കയ്യൂര്‍ ഗവ.ഐ.ടി.ഐയിലെ വിവിധ ട്രേഡുകളിലെ കാലപ്പഴക്കംചെന്ന യു.പി.എസുകള്‍, മെറ്റല്‍ ഫര്‍ണിച്ചറുകള്‍, ഇലക്‌ട്രോണിക്ക് ടൂള്‍സ് എന്നിവ ഐ.ടി.ഐ പരസരത്ത് നാളെ(ജൂണ്‍ 27) ലേലം രാവിലെ ചെയ്യുന്നു. വിശദവിവരങ്ങള്‍ക്ക് ഓഫീസുമായി ബന്ധപ്പെടുക. ഫോണ്‍: 04672 230980.

  മഴക്കാലരോഗ പ്രതിരോധ പ്രവര്‍ത്തനത്തിന്റെയും മാലിന്യവിമുക്ത പ്രവര്‍ത്തനങ്ങളുടെയും ഭാഗമായി  കഴിഞ്ഞ രണ്ട് മാസത്തിനുള്ളില്‍ നീലേശ്വരം ബ്ലോക്ക് പഞ്ചായത്തിന് കീഴിലുള്ള  78 കുളങ്ങള്‍ നവീകരിച്ചു.  ബ്ലോക്ക് പഞ്ചായത്തിന് കീഴിലുള്ള തൃക്കരിപ്പൂര്‍, ചെറുവത്തൂര്‍, പിലിക്കോട്, വലിയപറമ്പ, പടന്ന, കയ്യൂര്‍-ചീമേനി എന്നീ ആറ് പഞ്ചായത്തുകളിലെ പൊതുകുളങ്ങളാണ് നവീകരിച്ചത്.   നവീകരണ പ്രവര്‍ത്തനങ്ങള്‍ക്കായി പണം ചെലവഴിച്ചത് അതത് പഞ്ചായത്തുകളാണെങ്കിലും  എല്ലാവിധ നിര്‍ദേശങ്ങളും സഹായ സഹകരണങ്ങളും  നല്‍കി ബ്ലോക്ക് പഞ്ചായത്തും ഒപ്പം നിന്നു. ഏപ്രില്‍ മാസത്തിലാണ് കുളം നവീകരണ പ്രവര്‍ത്തനം തുടങ്ങിയത്.

മത്സരപരീക്ഷകൾക്ക് തയ്യാറെടുക്കുന്ന ഭിന്നശേഷിക്കാരായ ഉദ്യോഗാർത്ഥികൾക്കായി തൃശൂർ ജില്ലാ എംപ്ലോയ്‌മെന്റ് എക്‌സ്‌ചേഞ്ച് പ്ലേസ്‌മെന്റ് വിഭാഗം സംഘടിപ്പിക്കുന്ന 20 ദിവസത്തെ സൗജന്യ മത്സരപരീക്ഷ പരിശീലനം ഡെപ്യൂട്ടി മേയർ റാഫി ജോസ് ഉദ്ഘാടനം ചെയ്തു. വാർഡംഗം കെ മഹേഷ് അദ്ധ്യക്ഷത വഹിച്ചു. എംപ്ലോയ്‌മെന്റ് ഡെപ്യൂട്ടി ഡയറക്ടർ പി എൻ സുരേഷ്ബാബു മുഖ്യപ്രഭാഷണം നടത്തി. എറണാകുളം സബ് റീജ്യണൽ എംപ്ലോയ്‌മെന്റ് ഓഫീസർ സി ജി സാബു, ജില്ലാ എംപ്ലോയ്‌മെന്റ് ഓഫീസർ (ഐസി) ശശികുമാർ, എംപ്ലോയ്‌മെന്റ് ഓഫീസർ (വിജി) വി എം ഹംസ തുടങ്ങിയവർ പങ്കെടുത്തു. ഭിന്നശേഷിക്കാരായ 30 ഉദ്യോഗാർത്ഥികൾ ക്ലാസ്സിൽ പങ്കെടുത്തു.

