മന്ദഹാസം പദ്ധതിയിലേക്ക് അപേക്ഷ ക്ഷണിച്ചു

    ബി.പി.എല്‍ വിഭാഗത്തില്‍പ്പെട്ട 60 വയസ്സ് പൂര്‍ത്തിയായ മുതിര്‍ന്ന പൗരന്‍മാര്‍ക്ക് സൗജന്യമായി ദന്തനിര വച്ച് നല്‍കുന്ന മന്ദഹാസം പദ്ധതിയിലേക്ക് അപേക്ഷ ക്ഷണിച്ചു. ബ്‌ളോക്ക് തലത്തിലുള്ള ശിശുവികസന പദ്ധതി ഓഫീസുകളില്‍ നിന്നും  അപേക്ഷാഫോം സൗജന്യമായി ലഭിക്കും. പൂരിപ്പിച്ച അപേക്ഷയോടൊപ്പം, വരുമാന സര്‍ട്ടിഫിക്കറ്റ്/ബി.പി.എല്‍ റേഷന്‍കാര്‍ഡ്, ആധാര്‍ കാര്‍ഡ് എന്നിവയുടെ കോപ്പി ഉള്‍പ്പെടുത്തണം.  അപേക്ഷ ജൂണ്‍ 30നകം ജില്ലാ സാമൂഹ്യനീതി ഓഫീസില്‍ ലഭിക്കണം. ഫോണ്‍.0495-3711911.

പെരിന്തല്‍മണ്ണ പി. ടി .എം ഗവ: കോളേജില്‍ ഇംഗ്ലീഷ് വിഭാഗത്തില്‍ ഗസ്റ്റ് അധ്യാപക ഒഴിവ്. കോളേജ് വിദ്യാഭ്യാസ വകുപ്പിന്റെ കോഴിക്കോട് മേഖല ഓഫീസില്‍ പേര് രജിസ്റ്റര്‍  ചെയ്തവരും എം .എ ഇംഗ്ലീഷ് , നെറ്റ് യോഗ്യരായവര്‍ അസ്സല്‍ സര്‍ട്ടിഫിക്കറ്റുകളുമായി ജൂണ്‍ 25 ന് ഉച്ചയ്ക്ക് 2 നു കോളെജില്‍ അഭിമുഖത്തിന് എത്തണമെന്ന് പ്രിന്‍സിപ്പാള്‍ അറിയിച്ചു. നെറ്റ് യോഗ്യതയുള്ളവരുടെ അഭാവത്തില്‍ അല്ലാത്തവരെയും പരിഗണിക്കും.

ജില്ലാ സ്‌പോര്‍ട്‌സ് കൗണ്‍സിലിന്റെ ആഭിമുഖ്യത്തില്‍ അന്താരാഷ്ട്ര ഒളിമ്പിക് ദിനത്തോടനുബന്ധിച്ച് ഇന്ന് (ജൂണ്‍ 23) രാവിലെ എട്ടിന് ഗവ. മോയന്‍ ഗേള്‍സ് ഹയര്‍ സെക്കന്‍ഡറി സ്‌കൂളില്‍ നിന്നും സിവില്‍ സ്‌റ്റേഷന്‍ വരെ കൂട്ടയോട്ടം നടക്കും. കൂട്ടയോട്ടം ഒളിമ്പ്യന്‍ പ്രീജാ ശ്രീധരന്‍ ഉദ്ഘാടനം ചെയ്യും. കായിക സംഘടനാ ഭാരവാഹികള്‍ പരിപാടിയില്‍ പങ്കെടുക്കണമെന്ന് ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് അഡ്വ. കെ പ്രേമചന്ദ്രന്‍ അറിയിച്ചു. 

ഡയറ്റിന്റെ പ്രോഗ്രാം അഡൈ്വസറി കമ്മിറ്റി യോഗം ജൂണ്‍ 24 ന് രാവിലെ 10 ന് ഹോട്ടല്‍ ഗസാലയില്‍ നടക്കും.

പാലക്കാട്  കൃഷിവിജ്ഞാന കേന്ദ്രത്തിന്റെ ആഭിമുഖ്യത്തില്‍ പട്ടാമ്പി പ്രാദേശിക കാര്‍ഷിക ഗവേഷണ കേന്ദ്രത്തില്‍ അന്താരാഷ്ട്ര യോഗ ദിനം പ്രാദേശിക കാര്‍ഷിക ഗവേഷണ കേന്ദ്രം മേധാവി ജ്യോതി ഉദ്ഘാടനം ചെയ്തു. കൃഷി വിജ്ഞാന കേന്ദ്രം മേധാവി ഡോ. ഇസ്രയേല്‍ തോമസ് നേതൃത്വം വഹിച്ചു. യോഗാചാര്യന്‍ എ .പി കൃഷ്ണകുമാര്‍ യോഗാ പ്രായോഗിക പരിശീലനവും നല്‍കി. കൃഷി വിജ്ഞാന കേന്ദ്ര ഉദ്യോഗസ്ഥരും കാര്‍ഷിക ഡിപ്ലോമ വിദ്യാര്‍ത്ഥികളും പരിപാടിയില്‍ പങ്കെടുത്തു.

തൃത്താല ആര്‍ട്‌സ് ആന്‍ഡ് സയന്‍സ് കോളേജില്‍ കൊമേഴ്‌സ് വിഷയത്തില്‍ ഗസ്റ്റ് അധ്യാപക ഒഴിവ്. യുജിസി മാനദണ്ഡങ്ങള്‍ അനുസരിച്ചുള്ള യോഗ്യതയുള്ളവരും കോളേജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടറുടെ കാര്യാലയത്തില്‍ പേര് രജിസ്റ്റര്‍ ചെയ്തവരുമായ ഉദ്യോഗാര്‍ത്ഥികള്‍ വയസ്സ്, പ്രവൃത്തിപരിചയം, വിദ്യാഭ്യാസ യോഗ്യത എന്നിവ തെളിയിക്കുന്ന അസ്സല്‍ സര്‍ട്ടിഫിക്കറ്റുകളുമായി ജൂണ്‍ 28 രാവിലെ 10ന് ഓഫീസില്‍ അഭിമുഖത്തിന് എത്തണമെന്ന് പ്രിന്‍സിപ്പാള്‍ അറിയിച്ചു. ഫോണ്‍ : 0466-2270335, 2270353

മരുഭൂമിയില്‍ ആടുകളോടൊപ്പം ജീവിതം നയിച്ച നജീബ് മലയാളി വായനക്കാരന്റെ മനസ്സില്‍ നോവ് പടര്‍ത്തിയ കഥാപാത്രമാണ്. പാത്തുമ്മയുടെ ആടും അതിനെ ചുറ്റിപ്പറ്റി വീട്ടില്‍ ഉണ്ടാകുന്ന കോലാഹലങ്ങളും വായിച്ചറിയാത്ത മലയാളികള്‍ ഉണ്ടാവില്ല. ജില്ലാ ഇന്‍ഫര്‍മേഷന്‍ ഓഫീസിന്റെ ആഭിമുഖ്യത്തില്‍ നടത്തിയ 'വായന വരയ്ക്കുന്നു' (വാട്ടര്‍കളര്‍, പെയിന്റിംഗ്) വായനാധിഷ്ഠിത ചിത്രരചന മത്സരത്തില്‍ സാഹിത്യത്തെ മനസ്സിലേക്ക് ആവാഹിച്ച കുട്ടികള്‍ അവയെ ചിത്രങ്ങളായി കടലാസിലേക്ക് പകര്‍ത്തി വരച്ചത് വേറിട്ട കാഴ്ച്ചയായി.