ഇന്ത്യന്‍ മഹാസമുദ്രത്തിന്റെ ഭൂമധ്യരേഖാ പ്രദേശത്തും അതിനോട്  ചേര്‍ന്നുള്ള  തെക്കു  പടിഞ്ഞാറന്‍  ബംഗാള്‍  ഉള്‍ക്കടലിലും ശ്രീലങ്കയുടെ തെക്കുകിഴക്കുമായി 25 ഏപ്രില്‍  യോട് കൂടി  ഒരു  ന്യൂനമര്‍ദ്ദം രൂപംകൊണ്ടു വരുന്നതായി കേന്ദ്ര കാലാവസ്ഥാനിരീക്ഷണ കേന്ദ്രം അറിയിച്ചു.

ലോക്‌സഭാ തെരഞ്ഞെടുപ്പിനുള്ള വോട്ടിങ് യന്ത്രങ്ങളും മറ്റ് പോളിങ് സാമഗ്രികളും വിതരണം ചെയ്തു. ജില്ലയിലെ പത്ത് കേന്ദ്രങ്ങളില്‍ നിന്നായാണ് 16 മണ്ഡലങ്ങളിലേക്കുള്ള സാമഗ്രികള്‍ വിതരണം ചെയ്തത്. അതത് നിയോജക മണ്ഡലങ്ങളുടെ ചുമതലയുള്ള ഉപവരണാധികാരികളുടെ നേതൃത്വത്തിലാണ് പോളിങ് സാമഗ്രികള്‍ വിതരണം ചെയ്തത്. തെരഞ്ഞെടുപ്പ് ചുമതലയുള്ള ജീവനക്കാര്‍ നേരത്തേ വിതരണ കേന്ദ്രങ്ങളില്‍ നിന്നും സാമഗ്രികള്‍ ഏറ്റുവാങ്ങി പോലീസ് സുരക്ഷയോടെ പ്രത്യേകം നിശ്ചയിച്ച വാഹനങ്ങളിലാണ് അതതു ബൂത്തുകളിലേക്കു പോയത്.

കോഴിക്കോട്-പാലക്കാട് ദേശീയപാതയില്‍ കൊട്ടപ്പുറം-കാക്കഞ്ചേരി  ജങ്ഷനില്‍ ഓവു പാലം പുതുക്കി  പണിയുന്നതിനാല്‍ ഏപ്രില്‍ 24 മുതല്‍ പ്രവൃത്തി തീരുന്നതു വരെ വാഹന ഗതാഗതം തടസ്സപ്പെടും. കൊട്ടപ്പുറം- പള്ളിക്കല്‍ -കാക്കഞ്ചേരി റൂട്ടിലാണ് ഗതാഗത തടസ്സമുണ്ടാവുക.  വാഹനങ്ങള്‍ രാമനാട്ടുകര വഴി തിരിഞ്ഞുപോകണം.
യൂനിവേഴ്‌സിറ്റി-പറമ്പില്‍ പീടിക റോഡില്‍  റോഡുപണി നടക്കുന്നതിനാല്‍ വാഹന ഗതാഗതം ഏപ്രില്‍ 25 മുതല്‍ പ്രവൃത്തി അവസാനിക്കുന്നതുവരെ നിരോധിച്ചിരിക്കുന്നു. വാഹനങ്ങള്‍ ചേളാരി-ഒളകര-പെരുവള്ളൂര്‍ റോഡ് വഴി തിരിഞ്ഞ് പോകണം.

വോട്ടിങ്  അവസാനിപ്പിക്കുന്നത് പ്രിസൈഡിങ്  ഓഫീസറാണ്. വോട്ടിങ്ങ് സമയം അവസാനിപ്പിക്കുമ്പോള്‍ നിരയില്‍ അവശേഷിക്കുന്നയാളുകള്‍ക്ക് ടോക്കണ്‍ നല്‍കും. അവര്‍ക്ക് വോട്ടുചെയ്യാം. ശേഷം വരുന്നവര്‍ക്ക് വോട്ട് രേഖപ്പെടുത്താനാകില്ല. വോട്ടിങ്ങിനുള്ള സമയം അവസാനിക്കുന്നതോടെ പോളിങ്ങ് സ്റ്റേഷന്റെ ഗേറ്റ് പോലീസ് അടയ്ക്കും. പോളിങ്ങ് അവസാനിച്ച ശേഷം പ്രിസൈഡിങ്ങ് ഓഫീസര്‍ യന്ത്രത്തില്‍ ക്ലോസ് ബട്ടണ്‍ അമര്‍ത്തുന്നതോടെ പോളിങ്ങ് അവസാനിക്കും.

സമ്മതിദായകര്‍, പോളിങ് ഉദ്യോഗസ്ഥര്‍, സ്ഥാനാര്‍ത്ഥി, സ്ഥാനാര്‍ത്ഥിയുടെ ഏജന്റ്, പോളിങ് ഏജന്റ്, തെരഞ്ഞെടുപ്പ് കമ്മീഷന്‍ നിയോഗിച്ച ഉദ്യോഗസ്ഥര്‍, തെരഞ്ഞെടുപ്പ് ജോലിയില്‍ ഏര്‍പ്പെട്ടിട്ടുള്ള ജീവനക്കാര്‍, കൈക്കുഞ്ഞ്, കാഴ്ചയില്ലാത്തതോ പരസഹായം ആവശ്യമുള്ളതോ ആയ സമ്മതിദായകരുടെ സഹായികള്‍ എന്നിവര്‍ക്ക് മാത്രമാണ് തെരഞ്ഞെടുപ്പ് ദിവസം പോളിങ്  ബൂത്തിലേക്കുള്ള പ്രവേശനം.

1. പോളിങ് ബൂത്തില്‍ പ്രവേശിക്കുക
വോട്ട് ചെയ്യുന്നതിനായി സജ്ജീകരിച്ച കാംപാര്‍ട്ട്‌മെന്റിനുള്ളില്‍ വോട്ടര്‍ പ്രവേശിക്കുമ്പോള്‍ പ്രിസൈഡിങ് ഓഫീസര്‍ ബാലറ്റ് യൂനിറ്റ് വോട്ട് ചെയ്യുന്നതിനായി സജ്ജമാക്കും.
2.വോട്ട് രേഖപ്പെടുത്തുക
ബാലറ്റ് യൂനിറ്റില്‍ വോട്ട് ചെയ്യാനുദ്ദേശിക്കുന്ന സ്ഥാനാര്‍ത്ഥിയുടെ പേരിന് /ചിഹ്നത്തിന് നേരെയുള്ള നീല ബട്ടണ്‍ അമര്‍ത്തുക.
3.ലൈറ്റ് ശ്രദ്ധിക്കുക
വോട്ട് ചെയ്ത സ്ഥാനാര്‍ത്ഥിയുടെ പേര്/ ചിഹ്നത്തിന് നേരെയുള്ള ചുവന്ന ലൈറ്റ് പ്രകാശിക്കുന്നതായി കാണാം.
4.പ്രിന്റ് ശ്രദ്ധിക്കുക

അന്ധനോ അവശനോ ആയ ആളിന് സ്വന്തമായി വോട്ടുചെയ്യാന്‍ കഴിയില്ലായെന്ന് പ്രിസൈഡിങ് ഓഫീസര്‍ക്ക് ബോധ്യപ്പെടുകയാണെങ്കില്‍ വോട്ടര്‍ കൊണ്ടു വരുന്ന സഹായിയെ  അനുവദിക്കും. ഇതിനായി സഹായിയുടെ ഡിക്ലറഷന്‍ എഴുതി വാങ്ങും.