എന്റെ കേരളം പ്രദര്‍ശന മേളയില്‍ കല്‍ചില്‍ പാര്‍ക്ക് മാതൃക. ശുചിത്വമിഷന്‍ ഉപയോഗശ്യൂന്യമായ പാഴ് വസ്തുക്കള്‍ കൊണ്ട് കല്‍പ്പറ്റയില്‍ നിര്‍മ്മിച്ച കല്‍ ചില്‍ പാര്‍ക്ക് മേളയിലെത്തുന്നവരുടെ ശ്രദ്ധാകേന്ദ്രമാവുകയാണ്. കല്‍പ്പറ്റ നഗരസഭയാണ് വേസ്റ്റ്  ടു വണ്ടര്‍ പാര്‍ക്കിന്റെ  മിനിയേച്ചര്‍ ഒരുക്കിയത്. ഈര്‍ച്ചപ്പൊടി, തെര്‍മോക്കോള്‍, ഉപയോഗിച്ച സ്‌കെച്ച്, പേന, ഹെയര്‍  ബണ്‍, പൊട്ടുകള്‍ തുടങ്ങി  ഉപയോഗശൂന്യമായ  സാധനങ്ങള്‍ ചേര്‍ത്താണ്  കല്‍ ചില്‍ പാര്‍ക്കിന്റെ  മിനിയേച്ചര്‍ ഒരുക്കിയത്. നഗരസഭയുടെ വിവിധ വികസന പ്രവര്‍ത്തനങ്ങളും വിശദാശംങ്ങളും സ്റ്റാളില്‍ ഒരുക്കിയിട്ടുണ്ട് .

കോഴഞ്ചേരി ജില്ലാ ആശുപത്രിയിലെ സീവേജ് ട്രീറ്റ്മെന്റ് പ്ലാന്റിന്റെ പ്രവര്‍ത്തനത്തിന് ആവശ്യമുള്ള ഇലക്ട്രോഡ് വിതരണം ചെയ്യുന്നതിന് അംഗീകൃത ഏജന്‍സികളില്‍ നിന്നും ടെന്‍ഡര്‍ ക്ഷണിച്ചു.  അവസാന തീയതി മെയ് എട്ട് വൈകിട്ട് അഞ്ച്. ഫോണ്‍: 0468 2214108

പന്നിവേലിചിറ ഫിഷറീസ് കോംപ്ലക്‌സില്‍ കാര്‍പ്പ്, ഗിഫ്റ്റ്, തിലാപ്പിയ ഇനം മത്സ്യകുഞ്ഞുങ്ങളും അലങ്കാര മത്സ്യങ്ങളും മെയ് മൂന്നിന് രാവിലെ 11 മുതല്‍ വൈകിട്ട് മൂന്നുവരെ വിതരണം ചെയ്യും. വില സര്‍ക്കാര്‍ നിരക്കില്‍. ഫോണ്‍ :9562670128, 7511152933, 9846604473,0468 2214589

കേരള സ്റ്റേറ്റ് ഇലക്ട്രിസിറ്റി ലൈസന്‍സിംഗ് ബോര്‍ഡ് നടത്തുന്ന ഇലക്ട്രിക്കല്‍ വയര്‍മാന്‍ എഴുത്തുപരീക്ഷ എല്ലാ ജില്ലകളിലും മെയ് എട്ടിന് നടത്തും. ഹാള്‍ടിക്കറ്റ് https://samraksha.gov.in വെബ്‌സൈറ്റില്‍ നിന്നും ഏപ്രില്‍ 30 മുതല്‍ ഡൗണ്‍ലോഡ് ചെയ്യാം. ഫോണ്‍ : 04712339233.

സൈക്കോ സോഷ്യല്‍ റിഹാബിലിറ്റേഷന്‍ ആന്റ് എസ്റ്റാബ്ലിഷ്‌മെന്റ്  കെയര്‍ ഹോം ഫോര്‍ മെന്റലി ഇന്‍സ്റ്റിറ്റിയൂഷന്‍സിന് ഗ്രാന്‍ഡ് ഇന്‍ എയ്ഡ് അനുവദിക്കുന്നതിന് ബന്ധപ്പെട്ട സ്ഥാപനങ്ങളില്‍ നിന്ന് അപേക്ഷ ക്ഷണിച്ചു. അവസാന തീയതി മെയ് 30 വൈകിട്ട് അഞ്ച്. ഫോണ്‍ : 0468 2325168.

കേരളാ ഇന്‍സ്റ്റിറ്റ്യൂട്ട് ഓഫ് ലേബര്‍ ആന്‍ഡ് എംപ്ലോയ്‌മെന്റ് തിരുവനന്തപുരം സിവില്‍ സര്‍വീസ് അക്കാദമിയില്‍ പ്രിലിമിനറി പരീക്ഷ പരിശീലനം ജൂണില്‍ ആരംഭിക്കും.   യോഗ്യത ബിരുദം. അവസാന വര്‍ഷ ബിരുദ വിദ്യാര്‍ഥികള്‍ക്കും പങ്കെടുക്കാം. ഫീസ് 50000 രൂപ. കേരള കളള് വ്യവസായ തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്ത തൊഴിലാളികളുടെ ആശ്രിതര്‍ക്ക് കോഴ്‌സ് ഫീ 25000 രൂപ മതിയാകും. ഹോസ്റ്റല്‍ ഫീസ് ക്ഷേമനിധി  ബോര്‍ഡ് വഹിക്കില്ല.  വെബ്‌സൈറ്റ് :www.kile.kerala.gov.in/kileiasacademy
ഫോണ്‍: 0471-2479966, 8075768537, 04692603074.

പത്തനംതിട്ട കലക്ടറേറ്റിന് സമീപമുള്ള  എസ് ബി ഐ ഗ്രാമീണ സ്വയം തൊഴില്‍ പരിശീലന കേന്ദ്രത്തില്‍
കമ്പ്യൂട്ടര്‍ ഹാര്‍ഡ്വെയര്‍ ആന്റ്  നെറ്റ് വര്‍ക്കിംഗ് പരിശീലനം ആരംഭിക്കുന്നു. പ്രായപരിധി  18-45. ഫോണ്‍ : 04682992293 ,04682270243.