നന്നംമുക്ക് മൂക്കുതല ഗവണ്‍മെന്റ് പ്രീമെട്രിക് ഹോസ്റ്റലില്‍ പാചകക്കാരന്റെ ഒഴിവിലേക്ക് ദിവസ വേതനാടിസ്ഥാനത്തില്‍ അപേക്ഷ ക്ഷണിച്ചു. എസ്എസ്എല്‍സി വിജയിച്ച അംഗീകൃത ഫുഡ്‌പ്രൊഡക്ഷന്‍ യോഗ്യതയുള്ളവര്‍ക്ക് അപേക്ഷിക്കാം.  യോഗ്യത തെളിയിക്കുന്ന സര്‍ട്ടിഫിക്കറ്റുകള്‍ സഹിതം മെയ് അഞ്ചിനകം പെരുമ്പടപ്പ് ബ്ലോക്ക് പട്ടികജാതി വികസന ഓഫീസില്‍ അപേക്ഷ നല്‍കണം.  ഫോണ്‍. 8281284332, 9188920074.

നന്നംമുക്ക് മൂക്കുതല ഗവണ്‍മെന്റ്‌ പ്രീമെട്രിക് ഹോസ്റ്റലില്‍ (പെണ്‍കുട്ടികള്‍) ഒഴിവുള്ള വാര്‍ഡന്‍ തസ്തികയിലേയ്ക്ക് ദിവസ വേതനാടിസ്ഥാനത്തില്‍ അപേക്ഷ ക്ഷണിച്ചു. എസ്എസ്എല്‍സി വിജയിച്ചവര്‍ക്ക് അപേക്ഷിക്കാം.  പെണ്‍കുട്ടികള്‍ താമസിച്ചു പഠിക്കുന്ന സ്ഥാപനത്തില്‍ ജോലി പരിചയമുള്ളവര്‍ക്ക് മുന്‍ഗണന. യോഗ്യത തെളിയിക്കുന്ന സര്‍ട്ടിഫിക്കറ്റുകള്‍ സഹിതം മെയ് അഞ്ചിനകം പെരുമ്പടപ്പ് ബ്ലോക്ക് പട്ടികജാതി വികസന ഓഫീസില്‍ അപേക്ഷ നല്‍കണം.  ഫോണ്‍. 8281284332
 

ഇന്റര്‍ഗ്രേറ്റഡ് മോഡേണ്‍ കോസ്റ്റല്‍ ഫിഷിംഗ് വില്ലേജ് പദ്ധതിയില്‍ ഉള്‍പ്പെടുത്തി താനൂരില്‍ ആധുനിക രീതിയിലുള്ള അക്വേറിയം വരുന്നു. മലപ്പുറം കളക്ടറേറ്റ് കോൺഫ്രൻസ് ഹാളിൽ നടന്ന ആധുനിക അക്വേറിയത്തിന്റെ ശിലാഫലക അനാച്ഛാദനം കായിക-ന്യൂനപക്ഷ ക്ഷേമ-വഖഫ് വകുപ്പ് മന്ത്രി  വി അബ്ദുറഹ്‌മാന്‍ നിര്‍വഹിച്ചു.  1.68 കോടിയാണ് പദ്ധതിക്ക് ചെലവ് പ്രതീക്ഷിക്കുന്നത്. നിര്‍ദിഷ്ട കോസ്റ്റല്‍ ഹൈവേയുടെ അരികിലായി താനൂര്‍ ജി ആര്‍ എഫ് ടി ഹൈസ്‌കൂളിന് സമീപമാണ് അക്വേറിയം സ്ഥാപിക്കുന്നത്. അക്വേറിയത്തിന് പുറമെ ഫിഷ് സ്പാ, വര്‍ണ മത്സ്യ വളര്‍ത്തു യൂണിറ്റ് എന്നിവയും ഉള്‍പ്പെടുന്നു.

