സുല്‍ത്താന്‍ ബത്തേരി താലൂക്ക് വികസന സമിതി യോഗം ജൂലൈ 6ന് രാവിലെ 11ന് സുല്‍ത്താന്‍ ബത്തേരി മിനി സിവില്‍ സ്റ്റേഷന്‍ കോണ്‍ഫറന്‍സ് ഹാളില്‍ ചേരും. യോഗത്തില്‍ ബന്ധപ്പെട്ട എല്ലാ അംഗങ്ങളും പഞ്ചായത്ത് പ്രസിഡന്റുമാരും പങ്കെടുക്കണമെന്ന് തഹസില്‍ദാര്‍ അറിയിച്ചു.

കല്‍പ്പറ്റ എന്‍.എം.എസ്.എം. ഗവ.കോളേജില്‍  ഒന്നാം വര്‍ഷ എം.എ. മാസ് കമ്മ്യൂണിക്കേഷന്‍ ആന്റ് ജേര്‍ണലിസം കോഴ്‌സില്‍ ബി.പി.എല്‍. സംവരണ സീറ്റുകളില്‍ രണ്ട് ഒഴിവുകളുണ്ട്. യൂണിവേഴ്‌സിറ്റി എന്‍ട്രന്‍സ് റാങ്ക് ലിസ്റ്റില്‍ ഉള്‍പ്പെട്ടവര്‍ ജൂലായ് 4ന് ഉച്ചയ്ക്ക് 12ന് ഓഫീസില്‍ ഹാജരാകണം. ഫോണ്‍ 04936 204569, 9048451684.

 വിവിധ വകുപ്പുകള്‍ പട്ടികജാതി വിഭാഗക്കാര്‍ക്ക്  അനുവദിച്ചു  നല്‍കിയ   ഭവന നിര്‍മ്മാണ ധനസഹായ തുക കൈപ്പറ്റിയിട്ടും വീട് നിര്‍മ്മാണം പൂര്‍ത്തിയാക്കത്ത  കുടുംബങ്ങള്‍ക്ക്   നിര്‍മ്മാണം  പൂര്‍ത്തീകരിക്കുന്നതിന് അംഗീകൃത എസ്റ്റിമേറ്റിന്റെ അടിസ്ഥാനത്തില്‍ പരമാവധി ഒന്നര ലക്ഷം രൂപ വരെ പ്രത്യേക ധനസഹായം നല്‍കുന്നു. 

കണ്ണൂർ അന്താരാഷ്ട്ര വിമാനത്താവളവുമായി ബന്ധപ്പെട്ട റോഡുകളുടെ വികസനം സംബന്ധിച്ച് ചർച്ച ചെയ്യാൻ മുഖ്യമന്ത്രി പിണറായി വിജയന്റെ സാന്നിദ്ധ്യത്തിൽ തിരുവനന്തപുരത്ത് യോഗം ചേർന്നു. അലൈൻമെന്റ് തീരുമാനിച്ച് ഭൂമി ഏറ്റെടുക്കൽ നടപടി വേഗത്തിലാക്കാൻ മുഖ്യമന്ത്രി യോഗത്തിൽ നിർദേശിച്ചു. ഇതിനായി പ്രാദേശികതലത്തിൽ മന്ത്രിമാർ, ജനപ്രതിനിധികൾ എന്നിവരെ പങ്കെടുപ്പിച്ച് ചർച്ച നടത്താൻ കണ്ണൂർ ജില്ലാ കലക്ടറെ ചുമതലപ്പെടുത്തി. 

പൊതുമേഖല, അർദ്ധസർക്കാർ, സർക്കാർ സ്ഥാപനങ്ങളിലെ ഒ. ബി. സി പ്രാതിനിധ്യ അവലോകന യോഗം മുഖ്യമന്ത്രി പിണറായി വിജയന്റെ അധ്യക്ഷതയിൽ സെക്രട്ടേറിയറ്റ് ഡർബാർ ഹാളിൽ നടന്നു. പട്ടികജാതി പട്ടികവർഗ പിന്നാക്കക്ഷേമ മന്ത്രി എ. കെ. ബാലൻ, ജലവിഭവ മന്ത്രി കെ. കൃഷ്ണൻകുട്ടി, എം. എൽ. എമാരായ കെ. ആൻസലൻ, പി. ടി. എ റഹീം, കെ. ബാബു, എം. ഉമ്മർ, ചീഫ് സെക്രട്ടറി ടോം ജോസ്, പിന്നാക്കക്ഷേമ വകുപ്പ് പ്രിൻസിപ്പൽ സെക്രട്ടറി ബിശ്വനാഥ് സിൻഹ, വിവിധ വകുപ്പുകളിലെ ഉദ്യോഗസ്ഥർ എന്നിവർ പങ്കെടുത്തു.
പി.എൻ.എക്സ്.2127/19

