കണ്ണൂർ നാഷണൽ ആയുഷ് മിഷൻ കീഴിലുള്ള വിവിധ ആയുർവേദ, ഹോമിയോ സ്ഥാപനങ്ങളിലെ ജിഎൻഎം നേഴ്സ്, മൾട്ടി പർപസ് ഹെൽത്ത് വർക്കർ, മൾട്ടി പർപസ് വർക്കർ, എംപിഡബ്ല്യു (പഞ്ചകർമ അസിസ്റ്റന്റ്), ആയുർവേദ തെറാപ്പിസ്റ്റ്, യോഗാ ഡെമോൺസ്ട്രേറ്റർ, ഫിസിയോ തെറാപ്പി അസിസ്റ്റന്റ് തസ്തികകളിലേക്ക് കരാറടിസ്ഥാനത്തിൽ അപേക്ഷകൾ ക്ഷണിച്ചു. ഉദ്യോഗാർഥികൾ പ്രായം, യോഗ്യത തെളിയിക്കുന്ന സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതം കണ്ണൂർ സിവിൽ സ്റ്റേഷനിൽ പ്രവർത്തിക്കുന്ന നാഷണൽ ആയുഷ് മിഷൻ ഓഫീസിൽ മെയ് ആറ് വൈകുന്നേരം അഞ്ചിനകം എത്തിക്കണം.

കണ്ണൂർ ജില്ലാ ആശുപത്രിയിൽ ലേഡി ഫിസിയോ തെറാപ്പിസ്റ്റ് തസ്തികയിലേക്ക് കരാർ അടിസ്ഥാനത്തിൽ നിയമനം നടത്തുന്നു. ബാച്ചിലർ ഓഫ് ഫിസിയോ തെറാപ്പി ബിരുദത്തോടൊപ്പം രണ്ടുവർഷ പ്രവൃത്തി പരിചയമുള്ളവർക്ക് അപേക്ഷിക്കാം. ഉദ്യോഗാർഥികൾ യോഗ്യത, മേൽവിലാസം തെളിയിക്കുന്ന അസ്സൽ രേഖകൾ, ബയോഡാറ്റ, തിരിച്ചറിയൽ രേഖ എന്നിവ സഹിതം മെയ് രണ്ടിന് രാവിലെ 10.30 ന് ജില്ലാ ആശുപത്രി സൂപ്രണ്ടിന്റെ മുൻപാകെ അഭിമുഖത്തിന് എത്തണം.

ദേശീയ ജന്തുരോഗ നിയന്ത്രണ പദ്ധതിയുടെ ഭാഗമായി സംസ്ഥാന സർക്കാർ മൃഗസംരക്ഷണ വകുപ്പിന്റെ നേതൃത്വത്തിൽ കന്നുകാലികൾക്കുള്ള ആറാം ഘട്ട കുളമ്പ് രോഗനിയന്ത്രണ പ്രതിരോധ കുത്തിവെപ്പ് മെയ് രണ്ട് മുതൽ ആരംഭിക്കും. പരിപാടിയുടെ ജില്ലാതല ഉദ്ഘാടനം ജില്ലാ വെറ്ററിനറി കേന്ദ്രത്തിൽ രാവിലെ 11 ന് ജില്ലാപഞ്ചായത്ത് പ്രസിഡന്റ് അഡ്വ. കെ. കെ രത്നകുമാരി നിർവഹിക്കും.

കേരള കർഷക തൊഴിലാളി ക്ഷേമനിധി ബോർഡിൽനിന്ന് അതിവർഷ ആനുകൂല്യം ഒന്നാം ഗഡു ലഭിച്ചവർക്കുള്ള അടുത്ത ഗഡു മെയ് രണ്ടിന് വെകുന്നേരം മൂന്ന് മണിക്ക് കണ്ണൂർ ടൗൺ ബേങ്ക് ഹാളിൽ ബോർഡ് ചെയർമാൻ എൻ.ചന്ദ്രൻ ഉദ്ഘാടനം ചെയ്യും. ബോധവത്കരണ ക്ലാസും നടക്കും. ഇ മെയിൽ: ഫോൺ: 0497 2712549, 9497043320