ദേശീയ വായനാ മാസചരണത്തിന്റെ  ഭാഗമായി പി എന്‍ പണിക്കര്‍ ഫൗണ്ടേഷനും ജില്ലാതല വായന പക്ഷാചരണ സംഘാടക സമിതിയും കാന്‍ഫെഡിന്റെ സഹകരണത്തോടെ ചട്ടഞ്ചാല്‍ ഹയര്‍  സെക്കണ്ടറി സ്‌കൂളില്‍ കുമരനാശന്റെ  ചിന്താവിഷ്ടയായ സീതയുടെ  നൂറാം വാര്‍ഷികത്തിന്റെ ജില്ലാതല ഉദ്ഘാടനം നടത്തി. പരിപാടി മുന്‍ എം എല്‍ എ, കെ പി കുഞ്ഞിക്കണ്ണന്‍ ഉദ്ഘാടനം ചെയ്തു. നീലേശ്വരം നഗരസഭാ ചെയര്‍മാന്‍ പ്രൊഫ കെ പി ജയരാജന്‍ അധ്യക്ഷത വഹിച്ചു. കവിയും സാംസ്‌കാരിക പ്രവര്‍ത്തകനുമായ സി എം വിനയചന്ദ്രന്‍ മുഖ്യാതിഥിയായി. കെ പി കെ തുളസി ചിന്താവിഷ്ടയായ സീതയുടെ രംഗാവിഷ്‌കരണം നടത്തി.

  ഇന്‍ഫര്‍മേഷന്‍ ആന്‍ഡ് പബ്ലിക്ക് റിലേഷന്‍സ് വകുപ്പിന്റെയും കാസര്‍കോട് ഗവണ്‍മെന്റ് കോളേജ് കന്നഡ പോസ്റ്റ് ഗ്രാജുവേഷന്‍ ആന്‍ഡ് റിസര്‍ച്ച് ഡിപ്പാര്‍ട്ട്മെന്റിന്റെയും സംയുക്താഭിമുഖ്യത്തില്‍ വായനാ പക്ഷാചരണത്തിന്റെ ഭാഗമായി വിഷയാവതരണം സംഘടിപ്പിച്ചു. കാസര്‍കോട് ഗവണ്‍മെന്റ് കോളേജില്‍ സംഘടിപ്പിച്ച പരിപാടി കേരള തുളു അക്കാദമി ചെയര്‍മാന്‍ ഉമേശ് എം സാലിയാന്‍  ഉദ്ഘാടനം ചെയ്തു. വായനയിലൂടെ ലഭിക്കുന്ന ഉണര്‍വ്വ് സമൂഹത്തിന്റെ ഒത്തുചേരലിന് അനിവാര്യമാണെന്നും മറ്റു മാധ്യമങ്ങളിലൂടെ ലഭ്യമാകാത്ത അനുഭവമാണ് വായന സമ്മാനിക്കുന്നതെന്നും ഉമേഷ് സാലിയാന്‍ പറഞ്ഞു.

ജില്ലാ മാനസികാരോഗ്യപരിപാടിയിൽ സൈക്യാട്രിസ്റ്റ് തസ്തികയിൽ കരാർ നിയമനം നടത്തുന്നു. സൈക്യാട്രിയിലുളള ഡിപിഎം, എംഡി, ഡിഎൻബി എന്നിവയിൽ ഏതെങ്കിലും യോഗ്യതയുളളവർക്ക് വാക്ക്-ഇൻ-ഇന്റർവ്യൂവിൽ പങ്കെടുക്കാം. താൽപര്യമുളളവർ ബയോഡാറ്റ അസ്സൽ സർട്ടിഫിക്കറ്റ് സഹിതം ജൂലൈ 6 ന് മാനസികാരോഗ്യപരിപാടി നോഡൽ ഓഫീസിൽ അഭിമുഖത്തിന് എത്തണം. ഫോൺ: 0487-2383155.