ഇരിങ്ങാലക്കുട, വെള്ളാങ്കല്ലൂര്‍ ബ്ലോക്ക് ക്ലസ്റ്റര്‍തല കുടുംബശ്രീ അരങ്ങ് കലോത്സവത്തിന് ഇന്ന് (ഏപ്രില്‍ 30) തുടക്കമാവും. ഏപ്രില്‍ 30, മെയ് രണ്ട് എന്നീ തിയ്യതികളിലായി ഗേള്‍സ് എല്‍.പി സ്‌കൂള്‍, ടൗണ്‍ ഹാള്‍ ഇരിങ്ങാലക്കുട, എന്നിവിടങ്ങളിലായാണ് കലോത്സവം നടക്കുന്നത്.

 വടക്കാഞ്ചേരി പുഴയിലെ ചാലിപ്പാടം ചിറ മുതല്‍ കുമ്മായ ചിറ വരെയുള്ള ഭാഗത്തുനിന്ന് നീക്കം ചെയ്യുന്ന മണ്ണ് നീക്കം ചെയ്യുന്ന സമയത്ത് നേരിട്ട് ലേലം ചെയ്യും. മെയ് 5 ന് രാവിലെ 11ന് എക്‌സിക്യൂട്ടീവ് എഞ്ചിനീയറോ അദ്ദേഹം ചുമതലപ്പെടുത്തുന്ന ഉദ്യോഗസ്ഥനായിരിക്കും ലേലം നടത്തുക.  മത്സര സ്വഭാവമുള്ള ക്വട്ടേഷനുകള്‍ സംസ്ഥാനത്തുള്ള ഏതെങ്കിലും അംഗീകൃത ബാങ്കില്‍ നിന്നും എക്‌സിക്യൂട്ടീവ് എഞ്ചിനീയര്‍, അഡീഷണല്‍ ഇറിഗേഷന്‍ ഡിവിഷന്‍ തൃശൂര്‍ എന്ന ഉദ്യോഗസ്ഥന്റെ പേരില്‍ പ്ലഡ്ജ് ചെയ്ത സ്ഥിരനിക്ഷേപ രസീത് അടക്കം നിരതദ്രവ്യം  ഉള്ളടക്കം ചെയ്ത മുദ്രവച്ച കവറുകളില്‍ സ്വീകരിക്കുന്നതാണ്.

കേരള മോട്ടോര്‍ തൊഴിലാളി ക്ഷേമനിധി പദ്ധതിയില്‍ സജീവാംഗങ്ങളായ തൊഴിലാളികളുടെ സര്‍ക്കാര്‍, സര്‍ക്കാര്‍ എയ്ഡഡ് സ്‌കൂളുകളില്‍ 2025-26 അധ്യയന വര്‍ഷത്തില്‍ ഒന്ന് മുതല്‍ ഏഴ് വരെ ക്ലാസ്സുകളില്‍ പഠിക്കുന്ന കുട്ടികള്‍ക്ക് സൗജന്യ പഠന കിറ്റ് വിതരണം ചെയ്യുന്നതിന് അപേക്ഷ ക്ഷണിച്ചു. മെയ് ഒന്‍പതാണ് അപേക്ഷ സമര്‍പ്പിക്കേണ്ട അവസാന തീയതി. അപേക്ഷയും മറ്റ് വിശദ വിവരങ്ങളും ജില്ലാ ഓഫീസിലും, ബോര്‍ഡിന്റെ ഔദ്യോഗിക വെബ്‌സൈറ്റായ kmtwwfb.org യിലും ലഭ്യമാണ്. ഫോണ്‍: 0487 2446545.

പാലിയേക്കര ടോള്‍പിരിവ് നിര്‍ത്തിവെച്ചുകൊണ്ട് ഏപ്രില്‍ 28 ന് പുറപ്പെടുവിച്ച ഉത്തരവ് റദ്ദ് ചെയ്തുകൊണ്ട് ജില്ലാ കളക്ടര്‍ അര്‍ജുന്‍ പാണ്ഡ്യന്‍ ഉത്തരവിറക്കി. പാലിയേക്കര ടോള്‍ പ്ലാസയുമായി ബന്ധപ്പെട്ട് ദേശീയപാത അധികൃതര്‍ ഏപ്രില്‍ 29 ന് രേഖാമൂലം ഉറപ്പ് നല്‍കിയതിന്റെയും സര്‍ക്കാര്‍ നിര്‍ദ്ദേശത്തിന്റെയും അടിസ്ഥാനത്തിലാണിത്.

തൃശ്ശൂര്‍ ജില്ലയില്‍ ഐ എസ് എം /ഐ എം എസ് ആയുര്‍വേദ കോളേജ് വകുപ്പില്‍ ഫാര്‍മസിസ്റ്റ് ഗ്രേഡ് 2 (ആയുര്‍വേദ) കാറ്റഗറി നമ്പര്‍ 531/ 2019  തസ്തികയിലേക്കായി 2022 ജനുവരി 15ന് പ്രാബല്യത്തില്‍ വന്ന 24/ 2022 ഡിഒആര്‍ നമ്പര്‍ റാങ്ക് പട്ടിക നിശ്ചിത കാലാവധി പൂര്‍ത്തിയായതിനെ തുടര്‍ന്ന് 2025 ജനുവരി 14ന് അര്‍ദ്ധരാത്രി മുതല്‍ റദ്ദാക്കിയതായി കേരള പബ്ലിക് സര്‍വീസ് കമ്മീഷന്‍ ജില്ലാ ഓഫീസര്‍ അറിയിച്ചു.

