മദ്രസ്സ അധ്യാപക ക്ഷേമനിധിയില്‍ അംഗങ്ങളായവരുടെ മക്കള്‍ക്കുളള സ്കോളര്‍ഷിപ്പിന് അപേക്ഷിക്കേണ്ട തീയതി ജൂലൈ 20 വരെ ദീര്‍ഘിപ്പിച്ചു. എസ്.എസ്.എല്‍.സി, പ്ലസ്ടൂ തത്തുല്യ പരീക്ഷകളില്‍ എല്ലാ വിഷയങ്ങള്‍ക്കും എ പ്ലസ് ലഭിച്ചവര്‍ക്കാണ് സ്കോളര്‍ഷിപ്പ്. മാനേജര്‍, കേരള മദ്രസ അധ്യാപക ക്ഷേമനിധി ഓഫീസ്, പുതിയറ, കോഴിക്കോട്-4 എന്ന വിലാസത്തില്‍ അപേക്ഷ നല്‍കണം. 

ജില്ലാ വനിതാ പ്രൊട്ടക്ഷന്‍ ഓഫീസിന്‍റെ ആവശ്യത്തിന് ടാക്സി പെര്‍മിറ്റുളള കാര്‍ വാടകയ്ക്ക് നല്‍കുന്നതിന് താത്പര്യമുളളവര്‍  ജൂലൈ 11 ഉച്ചയ്ക്ക് ഒന്നിനകം ടെണ്ടര്‍ നല്‍കണം. ഫോണ്‍: 0481 2300955

പത്ത് വര്‍ഷമായി നിര്‍മ്മാണം മുടങ്ങി കിടക്കുന്ന പട്ടികജാതി വിഭാഗക്കാരുടെ ഭവനങ്ങള്‍ പൂര്‍ത്തീകരിക്കുന്നതിന് പട്ടികജാതി വികസന വകുപ്പ് പ്രത്യേക ധനസഹായത്തിന് അപേക്ഷ ക്ഷണിച്ചു.

കെല്‍ട്രോണ്‍ തിരുവനന്തപുരം സെന്‍ററില്‍  പോസ്റ്റ് ഗ്രാജുവേറ്റ് ഡിപ്ലോമ ഇന്‍ ടെലിവിഷന്‍ ജേണലിസം കോഴ്സിലേക്ക്  അപേക്ഷ ക്ഷണിച്ചു. അംഗീകൃത ബിരുദമാണ് യോഗ്യത.   ksg.keltron.in    എന്ന വെബ്സൈറ്റില്‍  അപേക്ഷാ ഫോറം ലഭിക്കും .

കാഞ്ഞിരപ്പളളി ഐ.റ്റി.ഡി.പി. ഓഫീസ്, വൈക്കം, പുഞ്ചവയല്‍, മേലുകാവ് ട്രൈബല്‍ എക്സ്റ്റന്‍ഷന്‍ ഓഫീസ് എന്നിവിടങ്ങളില്‍ ഓഫീസ് മാനേജ്മെന്‍റ് ട്രെയ്നി  നിയമനത്തിന്  ജില്ലയിലെ സ്ഥിരതാമസക്കാരായ പട്ടികവര്‍ഗ്ഗ വിഭാഗത്തില്‍പ്പെട്ടവരില്‍ നിന്ന് അപേക്ഷ  ക്ഷണിച്ചു.  യോഗ്യത എസ്.എസ്.എല്‍.സി.  2019 ജനുവരി ഒന്നിന് 18 വയസ്സ് പൂര്‍ത്തിയായവരും 35 വയസ്സ് കവിയാത്തവരുമായിരിക്കണം. 

