ചെങ്ങന്നൂർ : കൊയ്ത്തു പാട്ടിന്റെയും, ആർപ്പുവിളികളുടേയും അകമ്പടിയോടെ  വെണ്മണി മാമ്പ്രപാടത്തെ കൊയ്ത്ത് ഉത്സവം. കർഷകരേയും, പാടശേഖര ഭരവാഹികളേയും, കൃഷി വകുപ്പ് ഉദ്യോഗസ്ഥരെയും , ജനപ്രതിനിധികളെയും സാക്ഷി നിർത്തി ഒരു നാടിന്റെ ഐക്യം വിളിച്ചോതുന്നതായിരുന്നു കൊയ്ത്തുൽസവം.  പ്രളയം തകർത്ത പച്ചക്കറി വിളവിലെ നഷ്ടം നെൽകൃഷിയിലൂടെ തിരിച്ചു പിടിക്കാമെന്ന് കർഷകർ തെളിയിച്ചു. 

ആലപ്പുഴ :കുട്ടനാട്ടിലെ പ്രളയബാധിത മേഖലയിലെ ജനങ്ങൾക്ക് വേഗത്തിൽ ആതുര സേവനം ലഭ്യമാക്കുക എന്ന ലക്ഷ്യത്തോടെ ആരോഗ്യവകുപ്പും ദേശീയ ആരോഗ്യ ദൗത്യവും ചേർന്ന് പുതുതായി ആരംഭിച്ച ഫ്ളോട്ടിങ് ഡിസ്പെൻസറി ആരോഗ്യമന്ത്രി കെ .കെ ശൈലജ ഫ്‌ളാഗ് ഓഫ് ചെയ്തു. മാത ജെട്ടിയിൽ നടന്ന ചടങ്ങിൽ ജില്ല മെഡിക്കൽ ഓഫീസർ എൽ.അനിതകുമാരി, എൻ.എച്ച്.എം ജില്ല പ്രോജക്ട് മാനേജർ രാധാകൃഷ്ണൻ എന്നിവർ പങ്കെടുത്തു .ഡിസ്പെൻസറിയിൽ ഒരു ഡോക്ടർ , നഴ്സ്, ഫാർമസിസ്റ് എന്നിവരുടെ സേവനം ലഭിക്കും .ഓരോ പ്രദേശത്തും നിശ്ചിതസമയത്ത് ഒ.പി സൗകര്യം ലഭിക്കും.

ആലപ്പുഴ: ജില്ലയിൽ തദ്ദേശ സ്വയംഭരണ സ്ഥാപനങ്ങളിലെ ഒഴിവുവന്ന വാർഡുകളിലേക്ക് വ്യാഴാഴ്ച നടന്ന തിരഞ്ഞെടുപ്പിലെ പോളിങ് ശതമാനം ചുവടെ.

ആലപ്പുഴ നഗരസഭ ജില്ലാ കോടതി വാർഡ് (15): പോളിങ് ശതമാനം- 78.9, ആകെ വോട്ടർമാർ -1829, ആകെ പോൾ ചെയ്തത് -1443.

കായംകുളം  നഗരസഭ എരുവ വാർഡ് (12): പോളിങ് ശതമാനം- 78.27, ആകെ വോട്ടർമാർ -1427, ആകെ പോൾ ചെയ്തത് -1117.

കൈനകരി ഗ്രാമപഞ്ചായത്ത് ഭജനമഠം  വാർഡ് (05): പോളിങ് ശതമാനം- 86.19, ആകെ വോട്ടർമാർ -1079, ആകെ പോൾ ചെയ്തത് -930.

കരുവാറ്റ ഗ്രാമപഞ്ചായത്ത് നാരായണ വിലാസം വാർഡ് (12): പോളിങ് ശതമാനം- 86.63, ആകെ വോട്ടർമാർ -905, ആകെ പോൾ ചെയ്തത് -784. 

ആലപ്പുഴ: സംസ്ഥാന സർക്കാരിന്റെ ആർദ്രം ദൗത്യത്തിന്റെ ഭാഗമായി പുതുതായി 40 പ്രാഥമികാരോഗ്യ കേന്ദ്രങ്ങൾ കൂടി കുടുംബാരോഗ്യ കേന്ദ്രങ്ങളാക്കാൻ തീരുമാനിച്ചതായി  ആരോഗ്യ-കുടുംബക്ഷേമ മന്ത്രി കെ. കെ. ശൈലജ ടീച്ചർ പറഞ്ഞു. പുതിയ തീരുമാനത്തിന്റെ പശ്ചാത്തലത്തിൽ ഉദ്യോഗസ്ഥരുടെയും തദ്ദേശസ്വയംഭരണ സ്ഥാപന പ്രതിനിധികളുടെയും സെക്രട്ടറിമാരുടെയും കളക്ടറേറ്റിൽ ചേർന്ന യോഗത്തിൽ സംസാരിക്കുകയായിരുന്നു മന്ത്രി. 