ബൗദ്ധിക വെല്ലുവിളി നേരിടുന്നവരുടെ സമഗ്ര വികസനത്തിനായി സർക്കാർ അംഗീകരിച്ച കരിക്കുലത്തിന്റെ അടിസ്ഥാനത്തിൽ തൊഴിൽ പരിശീലനം, നൈപുണ്യവികസനം എന്നിവ നൽകുന്ന പ്രചോദനം പദ്ധതിയിലേക്ക് മാർഗരേഖ, സ്റ്റാൻഡേർഡ് ഓപ്പറേറ്റിങ്ങ് പ്രൊസീജ്യർ എന്നിവ പ്രകാരം എംപാനൽ ചെയ്യുന്നതിന് അർഹരായ എൻജിഒ/എൽഎസ്ജിഐകളിൽനിന്ന് അപേക്ഷ ക്ഷണിച്ചു. അപേക്ഷയുടെ പുറംകവറിൽ പ്രചോദനം പദ്ധതിയുടെ അപേക്ഷ എന്ന് രേഖപ്പെടുത്തി സർട്ടിഫിക്കറ്റുകളുടെ രണ്ട് പകർപ്പുകൾ സഹിതം മെയ് 15 ന് വൈകുന്നേരം അഞ്ചിനകം ജില്ലാ സാമൂഹ്യനീതി ഓഫീസിൽ ലഭിക്കണം. ഫോൺ: www.sjd.kerala.gov.in ഫോൺ: 0497 2997811 8281999015

ഹരിത കേരളം മിഷൻ സംഘടിപ്പിക്കുന്ന നീലക്കുറിഞ്ഞി ജൈവവൈവിധ്യ പഠനോത്സവം ജില്ലാതല പ്രശ്നോത്തരി ഏപ്രിൽ 29 ന് രാവിലെ 9.30 ന് കണ്ണൂർ സിവിൽ സ്റ്റേഷനിലെ ഡിപിസി ഹാളിൽ നടക്കും. ബ്ലോക്ക് / നഗരസഭാതല പ്രശ്നോത്തരി മത്സരങ്ങളിലെ വിജയികളാണ് ജില്ലാതലത്തിൽ പങ്കെടുക്കുക. പ്രവർത്തനാധിഷ്ഠിത ഓപ്പൺ ആക്റ്റിവിറ്റിയിലെ പ്രകടനം കൂടി വിലയിരുത്തി നാല് കുട്ടികൾക്ക് മെയ് 16, 17, 18 തീയതികളിൽ അടിമാലി, മൂന്നാർ എന്നിവിടങ്ങളിൽ നടക്കുന്ന  സംസ്ഥാന പഠനോത്സവ ക്യാമ്പിൽ പങ്കെടുക്കാം.
 

കേരള സര്‍ക്കാരിന്റെ തൊഴില്‍ മന്ത്രാലയത്തിന് കീഴിലുള്ള സ്വയംഭരണ സ്ഥാപനമായ കേരള ഇന്‍സ്റ്റിറ്റ്യൂട്ട് ഓഫ് ലേബര്‍ ആന്റ് എംപ്ലോയ്മെന്റ് (കിലെ) നടത്തുന്ന തിരുവനന്തപുരത്തുള്ള കിലെ ഐ.എ.എസ് അക്കാദമിയില്‍ 2025 - 26 വര്‍ഷത്തെ സിവില്‍ സര്‍വ്വീസ് പരീക്ഷ പരിശീലനത്തിന് രജിസ്‌ട്രേഷന്‍ ആരംഭിച്ചു. ഏതെങ്കിലും വിഷയത്തിലുള്ള ബിരുദമാണ് അടിസ്ഥാന യോഗ്യത. അവസാന വര്‍ഷ ബിരുദ വിദ്യാര്‍ത്ഥികള്‍ക്കും പങ്കെടുക്കാം. ഒരു വര്‍ഷം ദൈര്‍ഘ്യമുള്ള കോഴ്‌സിന് പൊതു വിഭാഗ വിദ്യാര്‍ത്ഥികളുടെ ഫീസ് 50,000. ക്ഷേമനിധി ബോര്‍ഡുകളില്‍ രജിസ്റ്റര്‍ ചെയ്തിട്ടുള്ള തൊഴിലാളികളുടെ ആശ്രിതര്‍ക്ക് 50 ശതമാനം ഫീസിളവ് ലഭിക്കും.

