സീതത്തോട് ഗ്രാമപഞ്ചായത്തിലെ മൂഴിയാര്‍, ഗവി, ഗുരുനാഥന്‍മണ്ണ് പട്ടികവര്‍ഗ ഉന്നതികളിലെ  കുടുംബങ്ങള്‍ക്ക് ഭൂമി നല്‍കുന്നതുമായി ബന്ധപ്പെട്ട് സര്‍വേ നടപടികള്‍ക്കായി 125 സര്‍വേ കല്ലുകള്‍ എത്തിച്ചുനല്‍കുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ മെയ് രണ്ടിന് വൈകിട്ട് മൂന്നിന് മുമ്പായി റാന്നി ട്രൈബല്‍ ഡവലപ്‌മെന്റ് ഓഫീസില്‍ ലഭ്യമാക്കണം. ഫോണ്‍ - 04735 227703, ഇ മെയില്‍ - rannitdo@gmail.com

വനിതാ ശിശുവികസന വകുപ്പും ഐസിഡിഎസ് കോയിപ്രവും സംയുക്തമായി സംഘടിപ്പിച്ച പോഷണ്‍ പക്വാഡ 2025 ന്റെ ഉദ്ഘാടനം തോട്ടപ്പുഴശ്ശേരി ഗ്രാമപഞ്ചായത്ത് പ്രസിഡന്റ് അഡ്വ ആര്‍ കൃഷ്ണകുമാര്‍ നിര്‍വഹിച്ചു. പരിപാടിയുടെ ഭാഗമായി അനീമിയ ബോധവല്‍ക്കരണ ക്ലാസ്സ്, ന്യൂട്രീഷന്‍
എക്‌സിബിഷന്‍,  എച്ച് ബി പരിശോധന ക്യാമ്പ്  എന്നിവ നടത്തി.  വൈസ് പ്രസിഡന്റ് സിസിലി തോമസ്, സ്ഥിരം സമിതി അധ്യക്ഷരായ റീന തോമസ്,  ലതാ ചന്ദ്രന്‍, ജെസ്സി മാത്യു, സിഡിപിഒ ജി ബിന്ദു, ഐസിഡിഎസ് സൂപ്പര്‍വൈസര്‍ ആര്‍ ശ്രീലേഖ , എന്‍എന്‍എം കോഡിനേറ്റര്‍ ബിബിന്‍, അങ്കണവാടി ജീവനക്കാര്‍ എന്നിവര്‍ പങ്കെടുത്തു.

കാർഷിക രംഗത്തെ പുത്തൻ മാറ്റങ്ങൾ പൊതുജനങ്ങൾക്ക് പരിചയപ്പെടുത്തി കൃഷിവകുപ്പിന്റെ സ്റ്റാൾ. കൃഷിയിടങ്ങളിലെ നൂതന സാങ്കേതിക വിദ്യകൾ പൊതുജനങ്ങൾക്ക് അനുഭവവേദ്യമായി മാറുകയാണ്. കൃഷിയിടങ്ങളിൽ ഡ്രോൺ സംവിധാനം എങ്ങനെ പ്രയോജനപ്പെടുത്താമെന്നും അതിന്റെ സാധ്യതകളേക്കുറിച്ച് പൊതുജനങ്ങൾക്ക്  അടുത്തറിയാനുള്ള അവസരവും കൃഷിവകുപ്പ് ഒരുക്കിയിട്ടുണ്ട്.  മില്ലറ്റ് ഉൽപ്പന്നങ്ങളുടെ പ്രദർശനവും കൃഷി വകുപ്പിന്റെ സ്വന്തം ബ്രാൻഡായ കേരളഗ്രോ ഉൽപ്പന്നങ്ങളുടെ പ്രദർശനവും ഇവിടെയുണ്ട്. വിളകളെ ബാധിക്കുന്ന രോഗങ്ങൾക്ക് പരിഹാരവുമായി കർഷകർക്ക് സഹായമാകുന്ന വിള ആരോഗ്യ പരിപാലന കേന്ദ്രങ്ങളേക്കുറിച്ചും വിശദീകരിച്ചു നൽകുന്നു.