2025-27 അധ്യയനവര്‍ഷത്തെ എം.ബി.എ പ്രവേശനത്തിനായുള്ള 'കെ-മാറ്റ്' രണ്ടാം ഘട്ട പരീക്ഷയ്ക്ക് അപേക്ഷിക്കാനുള്ള ഹെല്‍പ്പ് ഡെസ്‌ക് പ്രവര്‍ത്തനമാരംഭിച്ചു. പുന്നപ്രയില്‍ പ്രവര്‍ത്തിക്കുന്ന സര്‍ക്കാര്‍ സഹകരണ എം.ബി.എ കോളേജായ ഇന്‍സ്റ്റിറ്റ്യൂട്ട് ഓഫ് മാനേജ്മെന്റ് ആന്‍ഡ് ടെക്‌നോളജി (ഐ.എം.ടി) യിലാണ് ഹെല്‍പ്പ് ഡെസ്‌ക് സജ്ജീകരിച്ചിരിക്കുന്നത്.

ലോക മലമ്പനി ദിനാചരണം ജില്ലാതല ഉദ്ഘാടനം സംഘടിപ്പിച്ചു. സേവ്യര്‍ ചിറ്റിലപ്പിള്ളി എംഎല്‍എ ഉദ്ഘാടനം നിര്‍വ്വഹിച്ചു. പുഴയ്ക്കല്‍ ബ്ലോക്ക് പഞ്ചായത്ത് പ്രസിഡന്റ് ലീല രാമകൃഷ്ണന്‍ അധ്യക്ഷത വഹിച്ചു. അടാട്ട് ഗ്രാമപഞ്ചായത്ത് പ്രസിഡന്റ് സിമി അജിത്കുമാര്‍ മുഖ്യാതിഥിയായി.

പാറളം ഗ്രാമപഞ്ചായത്തിലെ അമ്മാടം മുള്ളക്കര ലിഫ്റ്റ് ഇറിഗേഷന്‍ പുനരുദ്ധാരണ പ്രവര്‍ത്തനങ്ങള്‍ നടത്തി നാടിന് സമര്‍പ്പിച്ചു. ലിഫ്റ്റ് ഇറിഗേഷന്‍ പ്രവര്‍ത്തനങ്ങളുടെ ഉദ്ഘാടനം ജില്ലാ പഞ്ചായത്ത് പ്രസിഡന്റ് വി.എസ് പ്രിന്‍സ് നിര്‍വ്വഹിച്ചു. തൃശ്ശൂര്‍ ജില്ലാ പഞ്ചായത്തും പാറളം ഗ്രാമപഞ്ചായത്തും സംയുക്തമായാണ് അമ്മാടം മുള്ളക്കര ലിഫ്റ്റ് ഇറിഗേഷന്‍ പുനരുദ്ധാരണ പ്രവര്‍ത്തനങ്ങള്‍ നടത്തിയത്.

സംസ്ഥാന വിനോദസഞ്ചാര വകുപ്പിന്റെ കീഴിലുള്ള പൂത്തോള്‍ ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ടില്‍ വീട്ടമ്മമാര്‍ക്കും സ്വയം തൊഴില്‍ കണ്ടെത്താന്‍ ആഗ്രഹിക്കുന്നവര്‍ക്കുമായി ഹ്രസ്വകാല കോഴ്സുകള്‍ നടത്തുന്നു. മെയ് മാസത്തില്‍ അഞ്ച് ദിവസം വീതമായി ബേക്കറി ആന്‍ഡ് കണ്‍ഫെക്ഷണറി, കുക്കറി, ഫുഡ് പ്രിസര്‍വേഷന്‍ ആന്‍ഡ് കറി പൗഡര്‍, മസാല മേക്കിങ് എന്നീ വിഷയങ്ങളിലാണ് പരിശീലനം നല്‍കുന്നത്. കൂടുതല്‍ വിവരങ്ങള്‍ക്കായി ഫോണ്‍: 0487 2384253, 9447610223.

പട്ടിക വര്‍ഗ്ഗ വികസന വകുപ്പിന് കീഴില്‍ നായരങ്ങാടിയില്‍ പ്രവര്‍ത്തിക്കുന്ന മോഡല്‍ റസിഡന്‍ഷ്യല്‍ സ്‌കൂളിലെ വിദ്യാര്‍ത്ഥികള്‍ക്ക് 2025-26 അധ്യയനവര്‍ഷം നൈറ്റ് ഡ്രസ് വിതരണം ചെയ്യുന്നതിന് താല്‍പര്യമുള്ള വ്യക്തികളില്‍ നിന്നോ അംഗീകൃത സ്ഥാപനങ്ങളില്‍ നിന്നോ മുദ്രവെച്ച ടെണ്ടര്‍ ക്ഷണിച്ചു. മെയ് 18ന് ഉച്ചയ്ക്ക് ഒരു മണിക്ക് മുന്‍പായി ടെണ്ടറുകള്‍ സീനിയര്‍ സൂപ്രണ്ട്, മോഡല്‍ റെസിഡന്‍ഷ്യല്‍  സ്‌കൂള്‍, ചാലക്കുടി, നായരങ്ങാടി എന്ന വിലാസത്തില്‍ ലഭിക്കണം. കൂടുതല്‍ വിവരങ്ങള്‍ക്കായി ഫോണ്‍: 9207098160.