കേന്ദ്ര യുവജന കാര്യ- കായിക മന്ത്രാലയത്തിന് കീഴിലുള്ള നെഹ്‌റു യുവ കേന്ദ്രയുടെ സ്റ്റേറ്റ് ഡയറക്ടറായി കെ. കുഞ്ഞഹമ്മദ് തിരുവനന്തപുരത്ത് ചുമതലയേറ്റു. കേരളത്തിലെ പതിനാല് ജില്ലകളും കേന്ദ്രഭരണ പ്രദേശങ്ങളായ ലക്ഷദ്വീപും മാഹിയും ഉള്‍ക്കൊള്ളുന്നതാണ് തിരുവനന്തപുരത്തെ സംസ്ഥാന കാര്യാലയം. നെഹ്‌റു യുവ കേന്ദ്ര മലപ്പുറം ജില്ലാ യൂത്ത് കോഡിനേറ്ററായി പ്രവര്‍ത്തിച്ചുവരികയായിരുന്നു. മലപ്പുറത്തിന് പുറമെ പാലക്കാട്, കോഴിക്കോട്, വയനാട്, കണ്ണൂര്‍, മാഹി, തൃശൂര്‍ ജില്ലകളില്‍ ജില്ലാ യൂത്ത്‌കോഡിനേറ്ററായി പ്രവര്‍ത്തിച്ചിട്ടുണ്ട്.

കൃഷി വകുപ്പിന്റെ കര്‍ഷക അവാര്‍ഡിനുള്ള അപേക്ഷ ക്ഷണിച്ചു.  അപേക്ഷ കൃഷി ഭവനുകളില്‍ ജൂണ്‍ 26നകം ലഭിക്കണം.  സംസ്ഥാനത്തെ മികച്ച കര്‍ഷകന്‍, മികച്ച പാടശേഖര സമിതി, കര്‍ഷക തൊഴിലാളികള്‍, ശാസ്ത്രജ്ഞന്‍മാര്‍, പത്ര പ്രവര്‍ത്തകര്‍, കാര്‍ഷിക മേഖലയില്‍ മികച്ച പ്രവര്‍ത്തനം കാഴ്ച വെക്കുന്ന ഉദ്യോഗസ്ഥര്‍  എന്നിവര്‍ക്കാണ്  അവാര്‍ഡ്  നല്‍കുക. വിവരങ്ങള്‍ കൃഷി ഭവനുകളില്‍ നിന്നും ംംം.സലൃമഹമമഴൃശരൗഹൗേൃല.ഴീ്.ശി ലും ലഭിക്കും.

ഖാദി ഗ്രാമ വ്യവസായ ബോര്‍ഡ് തേനീച്ച വളര്‍ത്തല്‍ വ്യവസായത്തില്‍ ഏര്‍പ്പെട്ടിരിക്കുന്ന കര്‍ഷകരുടെ സംസ്ഥാനതലത്തിലുള്ള ഡാറ്റാബേസ് തയ്യാറാക്കുന്നു. അതിനാല്‍ ജില്ലയില്‍ നിലവിലുള്ള തേനീച്ച കര്‍ഷകര്‍ തങ്ങളുടെ തേനീച്ച കോളനികളുടെ വിവരങ്ങള്‍ ജില്ലാ ഖാദി ഗ്രാമ വ്യവസായ ഓഫീസ്, ഡൗണ്‍ ഹില്‍ പി.ഒ, മലപ്പുറം വിലാസത്തില്‍ ജൂണ്‍ 25നകം നല്‍കണം.  ഫോണ്‍ 0483 2734807.

അരീക്കോട് ഗവ.ഐ.ടി.ഐയില്‍ എന്‍.സി.വി.ടി മെട്രിക്, എന്‍.സി.വി.ടി നോണ്‍-മെട്രിക് വിഭാഗങ്ങളില്‍ വിവിധ ട്രേഡുകളിലേയ്ക്ക് അപേക്ഷ ക്ഷണിച്ചു.  താത്പര്യമുള്ളവര്‍ ജൂണ്‍ 29  രാത്രി എട്ടിനകം ഓണ്‍ലൈനായി അപേക്ഷിക്കണം. https://itiadmissions.kerala.gov.in, https://det.kerala.gov.in തുടങ്ങിയ വെബ്‌സൈറ്റ് വഴി അപേക്ഷ സമര്‍പ്പിക്കാം. ഫോണ്‍- 0483 2850238.

ജില്ലയില്‍ രാത്രികാല മൃഗചികിത്സാ സേവന പദ്ധതി നിലവിലുള്ള ഏഴു ബ്ലോക്കുകളിലേക്ക് വൈകീട്ട് ആറു മുതല്‍ രാവിലെ ആറുവരെ ജോലി ചെയ്യുന്നതിനായി വെറ്റിനറി ഡോക്ടര്‍മാരെ നിയമിക്കുന്നു. വെറ്ററിനറി സയന്‍സില്‍ ബിരുദവും വെറ്റിനറി കൗണ്‍സില്‍ രജിസ്‌ട്രേഷനുമാണ് യോഗ്യത. പ്രതിമാസ വേതനം: 39,500. താത്പര്യമുള്ളവര്‍ ജില്ലാ മൃഗസംരക്ഷണ ഓഫീസില്‍ ജൂണ്‍ 25ന് രാവിലെ 10ന് നടക്കുന്ന ഇന്റര്‍വ്യൂവിന്  സര്‍ട്ടിഫിക്കറ്റുകള്‍ സഹിതം ഹാജരാകണം. ഫോണ്‍-0483-2734917.

പെരിന്തല്‍മണ്ണ പി.ടി.എം ഗവ. കോളജില്‍ കമ്പ്യൂട്ടര്‍ സയന്‍സ് വിഭാഗത്തിലേക്ക് ഗസ്റ്റ് അധ്യാപകരെ നിയമിക്കുന്നതിനായി ജൂണ്‍ 24 രാവിലെ 10.30ന് നടത്താന്‍ തീരുമാനിച്ച കൂടിക്കാഴ്ച അതേ ദിവസം ഉച്ചക്ക് രണ്ടിന് നടത്തും. ഫോണ്‍-04933 227370.

         ചേളാരിയില്‍ പ്രവര്‍ത്തിക്കുന്ന എ.കെ.എന്‍.എം.ഗവണ്‍മെന്റ് പോളിടെക്‌നിക്ക് കോളജില്‍ ഇലക്‌ട്രോണിക്  ടെക്‌നീഷ്യന്‍,  ഡാറ്റാ എന്‍ട്രി ഓപ്പറേറ്റര്‍ തുടങ്ങിയ ഹ്രസ്വകാല സൗജന്യ തൊഴില്‍ പരിശീലന കോഴ്‌സുകളിലേക്ക് അപേക്ഷ ക്ഷണിച്ചു. എസ്.എസ്.എല്‍.സി  യോഗ്യതയുള്ളവര്‍ക്ക് അപേക്ഷിക്കാം. താത്പര്യമുള്ള ഉദ്യോഗാര്‍ത്ഥികള്‍ ജൂണ്‍ 28നകം  അപേക്ഷ സമര്‍പ്പിക്കണം. അപേക്ഷാ ഫോറം  കോളജിലെ സി. ഡി. ടി. പി ഓഫീസില്‍ ലഭിക്കും. ഫോണ്‍ -0494 2401136, 984773763