മേലുകാവ് ട്രൈബല്‍ എക്സ്റ്റന്‍ഷന്‍ ഓഫീസിലെ സഹായി സെന്‍ററില്‍ കമ്പ്യൂട്ടര്‍ അസിസ്റ്റന്‍റ് നിയമനത്തിന് ജൂലൈ എട്ട് രാവിലെ 11ന് അഭിമുഖം നടത്തും. ബിരുദവും,     ഗവ. അംഗീകൃത സ്ഥാപനത്തില്‍ നിന്ന് ഡി.സി.എ/ഡി.റ്റി.പി, മലയാളം, ഇംഗ്ലീഷ് ടൈപ്പിംഗ് യോഗ്യതയും ഉള്ളവര്‍ക്ക് പങ്കെടുക്കാം.

          പൂഞ്ഞാര്‍ മോഡല്‍ പോളിടെക്നിക് കോളേജില്‍ എന്‍ജിനീയറിംഗ് ഡിപ്ലോമ കോഴ്സില്‍ ഇലക്ട്രോണിക്സ്, കമ്പ്യൂട്ടര്‍ ഹാര്‍ഡ്വെയര്‍ ബ്രാഞ്ചുകളില്‍ ഒഴിവുള്ള സീറ്റുകളിലേക്ക് ജൂലൈ നാലിന് സ്പോട്ട് അഡ്മിഷന്‍ നടത്തും. അപേക്ഷ സമര്‍പ്പിക്കാത്തവര്‍ക്കും പങ്കെടുക്കാം. എസ്.സി/ എസ്.റ്റി / ഒ.ഇ.സി വിഭാഗക്കാര്‍ക്ക് ഫീസ് ആനുകൂല്യം ലഭിക്കും. ഒറിജിനല്‍ സര്‍ട്ടിഫിക്കറ്റുകള്‍ സഹിതം രക്ഷകര്‍ത്താവിനോടൊപ്പം രാവിലെ 10 ന് കോളേജ് ഓഫീസില്‍  എത്തണം. ഫോണ്‍: 04822 272266 , 9495443206 , 6282995440. 

പഠനം നിര്‍ത്തിയ  ഭിന്നശേഷിക്കാര്‍ക്കായി സംഘടിപ്പിക്കുന്ന ദേശീയ ഐ.ടി മത്സരത്തിന്  സാമൂഹ്യനീതി വകുപ്പ് നോമിനേഷന്‍ ക്ഷണിച്ചു. സ്കൂളില്‍ പോകുന്ന 13 നും 21 നും ഇടയില്‍ പ്രായമുളളവര്‍ക്കും അപേക്ഷിക്കാം. നോമിനേഷന്‍ ജൂലൈ  അഞ്ചിനകം ജില്ലാ സാമൂഹ്യനീതി ഓഫീസില്‍ നല്‍കണം. ഫോണ്‍: 0481-2563980

ഹജ്ജ് തീര്‍ത്ഥാടനത്തിന് ജില്ലയില്‍ നിന്ന് തെരഞ്ഞെടുക്കപ്പെട്ടവര്‍ക്കുളള     വാക്സിനേഷന്‍ ജൂലൈ നാലിന് രാവിലെ 9.30 മുതല്‍ കോട്ടയം ജനറല്‍ ആശുപത്രി എന്‍.എച്ച്.എം ഹാളില്‍ നടക്കും.  പോളിയോ സീസണല്‍ ഇന്‍ഫ്ളുവന്‍സ, മെനിഞ്ചൈറ്റിസ് വാക്സിനുകളാണ് ഹാജിമാര്‍ക്ക് സൗജന്യമായി നല്‍കുക. 

വൈത്തിരി താലൂക്ക് ആശുപത്രി കോമ്പൗണ്ടിലെ കോളിമരം ജൂലൈ 10ന് രാവിലെ 11.30ന് സൂപ്രണ്ട് ഓഫീസില്‍ ലേലം ചെയ്യും.  ലേലത്തില്‍ പങ്കെടുക്കുന്നവര്‍ ലേലത്തിന് മുമ്പ് ഇ.എം.ഡി. നല്‍കി പേര് രജിസ്റ്റര്‍ ചെയ്യണം.  ഫോണ്‍ 04936 256229.