ആലപ്പുഴ: ആരോഗ്യകേരളം ആലപ്പുഴ ജില്ല ഓഫീസിന്റെ കീഴിൽ പ്രവർത്തിക്കുന്ന ഫ്ളോട്ടിങ് ഡിസ്പെൻസറികൾക്കായി ബോട്ടുകൾ മാസവാടകയ്ക്ക് എടുക്കുന്നതിന്  ജൂലൈ എട്ടുവരെ ടെൻഡർ നൽകാം. വിശദവിവരങ്ങൾ ആരോഗ്യകേരളം ജില്ല ഓഫീസിൽ നിന്നും പ്രവർത്തി ദിവസങ്ങളിൽ വൈകിട്ട് അഞ്ചു വരെ  ലഭിക്കും.  ഇ-ടെൻഡർ സമർപ്പിക്കേണ്ട അവസാന തീയതി ജൂലൈ എട്ടുവരെ ഉച്ചയ്ക്ക് 12 വരെയാണ്.  കൂടുതൽ വിവരത്തിന് ഫോൺ: 9946105778.
 

ആലപ്പുഴ: തദ്ദേശ ഭറണസ്ഥാപന ഉപതിരഞ്ഞെടുപ്പിന്റെ വോട്ടെണ്ണൽ കേന്ദ്രങ്ങളായ  കായംകുളം മുൻസിപ്പാലിറ്റി, ചേർത്തല മുൻസിപ്പാലിറ്റി,  മാവേലിക്കര ബ്ലോക്ക് പഞ്ചായത്ത്, കുത്തിയതോട് ഗ്രാമപഞ്ചായത്ത് ഓഫീസ്,പാലമേൽ ഗ്രാമപഞ്ചായത്ത് ഓഫീസ് എന്നിവയ്ക്ക് വോട്ടെണ്ണൽ ദിവസമായ ജൂൺ 28ന് ഉച്ചവരെ അവധി പ്രഖ്യാപിച്ച് ജില്ല  കളക്ടർ  ഉത്തരവായി.

ആലപ്പുഴ: റീബിൽഡ് കേരള വഴിയുള്ള പ്രളയാനന്തര പുനർനിർമാണത്തിന്റെ ഭാഗമായി പ്രളയത്തിൽ വീടുകൾക്ക് പൂർണനാശം സംഭവിച്ച അപേക്ഷകരിൽ ജില്ലയിൽ 691 വീടുകൾ പൂർത്തിയായി. 75 മുതൽ 100 ശതമാനം വരെ നാശനഷ്ടമുണ്ടായതാണ് പൂർണമായും നശിച്ചതായി കണക്കാക്കുന്നത്. പൂർണനാശനഷ്ടമുണ്ടായവരിൽ സ്വന്തമായി വീടു നിർമിച്ചുകൊള്ളാമെന്ന് സമ്മതിച്ച 1595 പേർക്ക് ആദ്യഗഡു നൽകിയിരുന്നു. കെയർ ഹോം പദ്ധതിയിൽ 51 വീടുകളും പ്രായോജകർ വഴി 324 വീടുകളും പൂർണമായും പൂർത്തിയായിട്ടുണ്ട്. 465 വീടുകളാണ് പ്രായോജകർ വഴി നിർമിക്കാൻ ലക്ഷ്യമിട്ടിരുന്നത്.

ആലപ്പുഴ:  കുടുംബശ്രീ നേതൃത്വത്തിൽ പ്രവർത്തിച്ചു വരുന്ന വനിത കൃഷി സംഘങ്ങളുടെ (ജെ.എൽ.ജി )വ്യാപനവും ശാക്തീകരണവും ജൈവകൃഷിയുടെ പ്രചാരണവും ലക്ഷ്യമിട്ട്  ഈ സാമ്പത്തികവർഷം നടപ്പിലാക്കുന്ന സമഗ്ര കൃഷി കാമ്പയിൻ സമൃദ്ധി പദ്ധതിയുടെ ജില്ലാതല ഉദ്ഘാടനം ജൂൺ 29 ശനിയാഴ്ച ഉച്ച്‌യ്ക്ക് രണ്ടിന് മുൻസിപ്പൽ ടൗൺ ഹാളിൽ ധനകാര്യവകുപ്പ് മന്ത്രി ടി.എൻ തോമസ് ഐസക്ക്  നിർവഹിക്കും.  ആകെയുള്ള സംഘകൃഷി ഭൂമിയുടെ നാൽപ്പത്  ശതമാനം ജൈവകൃഷി ചെയ്യുകയെന്നതാണ് പദ്ധതിയുടെ ലക്ഷ്യം. ജില്ല പഞ്ചായത്ത് പ്രസിഡന്റ് ജി.വേണുഗോപാൽ അധ്യക്ഷത വഹിക്കുന്ന യോഗത്തിൽ അഡ്വ.എ.എം ആരിഫ് എം.പി. പച്ചക്കറി തൈകളുടെ വിതരണം  നിർവഹിക്കും.

