നിയമസഭാ തിരഞ്ഞെടുപ്പിനു മുന്നോടിയായി വോട്ടര്‍ പട്ടികയുടെ ശുദ്ധീകരണവുമായി ബന്ധപ്പെട്ട പ്രവര്‍ത്തനത്തില്‍  രാഷ്ട്രീയ പാര്‍ട്ടികളുടെ പൂര്‍ണ സഹകരണം ഉണ്ടാകണമെന്ന് ജില്ലാ കലക്ടര്‍ എസ്. പ്രേം കൃഷ്ണന്‍ അറിയിച്ചു. പട്ടികയിലുള്ള മരണപ്പെട്ടവരുടെയും മണ്ഡലങ്ങളില്‍ നിന്നും മാറിയവരെയും കണ്ടെത്തി ഒഴിവാക്കുന്നതിന് രാഷ്ട്രീയ പാര്‍ട്ടികള്‍ സഹകരിക്കണം. പുതിയ വോട്ടര്‍മാരെ പട്ടികയില്‍ ചേര്‍ക്കുന്നതിന് ബൂത്ത് ലെവല്‍ ഏജന്റുമാരുടെ  പൂര്‍ണ സഹകരണം ഉണ്ടാകണം.

വിഴിഞ്ഞം തുറമുഖം കമ്മിഷനി൦ഗുമായി ബന്ധപ്പെട്ട് ബഹുമാനപ്പെട്ട പ്രധാനമന്ത്രിയുടെ വിഴിഞ്ഞം സന്ദർശനത്തിന്റെ  സുരക്ഷാ മുൻകരുതൽ നടപടികളുടെ ഭാഗമായി  പങ്കെടുക്കുന്ന എല്ലാവരും ആധികാരികമായ  തിരിച്ചറിയൽ രേഖകൾ(ആധാർ/ഔദൃോഗിക തിരിച്ചറിയൽ കാർഡ്) നിർബന്ധമായും കൈവശം വക്കേണ്ടതാണ്.

ചടങ്ങിൽ  പങ്കെടുക്കുന്ന  എല്ലാവരും ഒൻപത് മണിക്ക് മുൻപ് തന്നെ അനുവദിക്കുന്ന സ്ഥലത്ത് ഇരിക്കേണ്ടതാണ്.

മൊബൈൽ ഫോൺ, കറൻസി നോട്ട് , തിരിച്ചറിയൽ രേഖകൾ , ആധാർ കാർഡ്. ബാങ്ക് എ ടി എം കാർഡ് എന്നിവ ഒഴികെ  ഒന്നു൦   ആരും  കൈവശം സൂക്ഷിക്കാ൯  പാടില്ല.

#ലഹരിക്കെതിരെയുള്ള തിരുവനന്തപുരം ക്യാമ്പയിനിന്റെ രണ്ടാംഘട്ടം മന്ത്രി ഉദ്ഘാടനം ചെയ്‌തു#
 
സമൂഹത്തെ  ക്യാൻസർ പോലെ കാർന്നു തിന്നുകൊണ്ടിരിക്കുന്ന ലഹരിവസ്തുക്കളുടെ ഉപയോഗങ്ങൾക്കെതിരെ കരുത്തുറ്റ പ്രതിരോധം തീർക്കുക എന്നതാണ് സാമൂഹ്യ നീതി വകുപ്പിന്റെ പ്രഥമ പരിഗണനയെന്ന് ഉന്നത വിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ. ആർ. ബിന്ദു . ലഹരിക്കെതിരെയുള്ള തിരുവനന്തപുരം ക്യാമ്പയിനിന്റെ രണ്ടാം ഘട്ടം ഉദ്‌ഘാടനം ചെയ്ത് സംസാരിക്കുകയായിരുന്നു മന്ത്രി.

# ആയിരത്തിലധികം കുടുംബങ്ങള്‍ക്ക് പട്ടയം നല്‍കും: മന്ത്രി കെ രാജന്‍#

പാറശ്ശാല മണ്ഡലത്തിലെ അഞ്ചുചങ്ങല പ്രദേശത്തെ പട്ടയ പ്രശ്‌നത്തിന് ശാശ്വത പരിഹാരമായതായി റവന്യൂ മന്ത്രി കെ രാജന്‍ അറിയിച്ചു.  പ്രദേശത്തെ 1000 ത്തിലധികം കുടുംബങ്ങള്‍ക്ക് പട്ടയം നല്‍കാന്‍ സര്‍ക്കാര്‍ ഉത്തരവിറങ്ങി. നെയ്യാര്‍ ഡാം റിസര്‍വോയറിന് ചുറ്റുമായി കള്ളിക്കാട്, അമ്പൂരി, വാഴിച്ചാല്‍ വില്ലേജുകളിലായി താമസിക്കുന്ന ആയിരത്തിലധികം വരുന്ന ആളുകളുടെ പട്ടയം എന്ന സ്വപ്നമാണ് സര്‍ക്കാര്‍ സാക്ഷാത്ക്കരിച്ചതെന്ന് മന്ത്രി പറഞ്ഞു.

