സംസ്ഥാന ഇലക്ട്രിസിറ്റി ലൈസന്‍സിങ് ബോര്‍ഡിന്റെ നടപടിക്രമങ്ങളില്‍ വ്യതിയാനം വരുത്തേണ്ടതുണ്ടോ എന്നതു സംബന്ധിച്ച് വൈദ്യുതീകരണ മേഖലയില്‍ പ്രവര്‍ത്തിക്കുന്നവരില്‍നിന്ന് അഭിപ്രായങ്ങള്‍ തേടുന്നു.  കൂടുതല്‍ വിവരങ്ങള്‍ക്ക് www.ceikerala.gov.in എന്ന വെബ്‌സൈറ്റ് സന്ദര്‍ശിക്കുക.
(പി.ആര്‍.പി. 534/2019)

കേരള പബ്ലിക് സര്‍വീസ് കമ്മീഷന്‍ ജൂണ്‍ മാസത്തില്‍ നടത്തുന്ന യൂണിവേഴ്‌സിറ്റി അസിസ്റ്റന്റ് പരീക്ഷയ്ക്കു തയ്യാറെടുക്കുന്ന ഉദ്യോഗാര്‍ഥികള്‍ക്കായി തിരുവനന്തപുരം ജില്ലാ എംപ്ലോയ്‌മെന്റ് എക്‌സ്‌ചേഞ്ച് 30 ദിവസത്തെ സൗജന്യ പരിശീലന പരിപാടി സംഘടിപ്പിക്കുന്നു.  ഈ പരിപാടിയില്‍ പങ്കെടുക്കാന്‍ താല്‍പ്പര്യമുള്ളവര്‍ തിരുവനന്തപുരം ജില്ലാ എംപ്ലോയ്‌മെന്റ് ഓഫീസിലെ വൊക്കേഷണല്‍ യൂണിറ്റുമായി ബന്ധപ്പെടണമെന്ന് ജില്ലാ എംപ്ലോയ്‌മെന്റ് ഓഫീസര്‍ അറിയിച്ചു.  കൂടുതല്‍ വിവരങ്ങള്‍ക്ക് 8281075156.
(പി.ആര്‍.പി. 533/2019)

മഴക്കാല പൂര്‍വ ശുചീകരണ - രോഗപ്രതിരോധ പ്രവര്‍ത്തനങ്ങളുമായി ബന്ധപ്പെട്ട് തിരുവനന്തപുരം കോര്‍പ്പറേഷന്‍ ആസൂത്രണം ചെയ്ത പ്രവര്‍ത്തനങ്ങള്‍ വിശദീകരിക്കുന്നതിനും ഇക്കാര്യത്തില്‍ സ്വകാര്യ ആശുപത്രികള്‍ ഉള്‍പ്പെടെയുള്ള ആരോഗ്യ സ്ഥാപനങ്ങളുടെ ഇടപെടല്‍ സംബന്ധിച്ചു ചര്‍ച്ച ചെയ്യുന്നതിനുമുള്ള യോഗം ഇന്ന് (മേയ് 04) രാവിലെ 11ന് കോര്‍പ്പറേഷന്‍ മിനി കോണ്‍ഫറന്‍സ് ഹാളില്‍ ചേരുമെന്ന് മേയര്‍ അറിയിച്ചു.

തളിപ്പറമ്പ് നാടുകാണിയിലുളള അപ്പാരല്‍ ട്രെയിനിംഗ് ആന്റ് ഡിസൈന്‍ സെന്റര്‍ സൗജന്യ താമസ ഭക്ഷണ സൗകര്യങ്ങളോടുകൂടി 270 മണിക്കൂര്‍ ദൈര്‍ഘ്യമുളള തയ്യല്‍ പരിശീലനം നടത്തും. താല്‍പര്യമുളളവര്‍ മെയ് എട്ടിനകം സെന്ററില്‍ അറിയിക്കണം. ഫാണ്‍ - 0460 2226110, 9746394616, 9744917200.

