മലമ്പുഴ ഗവ.ഐ.ടി.ഐ യില്‍ ഇന്‍സ്ട്രുമെന്‍റ് മെക്കാനിക്ക് ട്രേഡില്‍ ഗസ്റ്റ് ഇന്‍സ്ട്രക്ടറെ ഒഴിവിലേക്ക് ഡിസംബര്‍ 22-ന് രാവിലെ 11 ന് കൂടിക്കാഴ്ച നടക്കും. ബന്ധപ്പെട്ട ട്രേഡില്‍ എന്‍.ടി.സി യും മൂന്ന് വര്‍ഷത്തെ പ്രവൃത്തി പരിചയവും അല്ലെങ്കില്‍ എന്‍.എ.സി യും ഒരു വര്‍ഷത്തെ പ്രവൃത്തി പരിചയവും അല്ലെങ്കില്‍ ബന്ധപ്പെട്ട ബ്രാഞ്ചില്‍ മൂന്നു വര്‍ഷ ഡിപ്ലോമയോ, ഡിഗ്രിയോ ആണ് യോഗ്യത. താല്‍പ്പര്യമുളളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം ഹാജരാകണം.

    
    പാലക്കാട് താലൂക്ക് വികസന സമിതി യോഗം ജനുവരി ആറിന് രാവിലെ 10.30 ന് താലൂക്ക് സമ്മേളന ഹാളില്‍ ചേരും. യോഗത്തില്‍ ബന്ധപ്പെട്ട ജനപ്രതിനിധികളും ഉദ്യോഗസ്ഥരും പങ്കെടുക്കും.

ചെന്നീര്‍ക്കര ഗ്രാമപഞ്ചായത്തില്‍ 660 ചതുരശ്ര അടിയില്‍ താഴെയുള്ള സ്വന്തം താമസത്തിന് ഉപയോഗിക്കുന്ന വാസഗൃഹങ്ങളെ വസ്തു നികുതിയില്‍ നിന്ന് ഒഴിവാക്കും. ഇതിനായി ഈ മാസം 27ന് മുമ്പ് അനുബന്ധം 2 ഫോറം പൂരിപ്പിച്ച് പഞ്ചാത്ത് ഓഫീസില്‍ നല്‍കണം. 

വസ്തു നികുതി കുടിശിക നോട്ടീസ് ലഭിച്ചവര്‍ ഈ മാസം 31ന് മുമ്പ് കുടിശിക അടച്ച് റവന്യു റിക്കവറി നടപടികള്‍ ഒഴിവാക്കണമെന്ന് സെക്രട്ടറി അറിയിച്ചു. 

        (പിഎന്‍പി 3449/17)

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ ഉള്‍പ്പെടുത്തി വള്ളിക്കോട് ഗ്രാമപഞ്ചായത്തിലെ എല്ലാ വാര്‍ഡുകളിലും ഫലവൃക്ഷതൈ ഉത്പാദിപിച്ച് വിതരണം ചെയ്യും. ഇതിനായി ഏറ്റെടുത്ത നഴ്‌സറി എട്ടാം വാര്‍ഡില്‍ പഞ്ചായത്ത് പ്രസിഡന്റ് ലിസിമോള്‍ ഉദ്ഘാടനം ചെയ്തു. വാര്‍ഡംഗം ലിസി ജോണ്‍സണ്‍ അധ്യക്ഷത വഹിച്ച ചടങ്ങില്‍ സ്റ്റാന്‍ഡിംഗ് കമ്മിറ്റി അധ്യക്ഷരായ നിര്‍മല സാം, വി.ഷൈജു, അംഗങ്ങളായ എം.പി.ജോസ്,  കെ.കെ.മനോഹരന്‍, ലേഖ ജയകുമാര്‍, ജെയ്‌സി കോശി, കോന്നി ബിഡിഒ അനുമാത്യു, പഞ്ചായത്ത് സെക്രട്ടറി നന്ദകുമാര്‍ എന്നിവര്‍ പങ്കെടുത്തു.