ഹര്‍ത്താലില്‍ അതിക്രമം നേരിട്ടവര്‍ക്കും സ്വത്തിനും ജീവനും നാശം സംഭവിച്ചവര്‍ക്കും സൗജന്യ നിയമസഹായത്തിന് ജില്ലാ, താലൂക്ക് നിയമസേവന കേന്ദ്രങ്ങളെ സമീപിക്കാമെന്ന് മെമ്പര്‍ സെക്രട്ടറി അറിയിച്ചു. സംസ്ഥാനത്തെ നിയമസേവന കേന്ദ്രങ്ങള്‍ മുഖേന ലോക് അദാലത്തുകളിലൂടെയും 1987ലെ നിയമ സേവന അതോറിറ്റി ആക്ട്, വകുപ്പ് 12നും 13നും വിധേയമായാണ് സൗജന്യ നിയമസഹായം നല്‍കുന്നത്.

പടപ്പാട്ടുകളുടെ വിപ്ലവകാരി പി.കെ മേദിനിയും സംവിധായിക സജിത മഠത്തിലും അതിജീവനം 2019 ല്‍ ഒന്നിച്ചപ്പോള്‍ ഇതള്‍ വിരിഞ്ഞത് മറവിയിലാണ്ടു പോയേക്കാമായിരുന്ന ഒരു കാലഘട്ടമായിരുന്നു. ഇന്‍ഫര്‍മേഷന്‍ ആന്റ് പബ്ലിക് റിലേഷന്‍സ് വകുപ്പിന്റെ നേതൃത്വത്തില്‍ സി.എം.എസ് കോളേജില്‍ നടത്തിയ ഡോക്യുമെന്ററി ഫെസ്റ്റിവലിലാണ് നായികയും സംവിധായികയും ഒന്നിച്ചെത്തിയത്. 'പി.കെ മേദിനി - മാറ്റങ്ങളുടെ പാട്ടുകാരി 'ഒരുമിച്ചിരുന്ന് കണ്ട നായികയും സംവിധായികയും കണ്ണീരണിഞ്ഞു.

  കല മരിക്കുന്നിടത്ത് ഫാസിസം കടന്ന് വരുമെന്ന്  സംവിധായകന്‍ പ്രിയനന്ദനന്‍. സംസ്ഥാന സര്‍ക്കാരിന്റെ 1000 ദിനാഘോഷത്തോടനുബന്ധിച്ച് ഇന്‍ഫര്‍മേഷന്‍ ആന്റ് പബ്ലിക്ക് റിലേഷന്‍സ് വകുപ്പ് സംഘടിപ്പിച്ച അതിജീവനം 2019 ഡോക്യുമെന്ററി ഫെസ്റ്റിവല്‍ സി.എം.എസ് കോളേജില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മനുഷ്യരുടെ കാഴ്ചയും കാഴ്ചപ്പാടും നവീകരിക്കാന്‍ ഡോക്യുമെന്ററികള്‍ സഹായിക്കുമെന്ന് പ്രിയനന്ദനന്‍ പറഞ്ഞു. പ്രതിസന്ധി ഘട്ടങ്ങളില്‍ മനുഷ്യരെ ജീവിക്കാന്‍ പ്രേരിപ്പിക്കുന്ന വലിയൊരു ഘടകം കലയിലുണ്ട്.

മങ്കട ഗവ. കോളേജിലെ 2018-19 വര്‍ഷത്തെ മാഗസില്‍ അച്ചടിച്ച് വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു.  ക്വട്ടേഷന്‍ ഫെബ്രുവരി 15ന് ഉച്ചക്ക് രണ്ടിനകം പ്രിന്‍സിപ്പാള്‍, ഗവ. ആര്‍ട്‌സ് ആന്‍ഡ് സയന്‍സ് കോളേജ് മങ്കട, കൊളത്തൂര്‍ വിലാസത്തില്‍ ലഭിക്കണം.  ഫോണ്‍ 04933 202135.

മലപ്പുറം കേന്ദ്രീയ വിദ്യാലയത്തില്‍ സെക്യൂരിറ്റി സ്റ്റാഫ്, ശുചീകരണ തൊഴിലാളികള്‍, ഡാറ്റാ എന്‍ട്രി ഓപ്പറേറ്റര്‍ എന്നീ ഒഴിവുകളിലേക്ക് വിവിധ രജിസ്‌ട്രേഡ് കമ്പനികളില്‍ നിന്നും ദര്‍ഘാസ് ക്ഷണിച്ചു.  ദര്‍ഘാസ് ഫെബ്രുവരി 25നകം ഓഫീസില്‍ ലഭിക്കണം.  ഫോണ്‍ 0483 2734963.

ഭക്ഷ്യഭദ്രതാ നിയമംസംബന്ധിച്ച്തദ്ദേശസ്ഥാപനങ്ങളിലെ ജനപ്രതിനിധികള്‍ക്ക് പരിശീലനം നല്‍കി. പൊതുവിതരണരംഗം കൂടുതല്‍ ശക്തമാക്കുകയും സുതാര്യ മാക്കുകയും ലക്ഷ്യമിട്ടാണ് പരിശീലനം നല്‍കിയത്. പരിശീലനം എം.ഉമ്മര്‍ എംഎല്‍എഉദ്ഘാടനം ചെയ്തു. റേഷന്‍ കടകളിലെ ഇ പോസ്‌സംവിധാനം, ഭക്ഷ്യഭദ്രതാ നിയമം തുടങ്ങിയവയിലായിരുന്നു പരിശീലനം. മഞ്ചേരി നഗരസഭാ ചെയര്‍പേഴ്സണ്‍ വി.എംസുബൈദ അധ്യക്ഷതവഹിച്ചു. താലൂക്ക് സപ്ലൈ ഓഫീസര്‍കെ.എം ഉദയന്‍, അസി. സപ്ലൈ ഓഫീസര്‍ടി.പി ദിലീപ്കുമാര്‍, റേഷനിങ് ഓഫീസര്‍ സാവിയോ പി ജോര്‍ജ്എന്നിവര്‍സംസാരിച്ചു.