മങ്കട ഗവണ്‍മെന്റ് ആര്‍ട്‌സ് ആന്റ് സയന്‍സ് കോളേജ് ലൈബ്രറിയിലേക്ക് രണ്ടു ലൈബ്രറി ഇന്റേണ്‍സിനെ നിയമിക്കുന്നു. കൂടിക്കാഴ്ച  ഈ മാസം ഒന്‍പതിന്  രാവിലെ 10.30ന് കോളേജ് പ്രിന്‍സിപ്പാളിന്റെ ചേംബറില്‍ നടത്തും. ബി.എല്‍.ഐ.എസ്/എം.എല്‍.ഐ.എസ് (റഗുലര്‍) ബിരുദധാരികള്‍ അസല്‍ രേഖകളുമായി അഭിമുഖത്തിന് ഹാജരാകണം.

സംസ്ഥാന സാംസ്‌കാരിക കാര്യ വകുപ്പിന്റെ കീഴില്‍ ആറന്മുളയിലെ വാസ്തുവിദ്യ ഗുരുകുലത്തില്‍ 1994 മുതല്‍ നടത്തിയ കോഴ്‌സുകളില്‍ പ്രവേശനം നേടി പരീക്ഷ എഴുതി പരാജയപ്പെട്ടവര്‍ക്കും എഴുതാന്‍ കഴിയാത്തവര്‍ക്കും ഒരവസരം കൂടി നല്‍കുന്നു. പി ജി ഡിപ്ലോമ, ഡിപ്ലോമ, സര്‍ട്ടിഫിക്കറ്റ് കോഴ്‌സ്, ഏകവര്‍ഷ-ദ്വിവത്സര കോഴ്‌സ് എന്നിവയിലാണു പഴയ സ്‌കീമും സിലബസും അനുസരിച്ച് പരീക്ഷ നടത്തുന്നത്. അപേക്ഷ ഈ മാസം 15 നകം വാസ്തു വിദ്യാ ഗുരുകുലത്തില്‍ ലഭിക്കണം. കൂടുതല്‍ വിവരങ്ങള്‍ക്ക് ഓഫീസ് നമ്പര്‍: 0468 2319740, കോഴ്‌സ് കോഡിനേറ്റര്‍: 9947739442, പി ആര്‍ അസിസ്റ്റന്റ്: 9744857828

'എല്ലാവര്‍ക്കും ഭവനം' എന്ന ലക്ഷ്യത്തോടെ തദ്ദേശസ്വയംഭരണ സ്ഥാപനങ്ങളുടെ സഹായത്തോടെ കേന്ദ്ര സംസ്ഥാന സര്‍ക്കാരുകള്‍ നടപ്പിലാക്കുന്ന ഭവന നിര്‍മ്മാണ പദ്ധതിയാണ് പി.എം.എ.വൈ/ലൈഫ് പദ്ധതി.      

അറുപത്തൊന്നാം വയസ്സിലും അറിവിന്റെയും സാഹിത്യത്തിന്റെയും  അനന്തതയിലേക്ക്  പറന്നുയരാനുള്ള ശ്രമത്തിലാണ് അബ്ദുളള മൗലവി. വായനാപക്ഷാചരണത്തിന്റെ ഭാഗമായി ജില്ലാ ഇന്‍ഫര്‍മേഷന്‍ ഓഫീസും  ജില്ലാ സാക്ഷരതാ മിഷനും സംയുക്തമായി  ജില്ലാ പഞ്ചായത്ത് അനക്‌സ് ഹാളില്‍ സംഘടിപ്പിച്ച സാഹിത്യ രചനാ മത്സരത്തില്‍ എല്ലാവരുടെയും ശ്രദ്ധാകേന്ദ്രം അബ്ദുളള മൗലവി ആയിരുന്നു. പ്രായത്തിന്റെ  അവശതകളെ വകവെക്കാതെ  രചനാ മത്സരങ്ങളില്‍ സജീവമായി പങ്കെടുത്ത അബ്ദുളള ഏവരുടെയും മനം കവര്‍ന്നു.

കേരള സര്‍ക്കാര്‍ പ്രസിദ്ധീകരണങ്ങളായ 'സമകാലിക ജനപഥം', 'കേരള കോളിംഗ്' എന്നിവയുടെ  വരിക്കാരെ ചേര്‍ക്കുന്നതിന് ജില്ലാ ഇന്‍ഫര്‍മേഷന്‍ ഓഫീസിന്റെ ആഭിമുഖ്യത്തിലുള്ള കാമ്പയിന് ഇന്ന്(ജൂലൈ 2)തുടക്കം. വിവിധ വകുപ്പുകളുടെ ജില്ലാതല ഓഫീസുകളില്‍ പിആര്‍ഡി പ്രതിനിധികള്‍ സന്ദര്‍ശനം നടത്തി നേരിട്ട് വരിക്കാരെ ചേര്‍ക്കും.  വാര്‍ഷിക വരിസംഖ്യ 120 രൂപ വീതമാണ്. പൊതുജനങ്ങള്‍ക്കും സര്‍ക്കാര്‍ ജീവനക്കാര്‍ക്കും ഒരുപോലെ പ്രയോജനപ്പെടുന്ന ആധികാരിക വിവരങ്ങള്‍ ഉള്‍ക്കൊള്ളിച്ചാണ് ഇവ പ്രസിദ്ധീകരിക്കുന്നത്.

