എന്റെ കേരളം പ്രദർശന വിപണന മേളയിൽസംരംഭകർക്ക് സഹായവുമായി വ്യവസായ വാണിജ്യ വകുപ്പിന്റെ സ്റ്റാൾ. സംരംഭകർക്കും സംരംഭകരാകാൻആഗ്രഹിക്കുന്നവരുടേയും സംശയങ്ങളും പരാതികൾക്കും ഈ സ്റ്റാൾഗുണകരമാകും.

പാലക്കാട് വ്യാവസായിക ട്രൈബ്യൂണലും ഇൻഷുറൻസ് കോടതി ജഡ്ജിയും എംപ്ലോയീസ് കോമ്പൻസേഷൻ കമ്മീഷണറുമായ സാബു സെബാസ്റ്റ്യന്റെ കീഴിൽ തൊഴിൽ തർക്ക - ഇൻഷുറൻസ് - എംപ്ലോയീസ് കോമ്പൻസേഷൻ കേസുകൾ വിചാരണ ചെയ്യുന്നു. മെയ് അഞ്ച്, ആറ്, 12, 13, 19, 20, 26, 27 തീയതികളിൽ പാലക്കാട്  റവന്യൂ ഡിവിഷണൽ മജിസ്ട്രേറ്റ് കോടതി ഹാളിലും മെയ് രണ്ട്, എട്ട്, 30 തീയതികളിൽ പെരിന്തൽമണ്ണ സബ് ഡിവിഷൻ മജിസ്ട്രേറ്റ് കോടതി ഹാളിലും മെയ് 16, 23ന് മഞ്ചേരി മാധവൻ നായർ സ്മാരക മന്ദിരം, പഴയ മുൻസിപ്പൽ ഓഫീസ് ഹാളിലുമാണ് വിചാരണ നടക്കുക.

തോട്ടട ഗവ. ടെക്നിക്കല്‍ സ്‌കൂളില്‍ എട്ടാം ക്ലാസ്സ് പ്രവേശനം തുടരുന്നു. ഇ മെയില്‍: thsthottada@gmail.com ഫോണ്‍: 9400006494, 9446973178, 8113965609

വെറ്റിലപ്പാറ വില്ലേജിന്റെ ഡിജിറ്റൽ സർവേആരംഭിച്ചു. ഊർങ്ങാട്ടിരി പഞ്ചായത്ത് പ്രസിഡന്റ്  സി. ജിഷ ക്യാമ്പ് ഓഫിസിന്റെയും റീസർവേ പ്രവർത്തനങ്ങളുടെയും ഉദ്ഘാടനം നിർവഹിച്ചു. വൈസ് പ്രസിഡന്റ് ഷിജോ ആന്റണി അധ്യക്ഷത വഹിച്ചു. ഡിജിറ്റൽ സർവേ നോഡൽ ഓഫീസർ കെ. സവാദ് പദ്ധതി വിശദീകരിച്ചു. വാർഡ് മെമ്പർമാരായ ദീപ രജിത്, മുഹമ്മദ് ബഷീർ, ടെസ്സി സണ്ണി, ഷിജിത, ജിനേഷ്, എസ്.വി.ഒ മനോജ്  എന്നിവർ സംസാരിച്ചു.  ഐ.ഇ.സി കോഡിനേറ്റർ അബ്ദുൽ ബഷീർ സ്വാഗതവും വെറ്റിലപ്പാറ വില്ലേജ് ഇൻ ചാർജ് ഹെഡ് സർവേയർ സന്തോഷ് കുമാർ നന്ദിയും പറഞ്ഞു.

ദേശീയ ജന്തുരോഗ നിയന്ത്രണ പദ്ധതി പ്രകാരമുള്ള ആറാംഘട്ട കുളമ്പ് രോഗ പ്രതിരോധ കുത്തിവെപ്പിന് ജില്ലയിൽ ഇന്ന് തുടക്കമാവും. സംസ്ഥാനതലത്തിൽ മെയ് 23വരെയാണ് പ്രതിരോധ പ്രവർത്തനങ്ങൾ നടത്തുന്നത്. ജില്ലയിലെ മുഴുവൻ പശുക്കളെയും എരുമകളെയും വാക്സിനേഷൻ നടത്താനാണ് പദ്ധതിയിൽ ലക്ഷ്യമിടുന്നത്. 128 സ്ക്വാഡുകൾ ഇതിനായി രൂപീകരിച്ചിട്ടുണ്ട്. പദ്ധതിയുടെ ജില്ലാതല ഉദ്ഘാടനം നാളെ (മെയ് മൂന്ന്) രാവിലെ 11ന് ജില്ലാ വെറ്ററിനറി കേന്ദ്രം സമ്മേളന ഹാളിൽ ജില്ലാ പഞ്ചായത്ത് പ്രസിഡന്റ് എം.കെ റഫീഖ നിർവഹിക്കും. വികസന സ്ഥിരം സമിതി അധ്യക്ഷ സറീന ഹസീബ് അധ്യക്ഷത വഹിക്കും.

