ജില്ലാതല സംഘാടകസമിതി രൂപീകരിച്ചു

കോട്ടയം : കോട്ടയം മെഡിക്കല്‍ കോളേജില്‍ 2 മെഡിക്കല്‍ പിജി സീറ്റുകള്‍ക്ക് കൂടി ദേശീയ മെഡിക്കല്‍ കമ്മീഷന്റെ അനുമതി ലഭ്യമായതായി ആരോഗ്യ വകുപ്പ് മന്ത്രി വീണാ ജോര്‍ജ്. എം.ഡി. റേഡിയോ ഡയഗ്നോസിസ് വിഭാഗത്തിലാണ് സീറ്റുകൾക്ക് അനുമതി ലഭിച്ചത്. ഇതോടെ എം.ഡി. റേഡിയോ ഡയഗ്നോസിസ് വിഭാഗത്തില്‍ 3 സീറ്റുകളാണ് ലഭ്യമായത്. ഈ അധ്യയന വര്‍ഷത്തില്‍ തന്നെ പ്രവേശനം സാധ്യമാക്കുമെന്ന് മന്ത്രി പറഞ്ഞു.

കോട്ടയം : സർക്കാരിന്റെ രണ്ടാം വാർഷികത്തോടനുബന്ധിച്ച് സംഘടിപ്പിക്കുന്ന 'കരുതലും കൈത്താങ്ങും' താലൂക്കുതല അദാലത്തിലേക്ക് ഇതുവരെ രജിസ്റ്റർ ചെയ്തത് 1067 പരാതികൾ. കോട്ടയം താലൂക്കിലാണ് ഏറ്റവും കൂടുതൽ പരാതികൾ രജിസ്റ്റർ ചെയ്യപ്പെട്ടിട്ടുള്ളത്. 291 പരാതികൾ. കാഞ്ഞിരപ്പള്ളി -235, വൈക്കം- 212, മീനച്ചിൽ- 178 എന്നിങ്ങനെയാണ് മറ്റ് താലൂക്കുകളിലെ കണക്ക്.  ചങ്ങനാശേരി താലൂക്കിലാണ് ഏറ്റവും കുറവ് പരാതികൾ രജിസ്റ്റർ ചെയ്തിട്ടുള്ളത്  (151 ) ഏപ്രിൽ ഒന്ന് മുതൽ ഇന്നലെ (ഏപ്രിൽ 11) വരെയുള്ള കണക്കാണിത്.  

കൊച്ചിൻ യൂണിവേഴ്സിറ്റിയിൽ ലോകോത്തര നിലവാരത്തിലുള്ള സയൻസ് പാർക്ക് എത്രയും പെട്ടന്ന് യാഥാർഥ്യമാകുമെന്ന് വ്യവസായ നിയമ കയർ വകുപ്പ് മന്ത്രി പി.രാജീവ് പറഞ്ഞു. സയൻസ് പാർക്കുമായി ബന്ധപ്പെട്ട പ്രാഥമിക ആലോചനകളുടെ ഭാഗമായി എഫ് എ സി ടി (ഫാക്ട്) സന്ദർശിക്കുകയായിരുന്നു മന്ത്രി.

സംസ്ഥാനത്ത് 1000 കോടി രൂപ ചെലവിൽ അഞ്ചു സയൻസ് പാർക്കുകൾ ആരംഭിക്കാൻ ഇത്തവണത്തെ സംസ്ഥാന ബജറ്റിൽ തീരുമാനിച്ചിട്ടുണ്ട്. അഞ്ചു പാർക്കുകൾക്കായി 1000 കോടി രൂപയാണ് വകയിരുത്തിയിരിക്കുന്നത്. ഓരോ പാർക്കിനും 200 കോടി രൂപ വീതം ചെലവഴിക്കുമെന്നും മന്ത്രി പറഞ്ഞു.

കൊച്ചി: കേരളത്തിലെ ആയുഷ് ഹെല്‍ത്ത് ആന്റ് വെല്‍നെസ് സെന്ററുകളുടെ പ്രവര്‍ത്തനം വിലയിരുത്തുന്നതിന്റെ ഭാഗമായി കേന്ദ്ര നീതി ആയോഗ് സംഘം  ജില്ലയില്‍ സന്ദര്‍ശനം നടത്തി. ആയുര്‍വേദ മേഖലയില്‍ നിന്നും എറണാകുളം ജില്ലയിലെ എടവനക്കാട്, തൃക്കാക്കര ഗവ. ആയുര്‍വേദ ഡിസ്പെന്‍സറികളിലെ ആയുഷ് ഹെല്‍ത്ത് ആന്റ് വെല്‍നെസ് സെന്ററുകളാണ് തെരഞ്ഞെടുത്തത്. 

