അധ്യാപക നിയമനം
തലശ്ശേരി ഗവ.കോളേജില്‍ മലയാളം വിഷയത്തില്‍ ഗസ്റ്റ് അധ്യാപകനെ നിയമിക്കുന്നു.  ബിരുദാനന്തര ബിരുദവും നെറ്റും ആണ് യോഗ്യത.  നെറ്റ് ഉള്ളവരുടെ അഭാവത്തില്‍ ബിരുദാനന്തര ബിരുദത്തില്‍ 55 ശതമാനത്തില്‍ കുറയാത്ത മാര്‍ക്കുള്ളവരെയും പരിഗണിക്കും.   അപേക്ഷകര്‍ കോളേജ് വിദ്യാഭ്യാസ ഡെപ്യൂട്ടി ഡയറക്ടര്‍ ഓഫീസില്‍ ഗസ്റ്റ് പാനലില്‍ രജിസ്റ്റര്‍ ചെയ്തവരായിരിക്കണം.  താല്‍പര്യമുള്ളവര്‍ ജൂണ്‍ 27 ന് രാവിലെ 10.30 ന് കോളേജ് ഓഫീസില്‍ നടക്കുന്ന അഭിമുഖത്തിന് ഹാജരാകണം.  ഫോണ്‍: 0490 2393985.
പി എന്‍ സി/2156/2019 

കുടുംബശ്രീ ജില്ലാ മിഷന്റെ നേതൃത്വത്തില്‍ ആരംഭിച്ച സ്നേഹിത @ സ്‌ക്കൂള്‍ ജില്ലാ തല ഉദ്ഘാടനം ജില്ലാ പഞ്ചായത്ത് പ്രസിഡന്റ ്കെ വി സുമേഷ് നിര്‍വ്വഹിച്ചു. കുടുംബശ്രീ ജില്ലാ മിഷന്‍ നടപ്പിലാക്കുന്ന 24 മണിക്കൂറും പ്രവര്‍ത്തിക്കുന്ന ജെന്‍ഡര്‍ ഹെല്‍പ്പ് ഡെസ്‌ക്കാണ് സ്നേഹിത @ സ്‌കൂള്‍. 

അന്താരാഷ്ട്ര ലഹരി വിരുദ്ധ ദിനാചരണത്തിന്റെ ഭാഗമായി ജില്ലാ ലീഗല്‍ സര്‍വ്വീസസ് അതോറിറ്റിയുടെ നേതൃത്വത്തില്‍ ഇന്ന്(ജൂണ്‍ 26) ജില്ലയില്‍ വിവിധ പരിപാടികള്‍ സംഘടിപ്പിക്കുന്നു. 

അന്താരാഷ്ട്ര ലഹരി വിരുദ്ധ ദിനാചരണത്തിന്റെ ഭാഗമായി എക്‌സൈസ് വകുപ്പിന്റെ നേതൃത്വത്തില്‍ ബൈക്ക് റാലി സംഘടിപ്പിച്ചു. ജില്ലാ ലീഗല്‍ സര്‍വീസസ് അതോറിറ്റി സെക്രട്ടറി സബ്ബ് ജഡ്ജ് സി സുരേഷ് കുമാര്‍ ഫ്‌ളാഗ് ഓഫ് ചെയ്തു. എക്‌സൈസ് വകുപ്പ്, സന്നദ്ധ സംഘടനകള്‍, ക്ലബ്ബുകള്‍ എന്നിവയില്‍ നിന്നായി 100 ഓളം പേര്‍ റാലിയില്‍ അണിനിരന്നു. കലക്ടറേറ്റില്‍ നിന്നും ആരംഭിച്ച റാലി നഗരം ചുറ്റി ടൗണ്‍ സ്‌ക്വയറില്‍ സമാപിച്ചു. സിന്‍ഡിക്കേറ്റ് ബാങ്ക്, യൂണിയന്‍ ബാങ്ക് ഓഫ് ഇന്ത്യ എന്നിവയുടെ സഹകരണത്തോടെയാണ് പരിപാടി സംഘടിപ്പിച്ചത്. 

 പട്ടികജാതി വികസന വകുപ്പിന്റെ ചെറുവത്തൂര്‍ ഗവണ്‍മെന്റ് ഐ.ടി.ഐയില്‍ എന്‍.സി.വി.ടി പാഠ്യപദ്ധതിയനുസരിച്ചുള്ള  മെട്രിക്ക് ട്രേഡായ പ്ലംബര്‍ ട്രേഡില്‍ പരിശീലനത്തിന്  അപേക്ഷ ക്ഷണിച്ചു. 80  ശതമാനം സീറ്റ് പട്ടികജാതിക്കാര്‍ക്കും 10 ശതമാനം പട്ടികവര്‍ഗ്ഗക്കാര്‍ക്കും 10 ശതമാനം മറ്റു വിഭാഗം അപേക്ഷകര്‍ക്കുമായി സംവരണം ചെയ്തിരിക്കുന്നു.പ്രവേശനം ലഭിക്കുന്ന പട്ടികജാതി-പട്ടികവര്‍ഗ്ഗക്കാര്‍ക്ക് പരിശീലന കാലയളവില്‍ 820 രൂപ ലംപ്‌സം ഗ്രാന്റും യൂണിഫോം അലവന്‍സ് 900 രൂപയും 630 രൂപ നിരക്കില്‍ പ്രതിമാസ സ്റ്റൈപ്പന്റും ലഭിക്കും.

