ധനകാര്യ വകുപ്പിന്റെ കീഴിലുള്ള സ്പാർക്ക് പ്രോജക്ടിലേക്ക് ട്രെയിനർ തസ്തികയിലേക്ക് ഉദ്യോഗാർത്ഥികളെ എംപാനൽ ചെയ്യുന്നു. വിദ്യാഭ്യാസ യോഗ്യത, നിബന്ധനകൾ തുടങ്ങിയ വിവരങ്ങൾ www.info.spark.gov.in  എന്ന വെബ്‌സൈറ്റിൽ ലഭ്യമാണ്.

ധനകാര്യ വകുപ്പിന്റെ കീഴിലുള്ള സ്പാർക്ക് പി.എം.യുവിൽ ജൂനിയർ സിസ്റ്റം അഡ്മിനിസ്‌ട്രേറ്റർ തസ്തികയിലേക്ക് കരാറടിസ്ഥാനത്തിൽ നിയമനം നൽകുന്നു. വിദ്യാഭ്യാസ യോഗ്യത, നിബന്ധനകൾ തുടങ്ങിയ വിവരങ്ങൾ www.info.spark.gov.in എന്ന വെബ്‌സൈറ്റിൽ ലഭ്യമാണ്.

നാടിന്റെ വികസനം അടിസ്ഥാന സൗകര്യം മെച്ചപ്പെടുത്തിയാവണം എന്ന ലക്ഷ്യത്തിലൂന്നി ആദിവാസി കോളനികളുടെ അടിസ്ഥാന സൗകര്യങ്ങൾ മെച്ചപ്പെടുത്തുന്നതിനായി പട്ടികവർഗ വികസന വകുപ്പ് നടത്തുന്ന പ്രവർത്തനങ്ങൾ ശ്രദ്ധേയമാകുന്നു. പ്രദേശത്തിന്റെ വികസനത്തോടൊപ്പം അവിടെയുള്ളവർക്ക്  ജീവിത മാർഗം ലഭ്യമാക്കുന്നതിന് നിരവധി പദ്ധതികളാണ് ജില്ലയിലെ വിവിധ കോളനികളിലായി പട്ടികവർഗ വികസന വകുപ്പിന് കീഴിലെ ഐടിഡിപി നടപ്പാക്കുന്നത്. 

* ആയുഷ് കോൺക്ലേവ്: എൽ.എസ്.ജി. ലീഡേഴ്സ് മീറ്റ് സംഘടിപ്പിച്ചു

കേന്ദ്ര സർക്കാർ സഹായത്തോടെ നടപ്പിലാക്കുന്ന പ്രധാൻമന്ത്രി ആവാസ് യോജന (ഗ്രാമീൺ) പദ്ധതിയിൽ സംസ്ഥാന തലത്തിൽ പൂർത്തീകരിച്ച വീടുകളുടെ എണ്ണത്തിൽ കണ്ണൂർ ജില്ല ഒന്നാം സ്ഥാനത്ത്. 2016-17, 2017-18 വർഷങ്ങളിൽ ആകെ അനുവദിച്ച 690 വീടുകളിൽ 644 വീടുകളും (93.33 ശതമാനം) ജില്ലയിൽ ഇതിനോടകം തന്നെ പൂർത്തീകരിച്ചു. കോട്ടയം (91.51 ശതമാനം), പത്തനംതിട്ട (90.90 ശതമാനം) എന്നീ ജില്ലകൾ യഥാക്രമം രണ്ടും, മൂന്നും സ്ഥാനങ്ങളിൽ നിൽക്കുന്നു. 

ജില്ലയിലെ മൂന്ന് തദ്ദേശ സ്ഥാപന വാർഡുകളിൽ ഫെബ്രുവരി 14ന് നടന്ന ഉപതെരഞ്ഞെടുപ്പുകളുടെ ഫലം. ശ്രീകണ്ഠാപുരം നഗരസഭയിലെ കാവുമ്പായിയിൽ ഇ രാജൻ (സിപിഐ-എം) 415ഉം ടി മാധവൻ (ഐഎൻസി) 170ഉം വോട്ടുകൾ നേടി. കല്ല്യാശ്ശേരി ഗ്രാമപഞ്ചായത്തിലെ വെള്ളാഞ്ചിറയിൽ കെ മോഹനൻ (സിപിഐ-എം) 731ഉം പ്രമോദ് (ഐഎൻസി) 92ഉം കീഴല്ലൂർ ഗ്രാമപഞ്ചായത്തിലെ എളമ്പാറയിൽ ആർ കെ കാർത്തികേയൻ (എൽഡിഎഫ് സ്വതന്ത്രൻ) 593, കെ എം പ്രേമരാജൻ (ഐഎൻസി) 324, ഇ നാരായണൻ (ബിജെപി) 98 എന്നിങ്ങനെ വോട്ടുകളും നേടി. 

മരുന്നു വ്യവസായം വലിയ ചൂഷണം: ടി.പത്മനാഭൻ

മനുഷ്യനെ അങ്ങേയറ്റം ചൂഷണം ചെയ്യുന്ന വ്യവസായമാണ് മരുന്നു നിർമാണവും വിതരണവും വിൽപനയുമെന്ന് കഥാകൃത്ത് ടിപത്മനാഭൻ. വൃക്കമാറ്റിവെച്ചവർക്കു സൗജന്യമായി മരുന്നു നൽകുന്ന ജില്ലാ പഞ്ചായത്തിന്റെ പദ്ധതി ഉദ്ഘാടനം ചെയ്യുകയായിരുന്നു അദ്ദേഹം. നമ്മുടെ നാടു ഭരിക്കുന്നതുതന്നെ മരുന്നുനിർമാണ കമ്പനികളാണോ എന്നു ചിലപ്പോൾ തോന്നിയിട്ടുണ്ട്. അത്യന്തം അവിശുദ്ധമായ കൂട്ടുകെട്ടാണ് മരുന്നു നിർമാണ കമ്പനികൾ, വിതരണക്കാർ, വിൽപനക്കാർ, മരുന്നു നിർദേശിക്കുന്ന ഡോക്ടർമാർ, ആശുപത്രി അധികൃതർ എന്നിവർക്കിടയിലുള്ളത്.