കോട്ടയം: സംസ്ഥാന സർക്കാരിന്റെ വാർഷികാഘോഷത്തിന്റെ  ഭാഗമായി മേയ് 16 മുതൽ 22 വരെ നാഗമ്പടത്ത് നടക്കുന്ന എന്റെ കേരളം പ്രദർശന വിപണനമേളയോടനുബന്ധിച്ച് ഏപ്രിൽ, മേയ് മാസങ്ങളിൽ ഉപയോഗിക്കുന്നതിനായി ഏഴ് പേർക്ക് സഞ്ചരിക്കാവുന്ന വാഹനം ദിവസവാടകയ്ക്ക് ലഭ്യമാക്കാൻ ക്വട്ടേഷൻ ക്ഷണിച്ചു. ഏപ്രിൽ 19 ന് ഉച്ചകഴിഞ്ഞ് രണ്ടുവരെ ജില്ലാ ഇൻഫർമേഷൻ ഓഫീസിൽ സ്വീകരിക്കും. വിശദവിവരത്തിന് ഫോൺ: 0481 2562558

കോട്ടയം: ആരോഗ്യ കേരളം കോട്ടയത്തിന്റെ കീഴിൽ ഒഴിവുള്ള പീഡിയാട്രീഷ്യൻ തസ്തികയിൽ നിയമനത്തിന് അപേക്ഷ ക്ഷണിച്ചു. പീഡിയാട്രിക്‌സിൽ എം.ഡി./ ടിസിഎംസി രജിസ്‌ട്രേഷനോടെ ഡിസിഎച്ച് ആണ് യോഗ്യത.  പ്രായപരിധി 2023 ന് ഏപ്രിൽ രണ്ടിന് 65 വയസ്.  അപേക്ഷ ഏപ്രിൽ 20 ന്  വൈകിട്ട് അഞ്ചിനകം എൻ.എച്ച്.എം ഓഫീസിൽ നേരിട്ട് സമർപ്പിക്കണം

കോട്ടയം:  ജില്ലാ പഞ്ചായത്തിന്റെയും  കുടുംബശ്രീ ജില്ലാ മിഷന്റെയും നേതൃത്വത്തിൽ  വിഷു വിപണനമേള ജില്ലാ പഞ്ചായത്ത് അങ്കണത്തിൽ ആരംഭിച്ചു.  ജില്ലാ പഞ്ചായത്ത് പ്രസിഡന്റ് കെ.വി ബിന്ദു മേള ഉദ്ഘാടനം ചെയ്തു. കുടുംബശ്രീ ജില്ലാ മിഷൻ കോ- ഓർഡിനേറ്റർ അഭിലാഷ് കെ. ദിവാകറിൽനിന്ന് ജില്ലാ പഞ്ചായത്ത് പ്രസിഡന്റ് കെ. വി ബിന്ദു ആദ്യവിൽപ്പന ഏറ്റുവാങ്ങി.  

കോട്ടയം: പൊതുവിദ്യാഭ്യാസ വകുപ്പിന് കീഴിലെ സ്‌കോൾ കേരളയിൽ നാഷണൽ ആയുഷ് മിഷന്റെയും സംസ്ഥാന ആയുഷ് മിഷന്റെയും അംഗീകാരത്തോടെ ആരംഭിക്കുന്ന ഡിപ്ലോമ ഇൻ യോഗിക് സയൻസ് ആൻഡ് സ്പോർട്സ് യോഗ കോഴ്സിന്റെ പ്രവേശന തീയതി നീട്ടി. പിഴയില്ലാതെ  ഏപ്രിൽ 20 വരെയും 100 രൂപ പിഴയോടെ ഏപ്രിൽ 27 വരെയും ഫീസടച്ചു രജിസ്റ്റർ ചെയ്യാം. വിശദവിവരത്തിന് ഫോൺ:   0481 2300443, 9496094157, 9947985329