കൊച്ചി: ജില്ലാ ഫുട്ബോൾ അസോസിയേഷൻ പ്രസിഡന്റായി അഡ്വ.പി.വി.ശ്രീനിജിനെ തെരഞ്ഞെടുത്തു. കലൂർ നെഹൃ സ്റ്റേഡിയത്തിലുള്ള ഫുട്ബോൾ അസോസിയേഷൻ ഓഫീസിൽ നടന്ന യോഗത്തിൽ ഐകകണ്ഠ്യേനയാണ് പുതിയ ഭാരവാഹികളെ തെരഞ്ഞെടുത്തത്. മറ്റ് ഭാരവാഹികളായി സി.സി.ജേക്കബ്, ആർ. ദിനേശ് കമ്മത്ത്, കെ.ഗോകുലൻ, വി.പി. ചന്ദ്രൻ ( വൈസ് പ്രസിഡന്റുമാർ), കെ.കെ. മുരളീധരൻ ( സെക്രട്ടറി), എം.കെ. പ്രഹ്ളാദൻ, എസ്.എസ്. നൗഷാദ് (ജോയിന്റ് സെക്രട്ടറിമാർ), സോളി സേവ്യർ (ട്രഷറർ) എന്നിവരെയും തെരഞ്ഞെടുത്തു. ഇതിന് പുറമെ ഏഴംഗ എക്സിക്യൂട്ടീവിനെയും തെരഞ്ഞെടുത്തിട്ടുണ്ട്. യോഗത്തിൽ സംസ്ഥാന സ്പോർട്സ്സ് കൗൺസിലംഗം ജോർജ് തോമസ് നിരീക്ഷകനായി.

    പുതുതലമുറയെ സാമൂഹിക പ്രതിബദ്ധതയുള്ളവരാക്കുന്നതിന് വിവിധ പദ്ധതികള്‍ ആവിഷ്‌കരിക്കുകയാണ് പൊതു വിദ്യാലയങ്ങള്‍.  ഇതിനുദാഹരണമാണ് ആറ്റിങ്ങല്‍ ഗവ.ഗേള്‍സ് ഹയര്‍ സെക്കന്‍ഡറി സ്‌കൂളലെ വിശപ്പിന് അന്നം പദ്ധതി.

കൊച്ചി: സ്വകാര്യ വ്യക്തി കൈകയേറിയിരുന്ന സര്‍ക്കാര്‍ ഭൂമി ജില്ലാ കളക്ടര്‍ എസ്. സുഹാസിന്റെ നേതൃത്വത്തില്‍ പിടിച്ചെടുത്തു. കണയന്നൂര്‍ താലൂക്കിലെ കാക്കനാട് വില്ലേജ് ബ്ലോക്ക് ഒന്‍പത്, റീസര്‍വെ നം. 335/പാര്‍ട്ട് - 1 ല്‍പ്പെട്ട 23.103 സെന്റ് സ്ഥലമാണ് സര്‍ക്കാര്‍ അധീനതയിലാക്കിയത്. സര്‍ക്കാര്‍ ഭൂമി കൈയേറ്റത്തിനെതിരേ കര്‍ശന നിലപാട് സ്വീകരിക്കുമെന്ന് ജില്ലാ കളക്ടര്‍ വ്യക്തമാക്കി. ഡെപ്യൂട്ടി തഹസില്‍ദാര്‍ വി. പദ്മജ, വില്ലേജ് ഓഫീസര്‍ സജേഷ് കെ.ജി., സ്‌പെഷ്യല്‍ വില്ലേജ് ഓഫീസര്‍മാരായ എം.ആര്‍. വിമല്‍, പി.കെ. രാഹുല്‍ എന്നിവരടങ്ങിയ റവന്യൂ വകുപ്പ് ഉദ്യോഗസ്ഥരും കളക്ടര്‍ക്കൊപ്പമുണ്ടായിരുന്നു.

