മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി പ്രകാരം അതിയന്നൂര്‍ ഗ്രാമപഞ്ചായത്തിലെ ഭാസ്‌കര്‍ നഗറില്‍ ഫാം പോണ്ട് നിര്‍മിച്ചു. 11 പേര്‍ക്ക് 129 തൊഴില്‍ ദിനങ്ങള്‍ ഇതിന്റെ ഭാഗമായി നല്‍കി.  36,000 രൂപയാണ് പദ്ധതി ചെലവ്.  ഭൂഗര്‍ഭ ജലത്തിന്റെ അളവും ലഭ്യതയും വര്‍ധിപ്പിക്കാന്‍ ഫാം പോണ്ടിലൂടെ കഴിയുമെന്നും കാര്‍ഷികാവശ്യത്തിനു ജലം ലഭിക്കുന്നതിന് പദ്ധതി പ്രയോജനപ്പെടുമെന്നും അതിയന്നൂര്‍ ജോയിന്റ് ബി.ഡി.ഒ എ.എം.സുശീല പറഞ്ഞു.
(പി.ആര്‍.പി. 210/2019)

വേനല്‍ക്കാലത്ത് തിരുവനന്തപുരം ജില്ലയില്‍ ജലദൗര്‍ലഭ്യമുണ്ടാകാതിരിക്കാന്‍ മുന്‍കരുതല്‍ നടപടികള്‍ ആരംഭിച്ചതായി ജലവിഭവ മന്ത്രി കെ. കൃഷ്ണന്‍കുട്ടി അറിയിച്ചു.  ജൂണ്‍ വരെ ആവശ്യമുള്ള വെള്ളം ഇപ്പോള്‍ ഡാമുകളിലുണ്ടെന്നും മന്ത്രി പറഞ്ഞു. നെയ്യാര്‍ ഡാമിന്റെ കാപ്പുകാട് മേഖലയിലും അരുവിക്കര ജലസംഭരണിയിലും സന്ദര്‍ശനത്തിനെത്തിയതായിരുന്നു അദ്ദേഹം.

അറ്റകുറ്റ പണികള്‍ നടക്കുന്നതിനാല്‍ വെള്ളയമ്പലം ഇലക്ട്രിക്കല്‍ സെക്ഷന്‍ പരിധിയില്‍ ജവഹര്‍നഗര്‍, ഭഗവതി നഗര്‍, കവടിയാര്‍, ഗോള്‍ഫ്‌ലിങ്കസ് റോഡ്, പേരൂര്‍ക്കട ഇലക്ട്രിക്കല്‍ സെക്ഷന്‍ പരിധിയില്‍ ഇടക്കുളം, ഇടക്കുളം ടെമ്പിള്‍, ദേവീ നഗര്‍, വിവേകാനന്ദ, കരകുളം പ്രദേശങ്ങളിലും ഇന്ന് (15 ഫെബ്രുവരി) രാവിലെ 9.30 മുതല്‍ വൈകുന്നേരം 5.30 വരെ വൈദ്യുതി മുടങ്ങുമെന്ന് കെ.എസ്.ഇ.ബി അറിയിച്ചു.
(പി.ആര്‍.പി. 220/2019)

ഹരിതകേരളം മിഷന്റെ കീഴിലുള്ള 'സുജലം സുഫലം' ഉപമിഷന്റെ പ്രവര്‍ത്തന മാര്‍ഗരേഖയുടെ രണ്ടാം ഘട്ട മേഖലാ പരിശീലനം പോത്തന്‍കോട് ബ്ലോക്ക് പഞ്ചായത്ത് ഹാളില്‍ നടന്നു. ബ്ലോക്ക് പഞ്ചായത്ത് പ്രസിഡന്റ് ഷാനിബാ ബീഗം ഉദ്ഘാടനം ചെയ്തു. വെട്ടൂര്‍ പഞ്ചായത്ത് പ്രസിഡന്റ് അഡ്വ. എ. അസീം ഹുസൈന്‍ അധ്യക്ഷത വഹിച്ച യോഗത്തില്‍ വിവിധ ഗ്രാമപഞ്ചായത്തു പ്രസിഡന്റുമാര്‍, ഉദ്യാഗസ്ഥര്‍ തുടങ്ങിയവര്‍ സംബന്ധിച്ചു.  ഹരിതകേരളം മിഷന്‍, കൃഷി വകുപ്പ്, കിലെ എന്നിവ സംയുക്തമായാണ് പരിശീലനത്തിനു നേതൃത്വം നല്‍കുന്നത്.
(പി.ആര്‍.പി. 219/2019)

ആറ്റിങ്ങല്‍ വലിയകുന്ന് താലൂക്ക് ആശുപത്രിയിലെ വിവിധ വികസനപദ്ധതികളുടെ ഉദ്ഘാടനം ആരോഗ്യ മന്ത്രി കെ.കെ. ശൈലജ ടീച്ചര്‍ നിര്‍വഹിച്ചു. 3.5 കോടി രൂപ ചെലവിട്ട് നിര്‍മിച്ച ഒ.പി. ബ്ലോക്ക്, 2.5 കോടി രൂപയുടെ ഡയാലിസിസ് യൂണിറ്റ്, ഖരമാലിന്യ സംസ്‌കരണ പ്ലാന്റ്, പുതിയ വനിതാ കാന്റീന്‍, ഷീ ടോയ്ലറ്റ്, സായി ഗ്രാമം സൗജന്യമായി സജ്ജമാക്കിയ ഡയാലിസിസ് യൂണിറ്റ് എന്നിവയുടെ നിര്‍മ്മാണോദ്ഘാടനമാണ് മന്ത്രി നിര്‍വഹിച്ചത്.  ബി. സത്യന്‍ എം.എല്‍.എയുടെ പ്രാദേശിക വികസന ഫണ്ട് ഉപയോഗിച്ച് നിര്‍മിച്ച ഹൈമാസ്റ്റ് ലൈറ്റിന്റെ ഉദ്ഘാടനവും നടന്നു.

