ജൂണില്‍ നടക്കുന്ന യൂനിവേഴ്‌സിറ്റി അസിസ്റ്റന്റ് തസ്തികക്കായുള്ള പി.എസ്.സി പരീക്ഷയ്ക്ക് തയ്യാറാകുന്നവര്‍ക്കായി ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ ആഭിമുഖ്യത്തില്‍ ഒരു മാസത്തെ സൗജന്യ പരിശീലനം സംഘടിപ്പിക്കുന്നു.  ക്ലാസ് മെയ് ആറിന് തുടങ്ങും.  ഫോണ്‍ 9388498696.

      ഇന്ത്യന്‍ മഹാ സമുദ്രത്തിന്റെ ഭൂമധ്യരേഖാ പ്രദേശത്ത് രൂപം കൊണ്ടിരുന്ന അതിതീവ്ര ന്യൂനമര്‍ദം അടുത്ത ആറ് മണിക്കൂറില്‍ (ഇന്ത്യന്‍ സമയം വൈകീട്ട് 5.30 നോട് കൂടി) ഒരു ചുഴലിക്കാറ്റായി മാറുകയും അത് തമിഴ്‌നാട്-ആന്ധ്ര തീരത്തെ ലക്ഷ്യമാക്കി ബംഗാള്‍ ഉള്‍ക്കടലിലൂടെ മുന്നേറുകയും ചെയ്യുമെന്ന് കേന്ദ്ര കാലാവസ്ഥ കേന്ദ്രം അറിയിച്ചു. പിന്നീടുള്ള 24 മണിക്കൂറില്‍ ഒരു തീവ്ര ചുഴലിക്കാറ്റായി മാറി ഏപ്രില്‍ 30 നോട് കൂടി അതിതീവ്ര ചുഴലിക്കാറ്റായി ഏപ്രില്‍ 30 ന് തമിഴ്‌നാട്-ആന്ധ്ര തീരത്തോട് അടുത്ത് എത്താനുള്ള സാധ്യതയും പ്രവചിക്കപ്പെട്ടിരിക്കുന്നു.

ഐ.എച്ച്. ആര്‍. ഡി.യുടെ കീഴിലുള്ള പെരിന്തല്‍മണ്ണ ടെക്‌നിക്കല്‍ ഹയര്‍ സെക്കന്റണ്‍ണ്‍റി സ്‌ക്കൂളില്‍ ഇംഗ്ലീഷ് മീഡിയം എട്ട്, ഒമ്പത് ക്ലാസുകളിലേക്കുള്ള പ്രവേശനത്തിന് മെയ് മൂന്ന് വരെ അപേക്ഷിക്കാം. അപേക്ഷാ ഫോമും വിശദ വിവരങ്ങളും www.ihrd.ac.in ലും സ്‌ക്കൂളില്‍  നിന്നും ലഭിക്കക്കും.  ഫോണ്‍ 04933  225086, 85470 21210

ചേളാരി - പരപ്പനങ്ങാടി റോഡില്‍ (ചേളാരി മുതല്‍ ചെട്ടിപ്പടി വരെ) റോഡ്പണി നടക്കുന്നതിനാല്‍ ഇതിലൂടെയുള്ള വാഹന ഗതാഗതം  ഏപ്രില്‍ 30 മുതല്‍  നിരോധിച്ചു.  വാഹനങ്ങള്‍ തലപ്പാറ - ചെമ്മാട് വഴിയോ കടലുണ്ടി - ചെട്ടിയാര്‍മാട് വഴിയോ പോകണം.
കൊടക്കല്‍ - ആലത്തിയൂര്‍ റോഡില്‍ പ്രവൃത്തി നടക്കുന്നതിനാല്‍ ഇതിലൂടെ യുള്ള വാഹന ഗതാഗതം  ഇന്ന് (ഏപ്രില്‍ 28) മുതല്‍ നിരോധിച്ചു. വാഹനങ്ങള്‍ക്ക്  ബി.പി. അങ്ങാടി - കുറ്റിപ്പുറം, തിരൂര്‍ - ചമ്രവട്ടം, വഴി പോകണം.

