പൂജപ്പുര ഇലക്ട്രിക്കല്‍ സെക്ഷന്‍ പരിധിയില്‍ ഫ്‌ളോട്ടിംഗ്  ട്രാന്‍സ്‌ഫോര്‍മര്‍, കാട്ടുറോഡ്, കേശവദേവ് റോഡ് എന്നീ  ഭാഗങ്ങളില്‍ ഇന്ന് (ജൂണ്‍ 28) രാവിലെ ഒന്‍പത് മുതല്‍  വൈകുന്നേരം   5.30 വരെയും കന്റോണ്‍മെന്റ് സെക്ഷന്‍ പരിധിയില്‍ ചാരാച്ചിറ ട്രാന്‍സ്‌ഫോര്‍മര്‍  ഭാഗം,  കഴക്കൂട്ടം  സെക്ഷന്‍ പരിധിയില്‍ കഴക്കൂട്ടം ടൗണ്‍, ചെമ്പഴന്തി വാര്‍ഡ് ഭാഗങ്ങളില്‍  രാവിലെ 9.30  മുതല്‍  വൈകുന്നേരം   5.30 വരെയും  വൈദ്യുതി മുടങ്ങുമെന്ന് കെ.എസ്.ഇ.ബി. അറിയിച്ചു.  
(പി.ആര്‍.പി. 690/2019)

സ്‌കൂള്‍ ഉച്ചഭക്ഷണ വിതരണത്തില്‍ നിര്‍ദേശങ്ങള്‍ പാലിച്ചില്ലെങ്കില്‍ കര്‍ശന നടപടിയെടുക്കുമെന്ന് ജില്ലാഭരണകൂടം അറിയിച്ചു.  കൊയിലാണ്ടി കീഴ്പ്പയ്യൂര്‍ വെസ്റ്റ് എല്‍.പി സ്‌കൂളില്‍ ഭക്ഷ്യവിഷബാധയ്ക്കിടയായ സാഹചര്യത്തില്‍ ഡിസാസ്റ്റര്‍ മാനേജ്‌മെന്റ് ഡപ്യൂട്ടി കലക്ടര്‍ ഷാമിന്‍ സെബാസ്റ്റ്യന്റെ നേതൃത്വത്തില്‍ ആരോഗ്യം, ഫുഡ്‌സേഫ്റ്റി, വിദ്യാഭ്യാസ വകുപ്പ് ഉദ്യോഗസ്ഥരുടെ യോഗം ചേര്‍ന്ന യോഗത്തിലാണ് തീരുമാനം. ജില്ലയിലെ സ്‌കൂളുകള്‍ ഉച്ചഭക്ഷണ വിതരണ കാര്യത്തില്‍ കൂടുതല്‍ ശ്രദ്ധിക്കണമെന്ന് യോഗം നിര്‍ദേശിച്ചു. 

കോഴഞ്ചേരി താലൂക്ക് പരാതിപരിഹാര അദാലത്ത് ജൂലൈ 20ന് രാവിലെ 9.30 മുതല്‍ പത്തനംതിട്ട ഠൗണ്‍ ഹാളില്‍ നടക്കും. അദാലത്തില്‍ പരിഗണിക്കേണ്ട അപേക്ഷ വില്ലേജ് ഓഫീസ്, താലൂക്കാഫീസ് എന്നിവിടങ്ങളില്‍ ജൂലൈ അഞ്ച് വരെ സ്വീകരിക്കും. അദാലത്ത് ദിവസം കളക്ടര്‍ക്ക് നേരിട്ടും അപേക്ഷ നല്‍കാം. സിഎംഡിആര്‍എഫ്, എല്‍ആര്‍എം കേസുകള്‍, റേഷന്‍ കാര്‍ഡ് സംബന്ധിച്ച പരാതികള്‍, സ്റ്റാറ്റ്യൂട്ടറിയായി ലഭിക്കേണ്ട പരിഹാരം എന്നിവയൊഴിച്ചുള്ള എല്ലാ പരാതികളും അദാലത്തില്‍ പരിഗണിക്കും. 

                 (പിഎന്‍പി 1565/19)

പ്രവാസി ഭാരതീയരായ കേരളീയരുടെ താത്പര്യങ്ങള്‍ സംരക്ഷിക്കുന്നതിനും സുരക്ഷിതത്വത്തിനും അവരുടെ ക്ഷേമത്തിന് ആവശ്യമായ പരിഹാരമാര്‍ഗങ്ങള്‍ നിര്‍ദേശിക്കുന്നതിനുമായി രൂപീകരിച്ച പ്രവാസി കമ്മീഷന്‍ ജൂലൈ നാലിന് പത്തനംതിട്ട കളക്ടറേറ്റ് കോണ്‍ഫറന്‍സ് ഹാളില്‍ സിറ്റിംഗ് നടത്തും. രാവിലെ 10 മുതല്‍ ഉച്ചയ്ക്ക് ഒന്ന് വരെയാണ് സിറ്റിംഗ് നടക്കുക. കമ്മീഷന്‍ ചെയര്‍പേഴ്‌സണ്‍ ജസ്റ്റിസ് പി.ഡി.രാജനും കമ്മീഷന്‍ അംഗങ്ങളും സിറ്റിംഗില്‍ പങ്കെടുക്കും. ചെയര്‍പേഴ്‌സണ്‍ അന്നേ ദിവസം രാവിലെ 9.30ന് അംഗീകൃത പ്രവാസി സംഘടനകളുമായി കൂടിക്കാഴ്ച നടത്തും.