ജില്ലയില്‍ പട്ടികവര്‍ഗ വികസനവകുപ്പിനു കീഴില്‍ പ്രവര്‍ത്തിക്കുന്ന മോഡല്‍ റസിഡന്‍ഷ്യല്‍ സ്‌കൂളുകളിലും പ്രീ മെട്രിക്/പോസ്റ്റ് മെട്രിക് ഹോസ്റ്റലുകളിലും കരാര്‍ അടിസ്ഥാനത്തില്‍ കൗണ്‍സിലര്‍മാരെ നിയമിക്കുന്നതിന് അപേക്ഷ ക്ഷണിച്ചു. മൂന്ന് ഒഴിവുകളാണുള്ളത്. എം.എ/എം.എസ്.എസി സൈക്കോളജി/എം.എസ്.ഡബ്ലൂ ആണ് യോഗ്യത. സ്റ്റുഡന്റ് കൗണ്‍സിലിംഗ് പരിശീലനം നേടിയവരാകണം

വട്ടിയൂര്‍ക്കാവ് സെന്‍ട്രല്‍ പോളിടെക്‌നിക്കില്‍ 2010-11 മുതല്‍ 2015-16 വരെ പഠിച്ച വിദ്യാര്‍ഥികളില്‍ വിദ്യാഭ്യാസ ആനൂകൂല്യം വാങ്ങിയിട്ടില്ലാത്തവര്‍ ഫെബ്രുവരി 28നു മുന്‍പ് തിരിച്ചറിയല്‍ രേഖ ഹാജരാക്കി തുക കൈപ്പറ്റണമെന്ന് പ്രിന്‍സിപ്പാള്‍ അറിയിച്ചു. വിദ്യാര്‍ഥികളുടെ പേരുകള്‍ www.cpt.ac.in എന്ന വെബ്‌സൈറ്റില്‍ ലഭ്യമാണ്.
(പി.ആര്‍.പി. 216/2019)

തിരുവനന്തപുരം താലൂക്കിലെ ചെറുവയ്ക്കല്‍ സ്മാര്‍ട്ട് വില്ലേജ് ഓഫീസിന്റെ ഉദ്ഘാടനം റവന്യു മന്ത്രി ഇ. ചന്ദ്രശേഖരന്‍ നിര്‍വഹിച്ചു. സഹകരണ മന്ത്രി കടകംപള്ളി സുരേന്ദ്രന്‍ അദ്ധ്യക്ഷത വഹിച്ച ചടങ്ങില്‍ കൗണ്‍സിലര്‍മാരായ വി.ആര്‍. സിനി, ജോണ്‍സണ്‍ ജോസഫ്, അലത്തറ അനില്‍കുമാര്‍ അഡീഷണല്‍ ജില്ലാ മജിസ്‌ട്രേറ്റ് വി.ആര്‍. വിനോദ്, തഹസില്‍ദാര്‍ ജി.കെ. സുരേഷ്‌കുമാര്‍ വിവിധ രാഷ്ട്രയ കക്ഷി നേതാക്കള്‍ തുടങ്ങിയവര്‍ പങ്കെടുത്തു.
(പി.ആര്‍.പി. 215/2019)

സര്‍ക്കാര്‍ അധികാരത്തില്‍ വന്നതിന് ശേഷം ജനങ്ങളുടെ പ്രാഥമിക സൗകര്യവികസനത്തിന് മുന്തിയ പരിഗണന നല്‍കിയത് വഴി കുടിവെള്ള വിതരണം ജില്ലയില്‍ കാര്യക്ഷമമായി പൂര്‍ത്തീകരിക്കാന്‍ സാധിച്ചു. കേരള വാട്ടര്‍ അതോറിറ്റി കോഴിക്കോട് പി.എച്ച്.ഡിവിഷനു കീഴില്‍ നിരവധി പ്രോജക്ടുകളാണ് ഈ കാലയളവില്‍ പൂര്‍ത്തീകരിച്ചത്. 

സര്‍ക്കാര്‍ അധികരത്തിലേറ്റ ശേഷം ജില്ലയില്‍ ഇറിഗേഷന്‍ വകുപ്പ് നടത്തിയ പ്രവര്‍ത്തനങ്ങള്‍ മാതൃകാപരമാണ്. കടല്‍ക്ഷോഭം കാരണം നിരന്തരം ബുദ്ധിമുട്ടനുഭവിച്ചിരുന്ന പുതിയങ്ങാടി എടക്കല്‍ ബീച്ച് സ്വദേശികളുടെ ദീര്‍ഘനാളത്തെ ആവശ്യം എന്ന നിലക്ക് 830 മീറ്റര്‍ നീളത്തില്‍ കടല്‍ഭിത്തിയുടെ നിര്‍മ്മാണം സമയബന്ധിതമായി പൂര്‍ത്തീകരിക്കാന്‍ വകുപ്പിന് സാധിച്ചു. കൂടാതെ  പുതിയങ്ങാടി എടക്കല്‍ തീരദേശത്തെ വീടുകളേയും മിനി ഫുട്ബോള്‍ സ്റ്റേഡിയത്തെയും  സംരക്ഷിക്കാനുള്ള കടല്‍ഭിത്തി നിര്‍മാമണവും പൂര്‍ത്തീകരിച്ചു.  5,78,68,927 രൂപ ഉപയോഗിച്ചാണ് രണ്ട് പ്രവൃത്തികളും പൂര്‍ത്തീകരിച്ചത്.