ചുങ്കം ബൈപാസ് റോഡില്‍ പുനരുദ്ധാരണ പ്രവൃത്തി നടക്കുന്നതിനാല്‍ ഈ വഴിയുളള ഗതാഗതം ഇന്ന് (മെയ് 4 ) മുതല്‍ പ്രവൃത്തി തീരുന്നതു വരെ നിരോധിച്ചു. ഇതു വഴിയുളള വാഹനങ്ങള്‍ ചുങ്കം ജംഗ്ഷന്‍ വഴി പോകേണ്ടതാണെന്ന് എക്‌സിക്യൂട്ടീവ് എഞ്ചിനീയര്‍ അറിയിച്ചു.

ദേശീയ ആരോഗ്യ ദൗത്യത്തിന് കീഴില്‍ ക്യാപ്ച്ചര്‍ എ ഹെല്‍ത്ത് ക്ലിക്ക് എന്ന പേരില്‍ ഫോട്ടോഗ്രാഫി മത്സരം സംഘടിപ്പിക്കും. ആരോഗ്യവും ആരോഗ്യപ്രവര്‍ത്തനങ്ങളുമായി ബന്ധപ്പെട്ട ചിത്രങ്ങളായിരിക്കണം മല്‍സരത്തിനായി അയക്കേണ്ടത്. വിശദവിവരങ്ങള്‍ക്ക് ദേശീയ ആരോഗ്യ ദൗത്യത്തിന്റെ ഔദ്യോഗിക ഫേസ് ബുക്ക് പേജായ നാഷണല്‍ ഹെല്‍ത്ത് മിഷന്‍ കോഴിക്കോട് സന്ദര്‍ശിക്കുക. 

മഴക്കാലപൂര്‍വ്വ ശുചീകരണം, പകര്‍ച്ച വ്യാധി പ്രതിരോധം എന്നിവ കാര്യക്ഷമമായി നടപ്പാക്കുന്നതിനുള്ള ആരോഗ്യജാഗ്രതാ പരിപാടിയുടെ ഭാഗമായി ഇന്ന് ( മെയ് 4)  ഉച്ചയ്ക്ക് രണ്ട് മണിക്ക് കലക്‌ട്രേറ്റ് കോണ്‍ഫറന്‍സ് ഹാളില്‍ യോഗം ചേരും. മന്ത്രിമാരായ ടി.പി രാമകൃഷ്ണന്‍, എ.കെ ശശീന്ദ്രന്‍, മേയര്‍ തോട്ടത്തില്‍ രവീന്ദ്രന്‍, ജില്ലയിലെ എം.എല്‍.എമാര്‍, വിവിധ വകുപ്പ് മേധാവികള്‍, മിഷന്‍ കോര്‍ഡിനേറ്റര്‍മാര്‍ എന്നിവര്‍ യോഗത്തില്‍ പങ്കെടുക്കും.    

കേരള സഹകരണ ട്രൈബ്യൂണൽ എം.ജി പത്മിനി മേയ് 17ന് കോട്ടയം ജില്ലാ സഹകരണ ബാങ്കിലും, 23ന് ആലപ്പുഴ പോലീസ് ക്രെഡിറ്റ് കോ-ഓപ്പറേറ്റീവ് സൊസൈറ്റി ഹാളിലും, 28ന് എറണാകുളം സർക്കാർ ഗസ്റ്റ്ഹൗസ് ലൈബ്രറി ഹാളിലും 10നും 30നും ആസ്ഥാനത്തും സിറ്റിംഗ് നടത്തും.

പി.എൻ.എക്സ്. 1212/19

മുൻമന്ത്രി വിശ്വനാഥമോനോന്റെ നിര്യാണത്തിൽ തുറമുഖ വകുപ്പു മന്ത്രി രാമചന്ദ്രൻ കടന്നപ്പള്ളി അനുശോചിച്ചു.  കേരളത്തിന്റെ ധനകാര്യ വകുപ്പ് മന്ത്രിയും മുൻ എം.പിയും സർവ്വോപരി തൊഴിലാളി സംഘടനാ രംഗത്തെ പ്രമുഖ നേതാവ് എന്നീ വിവിധ തലങ്ങളിൽ ഒരുകാലത്ത് കേരളത്തിലെ രാഷ്ട്രീയ ഭരണരംഗത്ത് ശ്രദ്ധേയനായിരുന്നു അന്തരിച്ച വിശ്വനാഥമേനോനെന്ന് അദ്ദേഹം അനുസ്മരിച്ചു

പി.എൻ.എക്സ്. 1211/19