·    എല്ലാ അപേക്ഷകളിലും മാനുഷികവശം കാണണം
·    അനാവശ്യമായി ഫയല്‍ വൈകിച്ചാല്‍ നടപടി

വാഴക്കുളം:  കില - സി.എച്ച്.ആർ.ഡി.യുടെ നേതൃത്വത്തിൽ മഹാത്മ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതി - ''പുതിയ ഇടപെടൽ പ്രവർത്തനങ്ങളും സംയോജന സാധ്യതകളും എന്ന വിഷയത്തിൽ വാഴക്കുളം ബ്ലോക്ക് പഞ്ചായത്ത് ഹാളിൽ 2 ,3 തീയതികളിലായി ദ്വിദിന പരിശീലനം സംഘടിപ്പിക്കുന്നു. ബ്ലോക്കിന് കീഴിലെ ആറു പഞ്ചായത്തുകളിലെയും എല്ലാ ജനപ്രതിനിധികളും പരിശീലന പരിപാടിയിൽ പങ്കെടുക്കണമെന്ന് വാഴക്കുളം ബ്ലോക്ക് പഞ്ചായത്ത് ബി പി ഒ അറിയിച്ചു.

പെരുമ്പാവൂർ: അധ്യാപികയായിരുന്ന മേരി പോളിന്റെ സ്മരണാർത്ഥം കുറുപ്പംപടി ജില്ലാ വിദ്യാഭ്യാസ പരിശീലന കേന്ദ്രത്തിൽ (ഡയറ്റ് ) പണി പൂർത്തിയാക്കിയ ലൈബ്രറിയും വായനശാലയും മുഖ്യമന്ത്രി പിണറായി വിജയൻ ഉദ്ഘാടനം ചെയ്തു. ശാസ്ത്രജ്ഞന്മാരുൾപ്പെടെയുള്ള മഹാന്മാരെല്ലാം തന്നെ പുസ്തകപ്രേമികളായിരുന്നുവെന്നും  കുട്ടികളിൽ നവമാധ്യമങ്ങളുണ്ടാക്കുന്ന സ്വാധീനത്തിൽ രക്ഷിതാക്കൾ ഇടപെടണമെന്നും മുഖ്യമന്ത്രി പറഞ്ഞു. മേരി പോളിന്റെ മകനും ഐഎഎസ് ഉദ്യോഗസ്ഥനുമായിരുന്ന ഡി ബാബു പോൾ മരണം വരെ വിദ്യാർത്ഥിയായിരുന്നുവെന്നും പിണറായി വിജയൻ ഓർമിപ്പിച്ചു.

അഖിലേന്ത്യാ ഖാദി ഗ്രാമ വ്യവസായ കമ്മീഷന്റെയും ഖാദി ഗ്രാമ വ്യവസായ ബോർഡിന്റെയും ജില്ലാ വ്യവസായ കേന്ദ്രത്തിന്റെയും സംയുക്താഭിമുഖ്യത്തിൽ നടപ്പാക്കുന്ന പ്രധാനമന്ത്രി തൊഴിൽദായക പദ്ധതിപ്രകാരം 2019-20 സാമ്പത്തികവർഷത്തേക്ക് ഗ്രാമീണ മേഖലയിലെ പുതിയ സംരംഭങ്ങൾ ആരംഭിക്കുന്നതിന് സംരംഭകർക്ക് 35 ശതമാനം വരെ സബ്‌സീഡി ലഭിക്കും. e-portal ഓൺലൈൻ വഴി അപേക്ഷിക്കണം. ഓൺലൈൻ അപേക്ഷയുടെ ഹാർഡ് കോപ്പി തൃശൂർ ജില്ലാ ഖാദി വ്യവസായ ഓഫീസിൽ നൽകണം. ഫോൺ : 0487-2338699.
 

അഷ്ടമിച്ചിറ സർവീസ് സഹകരണ ബാങ്കിന്റെ ആഭിമുഖ്യത്തിൽ ഓണത്തിന് വിഷരഹിത പച്ചക്കറി എന്ന ലക്ഷ്യവുമായി പച്ചക്കറി വിത്തും ജൈവവള വിതരണവും നടന്നു. വിതരണോദ്ഘാടനം അഡ്വ. വി ആർ സുനിൽ കുമാർ എംഎൽഎ നിർവഹിച്ചു. ഡയറക്ടർ ബോർഡ് അംഗം വി. എം. ചന്ദ്രബോസ് അധ്യക്ഷത വഹിച്ചു. ഏഴിനം പച്ചക്കറി വിത്തുകൾ സൗജന്യമായി വിതരണം ചെയ്തു. മാള പഞ്ചായത്ത് പ്രസിഡന്റ് പി കെ സുകുമാരൻ, സഹകരണ ബാങ്ക് പ്രസിഡന്റ് പി കെ വിജയൻ, ഡയറക്ടർ ബോർഡ് അംഗം ടി കെ ശിവജി തുടങ്ങിയവർ പങ്കെടുത്തു.