കേരള സംസ്ഥാന ഭാഗ്യക്കുറി ക്ഷേമനിധി ബോര്‍ഡ് വഴിയോര ഭാഗ്യക്കുറി കച്ചവടക്കാരായ ക്ഷേമനിധി അംഗങ്ങള്‍ക്ക് തൊഴില്‍ സൗകര്യത്തിനായി ബീച്ച് അംബ്രെല്ല സൗജന്യമായി നല്‍കുന്ന പദ്ധതിയിലേക്ക് അപേക്ഷ ക്ഷണിച്ചു. അപേക്ഷകര്‍ താത്കാലിക തട്ട് ഉപയോഗിച്ച് വഴിയോര കച്ചവടം ചെയ്ത് കുറഞ്ഞത് ആറ് മാസമെങ്കിലും അംഗത്വ കാലാവധി പൂര്‍ത്തിയാക്കിയ സജീവ അംഗമായിരിക്കണം. അപേക്ഷയോടൊപ്പം ആധാര്‍ കാര്‍ഡിന്റെ പകര്‍പ്പ്, ഒരു പാസ്‌പോര്‍ട്ട് സൈസ് ഫോട്ടോ, വഴിയോര വില്‍പ്പന നടത്തുന്ന സ്ഥലം വ്യക്തമാക്കുന്ന തരത്തിലുള്ള അപേക്ഷകന്റെയും വില്‍പന തട്ടിന്റേയും കളര്‍ ഫോട്ടോ എന്നിവ ഹാജരാക്കണം. അപേക്ഷ സമര്‍പ്പിക്കേണ്ട അവസാന തീയ്യതി മെയ് 25.

കാലാവസ്ഥാ വ്യതിയാനവുമായി ബന്ധപ്പെട്ട പ്രാദേശിക കാർഷിക പ്രശ്നങ്ങൾ ചർച്ച ചെയ്യാൻ കണ്ണപുരം ഗ്രാമപഞ്ചായത്തിന്റെ നേതൃത്വത്തിൽ ഹരിതകേരളം മിഷൻ, കണ്ണൂർ ടെക്നീഷ്യൻ ആൻഡ് ഫാർമേഴ്സ് കോ ഓഡിനേഷൻ സൊസൈറ്റി (ടാഫ് കോസ്) എന്നിവയുടെ സഹകരണത്തോടെ കർഷക സദസ്സ് സംഘടിപ്പിക്കും. മെയ് രണ്ടിന് രാവിലെ 10 മണിക്ക് കണ്ണപുരം സഹകരണ ബാങ്ക് ഓഡിറ്റോറിയത്തിൽ എം. വിജിൻ എം.എൽ.എ ഉദ്ഘാടനം ചെയ്യും. കാർഷിക വിദഗ്ധർ, കർഷകർ തുടങ്ങിയവർ പങ്കെടുക്കും.
 

 നാഷണല്‍ ആയുഷ് മിഷന്‍ ഹോമിയോപ്പതി വകുപ്പിന് കീഴിലുള്ള ആശുപത്രിയിലേക്കും മറ്റ് പദ്ധതികളിലേക്കുമായി ഫാര്‍മസിസ്റ്റ് ഹോമിയോ, ജി.എന്‍.എം. നേഴ്‌സ്, മള്‍ട്ടിപര്‍പ്പസ് വര്‍ക്കര്‍ - കാരുണ്യ പ്രോജക്ട് എന്നീ തസ്തികകളിലേക്ക് കരാറടിസ്ഥാനത്തില്‍ താല്‍ക്കാലിക നിയമനം നടത്തുന്നു.