ആലപ്പുഴ: പകർച്ചവ്യാധികളുടെ വ്യാപനസാധ്യതയേറെയുള്ള ജില്ലയെന്ന നിലയിൽ സർക്കാർ ആശുപത്രികളും സ്വകാര്യ ആശുപത്രികളും തികഞ്ഞ ജാഗ്രത പുലർത്തണമെന്ന്  ജില്ല കളക്ടർ ഡോ. അദീല അബ്ദുള്ള പറഞ്ഞു. ആരോഗ്യ മേഖലയുടെ പ്രവർത്തനം വിലയിരുത്തുന്നതിനും ആരോഗ്യജാഗ്രത പ്രവർത്തനങ്ങൾ വ്യാപിപ്പിക്കുന്നതിനും വേണ്ടി കളക്ടറേറ്റിൽ വിളിച്ചുചേർത്ത യോഗത്തിൽ അധ്യക്ഷത വഹിച്ച്  സംസാരിക്കുകയായിരുന്നു കളക്ടർ.  എച്ച് വൺ എൻ വൺ, എലിപ്പനി, ഡെങ്കിപ്പനി എന്നിവയിലേതെങ്കിലും കണ്ടെത്തിയാൽ സ്വകാര്യ ആശുപത്രികൾ ഉൾപ്പെടെ ജില്ലാ ആരോഗ്യ വിഭാഗത്തിന് റിപ്പോർട്ട് കൈമാറണമെന്ന് കളക്ടർ പറഞ്ഞു.

സ്‌റ്റേറ്റ് റിസോഴ്‌സ് സെന്ററിന്റെ ആഭിമുഖ്യത്തിലുളള എസ്.ആര്‍.സി കമ്മ്യൂണിറ്റി കോളേജ്  ജൂലൈ സെഷനില്‍ നടത്തുന്ന യോഗ സര്‍ട്ടിഫിക്കറ്റ് പ്രോഗ്രാമിലേക്ക് അപേക്ഷ ക്ഷണിച്ചു. പത്താം ക്ലാസ് പാസായവര്‍ക്ക് അപേക്ഷിക്കാം. ആറു മാസം ദൈര്‍ഘ്യമുളള പ്രോഗ്രാമിന്റെ തിയറി- പ്രാക്ടിക്കല്‍ ക്ലാസുകള്‍ അംഗീകൃത പഠന കേന്ദ്രങ്ങളുടെ സഹായത്തോടെയാണ് നടത്തുന്നത്.

പുത്തിഗെ ഗ്രാമപഞ്ചായത്ത് 2019-20 വാര്‍ഷിക പദ്ധതിയിക്ക് കീഴില്‍ വിവിധ ഗുണഭോക്തൃ പദ്ധതികളിലേക്ക് അപേക്ഷ ക്ഷണിച്ചു.  പൂരിപ്പിച്ച അപേക്ഷ ആവശ്യമായ രേഖകള്‍ സഹിതം ജൂലൈ പത്തിന് വൈകുന്നേരം അഞ്ചുവരെ പഞ്ചായത്ത് ഓഫീസ്, കൃഷി ഭവന്‍ എന്നിവിടങ്ങളില്‍ സമര്‍പ്പിക്കണം.