കാരുണ്യ ബെലവന്റ് ഫണ്ടില്‍ 2019 ജൂണ്‍ 30 വരെ ആശുപത്രികളില്‍ നിന്നും നല്‍കിയ കെ.ബി.എഫ് എസ്റ്റിമേറ്റ് ഓഫ് എക്‌സ്‌പെന്റിച്ചര്‍ പ്രകാരമുള്ള ചികിത്സാ സഹായ അപേക്ഷകള്‍ നാളെ(ജൂലൈ മൂന്നിന്) വൈകിട്ട് അഞ്ച് വരെ സ്വീകരിക്കുമെന്ന് ജില്ലാ ലോട്ടറി ഓഫീസര്‍ അറിയിച്ചു.

ഇടപാടുകള്‍ പണരഹിതമാക്കുന്നതിന്റെ ഭാഗമായി കോഴിക്കോട്, താമരശ്ശേരി താലൂക്കുകളിലെ വില്ലേജുകളിലേക്ക് ഇ-പോസ് മെഷിന്‍ വിതരണം ചെയ്തു. എന്‍ഐസി(നാഷണല്‍ ഇന്‍ഫര്‍മാറ്റിക് സെന്റര്‍)യാണ് ഇതിനാവശ്യമായ സോഫ്റ്റവെയര്‍ രൂപകല്‍പ്പന ചെയ്തത്. വില്ലേജ് ഓഫീസുകളിലെ സേവനങ്ങള്‍ക്കുള്ള സാധാരണ പണ കൈമാറ്റവും ഇന്റര്‍നെറ്റ് ബാങ്കിങ് സൗകര്യവും നിലനിര്‍ത്തി കൊണ്ടു തന്നെയാണ് പുതുതായി ഇ-പോസ് ഇടപാടുകളും നടപ്പിലാക്കുന്നത്. മെഷിന്‍ ഇടപാടുകള്‍ പ്രചാരത്തിലാകുന്നതോടെ നേരിട്ടുള്ള പണമിടപാടുകള്‍ ഒഴിവാക്കാന്‍ കഴിയുന്ന തരത്തിലാണ് പദ്ധതി നടപ്പാക്കുന്നത്.

കേരളത്തെ നടുക്കിയ മഹാപ്രളയത്തെ ആസ്പദമാക്കി കോഴഞ്ചേരി ഗ്രാമപഞ്ചായത്ത് തയാറാക്കിയ ''അമൃതംഗമയ'' ഡോക്യുമെന്ററിയുടെ നിര്‍മാണം പൂര്‍ത്തിയായി. കോഴഞ്ചേരിയില്‍ സംഹാരതാണ്ഡവമാടിയ പ്രളയം ഇതിവൃത്തമാകുന്ന ഡോക്യുമെന്ററി 2018 പദ്ധതിയില്‍ ഉള്‍പ്പെടുത്തിയാണ് പഞ്ചായത്ത് പൂര്‍ത്തീകരിച്ചത്. പ്രളയജലത്തില്‍ നിന്നും ഒരു ഗ്രാമത്തെ ഉയര്‍ത്തിയെടുത്ത ഗ്രാമപഞ്ചായത്തിന്റെ നിശ്ചയദാര്‍ഢ്യത്തിന്റെ വിജയം ഓരോ ജനപ്രതിനിധിയും ഡോക്യുമെന്ററിയില്‍ വിവരിക്കുന്നു. പ്രളയദിവസത്തെ ദുരന്തദൃശ്യങ്ങളും ഇതില്‍ ഉള്‍പ്പെടുന്നു.

ഐഐഎസ്ആര്‍ സ്ഥാപക ദിനം ആഘോഷിച്ചു
കോഴിക്കോട് ഭാരതീയ സുഗന്ധവിള ഗവേഷണ സ്ഥാപനം ജൂലായ് ഒന്നാം തിയതി സ്ഥാപകദിനമായി ആഘോഷിച്ചു. ഇതിനോടനുബന്ധിച്ചു നടന്ന സമ്മേളനത്തില്‍ അഗ്രിക്കള്‍ച്ചറല്‍ സയന്റിസ്റ്റ് റിക്രൂട്ട്‌മെന്റ്റ് ബോര്‍ഡ് അംഗം ഡോ.പി.കെ ചക്രബര്‍ത്തി അധ്യക്ഷത വഹിച്ചു. സാമൂഹിക പ്രതിബദ്ധതയാണ് കേന്ദ്രത്തിന്റെ വളര്‍ച്ചയില്‍ പ്രധാന പങ്ക് വഹിച്ചത് എന്ന് അദ്ദേഹം അഭിപ്രായപ്പെട്ടു.    

ഈ വര്‍ഷത്തെ ആറന്മുള ഉതൃട്ടാതി ജലോത്സവവുമായി ബന്ധപ്പെട്ട് വിവിധ വകുപ്പുകള്‍ ഏര്‍പ്പെടുത്തേണ്ട ക്രമീകരണങ്ങള്‍ സംബന്ധിച്ച് വീണാജോര്‍ജ് എംഎല്‍എയുടെ അധ്യക്ഷതയില്‍ 12ന് രാവിലെ 10ന് കളക്ടറേറ്റ്  കോണ്‍ഫറന്‍സ് ഹാളില്‍ യോഗം ചേരും.                           (പിഎന്‍പി 1619/19)