ധര്‍മ്മടം നിയോജക മണ്ഡലത്തില്‍ പിണറായി, എരുവട്ടി, അഞ്ചരക്കണ്ടി, മക്രേരി, കടമ്പൂര്‍, മാവിലായി, മുഴപ്പിലങ്ങാട്, ഇരിവേരി, ധര്‍മ്മടം, പാതിരിയാട്, പടുവിലായി, ചെമ്പിലോട് വില്ലേജ് ഓഫീസുകളിലേക്ക് പ്ലാസ്റ്റിക് കസേരകള്‍ കൈയ്യില്ലാത്തവ- 600, വാട്ടര്‍ പ്യൂരിഫയറുകള്‍ -11 എന്നിവയ്ക്കായി ക്വട്ടേഷന്‍ ക്ഷണിച്ചു. ക്വട്ടേഷന്‍ സമര്‍പ്പിക്കേണ്ട അവസാന തീയതി മെയ് 15 ഉച്ചയ്ക്ക് 12 മണി. ഫോണ്‍ 0497 2700645.

ഏപ്രില്‍ 30 രാവിലെ ഒമ്പത് മുതല്‍ വൈകിട്ട് അഞ്ച് മണി വരെ മല്ലര്‍, സീക് റോഡ്, ജെ കെ വില്ല, പി ഇ എസ്, സെന്‍ട്രല്‍ സ്‌കൂള്‍, പയ്യന്നൂര്‍ കോളേജ്, കെ ബി സി ഹോട്ടല്‍, ആനന്ദ തീര്‍ത്ഥ കാമ്പസ് ട്രാന്‍സ്‌ഫോര്‍മര്‍ പരിധികളില്‍ വൈദ്യുതി മുടങ്ങും

കെ- മാറ്റ് രണ്ടാം ഘട്ട പരീക്ഷക്ക് അപേക്ഷിക്കാനുള്ള ഹെല്‍പ് ഡെസ്‌ക് പുന്നപ്ര ഐ എം ടി കോളജില്‍ ആരംഭിച്ചു. മെയ് ഒമ്പത് വരെ സേവനം ലഭ്യമാകും. ഹെല്‍പ് ഡെസ്‌ക് വഴി കെ മാറ്റ് പരീക്ഷയ്ക്ക് രജിസ്റ്റര്‍ ചെയ്യുന്ന വിദ്യാര്‍ഥികള്‍ക്ക് സൗജന്യ പരിശീലന ക്ലാസും ലഭിക്കും. ഫോണ്‍ 0477 2267602, 9188067601, 9946488075.
 

ജില്ലാ ലൈബ്രറി കൗണ്‍സില്‍ മുഖേന ഗ്രന്ഥാലയം ഏര്‍പ്പെടുത്തിയ 2025 ലെ സി.കെ.ശേഖരന്‍ മാസ്റ്റര്‍ സ്മാരക പുരസ്‌കാരത്തിന് ഗ്രന്ഥശാലാ പ്രവര്‍ത്തകരില്‍ നിന്ന് അപേക്ഷകള്‍ ക്ഷണിച്ചു. 10000 രൂപയും പ്രശസ്തി പത്രവും ഫലകവുമാണ് പുരസ്‌കാരം. വിശദമായ ബയോഡാറ്റയും വിശദാംശങ്ങളും ചേര്‍ന്ന അപേക്ഷകള്‍ ബന്ധപ്പെട്ട ഗ്രന്ഥശാലകള്‍ മുഖേന കണ്ണൂര്‍ ജില്ലാ ലൈബ്രറി കൗണ്‍സില്‍ ഓഫീസിലേക്ക് അയക്കണം. അവസാന തീയതി മെയ് 15. വിലാസം: സെക്രട്ടറി, കണ്ണൂര്‍ ജില്ലാ ലൈബ്രറി കൗണ്‍സില്‍, പി.ഒ. സിവില്‍ സ്റ്റേഷന്‍, കണ്ണൂര്‍ -670 002.

കേരള മോട്ടോര്‍ തൊഴിലാളി ക്ഷേമനിധി പദ്ധതിയില്‍ അംഗങ്ങളായവരുടെ സര്‍ക്കാര്‍, എയ്ഡഡ് സ്‌കൂളുകളില്‍ 2025-26 അധ്യയന വര്‍ഷം ഒന്നു മുതല്‍ ഏഴ് വരെ ക്ലാസുകളില്‍ പഠിക്കുന്ന കുട്ടികള്‍ക്ക് സൗജന്യ പഠനക്കിറ്റ് വിതരണം ചെയ്യുന്നതിന് അപേക്ഷ ക്ഷണിച്ചു. ബാഗ്,കുട, വാട്ടര്‍ ബോട്ടില്‍, ടിഫിന്‍ ബോക്്സ്, നോട്ട്ബുക്ക് എന്നിവ അടങ്ങിയതാണ് പഠന കിറ്റ്. അപേക്ഷകള്‍ സമര്‍പ്പിക്കാനുള്ള അവസാന തീയതി മെയ് ഒമ്പത്. അപേക്ഷയും മറ്റു വിശദ വിവരങ്ങളും ജില്ലാ ഓഫീസിലും kmtwwfb.org എന്ന വെബ്സൈറ്റിലും ലഭിക്കും. ഫോണ്‍ : 0497 2705197.
 

