വിദേശത്ത് ജോലി തേടുന്നവര്‍ക്ക് നോര്‍ക്ക സംഘടിപ്പിക്കുന്ന സര്‍ട്ടിഫിക്കറ്റ് അറ്റസ്റ്റേഷന്‍ ക്യാമ്പ് മെയ് 10ന് രാവിലെ 10 മുതല്‍ ഉച്ചയ്ക്ക് ഒന്നു വരെ കളക്‌ട്രേറ്റ് കോണ്‍ഫറന്‍സ് ഹാളില്‍ നടക്കും.  അപേക്ഷകര്‍ http://202.88.244.146:8084/norka  എന്ന വെബ്‌സൈറ്റില്‍ രജിസ്റ്റര്‍ ചെയ്യണം.  

കുഷ്ഠരോഗ ലക്ഷണങ്ങള്‍ നേരത്തെ കണ്ടെത്തി ചികിത്സ ഉറപ്പാക്കുന്നതിന് ആരോഗ്യ വകപ്പ് നടത്തുന്ന അശ്വമേധം ഭവനസന്ദര്‍ശന പരിപാടിയില്‍ ആദ്യ രണ്ടു ദിനങ്ങളില്‍ ജില്ലയില്‍ സംശയകരമായ രോഗലക്ഷണങ്ങളുള്ള 688 പേരെ റഫര്‍ ചെയ്തതായി ജില്ലാ മെഡിക്കല്‍ ഓഫീസര്‍  ഡോ: ജേക്കബ് വര്‍ഗീസ് അറിയിച്ചു. രോഗം ബാധിച്ചിട്ടുണ്ടോ എന്ന് സ്ഥിരീകരിക്കുന്നതിന് ഇവരെ ത്വക്ക്‌രോഗ വിദഗ്ധന്‍ പരിശോധിക്കും. 

ആലപ്പുഴ: പട്ടികവർഗ്ഗ വികസന വകുപ്പിന് കീഴിൽ പ്രവർത്തിക്കുന്ന കൊല്ലം, ആലപ്പുഴ ജില്ലകളിൽ നിന്ന് മോഡൽ റസിഡൻഷ്യൽ സ്‌കൂളിലേക്കുള്ള കൗൺസിലർ, ജൂനിയർ ഹെൽത്ത് നഴ്‌സ് (പട്ടികവർഗ്ഗം) എന്നീ തസ്തകയിലേക്ക് നിയമനത്തിനായി അപേക്ഷിച്ചിട്ടുള്ളവർക്കായുള്ള അഭിമുഖം നെടുമങ്ങാട് ഐ.റ്റി.ഡി.പി ഓഫീസിൽ നടക്കും. വിശദവിവരങ്ങൾക്ക് നെടുമങ്ങാട് ഐ.റ്റി.ഡി.പി ഓഫീസുമായി ബന്ധപ്പെടുക. ഫോൺ: 0472- 2812557, 9496070328.

ആലപ്പുഴ: ഐ.ടി മേഖലയിലെ അവസരങ്ങൾക്ക്                              യുവതലമുറയെ  പ്രാപ്തരാക്കുക  ലക്ഷൃത്തോടെ ഹ്രസ്വകാല തൊഴിലധിഷ്ടിത ഐ.ടി. ഇന്റേൺഷിപ്പ് ഇൻ ലിനക്‌സ്, Linux, Apache, MySql & PHP ട്രെയിനിംങ്  പ്രോഗ്രാമിലേക്ക് അപേക്ഷ ക്ഷണിക്കുന്നു.പരിശീലനത്തിന്  പൊതുമേഖല സ്ഥാപനമായ കെൽട്രോണിന്റെ എറണാകുളത്തുള്ള കെൽട്രോൺ നോളജ് സെന്ററിൽ അവസരം ഒരുക്കുന്നു. ബി.ടെക്/ബി.ഇ പൂർത്തിയായവർക്കും, ഫലം പ്രതീക്ഷിക്കുന്നവർക്കും അപേക്ഷിക്കാം. കൂടുതൽ വിവരങ്ങൾക്കും അപേക്ഷാഫോമിനുമായി ബന്ധപ്പെടുക. ഫോൺ : 9207811878. വിലാസം : കെൽട്രോൺ നോളേജ് സെന്റർ,   കത്രിക്കടവ്, എറണാകുളം.   

ആലപ്പുഴ: ജില്ലാ എംപ്ലോയ്‌മെന്റ് എക്‌സ്‌ചേഞ്ചിന് കീഴിലുള്ള എംപ്ലോയബിലിറ്റി സെന്ററിൽ ബികോം കൂടാതെ കമ്പ്യൂട്ടർ ടാലി യോഗ്യതയുള്ള ഉദ്യോഗാർത്ഥികൾക്കായി അക്കൗണ്ടന്റ് തസ്തികയിൽ മെയ് മൂന്നിന് രാവിലെ 10ന് ജോലിക്ക് അഭിമുഖം നടക്കുന്നു. പ്രവർത്തി പരിചയം ആവശ്യമില്ല.ഫോൺ: 0477 -2230624,  0477-2230626,  9656421872.

ജില്ലാ ഭരണകൂടത്തിന്റെയും തൊഴില്‍ വകുപ്പിന്റെയും ജില്ലാ സ്‌പോട്‌സ് കൗണ്‍സിലിന്റെയും സംയുക്താഭിമുഖ്യത്തില്‍ ഇന്ന് (മെയ് ഒന്ന്) മെയ് ദിനത്തോടനുബന്ധിച്ചുള്ള കായിക മത്സരങ്ങള്‍ മലപ്പുറം എം.സ്.പി സ്‌കൂള്‍ ഗ്രൗണ്ടില്‍ നടക്കും.  മത്സരങ്ങള്‍ രാവിലെ 10ന് ജില്ലാ കലക്ടര്‍ അമിത് മീണ ഉദ്ഘാടനം ചെയ്യും. ജില്ലാ പൊലീസ് മേധാവി പ്രദീഷ്‌കുമാര്‍ അധ്യക്ഷത വഹിക്കും.