നിയമസഭാ തിരഞ്ഞെടുപ്പിന്റെ വോട്ടെണ്ണലിനോട് അനുബന്ധിച്ച് ജില്ലയിൽ ക്രമസമാധാന നില ഭദ്രമാക്കുന്നതിനായി മേയ് നാലിന്
 സമ്പൂർണ്ണ മദ്യ നിരോധനം ഏർപ്പെടുത്തി ജില്ലാ കളക്ടർ ഉത്തരവായി.

2026 - നിയമ സഭ തിരഞ്ഞെടുപ്പ് പൂർത്തീകരണത്തിൻ്റെ ഭാഗമായി മെയ് 4, 5 തീയതികളിൽ ആലപ്പുഴ സിവിൽ സ്റ്റേഷൻ കോംമ്പൌണ്ടിൽ സ്വകാര്യ- ഓദ്യോഗിക വാഹനങ്ങളുടേയും പ്രവേശനം നിരോധിച്ചിരിക്കുന്നതായി ജില്ലാ കളക്ടർ അറിയിച്ചു.

കാവാലം ഗവ. ടെക്നിക്കല്‍ ഹൈസ്‌കൂളില്‍ എട്ടാം ക്ലാസ്സില്‍ ഒഴിവുള്ള ഏതാനും സീറ്റുകളിലേക്ക് അപേക്ഷകള്‍ ക്ഷണിച്ചു. താൽപര്യമുള്ള വിദ്യാര്‍ഥികള്‍ മേയ് അഞ്ചിന് രാവിലെ 10 മണിക്ക് ആവശ്യമുള്ള രേഖകള്‍ സഹിതം രക്ഷാകര്‍ത്തക്കളുമായി സ്‌കൂളില്‍ എത്തിച്ചേരണം.  ഫോണ്‍: 9946351354, 9249938850.

മാലിന്യ സംസ്‌കരണ രംഗത്ത് പുതിയൊരധ്യായം കുറിച്ച് എറണാകുളം ജില്ലാ ഭരണകൂടവും സെന്റ് തെരേസാസ് കോളേജും. 

തിരഞ്ഞെടുപ്പ് കാലത്തെ പേപ്പർ അവശിഷ്ടങ്ങൾ, തയ്യൽ മാലിന്യങ്ങൾ, കുളവാഴ എന്നിവ ഉപയോഗിച്ച് ജില്ലാ ഭരണകൂടത്തിന്റെ നേതൃത്വത്തിൽ ശുചിത്വ മിഷൻ, ഹരിത കേരള മിഷൻ, സെന്റ് തെരേസാസ് കോളേജിലെ ഭൂമിത്ര സേനാ ക്ലബ്,  മാത്തമാറ്റിക്സ് വിഭാഗം എന്നിവ സംയുക്തമായി നിർമ്മിച്ച ഭരണഘടനയുടെ ആമുഖം തിരഞ്ഞെടുപ്പ് ഒബ്സെർവർമാർക്ക് ഉപഹാരമായി നൽകി. 

കളക്ടറുടെ ചേംബറിൽ നടന്ന ചടങ്ങിൽ ജില്ലാ കളക്ടർ ജി പ്രിയങ്ക ഉപഹാരങ്ങൾ കൈമാറി.  

നിയമസഭാ തിരഞ്ഞെടുപ്പിന്റെ വോട്ടെണ്ണൽ നടപടികൾക്കായി ജില്ലയിലെ ഉദ്യോഗസ്ഥ വിന്യാസം അവസാന ഘട്ടത്തിലേക്ക്.

 കൗണ്ടിംഗ് സൂപ്പർവൈസർമാർ, കൗണ്ടിംഗ് അസിസ്റ്റന്റുമാർ, മൈക്രോ ഒബ്സർവർമാർ എന്നിവരുടെ മണ്ഡലം തിരിച്ചുള്ള രണ്ടാം ഘട്ട റാൻഡമൈസേഷൻ പൂർത്തിയായി.

ജില്ലാ കളക്ടറുടെ ചേംബറിൽ  റിട്ടേണിംഗ് ഓഫീസർമാർ, കേന്ദ്ര തിരഞ്ഞെടുപ്പ് നിരീക്ഷകർ എന്നിവരുടെ നേരിട്ടുള്ള മേൽനോട്ടത്തിലാണ് നടപടികൾ പൂർത്തിയാക്കിയത്.

കോളേജ് വിദ്യാർത്ഥികൾക്കായി അസാപ് കേരളയുടെ നേതൃത്വത്തിൽ ഐടി, ബാങ്കിംഗ്, വിഷ്വൽ മീഡിയ മേഖലകളിൽ വിവിധ ഇന്റേൺഷിപ്പ് പ്രോഗ്രാമുകൾ സംഘടിപ്പിക്കുന്നു. ജാവ, പൈത്തൺ, ഡാറ്റ സയൻസ്, ടാലി, ഡിജിറ്റൽ മാർക്കറ്റിംഗ്, വെബ് ഡിസൈനിംഗ് തുടങ്ങി അമ്പതോളം വിഷയങ്ങളിൽ പരിശീലനവും സർട്ടിഫിക്കറ്റും ലഭിക്കും. താല്പര്യമുള്ളവർ മേയ് 12നകം https://forms.gle/cVwM2TKAXyDadbhB9 വഴി രജിസ്റ്റർ ചെയ്യണം. 