പന്തളം തെക്കേക്കര ഗ്രാമപഞ്ചായത്തിലെ സമഗ്ര ഗുണമേന്മാ പദ്ധതിയുടെ പഞ്ചായത്തുതല ഉദ്ഘാടനം പഞ്ചായത്ത് ഹാളില്‍ പ്രസിഡന്റ് എസ് രാജേന്ദ്ര പ്രസാദ് നിര്‍വഹിച്ചു. സംസ്ഥാനത്തെ പൊതുവിദ്യാഭ്യാസ മേഖലയുടെ ഗുണമേന്മ മെച്ചപ്പെടുത്തുന്നതിനായി നടപ്പിലാക്കുന്ന പരിപാടിയാണിത്.

   ജീവൻ  രക്ഷാ ഉപകരണങ്ങൾ പരിചയപ്പെടുത്തുകയാണ് അഗ്നി രക്ഷാ സേന എൻ്റെ കേരളം പ്രദർശന വിപണന മേളയിലൂടെ. 
സ്കൂബ ഡൈവ് ചെയ്യുന്നവർ  ഉപയോഗിക്കുന്ന അന്തരീക്ഷമർദ്ദം നിറച്ച  സിലിണ്ടർ , അതിലേക്ക് വായു എത്തിക്കുന്ന റെഗുലേറ്റർ അസംബ്ലി , ശരീരോഷ്മാവ് ക്രമീകരിക്കുന്ന വെറ്റ്  സ്യൂട്ട് , ജലാശയത്തിന്റെ ആഴം അറിയാനുള്ള കൺസോൾ ഉപകരണം എന്നിവ സ്കൂബ ഡൈവ് ചെയ്യുന്നവർ ജലാശയത്തിന്റെ അടിത്തട്ടിലേക്ക് പോകുമ്പോൾ ഉപയോഗിക്കുന്നവയാണ്.

ക്വട്ടേഷന്‍ ക്ഷണിച്ചു

  എന്റെ കേരളം പ്രദർശന മേളയെ കൂടുതൽ അഴകുള്ളതാക്കുന്നതിൽ ഹരിതകർമ്മസേനാംഗങ്ങളുടെ പങ്ക് വലുത്.  ഒരു പേപ്പർ കക്ഷണം പോലും നിലത്ത് കിടക്കാതെ പരിസര ശുചീകരണം വൃത്തിയോടെയാണ് ഇവർ നടത്തുന്നത്. കോട്ടയം നഗരസഭയിലെ 10 ഹരിതകർമ്മ സേനാംഗങ്ങളും അഞ്ച് സാനിറ്റേഷൻ തൊഴിലാളികളുമാണ്  മേളയുടെ ഭാഗമായി പ്രവർത്തിക്കുന്നത്.  രാവിലെ ഒൻപത് മുതൽ  മൂന്ന് വരെയും വൈകിട്ട് മൂന്ന് മുതൽ രാത്രി എട്ടു  വരെയും രണ്ട് ഷിഫ്റ്റുകളായാണ് ഹരിതകർമ്മസേനാംഗങ്ങളുടെ പ്രവർത്തനം. രാത്രി എട്ട് മുതൽ മേള അവസാനിക്കുന്ന സമയം വരെ സാനിറ്റേഷൻ തൊഴിലാളികളുമാണ് പ്രവർത്തിക്കുന്നത്. ഗ്രീൻ പ്രോട്ടോകോൾ പാലിച്ചാണ് മേള സംഘടിപ്പിച്ചിരിക്കുന്നത്.

