ജില്ലയിലെ അരിമ്പൂര്‍, ചാഴൂര്‍ ഗ്രാമപഞ്ചായത്തകളിലെ രണ്ട്‌ വാര്‍ഡുകളിലേക്ക്‌ ഫെബ്രുവരി 14 ന്‌ നടന്ന തെഞ്ഞെടുപ്പിന്‍െ്‌റ ഫലം പ്രഖ്യാപിച്ചു. അരിമ്പൂര്‍ ഗ്രാമപഞ്ചായത്തിലെ 12-ാം വാര്‍ഡായ വിളക്കുമാടത്തില്‍ സിപിഐ(എം) സ്ഥാനാര്‍ഥി സജീഷ്‌ സി.ജിയും ചാഴൂര്‍ ഗ്രാമപഞ്ചായത്തിലെ 11-ാം വാര്‍ഡായ കോലോത്തുംക്കടവില്‍ സി.പി.ഐ(എം) സ്ഥാനാര്‍ഥി അനുഷ സുനിലും വിജയിച്ചതായി ജില്ലാ തെരഞ്ഞെടുപ്പ്‌ ഉദ്യോഗസ്ഥ കൂടിയായ ജില്ലാ കളക്ടര്‍ ടി.വി. അനുപമ അറിയിച്ചു. ആകെ പോള്‍ ചെയ്‌ത 1230 വോട്ടുകളില്‍ 707 വോട്ട്‌ സജീഷ്‌ സി.ജി. നേടി. 354 വോട്ടിന്‍െ്‌റ ഭൂപരിപക്ഷത്തിലാണ്‌ വിജയം.

സംസ്ഥാന സര്‍ക്കാര്‍ ആയിരംദിനങ്ങള്‍ പൂര്‍ത്തിയാക്കുന്നതിനോടനുബന്ധിച്ച്‌ ജില്ലാ ഭരണകൂടം, ഇന്‍ഫര്‍മേഷന്‍-പബ്ലിക്ക്‌ റിലേഷന്‍സ്‌ വകുപ്പ്‌, ജില്ലാ പഞ്ചായത്ത്‌, തൃശൂര്‍ കോര്‍പ്പറേഷന്‍, ഇതര വകുപ്പുകള്‍ എന്നിവയുടെ നേതൃത്വത്തില്‍ സംഘടിപ്പിക്കുന്ന ജില്ലാതല ആഘോഷം ഫെബ്രുവരി 20 മുതല്‍ 27 വരെ തേക്കിന്‍ക്കാട്‌ മൈതാനം വിദ്യാര്‍ഥി കോര്‍ണറില്‍ നടക്കും.

കാര്‍ഷിക മേഖലയ്‌ക്കും വനിതാശാക്തീകരണത്തിനും പട്ടികജാതി പട്ടികവര്‍ഗ്ഗ ക്ഷേമത്തിനും സാമൂഹ്യസുരക്ഷയ്‌ക്കും ഊന്നല്‍ നല്‍കി 2019-20 ലെ ജില്ലാ പഞ്ചായത്ത്‌ ബജറ്റ്‌ ജില്ലാ പഞ്ചായത്ത്‌ വൈസ്‌ പ്രസിഡണ്ട്‌ എന്‍. കെ. ഉദയപ്രകാശന്‍ അവതരിപ്പിച്ചു. പ്രളയാനന്തരം ജില്ലയ്‌ക്ക്‌ ഒട്ടേറെ ക്ഷേമപദ്ധതികള്‍ ആസൂത്രണം ചെയ്‌ത്‌ അവതരിപ്പിച്ച ബജറ്റില്‍ 122 കോടി 52 ലക്ഷത്തി 53 ആയിരത്തി 867 രൂപ വരവും 122 കോടി 16 ലക്ഷത്തി 74 ആയിരത്തി 643 രൂപ ചെലവും 35 ലക്ഷത്തി 79 ആയിരത്തി 224 രൂപ മിച്ചവുമുണ്ട്‌. 16 കോടിയില്‍ പരം രൂപയാണ്‌ കാര്‍ഷിക മേഖലയ്‌ക്ക്‌ വകയിരുത്തിയിട്ടുള്ളത്‌.

സംസ്ഥാനതല പഞ്ചായത്ത്‌ ദിനാഘോഷം ഫെബ്രുവരി 18 ന്‌ തുടക്കം കുറിക്കും. ഫെബ്രുവരി 19 ന്‌ സമാപിക്കും. ലുലു കണ്‍വെന്‍ഷന്‍ സെന്ററില്‍ നടക്കുന്ന ആഘോഷ പരിപാടി 18ന്‌ രാവിലെ 11 മണിക്ക്‌ മുഖ്യമന്ത്രി പിണറായി വിജയന്‍ ഉദ്‌ഘാടനം ചെയ്യും. തദ്ദേശസ്വയംഭരണ വകുപ്പ്‌ മന്ത്രി എ.സി മൊയ്‌തീന്‍ അധ്യക്ഷത വഹിക്കും. പ്രതിപക്ഷ നേതാവ്‌ രമേശ്‌ ചെന്നിത്തല മുഖ്യപ്രഭാഷണം നടത്തും. മുന്‍ തദ്ദശസ്വയംഭരണ വകുപ്പ്‌ മന്ത്രിമാരായ പാലൊളി മുഹമ്മദ്‌കുട്ടി, ഡോ. എം കെ മുനീര്‍, കുട്ടി അഹമ്മദ്‌കുട്ടി, എം. പി മാരായ സി.എന്‍. ജയദേവന്‍, ഡോ. പി. കെ. ബിജു, ഇന്നസെന്റ്‌ എന്നിവര്‍ പങ്കെടുക്കും. കെ. ജി. പി. എ പ്രസിഡന്റ്‌ അഡ്വ. കെ.