വിദ്യാഭ്യാസ വകുപ്പില്‍ ഹൈസ്‌കൂള്‍ ടീച്ചര്‍ (കണക്ക്) മലയാളം മീഡിയം (ഐ - എന്‍സിഎ - എസ്ടി) (കാറ്റഗറി നമ്പര്‍ 738/2023) തസ്തികയിലെ മുഴുവന്‍ ഉദ്യോഗാര്‍ഥികള്‍ക്കും നിയമന ശുപാര്‍ശ ലഭിച്ചതിനാല്‍ റാങ്ക് പട്ടിക കാലഹരണപ്പെട്ടതായി ജില്ലാ പിഎസ് സി ഓഫീസര്‍ അറിയിച്ചു.

പെരിന്തൽമണ്ണ പി.ടി.എം ഗവ.കോളേജിലെ കെമിസ്ട്രി (നാല് ഒഴിവ്), ഫിസിസക്‌സ് (ഒന്ന്), കമ്പ്യൂട്ടർ സയൻസ് (ഒന്ന്), ഹിന്ദി (ഒന്ന്) എന്നീ വിഭാഗങ്ങളിലേക്ക് 2025-26 അദ്ധ്യയന വർഷത്തേക്ക് അതിഥി അധ്യാപകരെ നിയമിക്കുന്നു. കോളേജ് വിദ്യാഭ്യാസ വകുപ്പിന്റെ കോഴിക്കോട് മേഖല ഓഫീസിൽ പേര് രജിസ്റ്റർ ചെയ്ത നിലവിലെ യു.ജി.സി റെഗുലേഷൻ പ്രകാരം അസിസ്റ്റന്റ് പ്രൊഫസറായി നിയമനം നേടുന്നതിനുള്ള യോഗ്യതയുള്ള (നെറ്റ്/പി.എച്ച്.ഡി) ഉദ്യോഗാർത്ഥികൾ മെയ് ഒമ്പതിനു മുൻപായി യോഗ്യത തെളിയിക്കുന്ന സർട്ടിഫിക്കറ്റുകളുടെ പകർപ്പ് ഉൾപ്പെടെയുള്ള അപേക്ഷ നേരിട്ടോ തപാൽ മുഖേനയോ ഓഫീസിൽ നൽകണം. ഫോൺ: 04933 227370, 8606603153.

എന്റെ കേരളം പ്രദർശന വിപണനമേളയിൽ സന്ദർശകർക്ക് സൗജന്യമായി കുതിരസവാരി
എന്റെ കേരളം പ്രദർശന വിപണന മേളയിലെ സന്ദർശകർക്ക് സൗജന്യമായി കുതിര സവാരി ആസ്വദിക്കാം.രാജ എന്ന് പേരുള്ള വെളുത്ത കുതിരയാണ് മേളയെ ആവേശകരമാക്കാനായി എത്തുന്നത്.കുട്ടികൾക്കും മുതിർന്നവർക്കും ഒരേ സമയം കുതിര സവാരിയുടെ ഭാഗമാവാം. ഒരേ സമയം എട്ട് പേർക്ക് അലങ്കരിച്ച കുതിരവണ്ടിയിൽ മേള നഗരി ചുറ്റാം. മേള നടക്കുന്ന ദിവസങ്ങളിൽ വൈകീട്ട് മൂന്ന്  മുതൽ രാത്രി 10 വരെ സവാരിയുണ്ടാകും.

മങ്കട ഗവ.കോളേജിലെ ബി.ബി.എ (ഒന്ന്), എക്കണോമിക്‌സ് (ഒന്ന്), ഹിന്ദി (ഒന്ന്), ഉറുദു (ഒന്ന്), കമ്പ്യൂട്ടർ സയൻസ് (ഒന്ന്), പൊളിറ്റിക്കൽ സയൻസ് (ഒന്ന്), ഹിസ്റ്ററി (ഒന്ന്), സ്റ്റാറ്റിസ്റ്റിക്സ് (ഒന്ന്), ജേർണലിസം (ഒന്ന്), ഇംഗ്ലീഷ് (രണ്ട്), സൈക്കോളജി (അഞ്ച്), ഫിസിയോളജി (ഒന്ന്) എന്നീ വിഭാഗങ്ങളിലേക്ക് 2025-26 അധ്യയന വർഷത്തേക്ക് അതിഥി അധ്യാപകരെ നിയമിക്കുന്നു.