ഹരിത കേരളം മിഷന്റെ നേതൃത്വത്തില്‍ നീലക്കുറിഞ്ഞി - ജൈവവൈവിധ്യ പഠനോത്സവം ജില്ലാതല ക്വിസ് മത്സരം തിരുവനന്തപുരം എസ്.എം.വി ഗവ. ഹയര്‍ സെക്കന്ററി സ്‌കൂളില്‍ സംഘടിപ്പിച്ചു. തെരഞ്ഞെടുത്ത 48 വിദ്യാര്‍ഥികള്‍ മത്സരത്തില്‍ പങ്കെടുത്തു.

സംസ്ഥാന സര്‍ക്കാരിന്റെ തൊഴില്‍ മന്ത്രാലയത്തിന് കീഴിലുള്ള കേരള ഇന്‍സ്റ്റിറ്റ്യൂട്ട് ഓഫ് ലേബര്‍ ആന്റ് എംപ്ലോയ്മെന്റ് (കിലെ) നടത്തുന്ന തിരുവനന്തപുരം കിലെ-ഐ.എ.എസ് അക്കാദമിയില്‍ 2025 -2026 വര്‍ഷത്തെ സിവില്‍ സര്‍വ്വീസ് പരീക്ഷ പരിശീലനത്തിന് രജിസ്‌ട്രേഷന്‍ ആരംഭിച്ചു. ഏതെങ്കിലും വിഷയത്തിലുള്ള ബിരുദമാണ് അടിസ്ഥാന യോഗ്യത. അവസാന വര്‍ഷ ബിരുദ വിദ്യാര്‍ഥികള്‍ക്കും പങ്കെടുക്കാം.

സംസ്ഥാന സർക്കാരിന്റെ നാലാം വാർഷികാഘോഷത്തോടനുബന്ധിച്ച് എക്സിബിഷൻ കമ്മിറ്റിയുടെ ഓഫീസ് മെയ് 3ന് രാവിലെ മുതൽ കനകക്കുന്ന് പാലസിൽ ആരംഭിക്കും. സ്റ്റാളുകൾ സംബന്ധിച്ച സംശയങ്ങൾക്ക് ഓഫീസ് സന്ദർശിക്കാവുന്നതാണ്. മെയ് 17 മുതൽ 23 വരെയാണ് തിരുവനന്തപുരത്ത് എന്റെ കേരളം പ്രദർശന വിപണനമേള സംഘടിപ്പിക്കുന്നത്.

നെടുമങ്ങാട് ജില്ലാ ആശുപത്രിയില്‍ ആശുപത്രി പരിപാലന സമിതി സെക്ഷന്റെ ദൈനംദിന പ്രവര്‍ത്തനങ്ങളെ സഹായിക്കുന്നതിനായി താത്കാലിക അടിസ്ഥാനത്തില്‍ ഓഫീസ് അസിസ്റ്റന്റിനെ നിയമിക്കുന്നു. പത്താം ക്ലാസ് / പ്ലസ്ടു എന്നിവയാണ് വിദ്യാഭ്യാസ യോഗ്യത. ഉദ്യോഗാര്‍ഥികള്‍ 18 നും 40 നു ഇടയില്‍ പ്രായമുള്ളവരായിരിക്കണം. കമ്പ്യൂട്ടര്‍ പരിജ്ഞാനം ഉള്ളവര്‍ക്ക് മുന്‍ഗണന ലഭിക്കും.

താത്പര്യമുള്ളവര്‍ യോഗ്യത തെളിയിക്കുന്ന സര്‍ട്ടിഫിക്കറ്റുകള്‍ സഹിതം മെയ് 7 ന് രാവിലെ 11 മണിക്ക് തിരുവനന്തപുരം ജില്ലാ പഞ്ചായത്ത് കാര്യാലയത്തില്‍ നേരിട്ട് ഹാജരാകേണ്ടതാണ്. കൂടുതല്‍ വിവരങ്ങള്‍ക്ക് 8086177337.

ദേശീയ ജന്തുരോഗ നിയന്ത്രണ പദ്ധതിയുടെ ഭാഗമായി കന്നുകാലികളിലെ കുളമ്പുരോഗ പ്രതിരോധ കുത്തിവയ്പ് പദ്ധതിയുടെ ആറാം ഘട്ടത്തിന് ഇന്ന് (02/05/2025)  തുടക്കമാകും.

കേരള സംസ്ഥാന കർഷക കടാശ്വാസ കമ്മീഷനിലെ ചെയർമാന്റെ ഔദ്യോഗിക ആവശ്യത്തിനായി കരാർ വ്യവസ്ഥയിൽ വാഹനം വാടകയ്ക്ക് എടുക്കുന്നതിന് ടെൻഡർ ക്ഷണിച്ചു.