ഫിഷറീസ് വകുപ്പ് വഴി നടപ്പാക്കുന്ന പ്രധാനമന്ത്രി മത്സ്യ സമ്പദ് യോജന പദ്ധതിയുടെ ഭാഗമായി ഡീപ് സീ ഫിഷിംങ് വെസല്‍ പദ്ധതിയിലേക്ക് അംഗീകൃത മത്സ്യത്തൊഴിലാളികള്‍ക്കോ, ഗ്രൂപ്പുകള്‍ക്കോ അപേക്ഷിക്കാം. തെരഞ്ഞെടുക്കപ്പെടുന്ന അപേക്ഷകനോ ഗ്രൂപ്പിനോ ഫിഷിംങ് വെസല്‍ പ്രവര്‍ത്തനച്ചെലവിന്റെ 40 ശതമാനം സബ്സിഡി ലഭിക്കും. അപേക്ഷയുടെ മാതൃക തലശ്ശേരി, കണ്ണൂര്‍, മടായി, അഴീക്കോട് മത്സ്യഭവനുകളില്‍ നിന്ന് ലഭിക്കും. അപേക്ഷകള്‍ മെയ് അഞ്ചിന് വൈകുന്നേരം അഞ്ചിനകം സമര്‍പ്പിക്കണം. ഫോണ്‍: 0497 2732340.
 

സംസ്ഥാന പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്‍ നടപ്പാക്കുന്ന സ്വയം തൊഴില്‍ വായ്പാ പദ്ധതിക്ക് കീഴില്‍ വായ്പ അനുവദിക്കുന്നതിനായി ജില്ലയിലെ പട്ടികജാതി പട്ടികവര്‍ഗ്ഗത്തില്‍പ്പെട്ട തൊഴില്‍ രഹിതരായ യുവതീ യുവാക്കളില്‍ നിന്ന് അപേക്ഷകള്‍ ക്ഷണിച്ചു. പരമാവധി നാല് ലക്ഷം രൂപയാണ് വായ്പ ലഭിക്കുക. കുടുംബ വാര്‍ഷിക വരുമാനം മൂന്നുലക്ഷം രൂപയില്‍  താഴെയുള്ള  18 നും 55 നും ഇടയില്‍ പ്രായമുള്ളവര്‍ക്ക് അപേക്ഷിക്കാം. വായ്പാ തുകയ്ക്ക് കോര്‍പ്പറേഷന്റെ നിബന്ധനകള്‍ക്കനുസരിച്ച് ആവശ്യമായ ജാമ്യം ഹാജരാക്കണം.

കണ്ണൂര്‍ കലക്ടറേറ്റില്‍ ഏപ്രില്‍ 30 ന് നടത്താനിരുന്ന പയ്യന്നൂര്‍, തളിപ്പറമ്പ് താലൂക്കുകളിലെ ദേവസ്വം പട്ടയങ്ങളുടെ വാദം കേള്‍ക്കല്‍ നടപടി മെയ് 27 ലേക്ക് മാറ്റിവെച്ചു

നഗരപരിധിയിലെ അനധികൃത വാഹന  പാര്‍ക്കിംഗ്, സര്‍വീസ് എന്നിവ  സംബന്ധിച്ച് വ്യാപകമായി പരാതി ഉയര്‍ന്ന സാഹചര്യത്തില്‍ ആര്‍ ടി ഒ   ഇ.എസ് ഉണ്ണികൃഷ്ണന്റെ നേതൃത്വത്തില്‍ പരിശോധന നടത്തി. പരിശോധനയില്‍ പെര്‍മിറ്റില്‍ അനുവദിച്ച സ്ഥലം മാറി പാര്‍ക്ക് ചെയ്ത് സര്‍വീസ് നടത്തിയ നാല് ഓട്ടോറിക്ഷകള്‍, നികുതി, ഫിറ്റ്നെസ് എന്നിവ ഇല്ലാതെ സര്‍വീസ് നടത്തിയ വാഹനം, അംഗീകൃത കളര്‍ ഇല്ലാതെ സര്‍വീസ് നടത്തിയ വാഹനം എന്നിങ്ങനെ വിവിധ നിയമ ലംഘങ്ങള്‍ കണ്ടെത്തി നടപടി സ്വീകരിച്ചു. കൂടാതെ എയര്‍ ഹോണ്‍ ഉപയോഗിച്ചതിനു സ്വകാര്യ ബസിനും അനധികൃത രൂപ മാറ്റം വരുത്തിയതിന് മോട്ടോര്‍ സൈക്കിളിനും പിഴ ചുമത്തി.

ഹരിത കേരളം മിഷന്‍ സംഘടിപ്പിക്കുന്ന നീലക്കുറിഞ്ഞി ജൈവവൈവിധ്യ പഠനോത്സവത്തിന്റെ ഭാഗമായി കണ്ണൂര്‍ ജില്ലാതല മെഗാ ക്വിസ് മത്സരം സംഘടിപ്പിച്ചു. തലശ്ശേരി ബ്ലോക്ക്  മമ്പറം യു. പി സ്‌കൂള്‍ വിദ്യാര്‍ഥി പി.കെ ആദിദേവ്, കൃഷ്ണവേണി എസ് പ്രശാന്ത്, കയരളം എ യു പി സ്‌കൂള്‍ (ഇരിക്കൂര്‍ ബ്ലോക്ക്), പി.വി. തന്മയ  സെന്റ് മേരീസ് എച്ച് എസ് ചെറുപുഴ (പയ്യന്നൂര്‍ ബ്ലോക്ക്), പി. അര്‍ജുന്‍, കൂടാളി ഹയര്‍ സെക്കണ്ടറി സ്‌കൂള്‍(ഇരിട്ടി ബ്ലോക്ക്) എന്നിവര്‍ യഥാക്രമം ഒന്നുമുതല്‍ നാലുവരെ സ്ഥാനങ്ങള്‍ കരസ്ഥമാക്കി.