ആലപ്പുഴ: ജില്ലാ അഗ്രി ഹോർട്ടിക്കൾച്ചറൽ സൊസൈറ്റി, കൃഷി വകുപ്പ്, എസ്.ഡി. കോളജ് ബോട്ടണി വിഭാഗം എന്നിവയുടെ സഹകരണത്തോടെ ഡിസംബർ 22 മുതൽ 28 വരെ എസ്.ഡി. വി. സ്‌കൂൾ ഗ്രൗണ്ടിൽ നടത്തുന്ന കാർഷിക വ്യാവസായിക പ്രദർശനത്തോടനുബന്ധിച്ച് ഫോട്ടോഗ്രാഫി മത്സരം സംഘടിപ്പിക്കുന്നു. മനുഷ്യൻ പ്രകൃതിയിലൂടെ എന്നതാണ് വിഷയം. ഒരാൾക്ക് ഒരു എൻട്രി നൽകാം. ചെയർമാൻ, റിസപ്ഷൻ കമ്മിറ്റി, ചന്ദ്ര നിവാസ്, സനാതനം വാർഡ്, ആലപ്പുഴ എന്ന വിലാസത്തിൽ ഡിസംബർ 20നകം എൻട്രി നൽകണം. ഫോൺ: 9846151332.

    (പി.എൻ.എ.3038/17)നികുതി അടച്ചാൽ മതി. 2017

കുറവിലങ്ങാട് കോഴായിലെ റീജണല്‍ സാങ്കേതിക പരിശീലന കേന്ദ്രത്തില്‍ കോട്ടയം, ഇടുക്കി ജില്ലയിലെ കര്‍ഷകര്‍ക്കായി തേനീച്ച വളര്‍ത്തല്‍ എന്ന വിഷയത്തെക്കുറിച്ച് ഡിസംബര്‍ 21, 22 തീയതികളില്‍ സൗജന്യ പരിശീലനം നടത്തും. താത്പര്യമുളളവര്‍ 04822 231351 എന്ന നമ്പരില്‍ വിളിക്കുക. ആദ്യം രജിസ്റ്റര്‍ ചെയ്യുന്ന 30 പേര്‍ക്ക് മുന്‍ഗണന.

ആലപ്പുഴ: ഗവൺമെന്റ് ദന്തൽ കോളജ് ആശുപത്രിയിൽ വിവിധ ഉപകരണങ്ങൾ വാങ്ങുന്നതിനു ക്വട്ടേഷനുകൾ ക്ഷണിച്ചു. കൺസർവേറ്റീവ് ഓർത്തോഡോന്റിക്‌സ് വിഭാഗത്തിലേക്ക് മോഡൽ ഡ്യൂപ്ലിക്കേറ്റിങ് അപ്പാരറ്റസ്, ഓർത്തോഡോന്റിക്‌സ് വിഭാഗത്തിലേക്ക് ഇംപ്ലാന്റ് കിറ്റ്, പ്രോസ്‌തോഡോന്റിക്‌സ് വിഭാഗത്തിലേക്ക് ഗെയ്‌സർ, വിവിധ വിഭാഗങ്ങളിലേക്ക് ഫയർ എസ്റ്റിഗ്യൂഷർ വാങ്ങുന്നതിനും പ്രോസ്‌തോഡോന്റിക്‌സ് വിഭാഗത്തിൽ ഡബിൾ സൈഡ് ഗ്യാസ് സ്റ്റൗ, പെരിയോഡോന്റിക്‌സ് വിഭാഗത്തിലേക്ക് ഫോട്ടോകോപ്പിയർ  എന്നിവ വാങ്ങുന്നതിനുള്ള ക്വട്ടേഷൻ ഡിസംബർ 21ന് വൈകിട്ട് നാലിനകം നൽകണം.

ആലപ്പുഴ: സ്വാമി വിവേകാനന്ദൻ കേരളം സന്ദർശിച്ചതിന്റെ 125-ാം വാർഷികത്തിന്റെ ഭാഗമായി സംസ്ഥാന സർക്കാർ സംഘടിപ്പിക്കുന്ന വിവേകാനന്ദ സ്പർശം ജില്ലാതല ആഘോഷത്തോടനുബന്ധിച്ച് കോളജ് വിദ്യാർഥികൾക്കായി ഉപന്യാസ രചന, ക്വിസ് മത്സരങ്ങൾ സംഘടിപ്പിക്കുന്നു. ജില്ലാ ഭരണകൂടവും കേരള സംസ്ഥാന ഫിലിം ഡെവലപ്‌മെന്റ് കോർപറേഷനും ഇൻഫർമേഷൻ-പബ്ലിക് റിലേഷൻസ് വകുപ്പും സംയുക്തമായാണ് മത്സരം നടത്തുന്നത്. ഡിസംബർ 19ന് രാവിലെ 10ന് ആലപ്പുഴ ടൗൺ ഹാളിലാണ് മത്സരം. പ്രൊഫഷണൽ കോളജുകളിൽ പഠിക്കുന്നവർക്കടക്കം മത്സരത്തിൽ പങ്കെടുക്കാം. ക്വിസ് മത്സരത്തിൽ രണ്ടു പേരടങ്ങുന്ന ടീമിന് മത്സരിക്കാം.