സംരംഭകരുടെ സംരംഭങ്ങൾ സംബന്ധിച്ച സംശയ നിവാരണത്തിനായുള്ള എം.എസ്.എം.ഇ ഹെൽപ് ഡെസ്ക് ഇന്ന് (03.05.2025). വ്യവസായ വകുപ്പിന്റെയും ഇൻസ്റ്റിറ്റ്യൂട്ട് ഒാഫ് ചാർട്ടേർഡ് അക്കൗണ്ടൻസ് ഒാഫ് ഇന്ത്യയുമാണ്  എം.എസ്.എം.ഇ ഹെൽപ് ഡെസ്ക് നടത്തുന്നത്. ചുണ്ണാമ്പുതറ, ഇന്ദ്രാണി നഗറിലുള്ള എെ.സി.എ.എെ ഭവനിലാണ് ഹെൽപ് ഡെസ്ക് ഒരുക്കിയിരിക്കുന്നത്. പകൽ 11 മുതൽ ഉച്ചയ്ക്ക് ഒരു മണിവരെ ജില്ലയിലെ വിവിധ സംരഭകർക്ക് പങ്കെടുക്കാം. ഫോൺ: 9188127142, 8921135546

സര്‍ക്കാര്‍ നാലാം വാര്‍ഷികാഘോഷങ്ങളുടെ ഭാഗമായി മുഖ്യമന്ത്രിയുടെ ജില്ലാ തലയോഗം മെയ് അഞ്ചിന്. പാലക്കാട് കോസ്‌മോപൊളിറ്റന്‍ ക്ലബ്ബിലാണ് യോഗം നടക്കുക. രാവിലെ 10.30 മുതല്‍ 12.30 വരെയാണ് ജില്ലാതല യോഗം.  മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. വൈദ്യുതി വകുപ്പ് മന്ത്രി കെ. കൃഷ്ണന്‍കുട്ടി അധ്യക്ഷനാവും. തദ്ദേശ സ്വയംഭരണ എക്‌സൈസ് വകുപ്പ് മന്ത്രി എം.ബി രാജേഷ് മുഖ്യാതിഥിയാവും.  

ലാന്റ് റവന്യു കമ്മീഷണര്‍ ഡോ.എ കൗശികന്‍ എന്നിവര്‍ ഭാഗമാകും. ജനങ്ങള്‍ക്ക്  പറയാനുള്ള കാര്യങ്ങള്‍ കേള്‍ക്കാനും നടപ്പാക്കാന്‍ കഴിയുന്ന കാര്യങ്ങള്‍ പ്രാവര്‍ത്തികമാക്കുക എന്ന ലക്ഷ്യത്തോടെയാണ് യോഗം നടത്തുന്നത്.

ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ് വിവിധ വകുപ്പുകളുടെ സഹകരണത്തോടെ മെയ് നാല് മുതല്‍ 10 വരെ സ്റ്റേഡിയം ബസ്റ്റാന്റിന് സമീപത്തുള്ള മൈതാനത്ത് നടത്തുന്ന എന്റെ കേരളം പ്രദര്‍ശന വിപണന മേളയില്‍ സര്‍ക്കാറിന്റെ വികസന മാഗസിന്റെ കവര്‍ ഫോട്ടോ പകര്‍ത്തി മോഡലാവാം. ജില്ലാ ഇന്‍ഫര്‍മേഷന്‍ പബ്ലിക് റിലേഷന്‍ വകുപ്പിന്റെ സ്റ്റാളിലാണ് സര്‍ക്കാറിന്റെ വികസനങ്ങളുടെ  മാഗസിന്‍ കവര്‍ ഒരുക്കിയിട്ടുള്ളത്. ഇതിനായി തയ്യാറാക്കിയ പ്രത്യേക സ്റ്റാളില്‍ കയറി ഫോട്ടോ പകര്‍ത്തുമ്പോള്‍ കവര്‍ ഫോട്ടോയായി സ്വന്തം ചിത്രം തെളിയും.

തൃശ്ശൂർ- തൃപ്രയാർ റോഡിൽ ചിറക്കൽ പാലത്തിന്റെ പുനർനിർമാണം മൺസൂണിന് മുൻപ് പൂർണതോതിൽ നടത്തുന്നതിനായി മെയ് അഞ്ച് മുതൽ  താത്കാലിക പാലത്തിലൂടെയുള്ള വാഹനഗതാഗതം പൂർണ്ണമായും നിരോധിക്കുമെന്നും പൊതുമരാമത്ത് വകുപ്പ് പാലങ്ങൾ ഉപവിഭാഗം അസിസ്റ്റന്റ് എക്സിക്യൂട്ടീവ് എഞ്ചിനീയർ അറിയിച്ചു.

