വൈദ്യുത അപകടങ്ങള്‍ പരമാവധി ഒഴിവാക്കുന്നതിനും  പൊതുജനങ്ങളെ ബോധവല്‍ക്കരിക്കുവാനും ജില്ലയില്‍ ഇന്നു മുതല്‍ (മെയ് 1) ഏഴു വരെ  വൈദ്യുത സുരക്ഷാ വാരമായി ആചരിക്കുന്നു.
ഇതിന്റെ ജില്ലാതല ഉല്‍ഘാടനം മെയ് രണ്ടിന് വൈകിട്ട് മൂന്നിന് ജില്ലാ ആസൂത്രണ സമിതി മന്ദിരം മിനി കോണ്‍ഫറന്‍സ് ഹാളില്‍ ജില്ലാ കളക്ടര്‍ അമിത് മീണ  നിര്‍വഹിക്കും. വൈദ്യുതി വകുപ്പ്  ഡെപ്യൂട്ടി ചീഫ് എഞ്ചിനീയര്‍ ടി.യു ശോഭന മുഖ്യ പ്രഭാഷണം നടത്തും.

കുടുംബശ്രീ വഴി നടപ്പാക്കുന്ന ദീന്‍ദയാല്‍ ഉപാധ്യായ ഗ്രാമീണ്‍ കൗശല്യയോജന പദ്ധതിയിലൂടെ സൗജന്യ തൊഴില്‍ പരിശീലനം നല്‍കുന്നതിന്   18-35 നും ഇടയില്‍ പ്രായമുള്ള യുവതീ-യുവാക്കളായ ഉദ്യോഗാര്‍ത്ഥികളെ കണ്ടെത്തുന്നതിനായി പ്രത്യേക മൊബിലൈസേഷന്‍ ക്യാമ്പ് സംഘടിപ്പിക്കുന്നു. ഫിലോട്ടമിയയോട് കൂടിയ ജി.ഡി.ഐ.,മള്‍ട്ടി കുഷ്യന്‍ കുക്ക് എന്നിവയാണ് കോഴ്‌സുകള്‍. യോഗ്യത. ഹയര്‍സെക്കന്‍ഡറി.

ജില്ലാ അക്വാറ്റിക്  അസോസിയേഷന്റെ ആഭിമുഖ്യത്തില്‍ നിലമ്പൂര്‍ പീവീസ് പബ്ലിക് സ്‌കൂളില്‍ നടത്തിയ ജില്ലാ  നീന്തല്‍ ചാമ്പ്യന്‍ഷിപ്പില്‍  95 പോയിന്റ് നേടി പെരിന്തല്‍മണ്ണ  സില്‍വര്‍ മൗണ്ട് ഇന്റര്‍ നാഷണല്‍ സ്‌കൂള്‍, ചാമ്പ്യന്‍മാരായി. 65 പോയന്റ്  നേടി ബെന്‍ഞ്ച്മാര്‍ക്ക് ഇന്റര്‍ നാഷണല്‍ സ്‌കൂള്‍  രണ്ടാം സ്ഥാനവും, 28 പോയിന്റോടുകൂടി മഞ്ചേരി സ്‌പോര്‍ട്‌സ് പ്രമോഷന്‍ അക്കാഡമി മൂന്നാം സ്ഥാനവും കരസ്ഥമാക്കി.
    ജില്ലാ സെക്രട്ടറി വി.പി. സൂധീറിന്റെ അദ്ധ്യക്ഷതയില്‍ നടന്ന സമാപന യോഗത്തില്‍ പീവീസ് ഇന്റര്‍നാഷണല്‍ സ്‌കൂള്‍ അഡ്മിനിസ്‌ട്രേറ്റീവ് ഓഫീസര്‍ വിശ്വനാഥ് ട്രോഫി സമ്മാനിച്ചു.

സംസ്ഥാനത്തെ ഒബിസി വിഭാഗത്തില്‍പ്പെട്ടവരും കുടുംബ വാര്‍ഷിക വരുമാനം ഒരു ലക്ഷം രൂപയില്‍ അധികരിക്കാത്തവരും പരമ്പരാഗതമായി മണ്‍പാത്ര നിര്‍മാണ തൊഴിലില്‍ ഏര്‍പ്പെട്ടിരിക്കുന്നവരുമായ വ്യക്തികള്‍ക്ക് തൊഴില്‍ അഭിവൃദ്ധിക്കായി സംസ്ഥാന പിന്നാക്ക വിഭാഗ വികസന വകുപ്പ്  ധനസഹായ പദ്ധതിയിലേക്ക് അപേക്ഷ ക്ഷണിച്ചു. അപേക്ഷ സമര്‍പ്പിക്കേണ്ട അവസാന തിയതി മെയ് 25.  വിശദ വിവരങ്ങള്‍ www.bcdd,kerala.gov.in ല്‍  ലഭിക്കും.  ഫോണ്‍  0495 2377786.

കെല്‍ട്രോണില്‍ തൊഴിലധിഷ്ഠിത ആനിമേഷന്‍

മള്‍ട്ടീമീഡിയ കോഴ്‌സുകള്‍

കെല്‍ട്രോണിന്റെ തിരുവനന്തപുരത്തുള്ള നോളജ്‌സെന്ററില്‍ ആരംഭിക്കുന്ന ആനിമേഷന്‍, മള്‍ട്ടീമീഡിയ കോഴ്‌സുകളിലേക്ക് എസ് എസ് എല്‍ സി/പ്ലസ്ടു/ഐ ടി ഐ/ വി എച്ച് എസ് ഇ/ ഡിഗ്രി/ ഡിപ്ലോമ പാസായവരില്‍ നിന്നും അപേക്ഷ ക്ഷണിച്ചു.  

സംസ്ഥാനത്തെ ഒന്നു മുതല്‍ പന്ത്രണ്ടുവരെ ക്ലാസുകളില്‍ പഠിപ്പിക്കുന്ന മുഴുവന്‍ അധ്യാപകര്‍ക്കും കേരള ഇന്‍ഫ്രാസ്ട്രക്ചര്‍ ആന്റ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്)ന്റെ നേതൃത്വത്തില്‍ നാലു ദിവസത്തെ ഐസിടി പരിശീലനം നല്‍കുന്ന പദ്ധതിയുടെ ഒന്നാം ബാച്ച് ജില്ലയില്‍ പൂര്‍ത്തിയായി. പ്രൈമറി-അപ്പര്‍ പ്രൈമറി വിഭാഗങ്ങളിലെ 1890 അധ്യാപകരാണ് 74 കേന്ദ്രങ്ങളിലായി പരിശീലനം പൂര്‍ത്തിയാക്കിയത്.