററിംഗ്  (ലൈഫ് സര്‍ട്ടിഫിക്കറ്റ്) നടത്തണമെന്നും സെക്രട്ടറി അറിയിച്ചു.

ആലപ്പുഴ: 2016 ജൂൺ 30 വരെ അഞ്ചുവർഷമോ അതിൽ കൂടുതലോ നികുതി കുടിശികയുള്ള വാഹനങ്ങൾക്ക്  കുടിശിക നികുതി ഒറ്റത്തവണയായി അടയ്ക്കാൻ അവസരം. ട്രാൻസ്‌പോർട്ട് വാഹനങ്ങൾക്ക് അവസാനത്തെ അഞ്ചുവർഷത്തെ നികുതിയും അധിക ടാക്‌സും പലിശയും ഉൾപ്പടെയുള്ള ആകെ തുകയുടെ 20 ശതമാനം മാത്രം നികുതി അടച്ചാൽ മതി. നോൺ ട്രാൻസ്‌പോർട്ട് വാഹനങ്ങൾക്ക് മേൽപ്പറഞ്ഞ തുകയുടെ 30 ശതമാനം നികുതി അടച്ചാൽ മതി. ഒറ്റത്തവണ തീർപ്പാക്കലിന് ഡിസംബർ 31വരെ അവസരം ലഭിക്കും. വിശദവിവരം mvdkerala,gov.in 

                ദേശീയ ഊര്‍ജ്ജ സംരക്ഷണ ദിനാചരണത്തിന്റെ ജില്ലാതല പരിപാടി ജില്ലാ പഞ്ചായത്ത് പ്രസിഡന്റ് പി.കെ.അസ്മത്ത് ഉദ്ഘാടനം ചെയ്യും.  ജില്ലയിലെ തെരഞ്ഞെടുത്ത 12 സ്‌കൂളുകള്‍ക്ക് ഊര്‍ജ്ജ ക്ഷമത വര്‍ദ്ധിപ്പിക്കുന്നതിന്റെ ഭാഗമായുള്ള വൈദ്യുത ഉപകരണങ്ങള്‍ വിതരണം ചെയ്യും.  ഊര്‍ജ്ജ സംരക്ഷണ ബോധവല്‍കരണവും നടത്തും.