മത്സ്യ കർഷക വികസന ഏജൻസിയുടെ അധീനതയിലുള്ള കെഎൽ 13 യു 7554 നമ്പർ ബൊലേറോ വാഹനം (2010 മോഡൽ) മെയ് 12 ന് ഉച്ചയ്ക്ക് രണ്ട് മണിക്ക് മാപ്പിളബേ ഫിഷറീസ് കോംപ്ലക്സിലുള്ള ഫിഷറീസ് ട്രെയിനിങ് സെന്ററിൽ ലേലം ചെയ്യും. ലേല തീയതി അവധി ദിവസമായി പ്രഖ്യാപിക്കപ്പെട്ടാൽ അടുത്ത പ്രവൃത്തി ദിവസം ഇതേ സ്ഥലത്ത് ഇതേ സമയത്ത് ലേലം നടക്കുമെന്ന് മത്സ്യ കർഷക വികസന ഏജൻസി ചീഫ് എക്സിക്യൂട്ടീവ് ഓഫീസർ അറിയിച്ചു.

കണ്ണൂർ ജില്ലാ പഞ്ചായത്തിന്റെ ജില്ലാ കൃഷിത്തോട്ടത്തിലെ വിളകൾക്കായി 30 ടൺ ചാണകപ്പൊടി വിതരണം ചെയ്യുന്നതിന് മത്സരസ്വഭാവമുള്ള ടെണ്ടർ ക്ഷണിച്ചു. അപേക്ഷകൾ മെയ് 13 രാവിലെ 11 നകം ജില്ലാ കൃഷിത്തോട്ടം സൂപ്രണ്ടിന്റെ കാര്യാലയത്തിൽ ലഭിക്കണം. ഇ മെയിൽ: kannurdaf@gmail.com ഫോൺ: 0460 2203154

അഴീക്കോട് കുടിവെള്ള പദ്ധതിയുടെ പമ്പിങ്ങ് മെയിനിൽ അടിയന്തിര അറ്റകുറ്റപ്പണികൾ നടക്കുന്നതിനാൽ ഏപ്രിൽ 30 ബുധനാഴ്ച അഴീക്കോട് പഞ്ചായത്ത് പ്രദേശങ്ങളിൽ ജലവിതരണം മുടങ്ങുമെന്ന് കണ്ണൂർ അസി. എക്സിക്യൂട്ടീവ് എഞ്ചിനീയർ അറിയിച്ചു.

പെരിങ്ങത്തൂർ വൈദ്യുതി സെഷൻ പുതിയ കെട്ടിടത്തിന്റെ ഉദ്ഘാടനം കെ.പി. മോഹനൻ എംഎൽഎ നിർവഹിച്ചു. പെരിങ്ങത്തൂർ-കടവത്തൂർ റോഡിൽ പുല്ലൂക്കര കല്ലറ മടപ്പുരയ്ക്ക് സമീപത്തെ ടാർജറ്റ് കോംപ്ലക്സിലാണ് പുതിയ ഓഫീസ്.
സെക്ഷൻ പരിധിയിൽ 94 ട്രാൻസ്ഫോർമറുകൾക്ക് കീഴിൽ 17500 വൈദ്യുതി ഉപഭോക്താക്കളാണുള്ളത്.

തെറ്റുവഴി മണത്തണ റോഡിൽ നവീകരണ പ്രവൃത്തികൾ നടക്കുന്നതിനാൽ ഏപ്രിൽ 29 മുതൽ മെയ് എട്ട് വരെ ഇതുവഴിയുള്ള ഗതാഗതം പൂർണമായും നിരോധിക്കുമെന്ന് തലശ്ശേരി പൊതുമരാമത്ത് നിരത്തുകൾ ഉപവിഭാഗം അസിസ്റ്റന്റ് എക്സിക്യൂട്ടീവ് എഞ്ചിനീയർ അറിയിച്ചു. ഇതുവഴി പോകേണ്ടവർ പേരാവൂർ മണത്തണ വഴിയോ മറ്റ് അനുയോജ്യമായ വഴികളോ ഉപയോഗിക്കണം.
 