     അറ്റകുറ്റപ്പണികള്‍ നടക്കുന്നതിനാല്‍ കഴക്കൂട്ടം ഇലക്ട്രിക്കല്‍ സെക്ഷന്‍ പരിധിയില്‍ ആറ്റിന്‍കുഴി, കല്ലുപാലം, കാപാലീശ്വരം അമ്പലം,  ടയോട്ട, നാലുമുക്ക്, പുല്ലാട്ട്കരി, മേനംകുളം മേല്‍പ്പാലം എന്നിവിടങ്ങളിലും    കുളത്തൂര്‍ ഇലക്ട്രിക്കല്‍ സെക്ഷന്‍ പരിധിയില്‍ കോലത്തുംകര, കുളത്തൂര്‍ എന്നീ ട്രാന്‍സ്‌ഫോര്‍മറുകളുടെ പരിധിയിലും പേരൂര്‍ക്കട ഇലക്ട്രിക്കല്‍ സെക്ഷന്‍ പരിധിയില്‍ ഇന്ദിരാനഗര്‍ ട്രാന്‍സ്‌ഫോര്‍മറിന്റെ പരിധിയിലും ഇന്ന് (ഫെബ്രുവരി 16) രാവിലെ 9.30 മുതല്‍ വൈകുന്നേരം 5.30 വരെ വൈദ്യുതി മുടങ്ങുമെന്ന് കെ.എസ്.ഇ.ബി. അറിയിച്ചു.                       
 (പി.ആര്‍.പി. 226/2019)

പ്രമുഖ എഴുത്തുകാരനായ കെ.എ. വേണുഗോപാലന്‍ രചിച്ച് കേരള ഭാഷാ ഇന്‍സ്റ്റിസ്റ്റ്യൂട്ട് പുറത്തിറക്കുന്ന 'നവ ലിബറലിസം' എന്ന പുസ്തകത്തിന്റെ പ്രകാശനം ഇന്ന് (ഫെബ്രുവരി 16) വൈകിട്ട് 4.30 ന് പ്രസ്‌ക്ലബ് ഹാളില്‍ നടക്കും.  എഴുത്തുകാരനും മുന്‍ എം.പിയുമായ എസ്. രാമചന്ദ്രന്‍പിള്ള പ്രകാശനകര്‍മം നിര്‍വഹിക്കും. കേരള ഓപ്പണ്‍ യൂണിവേഴ്‌സിറ്റി സ്‌പെഷ്യല്‍ ഓഫീസര്‍ ഡോ. ജെ. പ്രഭാഷ് പുസ്തകം ഏറ്റുവാങ്ങും.  ഭാഷാ ഇന്‍സ്റ്റിറ്റ്യൂട്ട് ഡയറക്ടര്‍ പ്രൊഫ. വി. കാര്‍ത്തികേയന്‍ അധ്യക്ഷത വഹിക്കും.
(പി.ആര്‍.പി. 225/2019)

തിരുവനന്തപുരം ജില്ലാ നെഹ്‌റു യുവകേന്ദ്രയില്‍ വോളണ്ടിയര്‍മാരുടെ 24 ഒഴിവുകളിലേയ്ക്ക് സന്നദ്ധപ്രവര്‍ത്തനത്തില്‍ താല്‍പ്പര്യമുള്ള യുവതീയുവാക്കളില്‍ നിന്ന് അപേക്ഷ ക്ഷണിച്ചു.  ജില്ലാ കളക്ടര്‍ ചെയര്‍മാനായുള്ള സമിതിയാണ് വോളണ്ടിയര്‍മാരെ തെരഞ്ഞെടുക്കുന്നത്.  

ആനയറ വലിയ ഉദേശ്വരം ഗവണ്മെന്റ് എല്‍.പി സ്‌കൂളിലെ പുതിയ സ്‌കൂള്‍ ബസ് സഹകരണ-ടൂറിസം-ദേവസ്വം മന്ത്രി കടകംപള്ളി സുരേന്ദ്രന്‍ ഫ്‌ളാഗ് ഓഫ് ചെയ്തു. മന്ത്രിയുടെ എം.എല്‍.എ ഫണ്ടില്‍ നിന്നും 11 ലക്ഷം രൂപ വിനിയോഗിച്ചാണ് പുതിയ ബസ് വാങ്ങിയത്.  
(പി.ആര്‍.പി. 223/2019)

      തിരുവനന്തപുരം ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി IX, നെയ്യാറ്റിന്‍കര ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി VII എന്നിവിടങ്ങളില്‍ അസിസ്റ്റന്റ് പബ്ലിക് പ്രോസിക്യൂട്ടര്‍ ഗ്രേഡ് 2 തസ്തികയിലെ രണ്ട് താല്‍ക്കാലിക ഒഴിവുകളിലേയ്ക്ക് അപേക്ഷ ക്ഷണിച്ചു. 2019 ജനുവരി ഒന്നിന് 22 നും 36 നും ഇടയില്‍ പ്രായമുള്ളവരെയാണ് പരിഗണിക്കുന്നത്.  എസ്.സി/എസ്.ടി/ഒ.ബി.സി വിഭാഗങ്ങള്‍ക്ക് നിയമാനുസൃത ഇളവ് ലഭിക്കും.  

      ജില്ലാ വികസനസമിതി യോഗം ഫെബ്രുവരി 23 രാവിലെ 10.30 ന് കളക്ടറേറ്റ് കോണ്‍ഫറന്‍സ് ഹാളില്‍ ചേരുമെന്ന് ജില്ലാ കളക്ടര്‍ അറിയിച്ചു.
(പി.ആര്‍.പി. 221/2019)