കഞ്ഞിക്കുഴി  : കുടുംബാരോഗ്യ കേന്ദ്രങ്ങളിൽ എല്ലാതരത്തിലുമുള്ള സൗഹാർദ അന്തരീക്ഷം ഉണ്ടാകണം.  എങ്കിൽ മാത്രമേ സർക്കാരിന്റെ സംരംഭങ്ങൾ വിജയം കാണുകയുള്ളുവെന്നു ആരോഗ്യ - കുടുംബക്ഷേമ വകുപ്പ് മന്ത്രി കെ. കെ.ശൈലജ പറഞ്ഞു. കഞ്ഞിക്കുഴി ഗ്രാമ പഞ്ചായത്ത് പ്രാഥമികാരോഗ്യ കേന്ദ്രം കുടുംബാരോഗ്യ കേന്ദ്രമായി ഉയർത്തിയതിന്റെ  ഉദ്ഘാടനം നിർവഹിച്ചു സംസാരിക്കുകയായിരുന്നു മന്ത്രി.
ആശുപത്രിയിൽ ഒരുക്കിയ സൗകര്യങ്ങളെ കുറിച്ച് മന്ത്രി   ഉദ്യോഗസ്ഥരോട്  അന്വേഷിക്കുകയും  നിർദ്ദേശം നൽകുകയും ചെയ്തു. 

ഗതാഗത മന്ത്രി എ.കെ ശശീന്ദ്രന്‍ ഫെബ്രുവരി 16 ന് ജില്ലയില്‍ വിവിധ പരിപാടികളില്‍ പങ്കെടുക്കും.

ആറ്റുകാൽ പൊങ്കാല മഹോത്സവുമായി ബന്ധപ്പെട്ട് നാലു മേഖലകളായി തിരിച്ച് വിപുലമായ ഒരുക്കങ്ങളുമായി അഗ്നിസുരക്ഷാ വകുപ്പ്. ആറ്റുകാൽ, കിഴക്കേക്കോട്ട, തമ്പാനൂർ, സ്റ്റാച്യൂ എന്നിങ്ങനെ തിരിച്ചാണ് ക്രമീകരണങ്ങൾ ഒരുക്കുന്നത്. 

2018ലെ കേരള സംസ്ഥാന ചലച്ചിത്ര അവാർഡ് നിർണയത്തിനുള്ള ജൂറി രൂപീകരിച്ച് ഉത്തരവായി. കുമാർ സാഹ്നി സിനിമാവിഭാഗം ജൂറി ചെയർമാനും, ഡോ. പി.കെ. പോക്കർ രചനാവിഭാഗം ജൂറി ചെയർമാനുമാണ്. 

ഷെറി ഗോവിന്ദൻ, ജോർജ് ജോസഫ് (ജോർജ് കിത്തു), കെ.ജി. ജയൻ, മോഹൻദാസ്, വിജയകൃഷ്ണൻ, ബിജു സുകുമാരൻ, പി.ജെ. ഇഗ്‌നേഷ്യസ് (ബേണി ഇഗ്‌നേഷ്യസ്), നവ്യ നായർ എന്നിവരാണ് സിനിമാ വിഭാഗം അംഗങ്ങൾ.

ഡോ. ജിനേഷ് കുമാർ എരമോം, സരിത വർമ്മ എന്നിവരാണ് രചനാവിഭാഗം അംഗങ്ങൾ. ഇരുവിഭാഗങ്ങളിലും സംസ്ഥാന ചലച്ചിത്ര അക്കാദമി സെക്രട്ടറി മഹേഷ് പഞ്ചു മെമ്പർ സെക്രട്ടറിയാണ്.

പി.എൻ.എക്സ്. 576/19

മെഡിക്കൽ വിദ്യാഭ്യാസ വകുപ്പ് നടത്തുന്ന ഡിഫാം പാർട്ട് രണ്ട് (റഗുലർ) പരീക്ഷ സംസ്ഥാനത്തെ വിവിധ ഫാർമസി കോളേജുകളിൽ മാർച്ച് 27 മുതൽ നടത്തും.  പരീക്ഷയ്ക്ക് രജിസ്റ്റർ ചെയ്യേണ്ട അപേക്ഷകർ ഫീസടച്ച് പൂരിപ്പിച്ച അപേക്ഷകൾ ഫെബ്രുവരി 25ന് മുമ്പ് ബന്ധപ്പെട്ട കോളേജുകളിൽ സമർപ്പിക്കണം.  അതാത് കോളേജുകളിൽ നിന്നുള്ള അപേക്ഷകൾ 28ന് മുമ്പ് ചെയർപേഴ്‌സൺ, ബോർഡ് ഓഫ് ഡി.ഫാം എക്‌സാമിനേഴ്‌സ്, തിരുവനന്തപുരം- 11 എന്ന വിലാസത്തിൽ അയക്കണം.  വിശദവിവരങ്ങൾwww.dme.kerala.gov.in ലും വിവിധ ഫാർമസി കോളേജുകളിലും ലഭിക്കും.

പി.എൻ.എക്സ്. 575/19