വിജ്ഞാന കേരളം പദ്ധതിയുടെ ഭാഗമായി ജില്ലയിലെ പ്രാദേശിക തൊഴിലുകള്‍ കണ്ടെത്തി അഭ്യസ്തവിദ്യരായ യുവതി യുവാക്കള്‍ക്ക് തൊഴില്‍ നല്‍കുന്നതിനായി കുടുംബശ്രീ ജില്ലാ മിഷനുമായി ചേര്‍ന്ന് നടപ്പാക്കുന്ന 'ഹയര്‍ ദി ബെസ്റ്റ്് പരിപാടി ആരംഭിച്ചു. പത്തനംതിട്ട സര്‍ക്കാര്‍ അതിഥി മന്ദിരത്തില്‍ നടന്ന യോഗത്തില്‍ വിജ്ഞാന കേരളം സംസ്ഥാന ഉപദേശകന്‍ ഡോ ടി എം തോമസ് ഐസക് പദ്ധതി വിശദീകരിച്ചു. അഡ്വ മാത്യു ടി തോമസ് എംഎല്‍എ അധ്യക്ഷനായി. കുടുംബശ്രീയും വിജ്ഞാന കേരളവും സംയുക്തമായി തൊഴില്‍ ദാതാക്കള്‍ തിരഞ്ഞെടുക്കുന്ന ഉദ്യോഗാര്‍ത്ഥികള്‍ക്ക് അടിസ്ഥാന പരിശീലനം നല്‍കും.

 ജില്ലയിലെ വിവിധ മേഖലകളിൽനിന്നുള്ളവരുമായുള്ള മുഖ്യമന്ത്രി പിണറായി വിജയന്റെ മുഖാമുഖം ഏപ്രിൽ 29ന് രാവിലെ 10.30 മുതൽ 12.30 വരെ കോട്ടയം ഈരയിൽക്കടവ് ആൻസ് കൺവെൻഷൻ സെന്ററിൽ നടക്കും. സർക്കാർ സേവനങ്ങളുടെ ഗുണഭോക്താക്കളുടെ പ്രതിനിധികൾ, ട്രേഡ് യൂണിയൻ-തൊഴിലാളി പ്രതിനിധികൾ, യുവജനങ്ങൾ, വിദ്യാർഥികൾ, സാംസ്‌കാരിക-കായിക രംഗത്തെ പ്രതിഭകൾ, പ്രൊഫഷണലുകൾ, ഡോക്ടർമാർ, എൻജിനീയർമാർ, അഭിഭാഷകർ, അധ്യാപകർ, വ്യവസായികൾ, പ്രവാസികൾ, പ്രശസ്ത വ്യക്തികൾ, പൗരപ്രമുഖർ, സാമുദായിക നേതാക്കൾ, കർഷകതൊഴിലാളികൾ, കർഷകർ തുടങ്ങി വിവിധ മേഖലയിൽനിന്നുള്ള അഞ്ഞൂറിലധികം പേർ മുഖാമുഖത്തിൽ പങ്കെടുക്കും.

തദ്ദേശ സ്വയംഭരണ സ്ഥാപനങ്ങള്‍ തെരുവ് വിളക്കുകളുടെ  പരിപാലനം ഉറപ്പുവരുത്തണമെന്ന്  അഡ്വ. മാത്യു ടി തോമസ് എംഎല്‍എ. കലക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന ജില്ലാ വികസന സമിതി യോഗത്തിലാണ് നിര്‍ദ്ദേശം. തിരുവല്ല ബൈപാസിലെ തകരാറുള്ള സൗരോര്‍ജ വിളക്കുകള്‍ പ്രവര്‍ത്തനക്ഷമമാക്കണം. കുറ്റൂര്‍ വില്ലേജ് ഓഫീസ് നിര്‍മാണം വേഗത്തിലാക്കാന്‍ എംഎല്‍എ, കലക്ടര്‍, പൊതുമരാമത്ത് -റവന്യു ഉദ്യോഗസ്ഥര്‍ എന്നിവര്‍ സംയുക്ത പരിശോധന നടത്തും. നിരണം പഞ്ചായത്തിലെ ജനസേവാ റോഡ് നിര്‍മാണം ഉടന്‍ പുനരാരംഭിക്കണമെന്നും എംഎല്‍എ പറഞ്ഞു.