ഇൻഫർമേഷൻ-പബ്‌ളിക് റിലേഷൻസ് വകുപ്പ് ഡയറക്ടറായി യു.വി. ജോസ് ചുമതലയേറ്റു. നിലവിൽ ലൈഫ് മിഷൻ സി.ഇ.ഒയുടെ ചുമതല വഹിക്കുന്ന അദ്ദേഹത്തിന് അധിക ചുമതലയാണിത്.
നേരത്തെ കോട്ടയം, കോഴിക്കോട് ജില്ലാ കളക്ടർ, ടൂറിസം വകുപ്പ്, കേരള ഇൻസ്റ്റിറ്റ്യൂട്ട് ഓഫ് ടൂറിസം ആൻഡ് ട്രാവൽ സ്റ്റഡീസ് (കിറ്റ്‌സ്), ഗ്രാൻഡ് കേരള ഷോപ്പിംഗ് ഫെസ്റ്റിവൽ എന്നിവയുടെ ഡയറക്ടർ, കെ.എസ്.യു.ഡി.പി പ്രോജക്ട് ഡയറക്ടർ തുടങ്ങിയ ചുമതലകൾ വഹിച്ചിട്ടുണ്ട്. വയനാട് മാനന്തവാടി സ്വദേശിയാണ്.
പി.എൻ.എക്സ്.2126/19

കേരള കർഷക ക്ഷേമനിധി ബിൽ സംബന്ധിച്ച് സെലക്ട് കമ്മിറ്റിയുടെ വയനാട് ജില്ലയിലെ തെളിവെടുപ്പ് യോഗം ജൂലൈ എട്ടിന് രാവിലെ 11 ന് കൽപ്പറ്റ കളക്ടറേറ്റ് എ.പി.ജെ. ഹാളിൽ നടക്കും. സെലക്ട് കമ്മിറ്റി ബന്ധപ്പെട്ട ഉദ്യോഗസ്ഥർ, ജനപ്രതിനിധികൾ, കർഷകർ, തൊഴിലാളി സംഘടനാ പ്രതിനിധികൾ, കാർഷിക വിദഗ്ധർ എന്നിവരിൽ നിന്നും നിർദേശങ്ങൾ സ്വീകരിക്കും. ബില്ലും ഇത് സംബന്ധിച്ച ചോദ്യാവലിയും നിയമസഭാ വെബ്സൈറ്റ്www.niyamasabha.org ൽ ലഭിക്കും. ബില്ലിലെ വ്യവസ്ഥകളി•േൽ യോഗത്തിൽ നേരിട്ടോ രേഖാമൂലമോ നിർദേശങ്ങൾ സമർപ്പിക്കാം. കൂടാതെ നിയമസഭാ സെക്രട്ടറിക്ക് ഇ-മെയിലായും അയച്ചു കൊടുക്കാം.

ഒന്നാംവർഷ വി.എച്ച്.എസ്.ഇ/എൻ.എസ്.ക്യൂ.എഫ് പ്രവേശനത്തിനായി അപേക്ഷ നൽകിയിട്ടും അലോട്ട്‌മെന്റ് നേടാൻ കഴിയാത്തവർ സപ്ലിമെന്ററി അലോട്ട്‌മെന്റിനായി അപേക്ഷ പുതുക്കണം. പുതുക്കലിനുള്ള അപേക്ഷ (ഫോം 14 എ) മുൻപ് അപേക്ഷ നൽകിയ സ്‌കൂളിൽ സമർപ്പിക്കണം.
ഇതുവരെയും വി.എച്ച്.എസ്.ഇ/എൻ.എസ്.ക്യൂ.എഫ് പ്രവേശനത്തിനായി അപേക്ഷ സമർപ്പിക്കാത്തവർ ഓൺലൈനായി അപേക്ഷിക്കണം. അപേക്ഷയുടെ പ്രിന്റൗട്ട് ഏതെങ്കിലും വി.എച്ച്.എസ്.ഇ/എൻ.എസ്.ക്യൂ.എഫ്. സ്‌കൂളുകളിൽ ഇന്ന് വൈകിട്ട് മൂന്നിന് മുമ്പ് അനുബന്ധ രേഖകളോടൊപ്പം സമർപ്പിക്കണം. കൈപ്പറ്റ് രസീത് വാങ്ങി സൂക്ഷിക്കണം.
പി.എൻ.എക്സ്.2123/19