നെഹ്റു യുവകേന്ദ്ര ദേശീയ ആയുഷ് മന്ത്രാലയത്തിന്‍റെയും കോട്ടയം ബസേലിയോസ് കോളേജ് നാഷണല്‍ സര്‍വീസ് സ്കീം യൂണിറ്റിന്‍റെയും സഹകരണത്തോടെ അന്തര്‍ദേശീയ യോഗാ ദിനാചരണം നടത്തി. ബസേലിയസ് കോളേജില്‍ സബ് കളക്ടര്‍ ഈഷ പ്രിയ ഉദ്ഘാടനം ചെയ്തു.
 

  അന്തര്‍ദേശീയ ഒളിമ്പിക് ദിനാഘോഷത്തിന്‍റെ ഭാഗമായി ജൂണ്‍ 23 ന് കോട്ടയത്ത് ഒളിമ്പിക് റണ്‍ നടത്തും. സംസ്ഥാന സര്‍ക്കാരും സ്പോര്‍ട്സ് കൗണ്‍സിലും ചേര്‍ന്ന് സംഘടിപ്പിക്കുന്ന പരിപാടിയില്‍ കായിക താരങ്ങളും കായിക പ്രേമികളും പങ്കെടുക്കും. 

ഉപതിരഞ്ഞെടുപ്പ് നടക്കുന്ന തദ്ദേശ ഭരണ സ്ഥാപന വാര്‍ഡുകളുടെ/ ഡിവിഷനുകളുടെ പരിധിയില്‍ വരുന്ന എല്ലാ സര്‍ക്കാര്‍ ഓഫീസുകള്‍ക്കും വിദ്യാഭ്യാസ സ്ഥാപനങ്ങള്‍ക്കും തിരഞ്ഞെടുപ്പ് ദിനമായ ജൂണ്‍ 27ന് ജില്ലാ കളക്ടര്‍ അവധി പ്രഖ്യാപിച്ചു. 

ഒന്നു മുതല്‍ 10വരെ ക്ലാസുകളിലെ ഒഇസി പ്രീമെട്രിക് വിദ്യാഭ്യാസാ നുകൂല്യത്തിന് അര്‍ഹരായ വിദ്യാര്‍ഥികളുടെ വിവരങ്ങള്‍ ഇഗ്രാന്‍റ്സ് മുഖേന എന്‍റര്‍ ചെയ്യുന്നതിന് സര്‍ക്കാര്‍/എയ്ഡഡ്/അംഗീകൃത എയ്ഡഡ് സ്കൂളുകള്‍ക്കുളള അവസാന തീയതി ജൂണ്‍ 25 വരെയും സി.ബി.എസ്.ഇ/ ഐസിഎസ്ഇ സ്കൂളുകള്‍ക്കുളള അവസാന തീയതി ജൂലൈ 30 വരെയും നീട്ടി. 

തിരുവാര്‍പ്പ് ഗവണ്‍മെന്‍റ് ഐടിഐ യില്‍ 2016, 2017 വര്‍ഷങ്ങളില്‍ പരിശീലനം പൂര്‍ത്തിയാക്കിയ ട്രെയിനികളുടെ കോഷന്‍ ഡിപ്പോസിറ്റ് വിതരണം ജൂണ്‍ 24 മുതല്‍ 30 വരെ നടക്കും. തിരിച്ചറിയല്‍ രേഖയുമായി  കോഷന്‍ ഡിപ്പോസിറ്റ് കൈപ്പറ്റണമെന്ന് പ്രിന്‍സിപ്പല്‍ അറിയിച്ചു. ഫോണ്‍: 0481 2380404 

സമഗ്ര പച്ചക്കറി വികസന പദ്ധതി 2019-20  ജില്ലാതല ഉദ്ഘാടനം ഇന്ന്  (ജൂണ്‍ 22) ഉച്ചകഴിഞ്ഞ് രണ്ടിന് വൈക്കം സത്യാഗ്രഹ മെമ്മോറിയല്‍ ഹാളില്‍ സി. കെ ആശ എം.എല്‍.എ  നിര്‍വഹിക്കും. 

അക്ഷയ കേന്ദ്രങ്ങളില്‍ നേരിട്ട് എത്താന്‍ സാധിക്കാത്തവര്‍ക്ക് സേവനങ്ങള്‍ ഇനി വീടുകളില്‍ ലഭ്യമാകും. അഞ്ച് വയസ്സില്‍ താഴെയുള്ള കുട്ടികളുടെ ആധാര്‍ എന്‍റോള്‍മെന്‍റ്, ആധാര്‍ അപ്ഡേഷന്‍,  ക്ഷേമനിധി പെന്‍ഷനു വേണ്ടിയുള്ള ലൈഫ് സര്‍ട്ടിഫിക്കറ്റ് എന്നീ സേവനങ്ങള്‍ വീടുകളില്‍ നല്‍കുന്നതിനായി ജില്ലയിലെ 131 അക്ഷയ കേന്ദ്രങ്ങള്‍ക്ക് ടാബ്ലെറ്റുകള്‍ വിതരണം ചെയ്തു.  

മഹാ പ്രളയത്തില്‍ വീടു നഷ്ടപ്പെട്ടവര്‍ക്ക് വീടു നിര്‍മിച്ചു നല്‍കുന്ന സഹകരണ വകുപ്പിന്‍റെ കെയര്‍ ഹോം പദ്ധതി കോട്ടയം ജില്ലയില്‍ സമ്പൂര്‍ണ്ണ വിജയം കുറിച്ച് രണ്ടാം ഘട്ടത്തിലേക്ക്. ആദ്യ ഘട്ടത്തില്‍ ലക്ഷ്യമിട്ടിരുന്ന 83 വീടുകളുടെയും നിര്‍മാണം പൂര്‍ത്തിയാക്കി. 80 വീടുകളുടെ താക്കോലുകള്‍ ഗുണഭോക്താക്കള്‍ക്ക് കൈമാറി. ശേഷിക്കുന്ന മൂന്നു വീടുകളുടെ താക്കോല്‍ ദാനം ഈ മാസം 30ന് മുന്‍പ് നടക്കുമെന്ന്  സഹകരണ സംഘം ജോയിന്‍റ് രജിസ്ട്രാര്‍ കെ.