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് നിയമം സോഷ്യല്‍ ഓഡിറ്റ് സൊസൈറ്റി കേരളയുടെ ബ്ലോക്ക് റിസ്സോഴ്‌സ് പേഴ്‌സണ്‍മാരെ തെരഞ്ഞെടുക്കുന്നതുമായി ബന്ധപ്പെട്ട് ജില്ലയിലെ സര്‍ട്ടിഫിക്കറ്റ് വെരിഫിക്കേഷന്‍ ജൂണ്‍ 29 ന് രാവിലെ 10 മുതല്‍ മൂന്നുവരെ  കാസര്‍കോട് ജില്ലാ പഞ്ചായത്തിനോട് ചേര്‍ന്നുള്ള  ജില്ലാ ശുചിത്വ മിഷന്‍ ഹാളില്‍  നടത്തും. തിരഞ്ഞെടുക്കപ്പെട്ടവരുടെ ചുരുക്കപ്പട്ടിക https://www.socialaudit.kerala.gov.in/  പ്രസിദ്ധീകരിച്ചിട്ടുണ്ടായിരുന്നു.  

അടഞ്ഞു കിടക്കുന്ന കശുവണ്ടി ഫാക്ടറികളിലെ ക്ഷേമനിധി  അംഗങ്ങളായ തൊഴിലാളികള്‍ക്ക്  ഭാവിയില്‍ സര്‍ക്കാരില്‍ നിന്നും ലഭിക്കുന്ന സമാശ്വാസ  ധനസഹായം ബാങ്ക് വഴി നല്‍കുന്നതിന് തൊഴിലാളികളുടെ ബാങ്ക് വിവരങ്ങള്‍ ശേഖരിക്കുന്നതിനുള്ള അവസാന തീയതി ജൂലൈ 5 വരെ നീട്ടി. രേഖകള്‍ ക്ഷേമനിധി ബോര്‍ഡിന്റെ കായംകുളം ,ഭരണിക്കാവ്, ചവറ, ഇരിങ്ങാലക്കുട എന്നീ ഇന്‍സ്‌പെക്ടര്‍ ഓഫീസുകളില്‍   ജൂലൈ 5 വൈകിട്ട് 4 വരെ സ്വീകരിക്കും.

കാസര്‍കോട് ജില്ലാ എംപ്ലോയ്‌മെന്റ് എക്‌സ്‌ചേഞ്ചില്‍ പ്രവര്‍ത്തിക്കുന്ന എംപ്ലോയബിലിറ്റി സെന്ററിന്റെ നേതൃത്വത്തില്‍ തൊഴില്‍ നേടാന്‍ അവസരമൊരുക്കികൊണ്ട് കാഞ്ഞങ്ങാട്  മിനി സിവില്‍ സ്റ്റേഷനിലെ ഹോസ്ദുര്‍ഗ്ഗ്  ടൗണ്‍ എംപ്ലോയ്‌മെന്റ്  എക്‌സ്‌ചേഞ്ചില്‍ ഈ മാസം 28 ന് എംപ്ലോയബിലിറ്റി സെന്ററിലേക്കുളള രജിസ്‌ട്രേഷന്‍ ക്യാമ്പയിന്‍ സംഘടിപ്പിക്കുന്നു.  താല്പര്യമുള്ള ഉദ്യോഗാര്‍ത്ഥികള്‍ക്ക് അന്നേദിവസം രാവിലെ പത്തിന് സര്‍ട്ടിഫിക്കറ്റുകള്‍, തിരിച്ചറിയല്‍ കാര്‍ഡ് എന്നിവയുടെ പകര്‍പ്പുകള്‍ സഹിതം 250 രൂപ  ഫീസ് അടച്ച് രജിസ്റ്റര്‍ ചെയ്യാം. പ്രായപരിധി 18 നും  35നും മധ്യേ.

വര്‍ത്തമാനകാല സാഹചര്യത്തില്‍ വഴിതെറ്റുന്ന ഒരേ ഒരു മൃഗം ഇന്ന് മനുഷ്യന്‍ മാത്രമാണെന്ന് ഡോ അംബികാസുതന്‍ മാങ്ങാട് പറഞ്ഞു. ഭൂമിയിലുള്ള മറ്റെല്ലാ ജീവികളും പ്രകൃത്യാലുള്ള  ജീവിത രീതി പിന്തുടരുമ്പോള്‍ മനുഷ്യന്‍ പ്രകൃതിയെ മനസിലാക്കാതെയാണ് ജീവിതം നയിക്കുന്നത്. അതിന്റെ പ്രത്യാഘാതങ്ങള്‍ നമ്മള്‍ അനുഭവിച്ചു വരികയാണെന്നും പരിസ്ഥിതിയെ സംരക്ഷിക്കേണ്ടതിന്റെ  ആവശ്യകതയെ കാലങ്ങള്‍ക്കു മുന്‍പേ എഴുത്തുകാര്‍ പ്രവചിച്ചിട്ടുണ്ടെന്നും   അദ്ദേഹം പറഞ്ഞു.