ഫോൺ : 9495999667 (പാലക്കാട്), 9495999658 (മലപ്പുറം), 9495999675 (തൃശൂർ).

സംസ്ഥാന സർക്കാർ സ്ഥാപനമായ സി-ഡിറ്റ് തിരുവനന്തപുരത്ത് നടത്തുന്ന വിവിധ ഡിജിറ്റൽ മീഡിയ കോഴ്സുകളിലേക്ക് അപേക്ഷ ക്ഷണിച്ചു. ഡിജിറ്റൽ മീഡിയ പ്രൊഡക്ഷൻ, ഡിജിറ്റൽ വീഡിയോഗ്രാഫി, വീഡിയോ എഡിറ്റിംഗ് എന്നിവയിൽ ഡിപ്ലോമ കോഴ്സുകൾക്കും ഡിജിറ്റൽ സ്റ്റിൽ ഫോട്ടോഗ്രാഫിയിൽ സർട്ടിഫിക്കറ്റ് കോഴ്സിനുമാണ് അവസരം. കെ-ഡിസ്കിന് കീഴിലുള്ള കേരള നോളഡ്ജ് ഇക്കോണമി മിഷൻ പദ്ധതിയിലൂടെ അർഹരായവർക്ക് സ്കോളർഷിപ്പ് ലഭിക്കും. അപേക്ഷിക്കേണ്ട അവസാന തീയതി ഏപ്രിൽ 15. 
ഫോൺ: 8547720167, വെബ്സൈറ്റ്: https://mediastudies.cdit.org/

ട്രോളിംഗ് നിരോധന കാലയളവിലും കാലവർഷത്തോടനുബന്ധിച്ചുള്ള കടൽക്ഷോഭം, പ്രളയം തുടങ്ങിയ അടിയന്തര സാഹചര്യങ്ങളിലും രക്ഷാപ്രവർത്തനങ്ങൾക്കായി ലൈഫ് ഗാർഡുമാരെ ദിവസവേതനാടിസ്ഥാനത്തിൽ നിയമിക്കുന്നു. രജിസ്റ്റർ ചെയ്ത മത്സ്യത്തൊഴിലാളികൾ ആയിരിക്കണം അപേക്ഷകർ. ഗോവ നാഷണൽ ഇൻസ്റ്റിറ്റ്യൂട്ട് ഓഫ് വാട്ടർ സ്പോർട്സിൽ നിന്നുള്ള പരിശീലനം, 20നും 60നും ഇടയിൽ പ്രായം എന്നിവയാണ് യോഗ്യത. 2018ലെ പ്രളയസമയത്ത് രക്ഷാപ്രവർത്തനങ്ങളിൽ പങ്കെടുത്തവർക്ക് മുൻഗണന ലഭിക്കും. താല്പര്യമുള്ളവർ മേയ് 16നകം വൈപ്പിൻ ഫിഷറീസ് അസിസ്റ്റന്റ് ഡയറക്ടറുടെ ഓഫീസിൽ അപേക്ഷ നൽകണം. 
ഫോൺ: 0484-2502768.
 

ഐ.എച്ച്.ആർ.ഡി സെന്റർ ഫോർ അഡ്വാൻസ്ഡ് ടെക്നോളജി ആൻഡ് സ്കിൽസിൽ മേയ് മാസം ആരംഭിക്കുന്ന എഫ്.വൈ.യു.ജി.പി ഇന്റേൺഷിപ്പ് പ്രോഗ്രാമിലേക്ക് അപേക്ഷ ക്ഷണിച്ചു. എ.ഐ. ആൻഡ് റോബോട്ടിക്സ്, ഡിജിറ്റൽ മാർക്കറ്റിംഗ്, ഡാറ്റ സയൻസ്, പൈത്തൺ പ്രോഗ്രാമിംഗ്, ജി.എസ്.ടി ടാക്സ് ഫില്ലിംഗ്, കണ്ടന്റ് റൈറ്റിംഗ് തുടങ്ങി വിവിധ വിഷയങ്ങളിലാണ് പരിശീലനം. താല്പര്യമുള്ളവർക്ക് https://skillcentre.ihrd.ac.in വഴി രജിസ്റ്റർ ചെയ്യാം. 
ഫോൺ : 9495069307, 8547005087.

തിരുവനന്തപുരം മുട്ടടയിൽ പ്രവർത്തിക്കുന്ന ഐ.എച്ച്.ആർ.ഡി സെന്റർ ഫോർ അഡ്വാൻസ്ഡ് ടെക്നോളജീസ് ആൻഡ് സ്കിൽസിൽ മേയ് മാസം ആരംഭിക്കുന്ന യുജിസി നെറ്റ് പേപ്പർ 1 (ഹൈബ്രിഡ് മോഡ്) പരിശീലനത്തിന് അപേക്ഷ ക്ഷണിച്ചു. 
ഫോൺ: 8136882389, 9495069307, 8547005087, 0471 2660512.