അംഗീകൃത സർവകലാശാലകളിൽ നിന്നും ബിരുദാനന്തര ബിരുദം/എംഫിൽ/പി.എച്ച്ഡി കഴിഞ്ഞ വർഷം പൂർത്തീകരിച്ച അല്ലെങ്കിൽ നിലവിൽ രജിസ്റ്റർ ചെയ്തിട്ടുള്ള വിദ്യാർത്ഥികളിൽ നിന്നും 2019-2020 വർഷത്തേയ്ക്ക് ഇന്റേൺഷിപ്പിന് കേരള സംസ്ഥാന ആസൂത്രണ ബോർഡ് അപേക്ഷ ക്ഷണിച്ചു. വിശദ വിവരങ്ങളും അപേക്ഷ ഫോറവും  http://spb.kerala.gov.in എന്ന വെബ്‌സൈറ്റിൽ ലഭ്യമാണ്.

പി.എൻ.എക്സ്. 1190/19

കേരള പബ്ലിക് സർവീസ് കമ്മീഷൻ ജൂണിൽ നടത്തുന്ന യൂണിവേഴ്‌സിറ്റി അസിസ്റ്റന്റ് പരീക്ഷയ്ക്ക് തയ്യാറെടുക്കുന്ന ഉദ്യോഗാർത്ഥികൾക്കായി തിരുവനന്തപുരം ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ ആഭിമുഖ്യത്തിൽ 30 ദിവസത്തെ സൗജന്യ പരിശീലന പരിപാടി സംഘടിപ്പിക്കുന്നു. പങ്കെടുക്കുവാൻ താല്പര്യമുള്ളവർ തിരുവനന്തപുരം ജില്ലാ എംപ്ലോയ്‌മെന്റ് ഓഫീസിലെ വൊക്കേഷണൽ ഗൈഡൻസ് യൂണിറ്റുമായി ബന്ധപ്പെടണം. ഫോൺ: 8281075156.

പി.എൻ.എക്സ്. 1189/19

പാലക്കാട് വ്യാവസായിക ട്രൈബ്യൂണലും, ഇൻഷുറൻസ് കോടതി ജഡ്ജിയും, എംപ്ലോയീസ് കോമ്പൻസേഷൻ കമ്മീഷണറുമായ സാബു സെബാസ്റ്റ്യൻ മേയ് 6, 7 ,13, 14, 20, 21, 27, 28 തിയതികളിൽ പാലക്കാട് പി.ഡബ്ല്യൂ.ഡി. റസ്റ്റ് ഹൗസ് ഹാളിലും 3, 9 തിയതികളിൽ പെരിന്തൽമണ്ണ സബ്ബ് ഡിവിഷണൽ മജിസ്‌ട്രേറ്റ് കോടതി ഹാളിലും 17, 24 തിയതികളിൽ മഞ്ചേരി ഇന്ദിരാഗാന്ധി ബസ് ടെർമിനൽ ബിൽഡിംഗിലെ ഒന്നാം നിലയിലെ കോടതി ഹാളിലും 31ന് തിരൂർ സബ്ബ് കളക്ടറുടെ കാര്യാലയത്തിലെ രണ്ടാം നിലയിലെ കോർട്ട് ഹാളിലും തൊഴിൽ തർക്ക കേസ്സുകളും ഇൻഷുറൻസ് കേസ്സുകളും എംപ്ലോയീസ് കോമ്പൻസേഷൻ കേസ്സുകളും വിചാരണ ചെയ്യും.  

