റാന്നി നിയോജകമണ്ഡലത്തിലെ  ഗ്രാമീണമേഖലയിലുളള മൂന്ന് പൊതുമരാമത്ത്  റോഡുകള്‍കൂടി രാജ്യാന്തര നിലവാരത്തിലേക്ക്. മൂന്ന് റോഡുകളുടെ പുനരുദ്ധാരണത്തിനായി 10 കോടി രൂപ അനുവദിച്ചതായി രാജു ഏബ്രഹാം എംഎല്‍എ അറിയിച്ചു.

വള്ളിക്കോട് ഗ്രാമപഞ്ചായത്തിലെ കെട്ടിട നികുതി കുടിശിക മാര്‍ച്ച് 31 വരെ പിഴപ്പലിശ ഒഴിവാക്കി ഒടുക്കാമെന്ന് സെക്രട്ടറി അറിയിച്ചു.                          (പിഎന്‍പി 583/19)

ക്ഷീരവികസന മേഖലയില്‍ സ്വയം പര്യാപ്തത കൈവരിക്കണം എന്നതാണ് സര്‍ക്കാര്‍ ലക്ഷ്യമിടുന്നതെന്ന് ചിറ്റയം ഗോപകുമാര്‍ എംഎല്‍എ പറഞ്ഞു. ക്ഷീരവികസന വകുപ്പിന്റെ 2018-2019 വര്‍ഷത്തെ പദ്ധതി പ്രവര്‍ത്തനത്തിന്റെ ഭാഗമായി അടൂര്‍ ഗവ. ബോയിസ് ഹയര്‍സക്കന്‍ഡറി സ്‌കൂളില്‍ അനുവദിച്ച സ്റ്റുഡന്‍സ് ഡയറി ക്ലബ് ഉദ്ഘാടനം ചെയ്ത് സംസാരിക്കുകയായിരുന്നു എംഎല്‍എ. പുതുതലമുറയിലെ വിദ്യാര്‍ഥികള്‍ക്ക് ക്ഷീരവികസനമേഖലയുടെ സാധ്യതകളും, തൊഴിലവസരങ്ങളും പരിചയപ്പെടുത്തുക, കാര്‍ഷികവൃത്തിയിലേക്ക് യുവജനങ്ങളെ ആകര്‍ഷിക്കുക എന്നതാണ് സ്റ്റുഡന്‍സ് ഡയറി ക്ലബിന്റെ ലക്ഷ്യം. 

കോന്നി താലൂക്ക് ഓഫീസില്‍ ഇന്ന് (16) നടത്താനിരുന്ന താലൂക്ക്തല ഭൂമിപതിവ് കമ്മിറ്റി മാറ്റിവച്ചതായി തഹസീല്‍ദാര്‍ അറിയിച്ചു.                             (പിഎന്‍പി 580/19)

വടശേരിക്കര ഗ്രാമപഞ്ചായത്തിലെ കെട്ടിട നികുതി കുടിശിക പിഴപ്പലിശ ഒഴിവാക്കി  ഒറ്റത്തവണയായി ഒടുക്കാമെന്ന് സെക്രട്ടറി അറിയിച്ചു.  വ്യാപാരികള്‍ക്ക് ലൈസന്‍സ് പുതുക്കുന്നതിന് ഈ മാസം 28 വരെ പഞ്ചായത്തില്‍ അപേക്ഷ നല്‍കാം.                                                                                     (പിഎന്‍പി 579/19)

സൗദി അറേബ്യയിലെ അല്‍-മൗവ്വാസാത്ത് ഹെല്‍ത്ത് ഗ്രൂപ്പിലേക്ക് ബി.എസ്.സി/ ഡിപ്ലോമ നഴ്‌സുമാരെ (സ്ത്രീകള്‍ മാത്രം) നിയമിക്കുന്നതിനായി ഒഡെപെക് വഴുതക്കാട് ഓഫീസില്‍ ഈ മാസം 21ന് സ്‌കൈപ്പ് ഇന്റര്‍വ്യൂ ചെയ്യും. പങ്കെടുക്കാന്‍ താത്പര്യമുള്ളവര്‍ ബയോഡേറ്റ, സര്‍ട്ടിഫിക്കറ്റുകളുടെ പകര്‍പ്പുകള്‍ എന്നിവ സഹിതം എന്ന ഇ-മെയിലില്‍ അപേക്ഷിക്കണം. ഫോണ്‍: 0471 2329440/41/42/43/45. 

                   (പിഎന്‍പി 578/19)

പമ്പാ സ്‌നാനഘട്ടത്തില്‍ വെള്ളം കുറവായതിനാല്‍ കുള്ളാര്‍ ഡാമില്‍ നിന്നും 25000 ഘനഅടി ജലം 15,16 തീയതികളിലായി തുറന്നുവിടുമെന്ന് എഡിഎം അറിയിച്ചു. പമ്പാനദിയില്‍ മൂന്ന് മുതല്‍ അഞ്ച് സെന്റീമീറ്റര്‍ വരെ മാത്രമേ ജലനിരപ്പ് ഉയരുകയുള്ളൂവെങ്കിലും പമ്പയില്‍ സ്‌നാനം ചെയ്യുന്ന തീര്‍ഥാടകര്‍ ജാഗ്രത പാലിക്കണം. 

          (പിഎന്‍പി 577/19)

വനം വന്യജീവി വകുപ്പ് പെരിയാര്‍ ടൈഗര്‍ റിസര്‍വ് അട്ടത്തോട് ഗവണ്‍മെന്റ് ട്രൈബല്‍ എല്‍പി സ്‌കൂളിന് അനുവദിച്ച 32 സീറ്റ് ബസിന്റെ താക്കോല്‍ദാനവും അട്ടത്തോട് ഭാഗത്ത് പുതുതായി ആരംഭിച്ച പമ്പാജേ്യാതി ജനസേവന കേന്ദ്രത്തിന്റെ ഉദ്ഘാടനവും രാജുഎബ്രഹാം എംഎല്‍എ നിര്‍വഹിച്ചു. പെരിയാര്‍ വെസ്റ്റ് ഡിവിഷന്‍ ഡെപ്യൂട്ടി ഡയറക്ടര്‍ സി.കെ.ഹാബി, രാജന്‍ വെട്ടിക്കല്‍, ഹെഡ്മിസ്ട്രസ് സുജാകുമാരി, പിറ്റിഎ പ്രസിഡന്റ് ബിനു, തുടങ്ങിയവര്‍ സംസാരിച്ചു. 

         (പിഎന്‍പി 576/19)