മെയ് ഏഴ് മുതൽ 13 വരെ കോട്ടക്കുന്ന് ഡിടിപിസി പാർക്കിൽ നടക്കുന്ന ഭക്ഷ്യമേള, വിപണമേള, തീം സ്റ്റാൾ എന്നിവ നടത്തുന്നതിനാവശ്യമായ അടിസ്ഥാന സൗകര്യങ്ങളും മറ്റ് അനുബന്ധ സാമഗ്രികളും ഉപകരണങ്ങളും ലഭ്യമാക്കുന്നതിന് സ്ഥാപനങ്ങളിൽ നിന്നും വ്യക്തികളിൽ നിന്നും ടെൻഡർ ക്ഷണിച്ചു. മെയ് അഞ്ചിന് വൈകുന്നേരം മൂന്നു വരെ കുടുംബശ്രീ ജില്ലാ മിഷൻ ഓഫീസിൽ ടെൻഡറുകൾ സ്വീകരിക്കും. വിവരങ്ങൾക്ക് : ജില്ലാ മിഷൻ കോഡിനേറ്റർ, കുടുംബശ്രീ ജില്ലാ മിഷൻ, സിവിൽ സ്റ്റേഷൻ ,മലപ്പുറം . ഫോൺ: 0483-2733470.

 തൊഴിൽ മന്ത്രാലയത്തിന് കീഴിലുള്ള സ്വയംഭരണ സ്ഥാപനമായ കേരള ഇൻസ്റ്റിറ്റ്യൂട്ട് ഓഫ് ലേബർ ആന്റ് എംപ്ലോയ്മെന്റ് (കിലെ) നടത്തുന്ന തിരുവനന്തപുരത്തുള്ള കിലെ-ഐ.എ.എസ് അക്കാദമിയിൽ 2025-26 വർഷത്തെ സിവിൽ സർവ്വീസ് പരീക്ഷ പരിശീലനത്തിന് രജിസ്‌ട്രേഷൻ ആരംഭിച്ചു. ഏതെങ്കിലും വിഷയത്തിലുള്ള ബിരുദമാണ് അടിസ്ഥാന യോഗ്യത. അവസാന വർഷ ബിരുദ വിദ്യാർത്ഥികൾക്കും പങ്കെടുക്കാം. ഒരു വർഷം ദൈർഘ്യമുള്ള കോഴ്‌സിന് പൊതു വിഭാഗ വിദ്യാർത്ഥികൾക്ക് 50,000 രൂപയാണ് ഫീസ്. ക്ഷേമനിധി ബോർഡുകളിൽ രജിസ്റ്റർ ചെയ്തിട്ടുള്ള തൊഴിലാളികളുടെ ആശ്രിതർക്ക് 50 ശതമാനം ഫീസിളവ് ഉണ്ട്.

കേരള സ്റ്റേറ്റ് ഇലക്ട്രിസിറ്റി ലൈസന്‍സിംഗ് ബോര്‍ഡ് നടത്തുന്ന ഇലക്ട്രിക്കല്‍ വയര്‍മാന്‍ എഴുത്തു പരീക്ഷ  മെയ് എട്ടിന് മലപ്പുറം കുന്നുമ്മലിലുള്ള എ.യു.പി സ്‌കൂളില്‍ നടക്കും. ഹാള്‍ ടിക്കറ്റ് വകുപ്പിന്റെ https://samraksha.celkerala.gov.in എന്ന വെബ് സൈറ്റില്‍ ഏപ്രില്‍ 30 മുതല്‍ ലഭ്യമാണ്.   ഫോണ്‍-0483-295003, 0471-2339233.

ഇരിങ്ങല്ലൂര്‍ കുടുംബാരോഗ്യകേന്ദ്രത്തിലെ ജൂനിയര്‍ പബ്ലിക് ഹെല്‍ത്ത് നഴ്‌സ്  തസ്തികയിലേക്ക് താത്കാലിക നിയമനം നടത്തുന്നു. രണ്ട് ഒഴിവുകളാണുള്ളത്. ഗവ. അംഗീകൃത എ.എന്‍.എം കോഴ്‌സ് സര്‍ട്ടിഫിക്കറ്റും കേരള നഴ്‌സസ് ആന്‍ഡ് മിഡ് വൈഫ്‌സ് കൗണ്‍സില്‍ രജിസ്‌ട്രേഷന്‍ സര്‍ട്ടിഫിക്കറ്റുമുള്ളവര്‍ക്ക് അപേക്ഷിക്കാം. പ്രവൃത്തി പരിചയമുള്ളവര്‍ക്ക് മുന്‍ഗണന. യോഗ്യരായ ഉദ്യോഗാര്‍ത്ഥികള്‍ യോഗ്യത, വയസ്സ്, പ്രവൃത്തി പരിചയം എന്നിവ തെളിയിക്കുന്ന അസ്സല്‍ സര്‍ട്ടിഫിക്കറ്റുകളും സ്വയം സാക്ഷ്യപ്പെടുത്തിയ പകര്‍പ്പുകളും സഹിതം മെയ് അഞ്ചിന് രാവിലെ 11.30 ന് ഇരിങ്ങല്ലൂര്‍ കുടുംബാരോഗ്യകേന്ദ്രത്തില്‍ ഹാജരാകണം. ഫോണ്‍-04942459309.

