അംബേദ്കര്‍ കോളേജ് ഓഫ് ആര്‍ട്‌സ് & സയന്‍സില്‍ (എയ്ഡഡ്)  ബി.കോം, ബി എ എക്കണോമിക്‌സ്,  ബി എസ് സി മാത്തമാറ്റിക്‌സ് ബിരുദ കോഴ്‌സുകളിലെ മൂന്നാം സെമസ്റ്റര്‍,  അഞ്ചാം സെമസ്റ്റര്‍ എന്നീ ഒഴിവുള്ള എസ് സി, എസ് ടി സീറ്റുകളിലേക്ക് യോഗ്യരായ വിദ്യാര്‍ത്ഥികളില്‍നിന്നും  അപേക്ഷ ക്ഷണിച്ചു. ജൂണ്‍ 28  നു വൈകുന്നേരം മൂന്നിനകം  കോളേജ് ഓഫീസില്‍ അപേക്ഷ സമര്‍പ്പിക്കണം.   ഫോണ്‍ : 04931249666

മലപ്പുറം ഗവ. കോളേജില്‍ ജൂണ്‍ 30ന് നടക്കുന്ന മഴക്കാലക്കെടുതി പ്രതിരോധ പരിശീലനത്തില്‍ സന്നദ്ധ സംഘടനകള്‍ക്കും വളന്റിയര്‍മാര്‍ക്കും പങ്കെടുക്കാം. താത്പര്യമുള്ളവര്‍ പേര് രജിസ്റ്റര്‍ ചെയ്യണം. ഫോണ്‍. 9048911100, 7902202100

അസാപിന്റെ ആഭിമുഖ്യത്തില്‍ ജൂലൈ ഒന്നിന് വ്യവസായ സംഗമം നടത്തുന്നു. വൈകീട്ട് മൂന്നിന്  കോട്ടക്കുന്ന് ഡിടിപിസി ഹാളില്‍ ജില്ലാകളക്ടറുടെ അധ്യക്ഷതയിലാണ് സംഗമം നടത്തുന്നത്. ജില്ലയിലെ വ്യവസായ സ്ഥാപനമേധാവികള്‍ക്കും വ്യവസായ പ്രമുഖര്‍ക്കും പരിപാടിയില്‍ പങ്കെടുക്കാം.

ജില്ലാ ആസൂത്രണ സമിതി യോഗം ജൂണ്‍ 29ന് വൈകുന്നേരം മൂന്നിന് ആസൂത്രണ സമിതി സെക്രട്ടേറിയറ്റ് സമ്മേളന ഹാളില്‍ ചേരും.  

 
       കേന്ദ്ര വിദേശകാര്യവകുപ്പിന്റെ നിര്‍ദ്ദേശപ്രകാരം, വിദേശതൊഴില്‍ അന്വേഷകരെയും പുതുതായി കുടിയേറ്റത്തിന് തയ്യറാടെക്കുന്നവരെയും ബോധവല്‍ക്കരിക്കുന്നതിന് വേണ്ടി ഈ സാമ്പത്തിക വര്‍ഷം നോര്‍ക്ക റൂട്ട്സ് പ്രീ-ഡിപ്പാര്‍ച്ചര്‍ ഓറിയന്റേഷന്‍ പരിപാടി സംഘടിപ്പിക്കുന്നു. വിദേശ ഗാര്‍ഹികമേഖലയില്‍ തൊഴിലെടുക്കാന്‍ തയ്യാറെടുക്കുന്നവര്‍ക്ക് വേണ്ടി സംഘടിപ്പിക്കുന്ന പ്രീ-ഡിപ്പാര്‍ച്ചര്‍ ഓറിയന്റേഷന്റെ ആദ്യപരിപാടി ജൂണ്‍ 29 ന് മൂന്നാര്‍ പഞ്ചായത്ത് കമ്മ്യൂണിറ്റി ഹാളില്‍ രാവിലെ 9 മണി മുതല്‍ വൈകുന്നേരം 3 മണി വരെ നടത്തുമെന്ന് നോര്‍ക്ക റൂട്ട്സ്  ചീഫ് എക്സിക്യൂട്ടീവ് ഓഫീസര്‍  അറിയിച്ചു.

സാരഥി സോഫ്റ്റ്വേര്‍ മുഖേനെ ജൂണ്‍ 18 വരെ എടുത്ത ലൈസന്‍സുകള്‍ വിതരണം ചെയ്ത് തുടങ്ങി. ഇതുവരെ 1754 എണ്ണം ഉടമകള്‍ക്ക് നല്‍കി. ബാക്കിയുള്ള 1157 എണ്ണം തയ്യാറായിട്ടുണ്ട്. ബുധന്‍ ഒഴികെയുള്ള ദിവസങ്ങളില്‍ വൈകീട്ട് 3.30ന് ശേഷം ലൈസന്‍സ് ലഭിക്കും. മെയ് 25 വരെ വാഹനിലൂടെ രജിസ്റ്റര്‍ ചെയ്ത് അതിസുരക്ഷ നമ്പര്‍ പ്ലേറ്റുകളുടെ വിവരം ഡീലര്‍ മുഖേനെ ബന്ധിപ്പിച്ച വാഹനങ്ങളുടെ രജിസ്ട്രേഷന്‍ സര്‍ട്ടിഫിക്കറ്റ് രാവിലെ 11 മുതല്‍ വൈകീട്ട് നാല് വരെയും ലഭിക്കുമെന്ന് റീജനല്‍ ട്രാന്‍സ്പോര്‍ട് ഓഫീസര്‍ അറിയിച്ചു.

മലപ്പുറം ഗവ. കോളേജില്‍ കൊമേഴ്‌സ്,  എക്കണോമിക്‌സ് വിഷയത്തില്‍ ഗസ്റ്റ് അധ്യാപകരെ നിയമിക്കുന്നു.  കോഴിക്കോട് കോളേജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടര്‍ തയ്യാറാക്കിയ ലിസ്റ്റില്‍ ഉള്‍പ്പെട്ടവര്‍ ജൂലൈ ഒന്നിന് രാവിലെ 10.30 ന് നടക്കുന്ന  അഭിമുഖത്തില്‍ പങ്കെടുക്കുന്നതിന് പ്രിന്‍സിപ്പല്‍ മുമ്പാകെ അസ്സല്‍ സര്‍ട്ടിഫിക്കറ്റുകളും, ബയോഡാറ്റയും സഹിതം ഹാജരാകേണ്ടതാണ്. നെറ്റ് യോഗ്യതയുള്ളവരുടെ അഭാവത്തില്‍ മാത്രമേ നെറ്റ് ഇല്ലാത്തവരെയും പരിഗണിക്കുകയുള്ളൂ എന്നും അറിയിക്കുന്നു.

ജില്ലാ ആരോഗ്യ കുടുംബക്ഷേമ സൊസൈറ്റിയുടെ ജില്ലാ എക്‌സിക്യൂട്ടീവ് യോഗം ജൂണ്‍ 28ന് വൈകുന്നേരം 3.30ന് ജില്ലാ കലക്ടറുടെ അധ്യക്ഷതയില്‍ ചേമ്പറില്‍ ചേരും.