തോളൂർ ഗ്രാമപഞ്ചായത്തിൽ കുളമ്പ് രോഗ നിയന്ത്രണ പദ്ധതിയുടെ ആറാം ഘട്ടത്തിൽ പശുക്കൾക്കുള്ള  പ്രതിരോധ വാക്സിൻ വിതരണം ചെയ്തു.  ഗ്രാമപഞ്ചായത്ത് പ്രസിഡൻ്റ് ശ്രീകല കുഞ്ഞുണ്ണി ഉദ്ഘാടനം ചെയ്തു. വികസനകാര്യ സ്റ്റാൻ്റിങ് കമ്മിറ്റി ചെയർമാൻ ഷീന വിൽസൺ അധ്യക്ഷയായി. വെറ്ററിനറി ഡോ. രമ്യ പദ്ധതി വിശദീകരണം നടത്തി.

എന്റെ കേരളം പ്രദര്ശന വിപണന മേളയുടെ മികച്ച പത്ര-ദൃശ്യ-ശ്രവ്യ മാധ്യമ വാര്ത്താ റിപ്പോര്ട്ടിങ്ങിന് അവാര്ഡ് നല്കും. മികച്ച പത്ര റിപ്പോര്ട്ടര്, മികച്ച പത്ര ഫോട്ടോഗ്രാഫര്, മികച്ച ദൃശ്യമാധ്യമ റിപ്പോര്ട്ടര്, മികച്ച ദൃശ്യമാധ്യമ ക്യാമറാമാന്, മികച്ച ശ്രവ്യ മാധ്യമ റിപ്പോര്ട്ടര് എന്നീ വിഭാഗങ്ങളിലാണ് അവാര്ഡ്.

തൃശ്ശൂർ ഗവ. മെഡിക്കൽ കോളേജ് ആശുപത്രി വികസന സമിതിയുടെ കീഴിൽ മെഡിക്കൽ ലബോറട്ടറിയുടെ പ്രവർത്തനം ആരംഭിക്കുന്നതിലേക്കായി പരിചയസമ്പന്നരായ അംഗീകൃത സ്ഥാപനങ്ങളിൽ നിന്നും ക്വട്ടേഷനുകൾ ക്ഷണിച്ചു.  മെയ് 12 ന് രാവിലെ 11 നകം ക്വട്ടേഷനുകൾ സ്വീകരിക്കും. സൂപ്രണ്ട്, മെഡിക്കൽ കോളേജ് ആശുപത്രി, മെഡിക്കൽ കോളേജ് പി.ഒ, തൃശ്ശൂർ എന്ന വിലാസത്തിൽ ലഭ്യമാക്കണം. വിശദാംശങ്ങൾക്ക് ഓഫീസ് പ്രവൃത്തി സമയങ്ങളിൽ ബന്ധപ്പെടാം. ഫോൺ: 0487 2200310, 2200319

എന്റെ കേരളം പ്രദർശന വിപണന മേളയിൽ കലയുടെ ആഘോഷ പൂരം. ഏഴ് ദിവസം നീളുന്ന കലാപരിപാടികളിൽ സംസ്ഥാന ചലച്ചിത്ര പുരസ്കാര ജേതാവ് ബീന ആർ ചന്ദ്രന്റെ ഏകപാത്ര നാടകം, പിന്നണി ഗായകനും നാടൻപാട്ടു വിദഗ്ദനുമായ പ്രണവം ശശിയും സംഘവും അവതരിപ്പിക്കുന്ന നാടൻ കലാ ആവിശ്കാരങ്ങൾ, പിന്നണി ഗായികയും ചലച്ചിത്ര നടിയുമായ സുനിത നെടുങ്ങാടിയും സംഘവം അവതരിപ്പിക്കുന്ന ഗസൽ, ടാറാന ബാൻഡ് ഒരുക്കുന്ന ഫ്യൂഷൻ സംഗീതം, വനിതകൾമാത്രം അടങ്ങുന്ന കണ്യാർകളി, രാജീവ് പുലവരും സംഘവും അവതരിപ്പിക്കുന്ന തോൽപ്പാവക്കൂത്ത്, തുടങ്ങിയ കലാപരിപാടികൾ മേളയെ സംഗീത-നൃത്തവിസ്മയത്തിൽ ആറാടിക്കും. പ്രവേശനം സൗജന്യമാണ്.