ജില്ലാ സൈനിക ബോര്‍ഡ് യോഗം ഈ മാസം 28ന് ഉച്ചയ്ക്ക് ശേഷം മൂന്നിന് കളക്ടറേറ്റില്‍ നടക്കും.          (പിഎന്‍പി 1506/19)

സംസ്ഥാന യുവജനക്ഷേമ ബോര്‍ഡിന്റെ നേതൃത്വത്തില്‍ യൂത്ത് ക്ലബുകള്‍, യുവാ ക്ലബുകള്‍ എന്നിവയെ ഉള്‍പ്പെടുത്തി ജില്ലാതല സെന്‍വന്‍സ് ഫുട്‌ബോള്‍ മത്സരം നടത്തും. 15നും 40നും മധ്യേ പ്രായമുള്ളവര്‍ക്ക് പങ്കെടുക്കാം. പങ്കെടുക്കാന്‍ താത്പര്യമുള്ള ടീമുകള്‍ കളക്ടറേറ്റിന് സമീപം പ്രവര്‍ത്തിക്കുന്ന ജില്ലാ യുവജനകേന്ദ്രത്തില്‍ ജൂലൈ അഞ്ചിനകം അപേക്ഷ നല്‍കണം. ഫോണ്‍: 0468 2231938. ഇ-മെയില്‍: pta.ksywb@kerala.gov.in                                                (പിഎന്‍പി 1505/19)

ഭിന്നശേഷിക്കാരായ മാതാപിതാക്കളുടെ കുട്ടികള്‍ക്ക് സാമൂഹ്യനീതി വകുപ്പ് നടപ്പാക്കുന്ന വിദ്യാകിരണം പദ്ധതിയിലേക്ക് അപേക്ഷിക്കാം. ഒന്നു മുതല്‍ പ്രൊഫഷണല്‍ കോളജ് തലം വരെയുള്ള വിദ്യാര്‍ഥികള്‍ക്ക് വിദ്യാഭ്യാസ ധനസഹായം ലഭിക്കുന്ന പദ്ധതിയാണിത്.  വാര്‍ഷിക വരുമാനം ഒരു ലക്ഷം രൂപയില്‍ കവിയാന്‍ പാടില്ല. അപേക്ഷ ജൂലൈ 20നകം ജില്ലാ സാമൂഹ്യനീതി ഓഫീസില്‍ ലഭിക്കണം. ഫോണ്‍: 0468 2325168. 

        (പിഎന്‍പി 1504/19)

സാങ്കേതിക കാരണങ്ങളാല്‍ 2019 ജൂണ്‍ 25, 27 തീയതികളില്‍ തിരുവനന്തപുരം തൈയ്ക്കാട് നോര്‍ക്ക റൂട്ട്സിന്റെ സര്‍ട്ടിഫിക്കേറ്റ് സാക്ഷ്യപ്പെടുത്തല്‍ കേന്ദ്രത്തില്‍ സര്‍ട്ടിഫിക്കറ്റ് സാക്ഷ്യപ്പെടുത്തല്‍ ഉണ്ടായിരിക്കുന്നതല്ലെന്ന്് സെന്റര്‍ മാനേജര്‍ അറിയിച്ചു.

        (പിഎന്‍പി 1503/19)

ഉന്നതവിദ്യാഭ്യാസ മേഖലയിൽ ദുരന്തനിവാരണം പാഠ്യവിഷയമാക്കണമെന്ന് ഉന്നതവിദ്യാഭ്യാസ മന്ത്രി ഡോ: കെ.ടി. ജലീൽ പറഞ്ഞു. കേരളത്തിന്റെ ദുരന്ത പ്രതികരണ - പ്രതിരോധ തയാറെടുപ്പുകളെന്ന വിഷയത്തിൽ 'അമേരിക്ക വിത്ത് കേരള' എന്ന പേരിൽ തിരുവന്തപുരത്ത് അപ്പോളോ ഡിമോറയിൽ സംഘടിപ്പിച്ച ശിൽപശാല ഉദ്ഘാടനം ചെയ്യുകയായിരുന്നു അദ്ദേഹം. ചെന്നൈ യു. എസ്. കോൺസുലേറ്റ് ജനററും സംസ്ഥാന ദുരന്ത നിവാരണ അതോറിറ്റിയും സെന്റർ ഫോർ പബ്ലിക് പോളിസി റിസർച്ചും സംയുക്തമായാണ് പരിപാടി സംഘടിപ്പിച്ചത്. 