സമഗ്ര ശിക്ഷ കേരള പദ്ധതിയിലൂടെ അക്കാദമിക നിലവാരം മെച്ചപ്പെടുത്തുന്നതിനും എല്ലാവര്‍ക്കും വിദ്യാഭ്യാസം എന്ന ലക്ഷ്യം പൂര്‍ത്തീകരിക്കുന്നതിനുമായി ജില്ലയിലെ വിദ്യാഭ്യാസ മേഖലയില്‍ ഒമ്പത് വര്‍ഷത്തിനിടെ നടപ്പാക്കിയത് മാതൃകാ പദ്ധതികള്‍. ഭാഷാ പഠനം മെച്ചപ്പെടുത്തുന്നതിനായി മലയാളത്തിളക്കം, ഹലോ ഇംഗ്ലീഷ്, ബഡ്ഡിങ് റൈറ്റേഴ്സ്, സുരീലി ഹിന്ദി, മീഠി മലയാളം, അഹ്ലന്‍ അറബിക് തുടങ്ങിയ പരിപാടികള്‍ അവതരിപ്പിച്ചു. ശാസ്ത്രപഠനം ലക്ഷ്യമാക്കി സയന്‍സ് കിറ്റുകള്‍ വിതരണം ചെയ്യുകയും ശാസ്ത്രപഥം, ടിങ്കറിങ് ലാബ്, ഗണിതലാബ്, ശാസ്ത്ര-സാമൂഹികശാസ്ത്ര ലാബുകള്‍, വെതര്‍സ്റ്റേഷനുകള്‍ എന്നിവയൊരുക്കുകയും ചെയ്തു.

യുവപ്രതിഭാ സംഗമം: ഇന്നുകൂടി പേരുനല്‍കാം

നവീകരിച്ച മുണ്ടോത്ത്-തെരുവത്ത്കടവ് റോഡ് നാടിന് സമര്‍പ്പിച്ചു

വിജ്ഞാന കേരളം ജനകീയ ക്യാമ്പയിന്റെ ഭാഗമായി പേരാമ്പ്ര ബ്ലോക്ക് പഞ്ചായത്ത് സംഘടിപ്പിച്ച ശില്‍പ്പശാലയുടെയും പദ്ധതിയുടെ ഭാഗമായ ജോബ് സെന്ററിന്റെയും ഉദ്ഘാടനം പ്രസിഡന്റ് എന്‍ പി  ബാബു നിര്‍വഹിച്ചു. തൊഴിലന്വേഷകരെ ജോബ് സ്റ്റേഷനുകള്‍ വഴി തൊഴിലിലേക്ക് എത്തിക്കുകയാണ് ലക്ഷ്യം.
വൈസ് പ്രസിഡന്റ് സി കെ പാത്തുമ്മ അധ്യക്ഷത വഹിച്ചു. സ്ഥിരം സമിതി അധ്യക്ഷരായ കെ സജീവന്‍, ശശികുമാര്‍ പേരാമ്പ്ര, പി കെ രജിത, അംഗങ്ങളായ പി ടി അഷ്‌റഫ്, ഗിരിജ ശശി, ബി ഡി ഒ ഖാദര്‍ തുടങ്ങിയവര്‍ പങ്കെടുത്തു. സംസ്ഥാന കോഓഡിനേറ്റര്‍ സി മുഹമ്മദ് ക്ലാസെടുത്തു.
 

നാദാപുരം റോഡ് റെയില്‍വേ അടിപ്പാത നാടിന് സമര്‍പ്പിച്ചു 

പട്ടികവര്‍ഗ ഉന്നതികളിലെ കുട്ടികള്‍ക്കായി ജില്ലാ ഭരണകൂടം സംഘടിപ്പിക്കുന്ന 'സൃഷ്ടി' ദ്വിദിന വേനലവധിക്കാല ക്യാമ്പിന് ഇന്ന് (ഏപ്രില്‍ 29) ചെമ്പുകടവ് ഗവ. യുപി സ്‌കൂളില്‍ തുടക്കമാകും. ജില്ല ലീഗല്‍ സര്‍വീസസ് അതോറിറ്റി ചെയര്‍പേഴ്‌സണ്‍ ബിന്ദു കുമാരി ഉദ്ഘാടനം നിര്‍വഹിക്കും. ട്രൈബല്‍ എക്സ്റ്റന്‍ഷന്‍ ഓഫീസര്‍ സലീഷ് അധ്യക്ഷനാകും.