മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയുടെ ഭാഗമായി അഞ്ച് റോഡുകളുടെ നിർമാണോദ്ഘാടനം ഉന്നത വിദ്യാഭ്യാസ, സാമൂഹ്യനീതി വകുപ്പ് മന്ത്രി ഡോ. ആർ. ബിന്ദു നിർവ്വഹിച്ചു. കാറളം ഗ്രാമപഞ്ചായത്തിലേക്ക് അനുവദിച്ച റോഡുകളായ എ.കെ.ജി പുഞ്ചപ്പാടം റോഡ്, ഐ.എച്ച്.ഡി.പി റോഡ്, ചെമ്മണ്ട നഗർ റോഡ്, മനപ്പടി വെട്ടിക്കര റോഡ്, താണിശ്ശേരി ഹെൽത്ത് സെന്റർ റോഡ് എന്നീ റോഡുകളുടെ നിർമാണോദ്ഘാടനമാണ് മന്ത്രി നിർവ്വഹിച്ചത്. 

വിശിഷ്ട സേവനത്തിന് രാഷ്ട്രപതിയുടെ മെഡലും മികച്ച അധ്യാപകനുള്ള മൂന്ന് അവാർഡുകളും ഉൾപ്പെടെ നിരവധി പുരസ്കാരങ്ങൾ നേടി വിരമിച്ച പ്രധാനാധ്യാപകൻ തൻ്റെ സർവ്വീസ് ആനുകൂല്യങ്ങളുടെ വിവരം തേടി അലഞ്ഞത് മൂന്നു വർഷം. ഒടുവിൽ വിവരാവകാശ കമ്മിഷണർ ഇടപെട്ടപ്പോൾ മൂന്നാഴ്ചയ്കം വിവരങ്ങളും ആനുകൂല്യങ്ങളും ലഭ്യമാക്കാമെന്ന് വിദ്യാഭ്യാസ വകുപ്പ്.

പ്രവാസികള്‍ക്ക് പിക്കപ്പ് വാന്‍ വിതരണം

തലക്കുളത്തൂര്‍ ഗ്രാമപഞ്ചായത്തില്‍ 2024-25 വാര്‍ഷിക പദ്ധതിയില്‍ ഉള്‍പ്പെടുത്തി പ്രവാസികള്‍ക്ക് പിക്കപ്പ് വാന്‍ വിതരണം ചെയ്തു. ഗ്രാമപഞ്ചായത്ത് പ്രസിഡന്റ് കെ ടി പ്രമീള വിതരണോദ്ഘാടനം നിര്‍വഹിച്ചു. സ്ഥിരം സമിതി അധ്യക്ഷ സീന സുരേഷ് അധ്യക്ഷത വഹിച്ചു. വിഇഒ ഷിബു റിപ്പോര്‍ട്ട് അവതരിപ്പിച്ചു. സ്ഥിരം സമിതി അധ്യക്ഷരായ അനി കോരാമ്പ്ര, കെ ജി പ്രജിത, ഗ്രാമപഞ്ചായത്ത് അംഗം ഗിരിജ, സെക്രട്ടറി രാജേഷ് ശങ്കര്‍ എന്നിവര്‍ സംസാരിച്ചു.

മെയ്ദിനം: കായിക മത്സരങ്ങളില്‍ പങ്കെടുക്കാം 

 സംസ്ഥാനത്തെ എല്ലാ ഭവനരഹിതർക്കും അടച്ചുറപ്പുള്ള വീടെന്ന സ്വപ്നം സാക്ഷാത്കരിക്കുന്ന ലൈഫ് പദ്ധതി ലോകത്തിന് മാതൃകയാണെന്ന് കായിക, വഖഫ് ഹജ്ജ് വകുപ്പ് മന്ത്രി വി. അബ്ദുറഹിമാൻ.

 ലൈഫ് പി എം എ വൈ ഗുണഭോക്തൃ സംഗമവും മതിലകം ബ്ലോക്ക് പഞ്ചായത്തിന്റെ പുതിയ കോൺഫറൻസ് ഹാളും ഉദ്ഘാടനം നിർവഹിച്ച് സംസാരിക്കുകയായിരുന്നു മന്ത്രി. 