പി.എൻ.എക്സ്. 1188/19

കേരള  സർക്കാരിന്റെ നിയന്ത്രണത്തിലുള്ള എൽ.ബി.എസ് സെന്റർ ഫോർ സയൻസ് ആന്റ് ടെക്‌നോളജിയുടെ തിരുവനന്തപുരം കേന്ദ്രത്തിൽ ആരംഭിക്കുന്ന രണ്ടാമത്തെ ബാച്ച് അവധിക്കാല കോഴ്‌സുകളായ ഡി.ഇ&ഒ.എ (പത്താം ക്ലാസും മുകളിലും), സി++ (എട്ടാം ക്ലാസ് വിജയവും മുകളിലും), ജാവ (എട്ടാം ക്ലാസ് വിജയവും മുകളിലും), ടാലി (+2 കൊമേഴ്‌സ്/ബികോമും മുകളിലും), ഹാർഡ്‌വെയർ, ഇന്റർനെറ്റ് ആന്റ് വെബ് ടെക്‌നോളജി കോഴ്‌സുകളിൽ അപേക്ഷിക്കാം. കൂടുതൽ വിവരങ്ങൾക്ക്: 8547141406, 0471-2560332.

പി.എൻ.എക്സ്. 1187/19

ഓമല്ലൂര്‍ ഗ്രാമപഞ്ചായത്ത് പരിധിയില്‍ ജീവനും സ്വത്തിനും ഭീഷണിയായി വാസഗ്യഹങ്ങള്‍, സ്‌കൂളുകള്‍, സര്‍ക്കാര്‍ ഓഫീസുകള്‍, മറ്റ് സ്ഥാപനങ്ങള്‍ എന്നിവയ്ക്ക് സമീപം നില്‍ക്കുന്ന വ്യക്ഷങ്ങള്‍ ഉടമസ്ഥര്‍  അടിയന്തിരമായി മുറിച്ച് മാറ്റുകയോ കെട്ടി ഉറപ്പിക്കുകയോ  ചെയ്യണമെന്ന് ഗ്രാമപഞ്ചായത്ത് സെക്രട്ടറി അറിയിച്ചു.

        (പിഎന്‍പി 1053/19)

കൊച്ചി: നവാഗത അധ്യാപകരില്‍ ഗവേഷണം പ്രോത്സാഹിപ്പിക്കുന്നതിന് കൊച്ചി സര്‍വകലാശാല നല്‍കുന്ന സീഡ് മണി ഉപയോഗിച്ച് ക്യാന്‍സര്‍ രോഗികകളെ സഹായിക്കുന്നതിന്  കുസാറ്റ് മാനേജ്‌മെന്റ് സ്റ്റഡീസിലെ അധ്യാപകന്‍ ഡോ. മനു മെല്‍വിന്‍ ജോയ് വികസിപ്പിച്ചെടുക്കുന്ന 'ഐ കാന്‍' ആപ്പിന്റെ ലേഗോ പ്രകാശനം ചെയ്തു. മരട് ശ്രീപൂര്‍ണ ഓഡിറ്റോറിയത്തില്‍ കൊച്ചിന്‍ ക്യാന്‍സര്‍ സൊസൈറ്റി സംഘടിപ്പിച്ച ക്യാന്‍സര്‍ രോഗബാധിതരായ കുട്ടികളുടെ കൂട്ടായ്മയില്‍ (കളിക്കൂട്ടം 2019) ഡോ. വി പി  ഗംഗാധരനും, നടനും സംവീധായകനുമായ സിദ്ധാര്‍ത്ഥ് ശിവയും ചേര്‍ന്ന് ഡോ. മനു മെല്‍വിന്‍ ജോയ്ക്ക് ലോഗോ കൈമാറി.  

കോഴിക്കോട് ജില്ലയിലെ വിദ്യാഭ്യാസ വകുപ്പില്‍  പാര്‍ട്ട് ടൈം ജൂനിയര്‍ ലാംഗ്വേജ് ടീച്ചര്‍ (ഹിന്ദി) (കാറ്റഗറി നം. 231/2016) തസ്തികയുടെ ഏപ്രില്‍ 24 ന് നിലവില്‍ വന്ന ചുരുക്കപ്പട്ടിക   പി.എസ്.സി പ്രസിദ്ധീകരിച്ചു. ലിസ്റ്റ് ജില്ലാ ഇന്‍ഫര്‍മേഷന്‍ സെന്ററില്‍ പരിശോധനക്ക് ലഭിക്കും.