തെക്ക് കിഴക്കൻ ബംഗാൾ ഉൾക്കടലിൽ രൂപപ്പെട്ട ചുഴലിക്കാറ്റ് അടുത്ത 12 മണിക്കൂറിൽ തീവ്ര ചുഴലിക്കാറ്റായി മാറുമെന്നും തുടർന്നുള്ള 24 മണിക്കൂറിൽ അതിതീവ്ര ചുഴലിക്കാറ്റായി മാറുമെന്നും കേന്ദ്ര കാലാവസ്ഥാ നിരീക്ഷണകേന്ദ്രം അറിയിച്ചു. കേരളത്തിൽ  ഏപ്രിൽ 29, 30 തിയതികളിൽ വിവിധയിടങ്ങളിൽ മഴയ്ക്കും ഒറ്റപ്പെട്ടയിടങ്ങളിൽ ശക്തമായ മഴയ്ക്കും സാധ്യതയുള്ളതായി കാലാവസ്ഥാ നിരീക്ഷണകേന്ദ്രം മുന്നറിയിപ്പ് നൽകി.

ടെക്‌നിക്കല്‍ ഹൈസ്‌കൂള്‍ പ്രവേശനം

തോട്ടട ഗവ.ടെക്‌നിക്കല്‍ ഹൈസ്‌കൂള്‍ എട്ടാം ക്ലാസ് പ്രവേശനത്തിനുള്ള അപേക്ഷാ ഫോറം മെയ് രണ്ടിന് നാല് മണി വരെ സ്‌കൂള്‍ ഓഫീസില്‍ലഭിക്കും. പ്രവേശന പരീക്ഷ മെയ് മൂന്നിന് നടക്കും.    ഫോണ്‍: 04972 835260, 9400006494.

സൗജന്യ പരിശീലനം

ആരോഗ്യരംഗത്തെ മികവാര്‍ന്ന പ്രവര്‍ത്തനങ്ങള്‍ക്ക് കണ്ണൂര്‍ ജില്ലയിലെ രണ്ട് ആരോഗ്യസ്ഥാപനങ്ങള്‍ക്ക് ദേശീയ അംഗീകാരം. വളപട്ടണം കുടുംബാരോഗ്യകേന്ദ്രം, തേര്‍ത്തല്ലി കുടുംബാരോഗ്യകേന്ദ്രം എന്നീ സ്ഥാപനങ്ങള്‍ക്കാണ് ഗുണനിലവാരത്തിനുള്ള ദേശീയ ബഹുമതിയായ നാഷണല്‍ ക്വാളിറ്റി അഷ്വറന്‍സ് സര്‍ട്ടിഫിക്കറ്റ് ലഭിച്ചത്. വളപട്ടണം കുടുംബാരോഗ്യകേന്ദ്രം 97 ശതമാനം മാര്‍ക്ക് നേടി ഇന്ത്യയില്‍ മൂന്നാം സ്ഥാനത്തും തേര്‍ത്തല്ലി കുടുംബാരോഗ്യകേന്ദ്രം 95 ശതമാനം മാര്‍ക്ക് നേടി അഞ്ചാം സ്ഥാനത്തും എത്തി.

അവധിക്കാല ഐ ടി ഐ കോഴ്‌സുകള്‍

കണ്ണൂര്‍ ഗവ.ഐ ടി ഐ യില്‍ സ്‌കൂള്‍ വിദ്യാര്‍ഥികള്‍ക്കായി ഐ എം സി നടത്തുന്ന അവധിക്കാല തൊഴിലധിഷ്ഠിത കോഴ്‌സുകളിലേക്ക് അപേക്ഷ ക്ഷണിച്ചു.  മൊബൈല്‍ ഫോണ്‍ ടെക്‌നീഷ്യന്‍, റോബോട്ടിക്‌സ് എഞ്ചിനീയറിംഗ് എന്നീ കോഴ്‌സുകളിലാണ് പ്രവേശനം.  രണ്ടുമാസമാണ് കാലാവധി. ഫോണ്‍:9745479354.

വൈദ്യുതി മുടങ്ങും

പഴയങ്ങാടി ഇലക്ട്രിക്കല്‍ സെക്ഷന്‍ പരിധിയില്‍ മണ്ടൂര്‍, കോക്കാട്, ചുമടുതാങ്ങി, ബൈപാസ് റോഡ്, പീരക്കാംതടം, കക്കോണി, പുത്തൂര്‍ ഭാഗങ്ങളില്‍ നാളെ(ഏപ്രില്‍ 27) രാവിലെ 9.30 മുതല്‍ വൈകീട്ട് 5.30 വരെ വൈദ്യുതി മുടങ്ങും.

പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി അധ്യാപകരുടെ ശേഷി വികസിപ്പിക്കുന്നതിനും  സ്‌കൂള്‍തല അക്കാദമിക ആസൂത്രണത്തിനുമായി അവധിക്കാല അധ്യാപക പരിശീലനത്തിന് ജില്ലയിലെ ഒരുക്കങ്ങള്‍ മുന്നേറുന്നു.  പ്രൈമറി

അധ്യാപകര്‍ക്ക് എട്ടുദിവസത്തെ പരിശീലനമാണ് നടക്കുക. നാല് ദിവസത്തെ

അക്കാദമിക പരിശീലനവും ഐസിടി പരിശീലനവുമാണ് നടത്തുന്നത്. ഐ സി ടി പരിശീലനത്തിനുള്ള ഡി ആര്‍ ജി ശില്‍പശാല കൈറ്റിന്റെ നേതൃത്വത്തില്‍ തളിപ്പറമ്പ്,

/കൂത്തുപറമ്പ്, കണ്ണൂര്‍ കേന്ദ്രങ്ങളില്‍ നടന്നു. ഐസിടി അധ്യാപക പരിശീലനവും

എല്‍ പി, യുപി അധ്യാപകരുടെ അക്കാദമിക പരിശീലനത്തിനുള്ള ഡിആര്‍ജി

കൊച്ചി: സംസ്ഥാന ഇലക്ട്രിക്കല്‍ ഇന്‍സ്‌പെക്ടറേറ്റ് വകുപ്പ് സംഘടിപ്പിക്കുന്ന വൈദ്യുത സുരക്ഷാ വാരം മെയ് 1 മുതല്‍ 7 വരെ നടക്കും. പരിപാടികളുടെ ജില്ലാ തല ഉദ്ഘാടനം മെയ് 2ന് ഉച്ചക്ക് 2 ന് ജില്ലാ കളക്ടര്‍ മുഹമ്മദ്.വൈ.സഫിറുള്ള നിര്‍വഹിക്കും. കളക്ട്രേറ്റ് കോണ്‍ഫറന്‍സ് ഹാളില്‍ നടക്കുന്ന ചടങ്ങില്‍ ഡപ്യൂട്ടി ചീഫ് ഇലക്ട്രിക്കല്‍ ഇന്‍സ്‌പെക്ടര്‍ വി.കെ സാഗര്‍ അധ്യക്ഷത വഹിക്കും. വൈദ്യുത സുരക്ഷാ നടപടികള്‍ പാലിക്കുക, വൈദ്യുത അപകടം കുറക്കുക എന്ന മുദ്രാവാക്യവുമായി എല്ലാ വര്‍ഷവും മെയ് 1 മുതല്‍ 7 വരെയാണ് രാജ്യ വ്യാപകമായി വൈദ്യുത സുരക്ഷാ വാരം സംഘടിപ്പിക്കുന്നത്.

കൊച്ചി : ഹരിത കേരളം മിഷന്റെ ഭാഗമായി സമഗ്ര ശുചിത്വ മാലിന്യ സംസ്‌ക്കരണ പദ്ധതിയില്‍ ഉള്‍പ്പെടുത്തി തദ്ദേശസ്വയംഭരണ സ്ഥാപനങ്ങള്‍ നടപ്പാക്കിയ മാലിന്യ സംസ്‌ക്കരണ ഉപാധികളെക്കുറിച്ച് പഠിക്കാനും മാലിന്യം വേര്‍തിരിച്ച് സൂക്ഷിക്കേണ്ടതിന്റെ പ്രാധാന്യം പുതുതലമുറയെ ബോധ്യപ്പെടുത്താനുമായി വാര്‍ഡുതലത്തില്‍ ദ്വിദിന ക്യാമ്പ് സംഘടിപ്പിക്കുന്നു. ഹരിതകേരളം മിഷന്‍, കില, കുടുംബശ്രീ മിഷന്‍, ശുചിത്വ മിഷന്‍, ആരോഗ്യവകുപ്പ്, എന്നിവര്‍ സംയുക്തമായി മെയ് 11 മുതല്‍ 20 വരെ എല്ലാ വാര്‍ഡുകളിലും ക്യാമ്പ് നടത്തും. 

യൂണിവേഴ്‌സിറ്റി അസിസ്റ്റന്റ് പരീക്ഷാ പരിശീലനം