2017ലെ സ്വദേശാഭിമാനി കേസരി പുരസ്‌കാരം പ്രമുഖ മാധ്യമ പ്രവർത്തകനും പത്രാധിപരും ഗ്രന്ഥകർത്താവുമായ ടി. ജെ. എസ്. ജോർജിന്. മുതിർന്ന മാധ്യമപ്രവർത്തകരെ ആദരിക്കുന്നതിന് സംസ്ഥാന സർക്കാർ ഏർപ്പെടുത്തിയിട്ടുള്ള അവാർഡാണിത്. ഒരു ലക്ഷം രൂപയും പ്രശസ്തി പത്രവും കാനായി കുഞ്ഞിരാമൻ രൂപകൽപന ചെയ്ത ശിൽപവുമാണ് പുരസ്‌കാരം. മാധ്യമപ്രവർത്തകർക്ക് സർക്കാർ ഏർപ്പെടുത്തിയിട്ടുള്ള ഏറ്റവും വലിയ പുരസ്‌കാരമാണിത്.

പട്ടികവര്‍ഗ്ഗ വികസന വകുപ്പ് പട്ടികവര്‍ഗ്ഗ വിദ്യാര്‍ഥികള്‍ക്കായി  സംഘടിപ്പിക്കുന്ന  നീറ്റ് / എഞ്ചിനീയറിംഗ് പ്രവേശന പരീക്ഷാ പരിശീലനത്തിന് അപേക്ഷ ക്ഷണിച്ചു. 2019 മാര്‍ച്ചില്‍ പ്ലസ്ടു പരീക്ഷയില്‍ കണക്ക്, സയന്‍സ് വിഷയങ്ങളില്‍ ഉന്നതവിജയം നേടിയവര്‍ക്കാണ് അവസരം. ഒരുവര്‍ഷം നീണ്ടുനില്‍ക്കുന്ന പരിശീലനത്തില്‍ പങ്കെടുക്കുന്നവര്‍ക്ക് താമസ, ഭക്ഷണ സൗകര്യം നല്‍കും. 

ഉഴവൂര്‍ ഐസിഡിഎസ് പ്രോജക്ട് ആവശ്യത്തിന്  കാര്‍/ജീപ്പ് വാടകക്ക് നല്‍കുന്നതിന് തയ്യാറുള്ള വ്യക്തികള്‍/സ്ഥാപനങ്ങളില്‍ നിന്നും ടെണ്ടര്‍ ക്ഷണിച്ചു. ജൂണ്‍ 25  ഉച്ചയ്ക്ക് രണ്ടു മണി  വരെ ടെണ്ടര്‍ സ്വീകരിക്കും. കൂടുതല്‍  വിവരങ്ങള്‍ക്ക് ഫോണ്‍: 04822 231858,  9496720856

പട്ടികജാതി വികസന വകുപ്പിന്‍റെ കുറിച്ചി ഐ.ടി.ഐയില്‍ ഇലക്ട്രീഷ്യന്‍  (രണ്ടു വര്‍ഷം) ട്രേഡിലേക്ക് അപേക്ഷ ക്ഷണിച്ചു. യോഗ്യത എസ്.എസ്.എല്‍.സി. പ്രവേശനം ലഭിക്കുന്നവര്‍ക്ക് സ്റ്റൈപ്പന്‍റ്, ലംപ്സം ഗ്രാന്‍റ്, യൂണിഫോം അലവന്‍സ്, സ്റ്റഡി ടൂര്‍ അലവന്‍സ്, ടൂള്‍കിറ്റ് അലവന്‍സ്, പോഷകാഹാരം, ഉച്ചഭക്ഷണം എന്നീ ആനുകൂല്യങ്ങള്‍ ലഭിക്കും. ജൂണ്‍ 29നകം അപേക്ഷ നല്‍കണം.  കൂടുതല്‍ വിവരങ്ങള്‍ക്ക് ഫോണ്‍: 0481 2435272