        ആരോഗ്യ വകുപ്പിന്റെ നേതൃത്വത്തില്‍ ഏപ്രില്‍ 25 ലോക മലമ്പനി ദിനാചരണത്തോടനുബന്ധിച്ച് എപ്രില്‍ 30-ന് മലമ്പനി ബോധവല്‍ക്കരണ സെമിനാര്‍ സംഘടിപ്പിക്കും. പ്ലാനിങ് സെക്രട്ടറിയേറ്റ് സെമിനാര്‍ ഹാളില്‍ രാവിലെ ഒന്‍പതിനാണ് സെമിനാര്‍.

കനത്ത മഴയും കാറ്റും മൂലം ജില്ലയിലുണ്ടായത് 4.42 കോടിയുടെ കാര്‍ഷിക നഷ്ടം. ഏപ്രില്‍ 17 മുതല്‍ 27 വരെയുള്ള കണക്കാണിത്. വരള്‍ച്ച മൂലം ജില്ലയിലുണ്ടായ 1.70 കോടിയുടെ നഷ്ടത്തിന് പുറമെയാണിത്. വാഴ കര്‍ഷകര്‍ക്കാണ് കൂടുതല്‍ നഷ്ടമുണ്ടായത്. 196440 വാഴയാണ് കാറ്റില്‍ നശിച്ചത്. ഇതിലൂടെ മാത്രം 3.62 കോടിയുടെ നഷ്ടമാണ് സംഭവിച്ചത്. ജില്ലയില്‍ ആകെ 1701 കര്‍ഷകര്‍ക്ക് നഷ്ടമുണ്ടായി. ഇതില്‍ 1170 പേരും വാഴ കൃഷി ചെയ്യുന്നവരാണ്. 115.98 ഹെക്ടറിലാണ് മഴ നാശം വിതച്ചത്.

ആലപ്പുഴ: ജില്ലാ മെഡിക്കൽ ഓഫീസിന്റെയും ആരോഗ്യ കേരളം പദ്ധതിയുടെയും ഭാഗമായി ജില്ലയിൽ നടപ്പാക്കുന്ന കുഷ്ഠരോഗ നിർണയ പ്രചാരണ പരിപാടി അശ്വമേധത്തിന്റെ ജില്ലാ തല ഉദ്ഘാടനം ഏപ്രിൽ 29ന് നടക്കും. നൂറനാട് ലെപ്രസി സാനട്ടോറിയത്തിൽ രാവിലെ 10 മണിക്ക് ജില്ലാ കളക്ടർ എസ്.സുഹാസ് ഉദ്ഘാടനം നിർവഹിക്കും. ജില്ലാ മെഡിക്കൽ ഓഫീസർ ഡോ.എൽ.അനിതകുമാരി അധ്യക്ഷത വഹിക്കും. തോപ്പിൽ ഭാസിയുടെ മകൻ തോപ്പിൽ സോമൻ അശ്വമേധം നാടകത്തിന്റെ ഓർമ്മകൾ പങ്ക് വയ്ക്കും. ആരോഗ്യ കേരളം ഡി.പി.എം. കെ.ആർ.രാധാകൃഷ്ണൻ ആദരിക്കൽ ചടങ്ങ് നടത്തും.

ആലപ്പുഴ: ചില സാങ്കേതിക കാരണങ്ങളാൽ ഏപ്രിൽ 29ന് വിമുക്തഭട എംപ്ലോയ്‌മെന്റ് രജിസ്‌ട്രേഷൻ ഉണ്ടായിരിക്കില്ലെന്ന് ജില്ലാ സൈനിക ക്ഷേമ ഓഫീസർ അറിയിച്ചു.

ആലപ്പുഴ:2018-19 ൽ പ്രധാനമന്ത്രിയുടെ സ്‌കോളർഷിപ്പിന് വേണ്ടി ഏതെങ്കിലും കാരണവശാൽ അപേക്ഷിക്കാൻ സാധിക്കാത്തവരും അപേക്ഷകൾ സാങ്കേതിക തകരാർ മൂലം നിരസിക്കപ്പെട്ടവർക്കും മെയ് അഞ്ച് വരെ വീണ്ടും അപേക്ഷിക്കാം. ഇതുമായി ബന്ധപ്പെട്ട സംശയങ്ങൾക്ക് ജില്ലാ സൈനിക ക്ഷേമ ഓഫീസുമായി ബന്ധപ്പെടാം. ഫോൺ: 04772245673.