പോളിടെക്‌നിക്കുകളിലെ ഡിപ്ലോമ എഞ്ചിനീയറിംഗ് പ്രോഗ്രാമിലെ രണ്ടാം വര്‍ഷത്തിലേക്ക് നേരിട്ട് ലാറ്ററല്‍ എന്‍ട്രി വഴിയുളള പ്രവേശനത്തിന് അപേക്ഷ ക്ഷണിച്ചു. ഫിസിക്‌സ്, കെമിസ്ട്രി, മാത്തമാറ്റിക്‌സ്, ഇംഗ്ലീഷ് എന്നീ വിഷയങ്ങള്‍ എടുത്ത് പ്ലസ് ടു പാസായ, ഫിസിക്‌സ്, കെമിസ്ട്രി, മാത്തമാറ്റിക്‌സ് എന്നീ വിഷയങ്ങളില്‍ 50 ശതമാനം മാര്‍ക്ക് നേടിയവര്‍ക്ക് അപേക്ഷിക്കാം. നിലവില്‍ പോളിടെക്‌നിക്കുകളില്‍ ഡിപ്ലോമയ്ക്ക് പഠിക്കുന്നവരോ, പഠിച്ചവരോ അര്‍ഹരല്ല. അപേക്ഷയും പ്രോസ്‌പെക്റ്റസും www.polyadmission.org എന്ന വെബ്‌സൈറ്റില്‍ ലഭ്യമാണ്.

എളേരിത്തട്ട് ഇ.കെ നായനാര്‍ മെമ്മോറിയല്‍ ഗവണ്‍മെന്റ് കോളേജില്‍ ഇക്കണോമിക്‌സ് വിഷയങ്ങളില്‍ ഗസ്റ്റ് അധ്യാപകരെ നിയമിക്കുന്നു.  കോഴിക്കോട് കോളേജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടര്‍ പ്രസിദ്ധികരിച്ചിട്ടുളള പാനലില്‍ ഉള്‍പ്പെട്ടിട്ടുളളവര്‍ ജനന തീയതി, വിദ്യാഭ്യാസ യോഗ്യതകള്‍ എന്നിവ തെളിയിക്കുന്ന എല്ലാവിധ അസല്‍ സര്‍ട്ടിഫിക്കറ്റുകളും പാനലിലെ രജിസ്‌ട്രേഷന്‍  നമ്പരും സഹിതം  ജൂലൈ ഒന്നിന് രാവിലെ 11 ന് പ്രിന്‍സിപ്പാള്‍ മുമ്പാകെ അഭിമുഖത്തിന് ഹാജരാകണം. യു.ജി.സി നെറ്റ് യോഗ്യതയുളളവര്‍ക്ക് മുന്‍ഗണന.

അഡൂര്‍ ഗവണ്‍മെന്റ് ഹയര്‍ സെക്കന്ററി സ്‌കൂളില്‍ ഒന്ന് മുതല്‍ പത്ത് വരെ ക്ലാസുകളില്‍ പഠിക്കുന്ന കുട്ടികളുടെ രക്ഷിതാക്കള്‍ക്ക് ബോധവല്‍ക്കരണ ക്ലാസ് നടത്തി.പ്രമുഖ സൈക്കോളജിസ്റ്റ് സാഹിദ് പയ്യന്നൂര്‍ ക്ലാസെടുത്തു. എഴുന്നൂറോളം രക്ഷിതാക്കള്‍ സംബന്ധിച്ച ബോധവല്‍ക്കരണ ക്ലാസ് കാറഡുക്ക ബ്ലോക്ക് പഞ്ചായത്ത് വൈസ് പ്രസിഡന്റ് സി.കെ. കുമാരന്‍ ഉദ്ഘാടനം ചെയ്തു. അധ്യാപക രക്ഷാകര്‍തൃ സമിതി പ്രസിഡന്റ് എ.കെ മുഹമ്മദ് ഹാജി അധ്യക്ഷത വഹിച്ചു. ഹെഡ്മാസ്റ്റര്‍ അനീസ് ജി.മൂസാന്‍ റിപ്പോര്‍ട്ട് അവതരിപ്പിച്ചു. സ്റ്റാഫ് കൗണ്‍സില്‍ സെക്രട്ടറി രാമചന്ദ്ര മണിയാണി സ്വാഗതവും സീനിയര്‍ അസിസ്റ്റന്റ് പി. ശാരദ നന്ദിയും പറഞ്ഞു.