ലഹരിക്കെതിരെ പിടിമുറുക്കി കയ്പമംഗലം മണ്ഡലത്തിലെ ജനകീയ കൂട്ടായ്മകൾ. കയ്പമംഗലം നിയോജകമണ്ഡലത്തിലെ മുഴുവൻ ജനപ്രതിനിധികൾ, സർക്കാർ ഉദ്യോഗസ്ഥർ, രാഷ്ട്രീയ സാമൂഹിക കലാകായിക സംഘടനകൾ, വിമുക്തി, യോദ്ധാവ് പദ്ധതികളുടെ സംഘാടകർ എന്നിവരെ ഉൾപ്പെടുത്തി ലഹരിക്കെതിരെ പ്രവർത്തിക്കുന്ന ജനകീയ കൂട്ടായ്മ കൂടുതൽ സ്ഥലങ്ങളിലേക്ക് വ്യാപിപ്പിക്കുന്നതിന്റെ ഭാഗമായി സ്വരക്ഷാ ക്യാമ്പയിൻ സംഘടിപ്പിച്ചു.

അടിപ്പാത നിർമ്മാണ മേഖലയിൽ ഗതാഗതക്കുരുക്ക് ഒഴിവാക്കുന്നതിന് പോലീസിൻ്റെ സഹായത്തോടെ ആവശ്യമായ നടപടികൾ അടിയന്തരമായി സ്വീകരിക്കുന്നതിന് നാഷണൽ ഹൈവേ അതോറിറ്റിക്ക് ജില്ലാ കളക്ടർ നിർദ്ദേശം നൽകി. സുഗമമായ ഗതാഗതസൗകര്യം ഉറപ്പുവരുത്തുന്നതുവരെ പാലിയേക്കര ടോൾ പ്ലാസയിലെ ടോൾപിരിവ് താത്കാലികമായി നിർത്തിവച്ച് കളക്ടർ ഉത്തരവിട്ടു. ഉത്തരവ് നാഷണൽ ഹൈവേ അതോറിറ്റി പാലിക്കുന്നുണ്ടെന്ന് തൃശൂർ റൂറൽ ജില്ലാ പോലീസ് മേധാവി ഉറപ്പുവരുത്തണം. സുഗമമായ ഗതാഗതസൗകര്യം ഉറപ്പായതിന് ശേഷം ഉത്തരവ് പുന:പരിശോധിക്കുമെന്നും ഉത്തരവിൽ പറയുന്നു.

തൃശ്ശൂർ ഗവ. എഞ്ചിനീയറിങ് കോളേജിൽ വിവിധ ഭാഗങ്ങളിൽ മുറിച്ചിട്ടിരിക്കുന്ന മരത്തടികളും വിറകുകളും മെയ് 12ന് ലേലം ചെയ്യും. ലേലത്തിൽ പങ്കെടുക്കുന്നവർ 1500 രൂപ നിരതദ്രവ്യം അടക്കണം.

കൂടുതൽ വിവരങ്ങൾക്കായി വെബ്സൈറ്റ്: www.gectcr.ac.in

ഫോൺ: 0487 2334144.

കേരള റിവർ മാനേജ്‌മെൻ്റ് ആക്റ്റ് പ്രകാരം കസ്റ്റഡിയിലെടുത്തതും ചേലക്കര പോലീസ് സ്റ്റേഷനിൽ സൂക്ഷിച്ചിട്ടുള്ളതുമായ വാഹനങ്ങൾ ലേലം ചെയ്യുന്നു. വാഹനത്തിൽ അവകാശമുള്ളവർ ഈ പരസ്യം പ്രസിദ്ധപ്പെടുത്തി ഒരാഴ്ചക്കുള്ളിൽ അവകാശം ഉന്നയിച്ച് സബ് ഡിവിഷണൽ ആൻ്റ് സബ് കളക്ടർ മുമ്പാകെ ഹാജരായില്ലെങ്കിൽ പ്രസ്തു‌ത വാഹനങ്ങൾ ലേലം ചെയ്യും.

കൂടുതൽ വിവരങ്ങൾക്കായി ഫോൺ: 0487 2360100.

കേരള സ്റ്റേറ്റ് ഇലക്ട്രിസിറ്റി ലൈസൻസിംഗ് ബോർഡിൻ്റെ ആഭിമുഖ്യത്തിൽ നടത്തുന്ന ഇലക്ട്രിക്കൽ വയർമാൻ എഴുത്തു പരീക്ഷ 2024 മേയ് എട്ടിന് തൃശ്ശൂർ സെന്റ് തോമസ് കോളേജിൻ്റെ ജൂബിലി ബ്ലോക്കിൽ നടത്തും. രാവിലെ പത്ത് മുതൽ ഉച്ചയ്ക്ക് 12 വരെയാണ് പരീക്ഷ.