കുഷ്ഠരോഗ ലക്ഷണങ്ങള്‍ നേരത്തെ കണ്ടെത്തി ചികിത്സ ഉറപ്പാക്കുന്നതിന് ആരോഗ്യ വകുപ്പ് നടത്തുന്ന അശ്വമേധം പരിപാടിയില്‍ ജില്ലയില്‍ ഇന്നലെ വരെ 214013 വീടുകളിലെ 747055 പേരെ പരിശോധിച്ചു.  

മലപ്പുറം സിവില്‍ സ്റ്റേഷനിലുള്ള ഗവ. എംപ്ലോയീസ് കോ-ഓപ്പറേറ്റീവ് കണ്‍സ്യൂമര്‍ സൊസൈറ്റിയില്‍ സ്റ്റുഡന്റ് മാര്‍ക്കറ്റ് ആരംഭിച്ചു. എ.ഡി.എം ടി വിജയന്‍ ഉദ്ഘാടനം ചെയ്തു. ചടങ്ങില്‍ കണ്‍സ്യൂമര്‍ സൊസൈറ്റി പ്രസിഡന്റ് കെ. സദാനന്ദന്‍  അദ്ധ്യക്ഷത വഹിച്ചു. വി. വിജിത്, എം. ശ്രീഹരി, എന്‍.കെ ശിവശങ്കരന്‍ എന്നിവര്‍ സംസാരിച്ചു.   വിവിധ കമ്പനികളുടെ സ്‌കൂള്‍ / കോളേജ് ബാഗുകള്‍, നോട്ടു പുസ്തകങ്ങള്‍, വാട്ടര്‍ ബോട്ടിലുകള്‍, കുടകള്‍ വിദ്യാര്‍ഥികള്‍ക്കാവശ്യമായ   മറ്റ് ഉല്‍പന്നങ്ങള്‍ എന്നിവ കുറഞ്ഞ വിലയില്‍ ഇവിടെ നിന്നും ലഭിക്കും.

        
        ജില്ലയിലെ ഒഴിഞ്ഞ് കിടക്കുന്ന പൊതു- സ്വകാര്യ ഭൂമികളില്‍ ഫലവൃക്ഷങ്ങളും തണല്‍മരങ്ങളും വച്ച് പിടിപ്പിച്ച് ഭൂമിയുടെ ജൈവ വൈവിധ്യം തിരിച്ച് പിടിക്കുന്നതിനായി കര്‍മ്മ പദ്ധതി ആവിഷ്‌കരിച്ചു. ജൂണ്‍ അഞ്ചു മുതല്‍ ആഗസ്ത് 31 വരെയുള്ള കാലയളവില്‍ 27 ലക്ഷം ഫലവൃക്ഷത്തൈകള്‍ നഴ്‌സറികളില്‍ ഉല്‍പാദിപ്പിച്ച് നട്ടുവളര്‍ത്തുന്നതിനായാണ്   കര്‍മ്മ പദ്ധതി ആവിഷ്‌കരിച്ചത്.

  നെന്മേനി ഗ്രാമപ്പഞ്ചായത്തിലെ മഴക്കാലപൂര്‍വ ശുചീകരണം, പകര്‍ച്ചവ്യാധി നിയന്ത്രണം എന്നിവയുമായി ബന്ധപ്പെട്ട് പ്രസിഡന്റ് കെ.സി പത്മനാഭന്റെ അധ്യക്ഷതയില്‍ അവലോകന യോഗം ചേര്‍ന്നു. വികസനകാര്യ സ്റ്റാന്റിങ് കമ്മിറ്റി ചെയര്‍മാന്‍ പി.കെ രാമചന്ദ്രന്‍ പദ്ധതി വിശദീകരിച്ചു. പഞ്ചായത്ത് കോണ്‍ഫറന്‍സ് ഹാളില്‍ ചേര്‍ന്ന യോഗത്തില്‍ വൈസ് പ്രസിഡന്റ് എ.പി മേരി, ആരോഗ്യ സ്റ്റാന്റിങ് കമ്മിറ്റി ചെയര്‍മാന്‍ രാജഗോപാല്‍, സാബു കുഴിമാളം, അസിസ്റ്റന്റ് സെക്രട്ടറി അനീഷ് പോള്‍, എച്ച്‌ഐമാരായ സുരേഷ്ബാബു, ശിവപ്രകാശ്, വില്ലേജ് എക്‌സ്റ്റന്‍ഷന്‍ ഓഫിസര്‍ ഷനോജ് തുടങ്ങിയവര്‍ പങ്കെടുത്തു. 

         ചേളാരിയിലെ എ.കെ.എന്‍.എം.ഗവ. പോളിടെക്‌നിക്ക് കോളേജില്‍ കമ്മ്യൂണിറ്റി ഡവലപ്പ്‌മെന്റ് ത്രൂ പോളിടെക്‌നിക്ക് (സി.ഡി.ടി.പി) പദ്ധതിയുടെ ഭാഗമായി ഹ്രസ്വകാല സൗജന്യ തൊഴില്‍ പരിശീലന കോഴ്‌സിലേക്ക് അപേക്ഷ ക്ഷണിച്ചു.  കോഴ്‌സ് - ഫാഷന്‍ ഡിസൈനിങ് (6- മാസം), ഇലക്‌ട്രോണിക്   ടെക്‌നീഷ്യന്‍ (6- മാസം), ഓഫീസ് ഓട്ടോമേഷന്‍, (3- മാസം). യോഗ്യത - എസ്. എസ്. എല്‍. സി. അപേക്ഷ ലഭിക്കേണ്‍ അവസാന തിയ്യതി മെയ് 10.  ഫോണ്‍ 0494 2401136, 984773763

പുത്തനത്താണി ബൈപ്പാസ്സില്‍ പ്രവൃത്തി നടക്കുന്നതിനാല്‍ ഇതിലൂടെയുള്ള വാഹന ഗതാഗതം ഇന്ന് (മെയ് നാല്) മുതല്‍ നിരോധിച്ചു.  വാഹനങ്ങള്‍ പുത്തനത്താണി ജങ്ഷന്‍ വഴി പോകണം.

നാഷണല്‍ ട്രസ്റ്റ് ലോക്കല്‍ ലെവല്‍ കമ്മിറ്റിയോഗം മെയ് 13 ന് രാവിലെ 10ന് ജില്ലാ കലക്ടറുടെ ചേമ്പറില്‍ ചേരും.