തിരൂര്‍ താലൂക്ക് ഓഫീസ് കോമ്പൗണ്ടില്‍ സൂക്ഷിച്ചു വരുന്ന മണല്‍ മെയ് 30 ന് രാവിലെ 11 ന്  താലൂക്ക് ഓഫീസ് കോണ്‍ഫ്രന്‍സ് ഹാളില്‍ വച്ച് പൊതു ലേലം ചെയ്യുമെന്ന് തിരൂര്‍ തഹസില്‍ദാര്‍ അറിയിച്ചു. ഫോണ്‍ : 0494 2422238.

എല്‍.ബി.എസ് സെന്റര്‍ ഫോര്‍ സയന്‍സ് ആന്‍ഡ് ടെക്‌നോളജിയുടെ പരപ്പനങ്ങാടി ഉപകേന്ദ്രത്തില്‍  പ്ലസ്ടു പൂര്‍ത്തിയായ വിദ്യാര്‍ത്ഥികള്‍ക്ക് ഒരു മാസം ദൈര്‍ഘ്യമുള്ള സി പ്രോഗ്രാമിംഗ് കോഴ്‌സിലേയ്ക്ക് അപേക്ഷ ക്ഷണിച്ചു. എഞ്ചിനീയറിംഗില്‍ ഉപരിപഠനം ആഗ്രഹിക്കുന്ന പ്ലസ്ടു വിദ്യാര്‍ത്ഥികള്‍ക്ക് വേണ്ടി രൂപകല്‍പ്പന ചെയ്ത കോഴ്‌സില്‍ ഡാറ്റാ എന്‍ട്രി ആന്‍ഡ് ഓഫീസ് ഓട്ടോമേഷന്‍ (ഇംഗ്ലീഷ്-മലയാളം) എന്ന കോഴ്‌സുമുണ്ട്. താത്പര്യമുള്ളവര്‍ക്ക്  lbscentre.kerala.gov.in/services/courses എന്ന ലിങ്ക് വഴി അപേക്ഷിക്കാം. ഫോണ്‍ 0494 2411135, 9995334453.

ജലനിധി മലപ്പുറം മേഖല കാര്യാലയത്തില്‍ മാനേജര്‍ ടെക്‌നിക്കല്‍ തസ്തികയില്‍ ദിവസ വേതനാടിസ്ഥാനത്തില്‍ ബിടെക് സിവില്‍/മെക്കാനിക്കല്‍ എഞ്ചിനീയറിംഗ് യോഗ്യതയുള്ളവരും കുടിവെള്ള പ്രൊജക്റ്റുകളുടെ ഡിസൈനിംഗ്, നിര്‍വ്വഹണം എന്നീ മേഖലകളില്‍ എട്ടു വര്‍ഷത്തില്‍ കുറയാത്ത പ്രവൃത്തി പരിചയമുള്ളവരുമായ ഉദ്യോഗാര്‍ത്ഥികളെ നിയമിക്കുന്നു. താത്പര്യമുള്ള ഉദ്യോഗാര്‍ത്ഥികള്‍ യോഗ്യത, പ്രവൃത്തി പരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളുമായി മലപ്പുറം കുന്നുമ്മല്‍ യു എം കെ ടവറില്‍ പ്രവര്‍ത്തിക്കുന്ന റീജിയണല്‍ പ്രൊജക്റ്റ് മാനേജ്മെന്റ്‌റ് യൂണിറ്റില്‍ മെയ് ഒന്‍പതിന്  രാവിലെ 10.30ന്  അഭിമുഖത്തിന് ഹാജരാകണം.

പാലക്കാട്ടുകാരുടെ മനസ്സിനും നാവിനും പ്രിയപ്പെട്ട രുചികളുടെ വിസ്മയം തീര്‍ക്കാന്‍ എന്റെ കേരളം പ്രദര്‍ശന വിപണന മേളയില്‍ കുടുംബശ്രീയുടെ ഫുഡ് കോര്‍ട്ട്.

കണ്ണൂര്‍ താലൂക്ക് വികസന സമിതി യോഗം മെയ് മൂന്നിന് രാവിലെ 11 ന് താലൂക്ക് ഓഫീസ് കോണ്‍ഫറന്‍സ് ഹാളില്‍ ചേരും.

മലപ്പുറം ജില്ലയിലെ പൊന്നാനി താലൂക്കില്‍ നരിപ്പറമ്പ് ദേശീയപാത പുറമ്പോക്കില്‍ താമസിക്കുന്നവര്‍ക്ക് പട്ടയം അനുവദിക്കുമെന്ന് റവന്യൂ മന്ത്രി കെ രാജന്‍ അറിയിച്ചു. 45 വര്‍ഷമായി ഈ സ്ഥലത്ത് വീട് വെച്ച് താമസിക്കുന്ന 29 കുടുംബങ്ങളുടെ സ്വപ്നമാണ് സര്‍ക്കാര്‍ സാക്ഷാത്ക്കരിച്ചിരിക്കുന്നതെന്ന് മന്ത്രി പറഞ്ഞു.  60 വര്‍ഷം മുന്‍പ് ദേശീയ പാത വികസനത്തിനായി ഏറ്റെടുത്ത ഭൂമിയായിരുന്നു ഇത്. എന്നാല്‍ പുതിയ അലൈന്‍മെന്റ് വന്നതോടെ ഈ സ്ഥലം ദേശീയ പാതക്ക് ആവശ്യമായി വന്നില്ല. തുടര്‍ന്ന് അവിടെ ആളുകള്‍ കുടിയേറി താമസിക്കാന്‍ തുടങ്ങുകയായിരുന്നു.