കണ്ണൂർ ഗവ. എഞ്ചിനീയറിങ്ങ് കോളേജിൽ ഏപ്രിൽ 30 ന് നടത്താനിരുന്ന ഇന്റസ്ട്രിയൽ ട്രെയിനിങ്ങ് കൺസൾട്ടൻസി ആന്റ് സ്പോൺസേർഡ് റിസേർച്ച് അക്കൗണ്ട്സ് അസിസ്റ്റന്റ് അഭിമുഖം മെയ് അഞ്ചിന് രാവിലെ 10.30ലേക്ക് മാറ്റിയതായി പ്രിൻസിപ്പൽ അറിയിച്ചു. ഫോൺ: 04972780226

തളിപ്പറമ്പ് ടാഗോർ വിദ്യാനികേതൻ ജി.വി.എച്ച്.എസ്.എസിൽ ആരംഭിക്കുന്ന സ്‌കിൽ ഡെവലപ്പ്മെന്റ് സെന്ററിലെ സർവീസ് ആന്റ് മെയിന്റനൻസ് ടെക്നീഷൻ ഫാം മെഷിനറി, ഡ്രോൺ ടെക്നീഷൻ, സർവീസ് ടെക്നീഷൻ കോഴ്‌സുകളിലേക്ക് ആവശ്യമായ ഗുണമേന്മയുള്ള ഫർണിച്ചറുകൾ വിതരണം ചെയ്യുന്നതിന് മുദ്ര വെച്ച മത്സര സ്വഭാവമുളള ടെണ്ടർ ക്ഷണിച്ചു.  മെയ് ആറ് രാവിലെ 10.30 വരെ അപേക്ഷിക്കാം. ഇ മെയിൽ: tagoreghss09@gmail.com ഫോൺ: ഫോൺ: 0460 2202120
 

ഇരിക്കൂർ ബ്ലോക്കിലെ മയ്യിൽ-വള്ളിയോട്ട്-കടൂർമുക്ക്-വേളം ഗണപതി ടെമ്പിൾ-ചെക്യാട്ട് കാവ് റോഡിൽ ടാറിങ്ങ് പ്രവൃത്തി നടക്കുന്നതിനാൽ കടൂർ മുക്ക് മുതൽ മയ്യിൽ ബസ് സ്റ്റാന്റ് വരെ ഏപ്രിൽ 29 മുതൽ മെയ് അഞ്ച് വരെ ഗതാഗതം നിരോധിച്ചതായി എക്‌സിക്യൂട്ടീവ് എഞ്ചിനീയർ അറിയിച്ചു.
 

കക്കറകൂരാറ റോഡിൽ ടാറിങ്ങ്് പ്രവൃത്തി നടക്കുന്നതിനാൽ ഏപ്രിൽ 30 മുതൽ മെയ് രണ്ട് വരെ ഇതുവഴിയുള്ള ഗതാഗതം പൂർണമായും നിരോധിക്കുമെന്ന് തലശ്ശേരി അസിസ്റ്റന്റ് എക്സിക്യൂട്ടീവ് എഞ്ചിനീയർ അറിയിച്ചു. നിശ്ചിത തീയതികളിൽ തലശ്ശേരി ഭാഗത്ത് നിന്നും വരുന്ന വാഹനങ്ങൾ മേലെ ചമ്പാട്-മനയത്ത് വയൽ-കുന്നോത്ത് മുക്ക് ജംഗ്ഷൻ വഴിയും മാക്കൂൽ പീടിക-കൂരാറ ഭാഗത്ത് നിന്നുള്ള വാഹനങ്ങൾ മേൽപ്പറഞ്ഞ റോഡിലൂടെ തിരിച്ചും കടന്നുപോകണം.
 

സംസ്ഥാന സാക്ഷരതാ മിഷൻ നടപ്പിലാക്കുന്ന പച്ചമലയാളം അടിസ്ഥാന കോഴ്സിലേക്ക് മാർച്ച് 15 വരെ അപേക്ഷിക്കാം. തുടർ പഠനത്തിനും പിഎസ്സി ഉൾപ്പെടെയുള്ള നിയമനങ്ങൾക്കും സർട്ടിഫിക്കറ്റുകൾ പ്രയോജനകരമാണ്. താൽപര്യമുള്ളവർക്ക് ജില്ലാ സാക്ഷരതാ മിഷനുമായോ തദ്ദേശ സ്വയംഭരണ സ്ഥാപനങ്ങളിൽ പ്രവർത്തിക്കുന്ന പ്രേരക്മാരുമായോ ബന്ധപ്പെടാം. ഫോൺ: 04972707699,9048105590